იბერიული, ქვევრის კახური მწვანე, თეთრი მშრალი ღვინო, 2017 წ.

დახასიათება

ღვინო დამზადებულია უმაღლესი ხარისხის კახური მწვანეს ჯიშის ყურძნისგან, მოწეული კახეთში, თელიანის მკაცრად კონტროლირებად მიკროზონაში გაშენებული „შუმის“ კუთვნილ ვენახში „ბაღთაუბანი“. ვენახი მდებარეობს მდინარე ალაზნის მარჯვენა სანაპიროზე, ზღვის დონიდან 500 მეტრ სიმაღლეზე. ღვინო დადუღებული და დავარგებულია კახური ტრადიციული მეთოდით, ქვევრში ჭაჭაზე 6-თვიანი მაცერაციით. დავარგების პროცესი კი გრძელდება ფრანგული მუხის კასრში. ღვინო ქარვისფერია. აქვს მდიდარი ბუკეტი, მწიფე ხილის არომატითა და დაბალანსებული, სასიამოვნო მჟავიანობით. ხასიათდება, ჯიშური არომატითა და ხანგრძლივი დაბოლოებით. შესაძლებელია მცირედი კეთილშობილი ნალექის წარმოქმნა. სასურველია მიირთვათ: +14-16°C ტემპერატურაზე.

ბრენდის ისტორია

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.