იბერიული, მუკუზანი, საფერავი, წითელი მშრალი ღვინო.

დახასიათება

იბერიულის ხაზის "მუკუზანი" - წითელი მშრალი ღვინო - დამზადებულია უმაღლესი ხარისხის საფერავის ჯიშის ყურძნისაგან, მოწეული კახეთში, მუკუზნის მკაცრად კონტროლირებად მიკროზონაში გაშენებული შუმის კუთვნილი ვენახიდან „დედოფლის ვენახი“. ღვინო დაძველებულია ფრანგული ლიმუზინის მუხის კასრებში და წარმოადგენს ხარისხის უმაღლეს ეტალონს. ღვინო მუქი ლალისფერია, მკვეთრად გამოხატული ჯიშური არომატით. აქვს მწიფე ხილის გემო და რთული ბუკეტი. გააჩნია მაღალი ექსტრაქტიულობა და ჰარმონიული გემო. სასურველია მიირთვათ +16–18°C ტემპერატურაზე.

ბრენდის ისტორია

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.