ჰიგიენიკა - Higienika ტილების და წილების საწინააღმდეგო 4% ლოსიონი სავარცხლით 60მლ
აღწერა
ჰიგიენიკა პლიუსი - ტილების და წილების საწინააღმდეგო ლოსიონი
60 მლ-იანი ფლაკონი სავარცხლით
შემადგენლობა:
დიმეტიკონი - 4%,
ნიმის ხის ფოთლების ექსტრაქტი -5%,
ლავანდის ზეთი 0,1%,
ციკლოპენტასილოქსანი - 100%-მდე
"ჰიგიენიკა პლიუსი" ეფექტური საშუალებაა >დატილიანების სამკურნალოდ.
მოქმედებს, მხოლოდ 15 წთ-მდე დაყოვნების შემთხვეაში.
მისი აქტიური კომპონენტებია: დიმეტიკონი, ნიმის ხის ფოთლები და ლავანდის ზეთი.
დიმეტიკონი - ქიმიური სტრუქტურით წარმოადგენს სილიკონს და აბსოლუტურად უვნებელია ადამიანისთვის. თითქმის არასოდეს იწვევს გვერდით მოვლენებს.
ნიმის ხის ფოთლების ექსტრაქტი (Azadirachta indica) - ძალიან ეფექტურია ტილების მოსაშორებლად, ამასთანავე აღადგენს გათხელებულ, გამომშრალ თმას, ატენიანებს შეღებვით ან უარყოფითი გარეგანი ზემოქმედებით დაზიანებულ თმას, ამაგრებს თმის ძირებს, უბრუნებს ჯანსაღ იერს, ბზინვარებას და სირბილეს.
ლავანდის ზეთი - აქვს მსუბუქი, დამამშვიდებელი არომატი, დადებითად მოქმედებს სკალპის მდგომარეობაზე, ხსნის გაღიზიანებას. ხშირად გამოიყენება, როგორც სოკოს საწინააღმდეგო და ანტიბაქტერიული საშუალება ქერტლისა და ქავილის წინააღმდეგ, რაც მას ხდის შეუცვლელს თმის მოვლაში.
გამოყენების წესი:
1. შეამოწმეთ ოჯახის ყველა წევრი ტილებსა და წილებზე, ჰიგიენიკას კომპლექტში შემავალი სპეციალური სავარცხლის გამოყენებით, უმჯობესია მშრალ თმაზე, კარგი განათების პირობებში. წინასწარ კარგად დაივარცხნეთ თმა, ყურადღება მიაქციეთ ტილებისა და წილების ლოკალიზაციის ადგილებს - ყურების უკან და თავის უკანა, ქვედა ნაწილში. ყოველი ჩამოვარცხნის შემდეგ გაწმინდეთ სავარცხელი თეთრი ხელსახოცით. ოჯახის ყველა წევრს, ვისაც აღმოაჩნდება ტილები, უნდა ჩაუტარდეს ერთდროული მკურნალობა, რათა თავიდან იქნას აცილებული ხელახალი დატილიანება.
2. გამოყენებამდე შეანჯღრიეთ ფლაკონი. შემდეგ წაისვით ჰიგიენიკა პლუსის საჭირო რაოდენობა მშრალ თმაზე, სრულ დატენიანებამდე. მასაჟის მოძრაობებით, თანაბრად გადაანაწილეთ პროდუქტი თმის მთელ სიგრძეზე. გრძელი და განსაკუთრებულად სქელი თმა უნდა დამუშავდეს გულდასმით, სათითაოდ. დაიტოვეთ "ჰიგიენიკა პლიუსი" თმაზე 15 წუთის განმავლობაში.
3. 15 წუთის შემდეგ ააქაფეთ, საჭირო რაოდენობის წყლითა და შამპუნით. კარგად ჩამოიბანეთ თბილი გამდინარე წყლით. ჩამორეცხვის გართულების შემთხვევაში შეიძლება გამოყენებულ იქნას ქაღალდის პირსახოცები. ქაფის გასანეიტრალებლად შეიძლება გამოვიყენოთ კვერცხის გული, ხოლო ცხიმის მოსაცილებლად სიმინდის სახამებელი, რომელიც კარგად შთანთქავს პროდუქტის ნარჩენებს.
4. თმას ტილები და წილები მოაცილეთ შეფუთვაში არსებული სავარცხლით. გრძელი და სქელი თმა დაყავით წვრილ ნაწილებად და დაივარცხნეთ თმა ძირებიდან ბოლოებამდე. ყოველი ჩამოვარცხნის შემდეგ გაწმინდეთ სავარცხელი ხელსახოცით.
5. საჭიროების შემთხვევაში გაიმეორეთ მკურნალობა "ჰიგიენიკა პლიუსი" -ით 7-10 დღის შემდეგ. თმის არასათანადოდ დამუშავებაზე ეჭვის შემთხვევაში, პროცედურის გამეორება უზრუნველყოფს შემთხვევით დარჩენილი ტილებისა თუ წილების განადგურებას. ასევე მნიშვნელოვანია სანიტარიული და ჰიგიენური წესების დაცვა. განსაკუთრებით, საწოლებისა და პირადი ნივთების თერმული დამუშავება. თეთრეულის დამუშავება გულისხმობს ნებისმიერი სარეცხი ფხვნილით 20 წუთის განმავლობაში დუღილს და მის ზედმიწევნით დაუთოებას. მკურნალობის დაწყებამდე აუცილებელია ოჯახის წევრების მიერ გამოყენებული ჯაგრისების, სავარცხლების, თმის სამაგრების და სხვა ნივთების გარეცხვა. ბინა და მანქანა კარგად უნდა გაიწმინდოს მტვერსასრუტით და, თუ ეს შესაძლებელია, დამუშავდეს პესტიციდებით.
უკუჩვენებები:
· არ არის რეკომენდებული 3 წლამდე ასაკის ბავშვებში.
· უკუნაჩვენებია ორსულობისა და ლაქტაციის დროს;
· უკუნაჩვენებია პროდუქტის რომელიმე კომპონენტის მიმართ ინდივიდუალური აუტანლობის, ასვევე მგრძნობიარე კანის ან კანის სხვადასხვა დაავადებების შემთხვევაში.
აფთიაქებიდან გაცემის პირობები: რეცეპტის გარეშე
გამოშვების ფორმა: 60 მლ-იანი ფლაკონი სავარცხლით
შენახვის წესი: ინახება გრილ (არაუმეტეს 15°C-25°C), მშრალ, ბავშვებისათვის მიუწვდომელ ადგილას.
მწარმოებელი: Vetprom AD
ქვეყანა: ბულგარეთი