ჰემაგელი პროქტო - Hemagel Procto 10 რექტალური სუპოზიტორია

ჰემაგელ®პროქტო  

სუპოზიტორიები

ზოგადი აღწერა

ჰემაგელ®პროქტო წარმოადგენს თეთრი ტორპედოს ფორმის სუპოზიტორიებს, რომლის შემადგენლობა შემუშავებულია ჩეხეთის რესპუბლიკის მეცნიერებათა აკადემიის მაკრომოლეკულური ქიმიის ინსტიტუტის მიერ.

დანიშნულება 

ჰემაგელ®პროქტო მოწოდებულია სწორი ნაწლავის ლორწოვანი გარსის მწვავე და ქრონიკული ჭრილობების სამკურნალოდ, ნახეთქებისა და ჰემოროიდალური კვანძების მქონე პაციენტებში, მათ შორის პაციენტებში ბარონის ლიგატურის დადების შემდგომ.  გარდა ამისა, სისხლდენის შესამცირებლად პაციენტებში, რომლებსაც აქვთ ბუასილი სისხლდენით და განსაკუთრებით სწორ ნაწლავში წვისა და ქავილის უსიამოვნო შეგრძნების თავიდან ასაცილებლად.

შემადგენლობა

ჰემაგელ®პროქტო სუპოზიტორიები შეიცავს ფხვნილისებურ კოპოლიმერს HEMA-HAS-ს და მყარ ცხიმს.

მიზნობრივი ჯგუფი და შეზღუდვები გამოყენებისას:

სუპოზიტორები განკუთვნილია პაციენტების ყველა ჯგუფისთვის.

როგორ გამოვიყენოთ სუპოზიტორები

• სუპოზიტორები უნდა შეიყვანოთ რექტალურად, მომრგვალებული ბოლოთი, თუ ეს შესაძლებელია, დეფეკაციის შემდეგ და ანალური უბნის გაწმენდის შემდეგ.

• განაცალკევეთ ერთი სუპოზიტორია ბლისტერული სტრიპისგან, პერფორირებული კიდის გასწვრივ, შემდეგ გახიეთ შეფუთვა ნაზად განაცალკევეთ და ამოიღეთ სუპოზიტორია.

• ღრმად შეიყვანეთ სუპოზიტორია სწორ ნაწლავში, მომრგვალებული ბოლოთი; ეს ძალიან ადვილია ოდნავ წინ დახრილ მდგომარეობაში.

• თუ სხვაგვარად არ არის გათვალისწინებული, ჰემაგელ®პროქტო სუპოზიტორიები ინიშნება დღეში ერთხელ, უმჯობესია ძილის წინ.

უკუჩვენებები

ჰიპერმგრძნობელობა პროდუქტის რომელიმე კომპონენტის მიმართ, სწორი ნაწლავის არასაკმარისი სიგრძე (3 თვემდე ასაკის ბავშვებში ან დღენაკლულ ბავშვებში).

გაფრთხილება

სუპოზიტორები განკუთვნილია პაციენტების ყველა ჯგუფისთვის. არასასურველი გვერდითი ეფექტების შემთხვევაში, შეწყვიტეთ მკურნალობა და     მიმართეთ მკურნალ ექიმს. თუ ეჭვი გექნებათ სერიოზული გვერდითი ეფექტის შესახებ, დაუყოვნებლივ აცნობეთ აღნიშნულის თაობაზე მწარმოებელს. შეინახეთ ბავშვებისთვის მიუწვდომელ ადგილას! არ გამოიყენოთ შეფუთვაზე მითითებული ვარგისიანობის ვადის გასვლის შემდეგ. ვარგისიანობის ვადა ეხება შესაბამისი თვის ბოლო დღეს. სუპოზიტორია წარმოებულია ერთჯერადი და რექტალური გამოყენებისთვის. არ გამოიყენოთ სხეულის სხვა უბნებში. არ გადაყლაპოთ.

მწარმოებლის რეკომენდაციები

სწორი ნაწლავის დაავადების შემთხვევაში განსაკუთრებით მნიშვნელოვანია ჰიგიენის დაცვა და კუჭის მოქმედების რეგულარული კონტროლი. ამიტომ საჭიროა საკმარისი რაოდენობით სითხის მიღება, ოდნავ მოცხარო დიეტა და ბოჭკოების მოხმარების გაზრდა. გამოიყენეთ პროდუქტი მაქსიმუმ 30 დღის განმავლობაში. თუ ჩივილები არ გაქრება 7 დღის განმავლობაში ან გაუარესდება, კონსულტაციისთვის უნდა მიმართოთ ექიმს.

შენახვა

ინახება 15-25°C ტემპერატურაზე, ქარხნული შეფუთვით.

შეფუთვა

პაკეტი შეიცავს 5, 10 ან 15 სუპოზიტორიას, რომელიც შეფუთულია ჩამოსხმულ PVC/PE ფოლგაში და მუყაოს კოლოფში, გამოყენების ინსტრუქციასთან ერთად.

ასევე, იხილეთ: >Reparon - რეპარონი ჰერბალი მალამო 25გ