ჰალიბუტი

საერთაშორისო დასახელება - Zinc oxide
ფარმაკოლოგიური ჯგუფი: ანტისეპტიური, ანთების საწინააღმდეგო, კერატოლიტიური და სხვა პრეპ.
ჰალიბუტი არის სამკურნალო საშუალება, რომელიც მიეკუთვნება კანის დაავადებების სამკურნალო მედიკამენტების ფარმაკოთერაპიულ ჯგუფს. ჭრილობის სამკურნალო დამხმარე საშუალებები.

მალამოს თითოეული გრამი შეიცავს 150 მგ თუთიის ოქსიდს.
ჰალიბუტი, მისი შემადგენლობის ხასიათიდან გამომდინარე, არის სამკურნალო საშუალება, რომელსაც აქვს ქსოვილის შესანიშნავი აღმდგენი მოქმედება. გარდა ამისა, მას, ასევე, აქვს დიდი დამცავი, დამამშვიდებელი, შემკვრელი და ანტისეპტიკური მოქმედება, თუთიის ოქსიდის არსებობის გამო.
დამამშვიდებელი, აღმდგენი და რეგენერაციული მოქმედების გამო, ჰალიბუტი ნაჩვენებია საფენის დერმიტიტის (საფენის გამონაყარის), პირველი ხარისხის დამწვრობის და ზედაპირული ჭრილობის სამკურნალოდ.
ჰალიბუტი შეიცავს ბუტილჰიდროქსიანიზოლს (E320) და ბუტილჰიდროქსიტოლოუენს (E321), რომლებმაც შეიძლება გამოიწვიონ კანის ადგილობრივი რეაქციები (მაგალითად, კონტაქტური დერმატიტი) ან თვალების და ლორწოვანი გარსის გაღიზიანება.
ჰალიბუტი შეიცავს პარაბენებს (მეთილის პარაჰიდროქსიბენზოატი და პროპილ პარაჰიდროქსიბენზოატი), რამაც შეიძლება გამოიწვიოს ალერგიული რეაქციები (შესაძლოა დაყოვნებული).
კანის გაღიზიანების შემთხვევაში, სადაც კანი ინტაქტურია (ხელუხლებელია), წაისვით საკმარისი რაოდენობით მალამო დაზიანებული ადგილის დასაფარად და მალამო ნაზად შეიზილეთ. აღნიშნული მდგომარეობა მოიცავს საფენის დერმატიტს (საფენის გამონაყარი) და მზის სხივების ხანგრძლივი ზემოქმედებით გამოწვეულ გაღიზიანებას. წაისვით მალამო დღეში რამდენჯერმე.
ზედაპირული ჭრილობები შეიძლება დაიფაროს სახვევით ან დოლბანდით, რომლზეც წასმული იქნება მალამო. სახვევი შეცვალეთ ყოველდღიურად.

შესაძლო გვერდითი ეფექტები
ყველა სამკურნალო საშუალების მსგავსად, ამ პრეპარატსაც შეუძლია გვერდითი მოვლენების გამოწვევა, მაგრამ ისინი არ აღენიშნება ყველა პაციენტს.
ჰალიბუტი ძალიან კარგად გადაიტანება ამასთან, შეიძლება აღინიშნოს ისეთი ადგილობრივი რეაქციები, როგორიცაა:
– კონტაქტური დერმატიტი;
– თვალებისა და ლორწოვანი გარსის გაღიზიანება;
– ალერგიული რეაქციები (შესაძლოა დაყოვნებული).