გლორმეტი

დასახელება - გლორმეტი ტაბლეტი 50მგ+1000მგ #60

ფარმაკოლოგიური ჯგუფი:
პრეპარატები დიაბეტის მკურნალობისთვის. პრეპარატების კომბინაცია, რომლებიც აქვეითებს სისხლში გლუკოზის დონეს, პერორალური გამოყენებისთვის. სიტაგლიპტინი და მეტფორმინი.

ფარმაკოლოგიური თვისებები:
გლორმეტი წარმოადგენს ორი ჰიპოგლიკემიური საშუალების კომბინაციას ურთიერთდამატებითი მოქმედების მექანიზმით და განკუთვნილია გლიკემიის კონტროლის გასაუმჯობესებლად ტიპი 2 შაქრიანი დიაბეტით დაავადებულ პაციენტებში: სიტაგლიპტინის ფოსფატი და მეტფორმინის ჰიდროქლორიდი .
სიტაგლიპტინი აუმჯობესებს გლიკემიის კონტროლს ტიპი 2 შაქრიანი დიაბეტით დაავადებულ პაციენტებში, როგორც მონოთერაპიის სახით, ისე კომბინაციაში გამოყენებისას. სიტაგლიპტინით მკურნალობისას სხეულის მასა არ იმატებს საწყის მაჩვენებელთან შედარებით.
მეტფორმინი დადებითად მოქმედებს ლიპიდების მეტაბოლიზმზე: აქვეითებს საერთო ქოლესტერინის, დაბალი სიმკვრივის ლიპოპროტეინების და ტრიგლიცერიდების დონეს.

მიღების წესი და დოზირება:
პრეპარატ გლორმეტის ანტიჰიპერგლიკემიური მკურნალობისას დოზის შერჩევა უნდა მოხდეს ინდივიდუალურად მკურნალობის მიმდინარე სქემიდან, ეფექტურობიდან და პაციენტის ამტანობიდან გამომდინარე. არ უნდა გადააჭარბონ სიტაგლიპტინის
მაქსიმალურ რეკომენდებულ სადღეღამისო 100 მგ დოზას

უკუჩვენება:
გლორმეტი უკუნაჩვენებია პაციენტებში, რომლებსაც აღენიშნებათ:
- მომატებული მგრძნობელობა მოქმედი ნივთიერების ან ნებისმიერი დამხმარე კომპონენტის მიმართ;
- ნებისმიერი ტიპის მწვავე მეტაბოლური აციდოზი (მაგალითად ლაქტოაციდოზი, დიაბეტური კეტოაციდოზი);
- დიაბეტური პრეკომა;
- თირკმლის ფუნქციის მძიმე დარღვევა (გფს < 30 მლ/წთ);
- მწვავე მდგომარეობა, რომელიც შეიძლება გავლენას ახდენდეს თირკმლის ფუნქციაზე, როგორიცაა დეჰიდრატაცია, მძიმე ინფექცია, შოკი, სისხლძარღვებში იოდშემცველი საკონტრასტო ნივთიერებების შეყვანა;
- მწვავე და ქრონიკული დაავადებები, რომლებიც შეიძლება იწვევდეს ქსოვილების ჰიპოქსიას, როგორიცაა გულის ან სუნთქვის უკმარისობა, ცოტა ხნის წინ გადატანილი მიოკარდიუმის ინფარქტი, შოკი;
- ღვიძლის უკმარისობა;
- მწვავე ალკოჰოლური ინტოქსიკაცია, ალკოჰოლიზმი;
- ფეხმძიმობა და ძუძუთი კვების პერიოდი;
- 18 წლამდე ასაკი.

ორსულობა და ლაქტაცია:
გლორმეტი არ გამოიყენება ორსულობის დროს. თუ პაციენტი ორსულობას გეგმავს ან დაორსულდა, პრეპარატით მკურნალობა უნდა შეწყდეს და რაც შეიძლება ადრე დაინიშნოს ინსულინი.
პრეპარატ გლორმეტის გამოყენება ძუძუთი კვების პერიოდში რეკომენდებული არ არის.