გლიფორი - Glifor 1000მგ 100 ტაბლეტი

გლიფორი^R 1000 მგ აპკით შემოგარსული ტაბლეტი

განკუთვნილია პირის გზით (ორალურად) მისაღებად.

• მოქმედი ნივთიერება:

თითოეული აპკით შემოგარსული ტაბლეტი 780 მგ მეტფორმინის ბაზის ექვივალენტური რაოდენობით 1000 მგ მეტფორმინის ჰიდროქლორიდს შეიცავს.

• დამხმარე ნივთიერებები:

სიმინდის სახამებელი, პოვიდონ K30, კოლოიდური სილიციუმის დიოქსიდი, ნატრიუმის სახამებლის გლიკოლატი, მაგნიუმის სტეარატი, ჰიდროსიპროპილ მეთილ ცელულოზა, პოლიეთილენ გლიკოლი, პროპილენ გლიკოლი, ტალკი, ტიტანის დიოქსიდი.

აღნიშნული წამლის მიღებამდე გამოყენების ინსტრუქცია ყურადღებით წაიკითხეთ, რადგანაც ის თქვენთვის მნიშვნელოვან ინფორმაციას შეიცავს. აღნიშნული გამოყენების ინსტრუქცია შეინახეთ. შეიძლება განმეორებით გადაკითხვა დაგჭირდეთ. დამატებით კითხვების შემთხვევაში, გთხოვთ თქვენს ექიმს ანდა ფარმაცევტს მიმართოთ.  აღნიშნული წამალი პირადად თქვენთვისაა გამოწერილი, სხვას არ მისცეთ. აღნიშნული წამლის გამოყენებისას თუ სხვა ექიმს ანდა საავადმყოფოს მიმართავთ, ექიმს მიაწოდეთ ინფორმაცია ამ წამლის მოხმარების შესახებ. · წამლის გამოყენების ინსტრუქცია ზუსტად შეასრულეთ. თქვენთვის რეკომენდირებული დოზის გარდა მაღალი ანდა დაბალი დოზა არ მიიღოთ.

გამოყენების ინსტრუქცია შეიცავს შემდეგი სათაურების მომცველ მონაცემებს:

1. რა არის და რისთვის გამოიყენება გლიფორი?

2. გლიფორის გამოყენებამდე რას უნდა მივაქციოთ ყურადღება?

3. როგორ გამოიყენება გლიფორი?

4. რა სახის შესაძლო გვერდითი ეფექტები შეიძლება გამოვლინდეს?

5. გლიფორის შენახვა

1. რა არის და რისთვის გამოიყენება გლიფორი ?

· გლიფორი, ორალური ანტიდიაბეტიკების (ბიგუანიდების) სახელით წოდებული წამლის ჯგუფში შედის. ამ სახის წამლები გამოიყენება შაქრიანი დიაბეტის მკურნალობის დროს, ასევე გამოიყენება სიმსუქნის და გლუკოზისადმი ტოლერანტობის დარღვევის მქონე ავადმყოფებში შაქრიანი დიაბეტის განვითრების თავიდან აცილების და ხელის შეშლის მიზნით.

· თითოეული აპკით შემოგარსული ტაბლეტი 1000 მგ მეტფორმინის ჰიდროქლორიდს შეიცავს, პრეპარატი გამოყენებისთვის წარმოდგენილია 100 ტაბლეტის შემცველი ბლისტერის შეფუთვაში.

· გლიფორი, თეთრი ფერის, მოგრძო ფორმის, ორმხრივ ამობურცული ტაბლეტია, რომელის ერთ ზედაპირზე აღინიშნება დაყოფის ხაზი, მეორე ზედაპირზე კი ,,1000’’ წარწერის მქონე გრავირება.

· ინსულინი, პანკრეასის მიერ წარმოებული და სისხლის მიმოქცევაში არსებული ჰორმონია, რომელიც სისხლში გლუკოზის (შაქრის) დონეს არეგულირებს. ორგანიზმში არსებული გლუკოზა გამოიყენება ენერგიის წარმოებისთვის ანდა მომავალში გამოყენების მიზნით დეპონირდება.

თუ, შაქრიანი დიაბეტი გაქვთ, ეს ნიშნავს, რომ პანკრეასი საკმარისი რაოდენობით ინსულინს ვერ აწარმოებს ანდა ორგანიზმი წარმოებულ ინსულინს რეგულარულად ვერ იყენებს. აღნიშნული მდგომარეობა კი სისხლში გლუკოზის დონის მომატებას იწვევს. გლიფორი, სისხლში გლუკოზის დონის ნორმალურ დონემდე დაქვეითებას უზრუნველყოფს.

· გლიფორი, გამოიყენება ისეთი მდგომარეობების დროს, როცა ტიპი- 2 შაქრიანი დიაბეტის და სიმსუქნის (ინსულინ დამოუკიდებელი შაქრიანი დიაბეტის სახელით ცნობილი შაქრიანი დიაბეტის ტიპი) მქონე ავადმყოფებში მხოლოდ დიეტა და ვარჯიში საკმარისი არ არის.

· ზრდასრულებში, გლიფორის გამოყენება შესაძლებელია როგორც მონოთერაპიის სახით, ასევე დაავადების სამკურნალოდ გამოყენებულ სხვა წამლებთან (პირის გზით მისაღები წამლები ანდა ინსულინი) ერთადაც .

· 10 წლის და მეტი ასაკის ბავშვებსა და მოზარდებში გლიფორის გამოყენება შესაძლებელია როგორც მონოთერაპიის სახით, ასევე ინსულინთან ერთად.

· დიაბეტის დროს გლუკოზის ნორმალური დონის რეგულირებისთვის მხოლოდ ცხოვრების წესის შეცვლა საკმარისი არ არის, პრედიაბეტური მდგომარეობის მქონე პირებში, რომელთანაც სულ ცოტა 1 რისკ ფაქტორი არსებობს, საჭიროა ტიპი-2 შაქრიანი დიაბეტის თავიდან აცილება.

· პოლიკისტური საკვერცხის სინდომი: გლიფორი,ინსულინის რეზისტენტობის დარღვევის და ჰიპერინსულინემიის თავიდან აცილების მიზნით გამოიყენება.

2. გლიფორის გამოყენებამდე რას უნდა მივაქციოთ ყურადღება?

გლიფორი, ქვემოთ მოცემული მდგომარეობების დროს არ გამოიყენოთ:

თუ;

· მეტფორმინის ანდა გლიფორის შემადგენლობაში არსებული დამხმარე ნივთიერებებიდან რომელიმეს მიმართ (იხილეთ დამხმარე ნივთიერებების ჩამონათვალი) ალერგია გაქვთ,

· ღვიძლის პრობლემა გაქვთ,

· თირკმლის ფუნქციების სერიოზული დარღვევა, დაქვეითება გაქვთ,

· მძიმე ჰიპერგლიკემია (სისხლში შაქრის მაღალი დონე), გულისრევა, ღებინება, დიარეა, წონის სწრაფი დაკლება, რძემჟავა აციდოზი(რძემჟავა აციდოზის რისკი ქვემოთაა განმარტებული) ანდა კეტოაციდოზის მსგავსი მდგომარეობების თანხლებით უკონტროლო შაქრიანი დიაბეტი გაქვთ,

კეტოაციდოზი, ,,კეტონური სხეულების’’ სახელით წოდებული ნივთიერებების სიsხლში დაგროვება და შედეგად დიაბეტური კომის განვითარების მდგომარეობაა. კეტოაციდოზის ნიშნები შეიძლება იყოს: კუჭის ტკივილი, სწრაფი და ღრმა ჩასუნთქვა-ამოსუნთქვა, ძილიანობა ანდა უჩვეულო ხილის სურნელის ამონასუნთქი.

· აღინიშნება მჟავე იონების დაგროვება (რომელიც თირკმლების მიერ უნდა იქნას გამოყოფილი) ანდა ბიკარბონატების იონების ჭარბი დაკარგვა (მეტაბოლური აციდოზი)

მეტაბოლური აციდოზის ნიშნები: ცნობიერების გაფანტვა, დუნე მდგომარეობა, ძილის დარღვევა, ღებინება, გულისრევა, თავის ტკივილი. თუ, აღნიშნული სიმპტომები თქვენთან გამოვლინდება, გთხოვთ, თქვენს ექიმს დაუკავშირდით.

· გახანგრძლივებული ანდა ძლიერი დიარეა ანდა ზედიზედ რამდენჯერმე ღებინების გამო ორგანიზმის მიერ სითხის დიდი რაოდენობით დაკარგვა (დეჰიდრატაცია) განვითარდა,

დეჰიდრატაციამ, შეიძლება თირკმლების პრობლემის განვითარება განაპირობოს, ეს კი შეიძლება იყოს რძემჟავა აციდოზის განვითარების რისკი (გთხოვთ, იხილეთ ნაწილი ,,გლიფორი, ქვემოთ მოცემული მდგომარეობების დროს სიფრთხილით გამოიყენეთ’’).

· ფილტვებზე ანდა ბრონქებზე ანდა თირკმლებზე მოქმედი სერიოზული ინფექციის რისკი გაქვთ,

სერიოზულმა ინფექციებმა შეიძლება თირკმლების პრობლემების განვითრება გამოიწვიოს, ეს მდგომარეობა კი შეიძლება რძემჟავა აციდოზის რისკს წარმოადგენდეს (გთხოვთ, იხილეთ ნაწილი ,,გლიფორი, ქვემოთ მოცემული მდგომარეობების დროს სიფრთხილით გამოიყენეთ’’).

· გულის მწვავე უკმარისობის გამო მკურნალობას გადიხართ ანდა ახლო წარსულში მიოკარდიუმის ინფარქტი გადაიტანეთ, თუ, სისხლის მიმოქცევის დარღვევასთან დაკაშირებული სერიოზული (შოკის მსგავსი) პრობლემები ანდა სუნთქვის გაძნელება ვლინდება, თუ, სისხლსა ანდა ქსოვილებში პათოგენების არსებობით განვითარებული სისტემური დაავადება (სეპტიცემია) აღინიშნება,

აღნიშნულმა მდგომარეობამ შეიძლება ქსოვილებში ჟანგბადის ნაკლებობა გამოიწვიოს, ეს კი რძემჟავა აციდოზის განვითარების რისკს წარმოქმნის (გთხოვთ, იხილეთ ნაწილი ,,გლიფორი, ქვემოთ მოცემული მდგომარეობების დროს სიფრთხილით გამოიყენეთ’’).

· ალკოჰოლის დიდი რაოდენობით მომხმარებელი ხართ,

•ბავშვს ძუძუთი კვებავთ.

თუ, ქვემოთ მოცემული მდგომარეობების დროს გლიფორს ღებულობთ, ექიმს აცნობეთ:

თუ;

· იოდის შემცველი კონტრასტული ნივთიერებების სისხლის მიმოქცევაში შეყვანაა საჭირო, მაგ.: რენტგენოლოგიური გამოკვლევისას ანდა ნებისმიერი რადიოლოგიური გამოკვლევის აუცილებლობისას,

· სერიოზული ქირურგიული ჩარევა იგეგემება, ჩარევამდე ანდა პროცედურამდე ანდა შემდეგ, განსაზღვრული დროის განმავლობაში გლიფორის გამოყენება უნდა შეწყვიტოთ.

ექიმი, ამ დროის განმავლობაში სხვა პრეპარატებით მკურნალობის საჭიროების საკითხს გადაწყვეტს. ამ დროს მნიშვნელოვანია, ექიმის მითითებების სრულყოფილი შესრულება.

გლიფორი, ქვემოთ მოცემული მდგომარეობის დროს სიფრთხილით გამოიყენეთ

თუ;

გთხოვთ, განსაკუთრებული რისკის სახით რძემჟავა აციდოზს გაუფრთხილდით. გლიფორის მოხმარებამ შეიძლება გამოიწვიოს სერიოზული გვერდითი ეფექტის, რძემჟავა აციდოზის განვითარება, განსაკუთრებით მაშინ, თუ თირკმლის ფუნქციების დარღვევა გაქვთ. რძემჟავა აციდოზის განვითარების რისკი მატულობს შემდეგი პრობლემების არსებობისას: უკონტროლო შაქრიანი დიაბეტი, სერიოზული ინფექციები, ხანგრძლივი შიმშილი ანდა ალკოჰოლის მოხმარება, სხეულის მიერ სითხის დიდი რაოდენობით დაკარგვისას (დეჰიდრატაცია-უფრო მეტი ინფორმაციისთვის იხილეთ ქვემოთ), ღვიძლის პრობლემების არსებობისას, ჟანგბადის უკმარისობისას, რომელიმე სამედიცინო მდგომარეობის დროს (მაგ.:გულის მწვავე სერიოზული დაავადებები). ამიტომ, ზემოთ ჩამოთვლილი მდგომარეობებიდან რომელიმეს თქვენთან გამოვლინებისას, მაშინვე თქვენს ექიმს გაესაუბრეთ. სერიოზული ღებინების, დიარეის, ცხელების ანდა მაღალი ტემპერატურის ზემოქმედების ქვეშ ხანგრძლივი დარჩენის შემთხვევაში ანდა წყლის ანდა სითხის ნორმაზე უფრო ნაკლები რაოდენობით მიღებისას, ვითარდება ორგანიზმის მიერ სითხის დაკარგვა(დეჰიდრატაცია), ასეთი მდგომარეობის დროს გლიფორის მიღება დროებით უნდა შეწყვიტოთ და მაშინვე თქვენს ექიმს უნდა დაუკავშირდეთ. თუ, ქვემოთ ჩამოთვლილი რძემჟავა აციდოზის ნიშნებიდან რომელიმე თქვენთან გამოვლინდება, გასათვალისწინებელია, რომ ამ მდგომარეობის კომაში გადასვლის რისკი არსებობს და საჭიროა გლიფორის მიღების შეწყვეტა და ექიმის კონსულტაცია. რძემჟავა აციდოზის ნიშნები: -ღებინება -მუცლის ტკივილი -კუნთების კრუნჩხვები -სერიოზული დაღლილობა, ზოგადად ცუდად ყოფნის შეგრძნება -სუნთქვის გაძნელება -სხეულის ტემპერატურის დაქვეითება -გულისცემის სიხშირის შემცირება თუ,ზემოთ ჩამოთვლილი მდგომრეობებიდან რომელიმე თქვენთან გამოვლინდება, მაშინვე თქვენს ექიმს გაესაუბრეთ. რძემჟავა აციდოზი მძიმე სამედიცინო მდგომარეობაა და საავადმყოფოს პირობებში მკურნალობას საჭიროებს.

ნებისმიერი სახის ქირურგიულ ჩარევამდე ანდა ჩარევის შემდეგ, გარკვეული დროის განმავლობაში გლიფორის მიღება უნდა შეწყვიტოთ. გლიფორით მკურნალობის განახლების დროს ექიმი გადაწყვეტს.

მხოლოდ გლიფორის მიღება ჰიპოგლიკემიას (სისხლში შაქრის ძალიან დაბალი დონე) არ გამოიწვევს. თუ, შაქრიანი დიაბეტის სამკურნალოდ გლიფორთან ერთად სხვა ჰიპოგლიკემიურ (შაქრიანი დიაბეტის სამკურნალო) წამლებს ღებულობთ (სულფანილშარდოვანას წარმოებულები, ინსულინი, მეგლიტიდების მსგავსი), ჰიპოგლიკემიის განვითრების რისკი არსებობს. თუ, სისუსტე, გაბრუება, ოფლიანობის მომატება, გულისცემის სიხშირის მომატება, მხედველობის დარღვევები ანდა კონცენტრაციის დარღვევის მსგავსი ჰიპოგლიკემიის ნიშნები გამოვლინდება, ამ მდგომარეობის გამოსწორების მიზნით შაქრის შემცველი სასმელი ანდა საკვები უნდა მიიღოთ.

გლიფორით მკურნალობის განმავლობაში, ექიმი თირკმლის ფუნქციებს სულ ცოტა წელიწადში ერთხელ გადაამოწმებს. თუ, ხანდაზმული ავადმყოფი ხართ ანდა თირკმლის ფუნქციების დარღვევის გაუარესება გამოვლინდება, საკონტროლო პერიოდი უფრო შემოკლდება.

თუ, აღნიშნული გაფრთხილებები წარსულის ნებისმიერ მომენტში ანდა ამჟამად თქვენთან ვლინდება, გთხოვთ, ექიმს აცნობეთ.

გლიფორის მიღება საკვებთან და სასმელთან ერთად

გლიფორის მიღება შესაძლებელია როგორც კვების დროს, ასევე საკვების მიღების შემდეგაც.

გლიფორის გამოყენების დროს ალკოჰოლოის ჭარბ მოხმარებას მოერიდეთ, რადგანაც აღნიშნულმა შეიძლება რძემჟავა აციდოზის განვითარების რისკი გაზარდოს (იხილეთ ნაწილი 2- გლიფორი ქვემოთ მოცემული მდგომარეობების დროს სიფრთხილით გამოიყენეთ).

ორსულობა

წამლის გამოყენებამდე კონსულტაციისთვის თქვენს ექიმს ანდა ფარმაცევტს მიმართეთ.

ორსულობის პერიოდში, შაქრიანი დიაბეტის მკურნალობის მიზნით შეიძლება საჭირო გახდეს ინსულინის გამოყენება. თუ, ორსულად ხართ ანდა ორსულობის ალბათობა არსებობს ანდა ორსულობას გეგემავთ, გლიფორის გამოყენებამდე ექიმს აცნობეთ. ამ დროს ექიმმა შეიძლება მკურნალობის სქემა შეცვალოს.

საკვერცხის პოლიკისტური სინდრომის დროს მეტფორმინის მომხმარებელ ავადმყოფებში ორსულობის დადასტურებისთანავე, მეტფორმინის გამოყენება უნდა შეწყდეს.

თუ, მკურნალობის პერიოდში ორსულობას გამოავლენთ, სასწრაფოდ თქვენს ექიმს ანდა ფარმაცევტს მიმართეთ.

ძუძუთი კვება-ლაქტაცია

წამლის მიღებამდე გთხოვთ, კონსულტაციისთვის თქვენს ექიმს ანდა ფარმაცევტს მიმართეთ.

თუ, ბავშვს ძუძუთი კვებავთ ანდა ძუძუთი კვებას გეგემავთ, გლიფორი არ გამოიყენოთ.

ავტომობილისა და მექანიზმების მართვის უნარზე ზემოქმედება

მხოლოდ გლიფორის გამოყენებისას ჰიპოგლიკემია (სისხლში შაქრის დონის მკვეთრი დაცემა) მოსალოდნელი არ არის. ამიტომ, ასეთ შემთხვევაში გლიფორი ავტომობილის და მექანიზმების მართვის უნარზე ზემოქმედებას არ ახდენს.

აღნიშნულის საპირისპიროდ, თუ, შაქრიანი დიაბეტის სამკურნალოდ გლიფორთან ერთად სხვა ჰიპოგლიკემიურ (შაქრიანი დიაბეტის სამკურნალო) წამლებს ღებულობთ (სულფანილშარდოვანას წარმოებულები, ინსულინი, მეგლიტიდების მსგავსი), ფრთხილად უნდა იყოთ.

ჰიპოგლიკემიის ნიშნებია: სისუსტე, გაბრუება, ოფლიანობის მომატება, გულისცემის სიხშირის მომატება, მხედველობის დარღვევები ანდა კონცენტრაციის დარღვევა. თუ, აღნიშნულ სიმპტომებს თქვენთან გამოავლენთ, ავტომობილი და მექანიზმები არ მართოთ.

გლიფორის შემადგენლობაში არსებული ზოგიერთი დამხმარე ნივთიერების შესახებ ინფორმაცია

თუ, გლიფორის შემადგენლობაში არსებული დამხმარე ნითიერებების მიმართ მომატებული მგრძნობელობა არ გაქვთ, ამ ნივთიერებებთან დაკაშირებული უარყოფითი ეფექტის გამოვლენა მოსალოდნელი არ არის.

სხვა მედიკამენტებთან ერთად გამოყენება

იოდის შემცველი კონტრასტული ნივთიერებების სისხლის მიმოქცევში შეყვანის საჭიროებისას, მაგ.: რენტგენოლოგიური გამოკვლევისას ანდა ნებისმიერი რადიოლოგიური გამოკვლევის აუცილებლობისას, კონტრასტული ნივთიერების შეყვანამდე ანდა შემდეგ, გლიფორის გამოყენება უნდა შეწყდეს. ექიმი, გლიფორით მკურნალობის შეწყვეტის და ასევე გლიფორით მკურნალობის კვლავ განახლების დროს განსაზღრავს და ინფორმაციას მოგაწვდით.

თუ, ამჟამად რომელიმე წამალს ღებულობთ ანდა ახლო პერიოდში ღებულობდით, თქვენს ექიმს აცნობეთ. ამ დროს შეიძლება საჭირო გახდეს საკონტროლო კვლევების ანდა თირკმლის ფუნქციების უფრო ხშირი გადამოწმება ანდა გლიფორის დოზის რეგულირება. გლიფორის ქვემოთ მოცემულ წამლებთან ერთად გამოყენებისას, ექიმმა აღნიშნული მდგომარეობა განსაკუთრებით ფრთხილად უნდა შეაფასოს.

· შარდის გამოყოფის მომატების გამომწვევი წამლები(დიურეტიკები)

· ტკივილის და ანთების საწინააღმდეგოდ გამოყენებული წამლები (იბუპროფენი და ცელეკოქსიბინის მსგავსი აას წამლები და კოქს-2 ინჰიბიტორები)

· მაღალი არტერიული წნევის სამკურნალოდ გამოყენებული ზოგიერთი წამალი (აგფ ინჰიბიტორები ანდა ანგიოტენზინ II რეცეპტორების ანტაგონისტები),

· ასთმის სამკურნალოდ გამოყენებული ბეტა-2 აგონისტები (სალბუტამოლი დ ან ტერბუტალინის სახელით წოდებული წამლები),

· ასთმის და კანის მძიმე ჩირქოვანი ანთებითი დაავადებების დროს გამოყენებული კორტიკოსტეროიდების ჯგუფი,

· თირკმლის ფუნქციების დაქვეითების დროს სისხლში გლიფორის რაოდენობის ცვლილების გამომწვევი წამლები (ვერაპამილი, რიფამპიცინი, ციმეტიდინი, დოლუტეგრავირი, რანოლაზინი, ტრიმეტოპრიმი, ვანდეტანიბი, იზავუკონაზოლი, კრიზოტინიბი, ოლაპარიბი და მსგავსი)

· შაქრიანი დიაბეტის სამკურნალოდ გამოყენებული სხვა წამლები

თუ რეცეპტით დ ან რეცეპტის გარეშე ნებისმიერ წამალს ღებულობთ ანდა ბოლო პერიოდში მიიღეთ, გთხოვთ, აღნიშნულის შესახებ თქვენს ექიმს ანდა ფარმაცევტს აცნობეთ.

3. როგორ გამოიყენება გლიფორი ?

გლიფორი, ჯანსაღი ცხოვრების წესის დაცვით მოცემულ სარგებელს ვერ შეცვლის. წამლის გამოყენების დროს ექიმის მიერ რეკომენდირებული დიეტის დაცვა და რეგულარული ვარჯიში უნდა განაგრძოთ.

სწორი გამოყენება და დოზები/გამოყენების სიხშირე და მითითებები :

· თუ, ექიმი სხვა რეკომენდაციას არ მოგცემთ, ზრდასრულებში სტანდარტული საწყისი დოზაა: გლიფორი 500 მგ ანდა 850 მგ დღეში 2 ჯერ ანდა 3ჯერ. მაქსიმალური დღიური დოზა შეიძლება იყოს სამ ნაწილად დაყოფილი მიღებით- 3000 მგ დღეში.

· თუ, ინსულინსაც იყენებთ, ექიმი გლიფორის მიღების დეტალებს აგიხსნით.

· დიაბეტის თავიდან აცილების მიზნით გამოყენება: სტანდარტული საწყისი დოზაა: საკვებთან ერთად ანდა საკვების მიღების შემდეგ მეტფორმინის ჰიდროქლორიდი 1000-დან 1700 მგ-მდე, დღეში 2 დოზა. ავადმყოფთან მკურნალობის გაგრძელების ანდა შეწყვეტის საკითხს ექიმი გადაწყვეტს გლიკემიური მდგომარეობის და რისკ ფაქტორების რეგულარული ინტერვალით გადამოწმებით და შეფასებით.

· პოლიკისტური საკვერცხის სინდრომი: სასურველი საწყისი დოზააა: მეტფორმინი 500გ, გვერდითი ეფექტების მხრივ ტოლერანტობის მქონე ავადმყოფებში დოზის მომატება შეიძლება 2000 მგ-მდე.

დაკვირვება:

ექიმი, სისხლში გლუკოზის დონეს რეგულარულად გადაამოწმებს და სისხლში გლუკოზის დონის მიხედვით, გლიფორის დოზას განსაზღვრავს.

მკურნალობის პროცესში ექიმი წელიწადში სულ ცოტა ერთხელ თირკმლის ფუნქციებს გადაამოწმებს. თუ, თირკმლების ფუნქციის დარღვევა გამოვლინდება, ექიმი საკონტროლო კვლევების ინტერვალს უფრო შეამოკლებს.

წამლის მიღების გზა და მეთოდი:

გლიფორის მიღება შესაძლებელია როგორც საკვებთან ერთად, ასევე საკვების მიღების შემდეგაც. გლიფორის საკვებთან ერთად ანდა კვების შემდეგ მიღება, ამ წამლის მიღებით გამოწვეული გვერდითი ეფექტების გამოვლინებას თავიდან აგაცილებთ.

ტაბლეტები, დაღეჭვის და დაფხვნის გარეშე, საკმარისი რაოდენობის წყლით, მთლიანი სახით უნდა გადაიყლაპოს.

• თუ, დღეში გლიფორის ერთ დოზას ღებულობთ, დილით(საუზმეზე) მიიღეთ.
•  თუ, დღეში გლიფორის ორად დაყოფილ დოზას ღებულობთ, დილით (საუზმეზე) და საღამოს (ვახშმის დროს) მიიღეთ.
• თუ, დღეში გლიფორის სამად დაყოფილ დოზას ღებულობთ, დილით (საუზმეზე), შუადღეზე (სადილის დროს) და საღამოს (ვახშმის დროს) მიიღეთ.

სხვადასხვა ასაკობრივი ჯგუფები:

ბავშვებში გამოყენება:

10 წლის და მეტი ასაკის ბავშვებსა და მოზარდებში გლიფორის სტანდარტული საწყისი დოზაა: 500 მგ ანდა 850 მგ დღეში ერთხელ. მაქსიმალური დღიური დოზაა: დღეში 2000 მგ ორად ანდა სამად დაყოფილი დოზის სახით. 10-დან 12 წლამდე ასაკობრივი ჯგუფის ბავშვებში გლიფორით მკრუნალობასთან დაკაშირებით საკმარისი რაოდენოთ გამოცდილება არ არსებობს, ამიტომ, მხოლოდ ექიმის განსაკუთრებული რეკომენდაციით შეიძლება გამოყენება.

• დაკვირვება:

გლიფორის ბავშვებსა და მოზარდებში გამოსაყენებელი დოზა განისაზღრება ექიმის მიერ სისხლში გლუკოზის დონის შესაბამისად. რეკომენდირებულია, რეგულარული საკონტროლო გამოკვლევები და ექიმის კონსულტაცია.

ხანდაზმულებში გამოყენება:

ხანდაზმულობასთან ერთად, თირკმლების ფუნქციები შეიძლება დაირღვას, ექიმი სამკურნალოდ გამოყენებულ გლიფორის დოზას თირკმლის ფუნქციების დარღვევის ხარისხის შესაბამისად განსაზღვრავს. რეკომენდირებულია, ექიმთან რეგულარული ვიზიტი და კონსულტაცია.

• დაკვირვება:

ექიმი, გლიფორის სამკურნალო დოზას სისხლში გლუკოზის დონის რეგულარული გადამოწმებით და სისხლში გლუკოზის დონის მიხედვით განსაზღვრავს. რეკომენდირებულია, ექიმთან რეგულარული ვიზიტი და კონსულტაცია.

მკურნალობის პროცესში ექიმი წელიწადში სულ ცოტა ერთხელ თირკმლის ფუნქციებს გადაამოწმებს.

გამოყენების განსაკუთრებული მდგომარეობები:

თირკმლების უკმარისობა:

თირკმლების ფუნქციის დარღვევის და დაქვეითების დროს, ექიმი დიაბეტის სამკურნალოდ უფრო დაბალი დოზის წამალს გამოგიწერთ.

ხანდაზმულებში, თირკმლის ფუნქციების დაქვეითების პოტენციალის არსებობის გამო, გლიფორის დოზა თირკმლის ფუნქციების შესაბამისად განისაზღვრება. რეკომენდირებულია, ექიმთან რეგულარული ვიზიტი და კონსულტაცია.

ღვიძლის უკმარისობა:

ღვიძლის უკმარისობის მქონე ავადმყოფებში, გლიფორი არ უნდა იქნას გამოყენებული.

თუ,ფიქრობთ, რომ გლიფორის ეფექტი ძალიან ძლიერი ანდა ძალიან სუსტია, თქვენს ექიმს ანდა ფარმაცევტს მიმართეთ.

თუ, გლიფორის საჭიროზე მეტი დოზა მიიღეთ:

თუ, გლიფორის საჭიროზე მეტი დოზა მიიღეთ,შეიძლება რძემჟავა აციდოზი განვითარდეს.რძემჟავა აციდოზის ნიშნები:ღებინება, კუნთების კრუნჩხვები და მუცლის ტკივილი (აბდომინალური ტკივილი),ძლიერი დაღლილობა, ზოგადად ცუდად ყოფნის შეგრძნება, სუნთქვის გაძნელება. სხვა ნიშნები შეიძლება იყოს: სხეულის ტემპერატურის დაცემა და გულისცემის შენელება. რძემჟავა აციდოზის ჩამოთვლილი ნიშნების თქვენთან რომელიმეს გამოვლინების შემთხვევაში, გლიფორის გამოყენება მაშინვე შეწყვიტეთ და ექიმს დაუკავშირდით, ეს მნიშვნელოვანია, რადგანაც რძემჟავა აციდოზი შეიძლება დამძიმდეს და კომა გამოიწვიოს, ეს კი სასწრაფო სამედიცინო დახმარებას საჭიროებს.

თუ, გლიფორის საჭიროზე მეტი დოზა მიიღეთ, ექიმს ანდა ფარმაცევტს აცნობეთ.

თუ, გლიფორის მიღება დაგავიწყდებათ:

დავიწყებული დოზების აღდგენისთვის ორმაგი დოზა არ მიიღოთ.

თუ, წამლის მიღება დაგავიწყდებათ, დავიწყებული დოზა გამოტოვეთ და მომდევნო დოზა ჩვეულებრივ, ნორმალურ დროზე მიიღეთ.

მოვლენები, რომელიც გლიფორით მკურნალობის დასრულებისას შეიძლება გამოვლინდეს:

ექიმის მითითების გარეშე გლიფორის გამოყენება არ შეწყვიტოთ.

4. რა შეიძლება იყოს შესაძლო გვერდითი ეფექტები:

როგორც ყველა წამლის შემთხვევაში, გლიფორის შემადგენლობაში არსებული ნივთიერებების მიმართაც შეიძლება გამოვლინდეს მომატებული მგრძნობელობა და გვერდითი ეფექტები.

გვერდითი ეფექტები კატეგორიების მიხედვით ქვემოთაა კლასიფიცირებული:

ძალიან გავრცელებული:10 ავადმყოფიდან სულ ცოტა 1 ავადმყოფთან ვლინდება.

გავრცელებული:10 ავადმყოფიდან სულ ცოტა 1 ავადმყოფთან ვლინდება, მაგრამ 100 ავადმყოფიდან >1 ავადმყოფთან შეიძლება გამოვლინდეს.

ნაკლებად გავრცელებული: 100 ავადმყოფიდან <1 ავადმყოფთან, მაგრამ 1000 ავადმყოფიდან >1 ავადმყოფთან შეიძლება გამოვლინდეს.

იშვიათი:1.000 ავადმყოფიდან <1 ავადმყოფთან და 10.000 ავადმყოფიდან >1 ავადმყოფთან შეიძლება გამოვლინდეს.

ძალიან იშვიათი: 10.000 ავადმყოფიდან <1 ავადმყოფთან შეიძლება გამოვლინდეს.

უცნობი: ხელთ არსებული მონაცემებით ვარაუდი შეუძლებელია.

ძალიან გავრცელებული:

• გულირევა,
• ღებინება,
• დიარეა,

· მუცლის ტკივილი,

· მადის დაკარგვა.

აღნიშნული, არასასურველი გვერდითი ეფექტები ძირითადად მკურნალობის დასაწყისში ვლინდება, გვედრითი ეფექტების თავიდან აცილების მიზნით რეკომენდირებულია მეტფორმინის დაყოფილი დოზების სახით მიღება, ასევე წამლის საკვებთან ერთად ანდა საკვების მიღების შემდეგ მიღება. თუ, ჩამოთვლილი გვერდითი ეფექტების გამოვლინება გაგრძელდება, გლიფორის გამოყენება მაშინვე უნდა შეწყვიტოთ და თქვენთან ყველაზე ახლო საავადმყოფოს მიმართოთ.

გავრცელებული:

· გემოს შეგრძნების დარღვევა (პირში მეტალის გემო),

· ასთენია,

· თავბრუსხვევა და გაბრუების შეგრძნება,

· თავის ტკივილი

ძალიან იშვიათი:

· რძემჟავა აციდოზი

რძემჟავა აციდოზი, განსაკუთრებით თირკმლების ფუნქციების დარღვევის დროს, იშვიათი, მაგრამ ძალიან სერიოზული გვერდითი ეფექტია. თუ, აღნიშნული მდგომარეობა თქვენთან გამოვლინდება, სასწრაფოდ მკურნალობის დაწყებაა საჭირო. რძემჟავა აციდოზის ნიშნებია:ღებინება, კუნთების კრუნჩხვები და მუცლის ტკივილი (აბდომინალური ტკივილი),ძლიერი დაღლილობა და ზოგადად ცუდად ყოფნის შეგრძნება, სუნთქვის გაძნელება. სხვა ნიშნები შეიძლება იყოს: სხეულის ტემპერატურის დაცემა და გულისცემის შენელება.

თუ, ჩამოთვლილი გვერდითი ეფექტებიდან რომელიმე თქვენთან გამოვლინდება, შეიძლება საჭირო გახდეს სასწრაფო სამედიცინო დახმარების გაწევა, რადგანაც რძემჟავა აციდოზი შეიძლება კომურ მდგომარეობაში გადავიდეს. აღნიშნულ მდგომარეობაში გლიფორის გამოყენება მაშინვე უნდა შეწყდეს და თქვენთან ყველაზე ახლო საავადმყოფოს ემერჯენსის განყოფილებისთვის მიმართვა უნდა განხორციელდეს.

· მეტაბოლური აციდოზი (ცნობიერების გაფანტვა, დუნე მოქმედება, ძილიანობა, ღებინება, გულისრევა და თავის ტკივილით გამოვლენილი მდგომარეობა).

· ღვიძლის ფუნქციური სინჯების დარღვევა.

· ჰეპატიტი (ღვიძლის ანთებადი დაავადებით გამოწვეული დაღლილობა, მადის დაკარგვა, წონის დაკლება, კანის და თვალის სკლერების სიყვითლე)

· აღნიშნული მდგომარეობის გამოვლინებისას, გლიფორის მიღება შეწყვიტეთ და ექიმს აცნობეთ.

· ქოლესტაზური ჰეპატიტი (სიყვითლე, ღია ფერის განავალი, ქავილი, სისუსტე, უმადობით გამოვლენილი მდგომარეობა).

· ღვიძლის ფერმენტების დონის მომატება.

· სისხლის შედედების დარღვევა, ანემია(ჰემოლიზური ანემია)

· სისხლში ვიტ.B12 დაბალი დონე.

· ჰიპოგლიკემია(კანკალი, ოფლიანობა, ტუჩებსა და კანზე დაბუჟების შეგრძნება, სიფერმკრთალე, გულის ფრიალით და მოუსვენრობით გამოვლენილი სისხლში შაქრის დონის დაცემა).

· კანზე სიწითლეების გაჩენა(ერითემა), ქავილი, ურტიკარიის მსგავსი კანის რეაქციები.

· პრიალა, მოლურჯო ფერის პაპულებისგან შექმნილი გამონაყარი, კანის განსაზღვრული პრობლემები.

· წონის დაკლება და გახდომა (კახექსია), მადის დაქვეითება(ანორექსია).

სხვადასხვა ასაკობრივი ჯგუფები:

ბავშვებსა და მოზარდებში:

ბავშვებსა და მოზარდებში მიღებული მონაცენები მწირია, გვერდითი ეფექტების გამოვლინება და სიმძიმე ზრდასრულებთან გამოვლენილი გვერდითი ეფექტების მსგავსია .

ნებისმიერი გვერდითი ეფექტის გამოვლინების შემთხვევაში, რომელიც არ არის ხსენებული წამლის გამოყენების ინსტრუქციაში, მიმართეთ თქვენს ექიმს ანდა ფარმაცევტს.

გვერდი ეფექტების შესახებ მოხსენება

ნებისმიერი გვერდითი ეფექტის გამოვლინების შემთხვევაში, რომელიც არ არის ხსენებული წამლის გამოყენების ინსტრუქციაში, მიმართეთ თქვენს ექიმს, ექთანს ანდა ფარმაცევტს. გამოვლენილი გვერდითი ეფექტების შეტყობინებით წვლილს შეიტანთ გამოყენებული მედიკამენტის შესახებ უფრო მეტი ინფორმაციის მიღებასა და უსაფრთხოებაზე.

5. გლიფორის შენახვა

გლიფორი, ბავშვებისგან შორს, მიუწვდომელ ადგილას, შეფუთვაში შეინახეთ.

შეინახეთ <25 ⁰ C ოთახის ტემპერატურაზე, სინათლისგან დაცულ ადგილას.

გამოიყენეთ გამოყენების ბოლო ვადის შესაბამისად.

შეფუთვაზე მითითებული გამოყენების ბოლო ვადის შემდეგ გლიფორი არ გამოიყენოთ.

თუ, პროდუქტზე და/ანდა შეფუთვაზე დაზიანებას შეამჩნევთ, გლიფორი არ გამოიყენოთ.

ვადა გასული ანდა გამოუყენებელი წამლები ნაგავში არ ჩააგდოთ, გარემოს დაცვისა და ურბანიზაციის სამინისტროს მიერ განსაზღვრულ შემკრებ სისტემას ჩააბარეთ.

ასევე , იხილეთ : >Metfogamma - მეთფოგამა 1000მგ 180 ტაბლეტი