გლეხური, ხაშმის საფერავი, წითელი მშრალი ღვინო, 2019 წ.

დახასიათება

წითელი მშრალი ღვინო დამზადებულია სოფელ ხაშმში სელექციით მოკრეფილი უმაღლესი ხარისხის საფერავის ყურძნის ჯიშისგან. სასმელი ბროწეულისფერია და აქვს შავი შოკოლადის, რბილი ყავის მარცვლების არომატი და ინტენსიური გემო. ძალიან უხდება სტეიკსა და ცხვრის შემწვარ ხორცს. ღვინის დაგემოვნებისთვის იდეალური ტემპერატურა 14-16 გრადუსია.

ბრენდის ისტორია

თელიანი ველის ისტორია მე-19 საუკუნეში დაიწყო, როცა ძველი მარნისა და ალექსანდრე ჭავჭავაძის ღვინის ქარხნის ტერიტორიაზე იმპერატორის ძმის, მიხეილ რომანოვის განკარგულებით ღვინის მოცულობითი სარდაფი აშენდა. 1880-იან წლებში ღვინის სარდაფში ბორდოელი მეღვინე, ანტუან მოსანო მოიწვიეს. მოსანო საქართველოში 9 წლის განმავლობაში მოღვაწეობდა და პირველი იყო, ვინც ქართული და ევროპული ყურძნის ჯიშების და ღვინის დაყენების ტექნოლოგიების შერწყმაზე დაიწყო მუშაობა. მისი ინიციატივით საქართველოში ჩამოიტანეს და გააშენეს ფრანგული ყურძნის მრავალნაირი ჯიში. ახალი ჯიშებიდან განსაკუთრებით თელიანის ველზე გაშენებულმა კაბერნე-სოვინიონმა ივარგა, რომლისგანაც მოსანომ ღვინო “თელიანი” დაამზადა და პირველი ბოთლი პეტერბურგში, იმპერატორის კარზე გაგზავნა. ბოთლზე ეწერა: “კაბერნე-სოვინიონი თელიანის ველიდან, 1893, ანტუან მოსანო”. ღვინომ იმპერატორის უდიდესი მოწონება დაიმსახურა და ამგვარად, კახეთის ნოყიერ მიწაზე მდებარე ამ პატარა ველს სწორედ მოსანომ და “თელიანმა "გაუთქვეს სახელი. წინანდლის ძველ მარანში დღესაც შეხვდებით სხვადასხვა მოსავლის “თელიანს” და მოსანოს შექმნილ სხვა ქართულ-ფრანგულ ღვინოებსა თუ კონიაკებს. ამჟამად ალექსანდრე ჭავჭავაძის მამულებში „თელიანი ველის“ ვენახებია გაშენებული. თელიანი ველი აგრძელებს ტრადიციას და მომხმარებელს ყურძნის უძველესი ჯიშებისაგან დაწურულ, ტრადიციული და ქართულ-ევროპული ტექნოლოგიებით დამზადებულ ღვინოებს სთავაზობს.