გემოზოლი კოჟრის მალამო 10გ

გემოზოლი
კოჟრის მალამო

სალიცილის მჟავა, 
500 მგ/გ
მალამო გარეგანი გამოყენებისათვის
(მხოლოდ კოჟრებზე)

პრეპარატის სავაჭრო დასახელება: გემოზოლი კოჟრის მალამო

სამკურნალო ფორმა: მალამო გარეგანი გამოყენებისათვის

აღწერილობა: პასტის მსგავსი მომწვანო-მოყვითალო ფერის მალამო, კუმარინის დამახასიათებელი სუნით. მალამო უნდა იყოს ერთგვაროვანი, კოშტების გარეშე. დაშვებულია კრისტალების არსებობა. 

შემადგენლობა: 1 გ მალამო შეიცავს 500 მგ სალიცილის მჟავას (Acidum salicylicum) და 500 მგ ძიძოს ემპლასტროს (Emplastrum Meliloti).  

ფარმაკოთერაპიული ჯგუფი: 
დერმატოლოგიური პრეპარატები. სალიცილის მჟავას პრეპარატები. 
ATC Code: D02AF

ფარმაკოლოგიური თვისებები
ფარმაკოდინამიკა  
პრეპარატი შეიცავს სალიცილის მჟავას და ძიძოს ემპლასტროს. ძიძოს ემპლასტრო კუმარინის შემცველობის გამო ახდენს დამარბილებელ და ანთების საწინააღმდეგო მოქმედებას. სალიცილის მჟავა, გააჩნია რა გამაუსნებოვნებელი, კერატოლიზური და კერატოპლასტიური თვისებები, ახდენს კანის გარქოვანებული ფენის მოცილებას.  

ფარმაკოკინეტიკა 
პრეპარატის ფარმაკოკინეტიკური კვლევები არ ჩატარებულა. კანის გარქოვანებულ ნაწილებზე პრეპარატის დატანისას სალიცილის მჟავას აბსორბცია კანიდან სისხლის მიმოქცევაში არის ძალიან უმნიშვნელო. ამ შემთხვევებში სალიცილის მჟავა იგივე ფორმით გამოიყოფა ორგანიზმიდან შარდით. 

გამოყენების ჩვენება:
კოჟრები და დაკოჟვრა, ტერფების კანის გარქოვანება.

უკუჩვენება: 
მომატებული მგრძნობელობა სალიცილის მჟავას ან ძიძოს ემპლასტროს მიმართ, კანის მწვავე ანთებითი დაავადებები. 

განსაკუთრებული მითითებები:
ალერგიული რეაქციების ან კანის ანთების სიმპტომების გაჩენისას მკურნალობა უნდა შეწყდეს. თავი მოარიდეთ პრეპარატის თვალში, ლორწოვან გარსზე მოხვედრას. არ არის რეკომენდებული პრეპარატის დატანა კანის ჯანმრთელ ზედაპირზე, აგრეთვე ჭრილობებზე, რამაც შეიძლება გამოიწვიოს სალიცილის მჟავასთვის დამახასიათებელი საერთო გვერდითი მოქმედებები. 

ორსულობა და ლაქტაციის პერიოდი
ნუ გამოიყენებთ პრეპარატს ორსულობის და ლაქტაციის პერიოდში. 

გამოყენების წესი და დოზირება:  
გარეგანი გამოყენების პრეპარატი. ტერფები უნდა დაიორთქლოს და კარგად გამშრალდეს. კოჟრზე იდება მალამოს თხელი ფენა, რომელზეც დაეკვრება ემპლასტრო. უნდა განმეორდეს დილას და საღამოს რამოდენიმე დღის განმავლობაში, აპლიკაციების ადგილების წყლით ჩამობანის გარეშე. შემდეგ ტერფები კარგად უნდა დაიორთქლოს და ფრთხილად იქნას მოცილებული კოჟრი. არ არის რეკომენდებული კოჟრის ამოჭრა ან მოგლეჯა. აუცილებლობის შემთხვევაში კურსი გაიმეორეთ 3 დღის შემდეგ. გამოყენების წინ რეკომენდებულია მალამოს ოდნავ შეთბობა (არაუმეტეს 40°ჩ). 

გვერდითი მოქმედება    
პრეპარატმა შეიძლება გამოიწვიოს ალერგიული რეაქციები და კანის გაღიზიანება. 

ჭარბი დოზირება 
არ არსებობს მონაცემები პრეპარატის ჭარბი დოზირების შესახებ ინსტრუქციის თანახმად მისი გამოყენების პირობებში. 

ურთიერთქმედება სხვა სამკურნალო საშუალებებთან და სხვა სახის ურთიერთქმედებები 
არ არსებობს მონაცემები სხვა სამკურნალო საშუალებებთან ურთიერთქმედების შესახებ გარეგანი არახანგრძლივი გამოყენების შემთხვევაში პრეპარატის გამოყენების წესში აღწერილი მითითებების თანახმად. 

პრეპარატის გავლენა სატრანსპორტო საშუალებების და სხვა მექანიზმების მართვის უნარზე
პრეპარატი არ ახდენს გავლენას ადამიანის ფსიქოფიზიკურ უნარზე მართოს სატრანსპორტო საშუალებები და სხვა მექანიზმები. 

შეფუთვა:
მრგვალი პოლიეთილენის კოლოფი 10 გ მალამოთი გამოყენების ინსტრუქციასთან ერთად მოთავსებულია მუყაოს კოლოფში. 

შენახვის პირობები:
ინახება დახურულ შეფუთვაში ბავშვებისათვის მიუწვდომელ ადგილას, 25°C -ზე დაბალ ტემპერატურაზე.  

ვარგისობის ვადა: 3 წელი.

გაცემის რეჟიმი:
ფარმაცევტული პროდუქტის ჯგუფი - III, გაიცემა რეცეპტის გარეშე