გაზაფხულზე დაკარგული

ანოტაცია

გარდა იმისა, რომ აგათამ დეტექტივის ჟანრი უფრო მაღალ საფეხურზე აიყვანა და დაამკვიდრა - ტიპური დეტექტივების ზედაპირულობას და მხოლოდ მოულოდნელობებზე თამაშს აქ ვერ შეხვდებით - მის ტექსტებში სულ სხვა სიღრმეებია საგრძნობი. ამასთან, ეს სიღრმეები მხოლოდ დეტექტივის ჟანრით არ შემოიფარგლება. ის შესანიშნავ რომანებსაც წერდა, ოღონდ - მერი უესტმაკოტის ფსევდონომით. ასე რომ, აგათა კრისტი არა მხოლოდ ქალ მწერალთა შორის არის გამორჩეული, არამედ მთლიანად, მსოფლიო ლიტერატურის გიგანტებს შორისაც. ამიტომ ამ სერიაში, იმ ქალთა რიგში, რომელთაც განუმეორებელი კვალი დააჩნიეს ლიტერატურას, მას განსაკუთრებული ადგილი ეკუთვნის. აგათა კრისტის „გაზაფხულზე დაკარგული“ თვითკმაყოფილი ქალის ფსიქოლოგიურ პორტრეტს გვიხატავს. ქალს გაუთვალისწინებელი „დაკარგვა“ დაფიქრებას აიძულებს და აღმოჩენამდეც კი მიიყვანს.