Etothem - ეტოთემი კრემი 50გ

ეტოთემი® %10+%1 კრემი

გამოიყენება კანზე წასასმელად

• აქტიური ნივთიერება:კრემის ყოველი გ შეიცავს 100მგ ეტოფენამატს და 10მგ ბენზილ ნიკოტინატს.
• ექსციპიენტები: ბენზილის სპირტი, იზოპროპილ მირისტატი, გლიცეროლ მონოსტეარატი, პოლიოქსიეთილენ 100 სტეარატი, ცეტილის სპირტი, ნატრიუმის ციტრატი, დეიონიზებული წყალი.

ამ მედიკამენტის გამოყენების დაწყებამდე ყურადღებით წაიკითხეთ ჩანართი სრულად რადგან ის შეიცავს თქვენთვის მნიშვნელოვან ინფორმაციას: · შეინახეთ ინსტრუქცია/ჩანართი. შეიძლება დაგჭირდეთ მისი ხელახლა წაკითხვა · დამატებითი კითხვების შემთხვევაში მიმართეთ ექიმს ან ფარმაცევტს · ეს მედიკამენტი დაგენიშნათ პირადად თქვენ, არ გადასცეთ ის სხვა პირებს · ამ მედიკამენტის მიღებისას, თუ მიდიხართ ექიმთან ან საავადმყოფოში, აცნობეთ ექიმს, რომ იყენებთ ამ მედიკამენტს · მიჰყევით ამ ჩანართში მოყვანილ ინსტრუქციებს აბსოლუტურად. არ გამოიყენოთ წამლის მაღალი ან დაბალი დოზები, გამოიყენეთ თქვენთვის რეკომენდებული ზუსტი დოზა.

ამ პროდუქტის საინფორმაციო ჩანართში:

1 .რა არის ეტოთემი რისთვის გამოიყენება?

2. სანამ გამოიყენებდეთ ეტოთემს მიღებამდე

3. როგორ გამოიყენება ეტოთემი?

4. შესაძლო გვერდითი ეფექტები

5. როგორ ინახება ეტოთემი

 

1. რა არის ეტოთემი და რისთვის გამოიყენება?

ეტოთემი წარმოდგენილია ალუმინის ტუბებში, შეიცავს 50გ კრემს და მოთავსებულია მუყაოს კოლოფში.

ეტოთემი წამლის სუბსტანციის სახით შეიცავს ეტოფენამატს და ბენზილ ნიკოტინატს.

ეტოფენამატი მიეკთვნება არასტეროიდულ (კორტიზონისგან თავისუფალ) ანტი-რევმატულ (რევმატიზმის სამკურნალო) საშუალებას და გააჩნია ინფექციის/ანთების საწინააღმდეგო და ტკივილგამაყუჩებელი (ანალგეზიური) თვისებები.

ეტოთემი გამოიყენება ქვემოთ ჩამოთვლილი შემთხვევების სამკურნალოდ:

ძვალ-კუნთოვანი სისტემის რბილი ქსოვილების ხანგრძლივად მიმდინარე რევმატიული დაავადებები

·კუნთების რევმატიზმი

·კუნთის გამაგრება გაყინული მხრით (მხრის სახსრის პერიართრიტი)

·ლუმბაგო, ზურგის ტკივილი

·საჯდომი ნერვის ტკივილი

·რბილი ქსოვილების ანთებითი დაავადება სახსრების ირგვლივ (ტენდინიტი, ბურსიტი)

·დაავადებები, რომლებიც განვითარებულია ზურგის ძვლების ან სახსრების დატვირთვით ან ეროზიით (სპონდილოზი, ოსტეოართრიტი, სახსრების კალციფიკაცია)

2 . ეტოთემის გამოყენებამდე

ნებისმიერი მედიკამენტის გამოყენებამდე მიმართეთ ექიმს ან ფარმაცევტს

არ გამოიყენოთ ეტოთემი შემდეგი მდგომარეობების დროს

·თუ გაქვთ ჰიპერმგრძნობელობა (ალერგია) ეტოფენამატის, ფლუფენამის მჟავას, ბენზილ ნიკოტინატის, ეტოთემის რომელიმე ინგრედიემტის ან სხვა ანალგეზიური ან რევმატული პრეპარატების მიმართ (ანთების საწინააღმდეგო არასტეროიდული პრეპარატები).

·იმყოფებით ორსულობის გვიან პერიოდში (6 თვის შემდეგ)

·ბავშვს ძუძუთი კვებავთ

·ხართ 18 წლამდე ასაკის

ეტოთემის მიღებისას გამოიჩინეთ განსაკუთრებული სიფრთხილე სემდეგ სიტუაციებში

·თუ გამოყენების ადგილი დაზიანებულია, არის ღია ჭრილობა, ეგზემა, ან ეგზემის მსგავსი მდგომარეობა.

·არ გამოიყენოთ ლორწოვნზე, როგორიცაა: ტუჩები, ინტრანაზალური მიდამო და თვალები.

თუ ეს გეხებათ ან წარსულში გეხებოდათ, მიმართეთ ექიმს.

ეტოთემის გამოყენება საკვებთან და სასმელთან ერთად

მედიკამენტის გამოყენების მეთოდიდან გამომდინარე, არ გააცნია ურთიერთქმედება საკვებთან და სასმელთან.

ორსულობა

ნებისმიერი პრეპარატის გამოყენებამდე მიმართეთ ექიმს ან ფარმაცევტს

ასევე არ გამოიყენოთ ეტოთემი ორსულობის 6 თვის შემდეგ.

თუ მკურნალობის დროს აღმოაჩენთ, რომ ორსულად ხართ, დაუყოვნელივ მიმართეთ ექიმს ან ფარმაცევტს.

ლაქტაცია

ნებისმიერიპრეპარატის გამოყენებამდე მიმართეთ ექიმს ან ფარმაცევტს.

არ გამოიყენოთ ეტოთემი ლაქტაციის პერიოდში.

ავტომობილის მართვა და მექანიზმებთან მუშაობა

არ არსებობს ინფორმაცია ეტოთემის გავლენის შესახებ ავტომობილის მართვის ან მექანიზმებთან მუშაობის უნარზე.

მნიშვნელოვანი ინფორმაცია ეტოთემის ზოგიერთი ექსციპიენტის შესახებ

ეთოთემის შემადგენლობაში შემავალმა ბენზილ ნიკოტინატმა შეიძლება გამოიწვიოს სიწითლე და წვის შეგრძნება.

ეტოთემი შეიცავს ცეტილის სპირტს. ცეტილის სპირტმა შეიძლება გამოიწვიოს კანის ადგილობრივი რეაქციები (კონტაქტურ დერმატიტი).

გამოყენება სხვა მედიკამენტებთან ერთად

ეტოთემის რეკომენდაციების შესაბამისად კანზე გამოყენებისას, არ არის მოხსენებული წამლის ურთიერთქმედება. გთხოვთ, აცნობეთ ექიმს ან ფარმაცევტს თუ იღებთ ან ბოლო პერიოდში, მიღებული გაქვთ რაიმე მედიკამენტი, რეცეპტით ან ურეცეპტოდ გაცემული საშუალებების ჩათვლით.

3. როგორ გამოიყენება ეტოთემი?

ინსტრუქციები სათანადო გამოყენების და დოზირების/მიღების სიხშირის შესახებ

თქვენი ექიმი გეტყვით ეტოთემის დოზას თქვენი დაავადების მიხედვით. თუ სხვაგვარად არ არის დანიშნული ექიმის მიერ, დაიცავით შემდეგი ინსტრუქციები.

დაიტანეთ თხილის ზომის ეტოთემი კრემი მტკივნეულ ადგილზე, დღეში 3-4-ჯერ.

გამოყენების გზა და მეთოდი

ეტოთემი განკუთვნილია მხოლოდ კანზე, გარეგანი გამოყენებისთვის.

ეტოთემის წასმისას გამოიყენეთ მასირების ხუფი, კრემი ნაზად უნდა შეიზილოს კანში წრიული მოძრაობით. მკურნალობა შეიძლება გაგრძელდეს 2 კვირამდე. ჩივილების გახანგრძლივების შემთხვევაში მიმართეთ ექიმს, რათა განსაზღვროთ გჭირდებათ თუ არა მკურნალობის გაგრძელება.

განსხვავებული ასაკობრივი ჯგუფები

გამოყენება ბავშვებში

რადგან არ არსებობს ბავშვებში კლინიკური გამოცდილება, ეტოთემი არ უნდა გამოიყენონ.

გამოყენება ხანდაზმულებში (65 წელზე უფროსი ასაკის)

დოზის ცვლილება აუცილებელი არ არის.

განსაკუთრებული პოპულაციები

თირკმლის/ღვიძლის დაზიანება

დოზის ცვლილება აუცილებელი არ არის.

თუ გაქვთ შთაბეჭდილება, რომ ეტოთემის ეფექტი ძალიან ძლიერი ან ძალიან სუსტია, მიმართეთ ექიმს ან ფარმაცევტს.

თუ მიიღეთ საჭიროზე მეტი ეტოთემი

როდესაც კანზე გამოიყენება რეკომენდებულზე მაღალი დოზა, საჭიროა ეტოთემის მოშორება და კანის წყლით დაბანა.

თუ მიიღეთ საჭიროზე მეტი რაოდენობა მიმართეთ ექიმს ან ფარმაცევტს.

თუ დაგავიწყდათ ეტოთემის გამოყენება:

გამოტოვებულის კომპენსაციისთვის არ მიიღოთ ორმაგი დოზა.

ეფექტები, რომლებიც შეიძლება განვითარდეს ეტოთემის გამოყენების შეწყვეტისას

არ არის წარმოდგენილი

4. შესაძლო გვერდითი ეფექტები

როგორც ყველა მედიკამენტის შემთხვევაში გვერდითი ეფექტები შეიძლება განვითარდეს იმ პირებში, რომლებსაც აღენიშნებათ მგრძნობელობა მისი კომპონენტების მიმართ.

არასასურველი ეფექტების შეფასება დაფუძნებულია შემდეგ ინფორმაციაზე:

ძალიან ხშირი:შეიძლება აღინიშნოს 10-დან 1-ზე ნაკლებ პაციენტში,

ხშირი:შეიძლება აღინიშნოს 10-დან 1-ზე ნაკლებ პაციენტში, მაგრამ არა უმეტეს 100-დან 1 პაციენტში.

ნაკლებად ხშირი: შეიძლება აღინიშნოს 100-დან 1-ზე ნაკლებ, მაგრამ არა უმეტეს 1000-დან 1 პაციენტში.

იშვიათი: შეიძლება აღინიშნოს 1000-დან 1-ზე ნაკლებ, მაგრამ არა უმეტეს 10000-დან 1 პაციენტში

ძალიან იშვიათი: შეიძლება აღინიშნოს 10000-დან 1-ზე ნაკლებ პაციენტში.

უცნობი: შეფასება შეუძლებელია არსებული მონაცემების მიხედვით.

თუ ვითარდება ჩამოთვლილთაგან რომელიმე, შეწყვიტეთ ეტოთემის მიღება და დაუყოვნებლივ აცნობეთ ექიმს ან მიმართეთ უახლოეს საავადმყოფოს გადაუდებელი დახმარების განყოფილებას:

- მძიმე ჰიპერმგრძნობელობის რეაქციები

ეს ყველაფერი ძალიან სერიოზული გვერდითი მოვლენებია. თუ თქვენ გაქვთ ერთ-ერთი ასეთი, გაქვთ სერიოზული ალერგიული რეაქცია ეტოთემზე. შეიძლება დაგჭირდეთ სასწრაფო სამედიცინო ჩარევა ან საავადმყოფოში გადაყვანა. ეს ძალიან სერიოზული გვერდითი მოვლენები გვხვდება ძალიან იშვიათად.

თუ ეტოთემი გამოიყენება დიდ ფართობზე და ხანგრძლივად, შესაძლებელია გვერდითი ეფექტების განვითარება, რომლებმაც შეიძლება იმოქმედოს სპეციფიკურ ორგანოთა სისტემაზე ან მთელ ორგანიზმზე, ისე როგორც აღინიშნება ეტოფენამატის სისტემური გამოყენებისას.

ნაკლებად ხშირი:

·კანის სიწითლე

·წვის შეგრძნება

ძალიან იშვიათი

ჰიპერმგრძნობელობის რეაქციები და ადგილობრივი ალერგიული რეაქციები (კონტაქტური დენატიტი)

კანის რეაქციები სწრაფად იკლებს მედიკამენტების მიღების შეწყვეტისას. ამიტომ, არ არის საჭირო რაიმე კონკრეტული ქმედება.

თუ შეამჩნევთ რაიმე გვერდით მოვლენას, რომელიც არ არის აღნიშნული ამ ჩანართში, გთხოვთ, აცნობოთ თქვენს ექიმს ან ფარმაცევტს.

გვერდითი ეფექტების შეტყობინება

გაესაუბრეთ თქვენს ექიმს ან ფარმაცევტებს რაიმე გვერდითი მოვლენის გამოვლენის შემთხვევაში, რომელიც მითითებულია ან არ არის ამ ფურცელ-ჩანართში. გვერდითი ეფექტების მოხსენებით თქვენ მოგვაწოდებთ მეტ ინფორმაციას იმ წამლის შესახებ, რომელსაც იყენებთ.

5.როგორ ინახება ეტოთემი

ეტოთემი შეინახეთ ბავშვებისთვის მიუწვდომელ ადგილზე, ორიგინალურ შეფუთვაში.

ინახება ოთახის ტემპერატურაზე, არა უმეტეს 25°C.

გამოიყენეთ ვარგისობის ვადის ამოწურვამდე

არ გამოიყენეთ შეფუთვაზე მითითებული ვარგისობის ვადის გასვლის შემდეგ.

არ გადაადგოთ ვადაგასული ან არასაჭირო მედიკამენტები! გადაეცით შეგროვების სისტემას, რომელიც განსაზღვრულია გარემოს დაცვის და ურბანიზაციის სამინისტროს მიერ.

გაცემის წესი:

ფარმაცევტული პროდუქტის ჯგუფი - III , გაიცემა რეცეპტის გარეშე