ერიუსი - Aerius 5მგ 20 ტაბლეტი

ერიუსი®, 5 მგ, აპკიანი გარსით დაფარული ტაბლეტები

მოქმედი ნივთიერება: დესლორატადინი

პრეპარატის გამოყენების წინ სრულად წაიკითხეთ ფურცელ-ჩანართი, რამდენადაც იგი შეიცავს თქვენთვის მნიშვნელოვან ინფორმაციას.

ყოველთვის გამოიყენეთ პრეპარატი ფურცელ-ჩანართის, მკურნალი ექიმის ან აფთიაქის თანამშრომლის რეკომენდაციების სიზუსტით.

შეინახეთ ფურცელ-ჩანართი. შესაძლოა, კიდევ დაგჭირდეთ წასაკითხად.

თუ გჭირდებათ დამატებითი ცნობები ან რეკომენდაციები, მიმართეთ აფთიაქის თანამშრომელს.

რაიმე არასასურველი რეაქციების წარმოშობის შემთხვევაში, მიმართეთ მკურნალ ექიმს ან აფთიაქის თანამშრომელს. მოცემული რეკომენდაცია ვრცელდება ნებისმიერ შესაძლო არასასურველ რეაქციაზე, მათ შორის მათზეც, რომელიც არაა ჩამოთვლილი ფურცელ-ჩანართის მე-4 განყოფილებაში.

თუ მდგომარეობა არ გაუმჯობესდება ან იგი გაუარესდება, უნდა მიმართოთ მკურნალ ექიმს.

ფურცელ-ჩანართის შინაარსი:

1. რას წარმოადგენს პრეპარატი ერიუსი® და რისთვის გამოიყენება.

2. რა უნდა ვიცოდეთ პრეპარატ ერიუსის® გამოყენების წინ.

3. პრეპარატ ერიუსის® გამოყენება.

4. შესაძლო არასასურველი რეაქციები.

5. პრეპარატ ერიუსის® შენახვა.

6. შეფუთვის შემცველობა და სხვა ცნობები.

1. რას წარმოადგენს პრეპარატი ერიუსი® და რისთვის გამოიყენება.

პრეპარატი ერიუსი® შეიცავს მოქმედ ნივთიერებას დესლორატადინს, რომელიც წარმოადგენს ანტიჰისტამინურ საშუალებას.

დესლორატადინი თრგუნავს ნივთიერებას, რომლის დასახელებაა „ჰისტამინი“, რომელიც გამომუშავდება ორგანიზმში ალერგიული რეაქციებისას და ალერგიის ძირითადი სომპტომების გაჩენის მიზეზს წარმოადგენს.

დესლორატადინი ამსუბუქებს ალერგიული რეაქციების მიმდინარეობას, ამცირებს ქავილს და შეშუპებას.

პრეპარატი პრაქტიკულად არ იწვევს ძილიანობას და არ მოქმედებს რეაქციების სისწრაფეზე. პრეპარატის მოქმედება იწყება მიღებიდან 30 წუთის განმავლობაში და გრძელდება 24 საათის განმავლობაში.

გამოყენების ჩვენებები

პრეპარატი ერიუსი® ნაჩვენებია გამოიყენება მოზრდილებსა და 12 წლის ზემოთ ბავშვებში ალერგიული რინიტისას (ცემინების, ცხვირის გაჭედვის, ცხვირიდან ლორწოს გამონადენის, ცხვირის ქავილის, სასის ქავილის, თვალების ქავილის და სიწითლის, ცრემლდენის აღმოფხვრა); ჭინჭრის ციებისას (კანის ქავილის, გამონაყარის შემცირება ან აღმოფზვრა).

თუ გაუმჯობესება არ მოხდა ან იგრძენით გაუარესება, საჭიროა მიმართოთ ექიმს.

იხილეთ ბლოგი: >ერიუსი — ალერგიის საწინააღმდეგო, ანტიჰისტამინური საშუალება

2. რა უნდა ვიცოდეთ პრეპარატ ერიუსის® გამოყენების წინ.

უკუჩვენებები

არ მიიღოთ პრეპარატი ერიუსი®:

· თუ გაქვთ ალერგია დესლორატადინზე ან ლორატიდინზე და/ან პრეპარატის ნებისმიერ სხვა კომპონენტზე (ჩამოთვლილია ფურცელ-ჩანართის მე-6 განყოფილებაში);

· თუ ორსულად ხართ ან ძუძუთი კვებავთ.

განსაკუთრებული მითითებები და უსაფრთხოების ზომები

პრეპარატ ერიუსის® გამოყენების წინ გაიარეთ კონსულტაცია მკურნალ ექიმთან ან აფთიაქის თანამშრომელთან.

აცნობეთ მკურნალ ექიმს თუ გაქვთ:

· თირკმელების მძიმე დაავადება;

· თავს იჩენდა კრუნჩხვები.

აუცილებელია სიფრთხილის დაცვა პრეპარატ ერიუსის® გამოყენებისას პაციენტებში კრუნჩხვებით ანამნეზში, განსაკუთრებით ბავშვთა ასაკის პაციენტებში. კრუნჩხვების განვითარებისას უნდა შეწყვიტოთ პრეპარატის გამოყენება და მიმართოთ ექიმს.

ბავშვები და მოზარდები

პრეპარატი ერიუსი® არ არის განკუთვნილი 12 წელზე უმცროსი ბავშვებისთვის მისაღებად.

სხვა პრეპარატები და პრეპარატი ერიუსი®

აცნობეთ მკურნალ ექიმს ან აფთიაქის თანამშრომელს იმის შესახებ, რომ იღებთ, ცოტა ხნის წინ იღებდით ან შესაძლოა დაიწყოთ რაიმე სხვა პრეპარატის მიღება.

პრეპარატი ერიუსი® და ალკოჰოლი

საჭიროა პრეპარატ ერიუსის® სიფრთხილით გამოყენება ალკოჰოლთან ერთად, ვინაიდან დესლორატადინის ალკოჰოლთან ერთად მიღებისას აღინიშნებოდა ალკოჰოლის და ალკოჰოლური თრობის აუტანლობა.

ორსულობა და ძუძუთი კვება

თუ ორსულად ხართ, ძუძუთი კვებავთ, ფიქრობთ, რომ დაორსულდით, ან გეგმავთ დაორსულებას, პრეპარატის მიღების წინ გაიარეთ კონსულტაცია მკურნალ ექიმთან ან აფთიაქის თანამშრომელთან.

არ გამოიყენოთ პრეპარატი ერიუსი® ორსულობისას და ძუძუთი კვების პერიოდში.

სატრანსპორტო საშუალებების მართვა და მუშაობა მექანიზმებთან

რეკომენდებული დოზებით სწორი გამოყენების შემთხვევაში, პრეპარატი გავლენას არ ახდენს ავტოსატრანსპორტო საშუალებების მართვასა და მექანიზმებთან მუშაობაზე, თუმცა, პრეპარატის მიღების შემდეგ შეიძლება გამოვლინდეს თავბრუსხვევა და ძილიანობა (იხ. განყ. 4). თუ განიცდით მსგავს არასასურველ ეფექტებს, თავი შეიკავეთ სატრანსპორტო საშუალებების მართვისგან ან მექანიზმებთან მუშაობისგან.

პრეპარატი ერიუსი® შეიცავს ლაქტოზის მონოჰიდრატს

თუ გაქვთ ზოგიერთი შაქრის აუტანლობა, მიმართეთ მკურნალ ექიმს აღნიშნული სამკურნალწამლო პრეპარატის მიღებამდე.

3. პრეპარატ ერიუსის® გამოყენება

ყოველთვის გამოიყენეთ პრეპარატი ფურცელ-ჩანართთან ან მკურნალი ექიმის ან აფთიაქის თანამშრომლის რეკომენდაციებთან სრული შესაბამისობით. ეჭვის გაჩენისას გაიარეთ კონსულტაცია მკურნალ ექიმთან ან აფთიაქის თანამშრომელთან.

რეკომენდებული დოზამოზრდილებისთვის - 1 ტაბლეტი (5 მგ) 1-ხელ დღეში.

გამოყენება ბავშვებსა და მოზარდებში

მოზარდები 12 წლიდან - 1 ტაბლეტი (5 მგ) 1-ხელ დღეში.

შეყვანის გზა და ხერხი

შიგნით მისაღებად. ტაბლეტი უნდა ჩაიყლაპოს მთლიანად, დაღეჭვის გარეშე, წყლის მიყოლებით. სასურველია პრეპარატის მიღება რეგულარულად ერთი და იგივე დროს, მიუხედავადსაკვების მიღების დროისა.

თერაპიის ხანგრძლივობა

სეზონური ალერგიული რინიტის მკურნალობისას (სიმპტომების არსებობა კვირაში 4 დღეზე ან წელიწადში 4 კვირაზე ნაკლები ხნის განმავლობაში) აუცილებელია შეფასდეს დაავადების მიმდინარეობა. სიმპტომების გაქრობის შემდეგ პრეპარატის მიღება უნდა შეწყდეს. სიმპტომების განმეორებით გაჩენისას მკურნალობა შეიძლება განახლდეს.

მთელი წლის განმავლობაში არსებული ალერგიული რინიტისას (სიმპტომების არსებობა კვირაში 4 დღეზე ან წელიწადში 4 კვირაზე მეტი ხნის განმავლობაში) სავარაუდოა ხანგრძლივი მკურნალობა ალერგენთან კონტაქტის მთელი პერიოდის განმავლობაში.

ჭინჭრის ციებისას გამოიყენება სიმპტომების არსებობისას, თერაპიის ინდივიდუალური ხანგრძლივობა განისაზღვრება ექიმის მიერ.

თუ დაგავიწყდათ პრეპარატ ერიუსის® მიღება

არ მიიღოთ ორმაგი დოზა გამოტოვებულის საკომპენსაციოდ.

თუ პრეპარატი ერიუსი® საჭიროზე მეტი გამოიყენეთ

პრეპარატის დიდი რაოდენობის შიგნით შემთხვევით მიღებისას აუცილებელია დაუყოვნებლივ მიმართოთ ექიმს.

თუ პრეპარატის ზედოზირების მომენტიდან ცოტა დრო გავიდა, რეკომენდებულია აქტივირებული ნახშირის მიღება (სამედიცინო გამოყენების ინსტრუქციის შესაბამისად).

შეძლებისდაგვარად თან წაიღეთ პრეპარატის შეფუთვა, რათა აჩვენოთ ექიმს, რომელი პრეპარატი მიიღეთ.

პრეპარატის გამოყენებასთან დაკავშირებით არსებულ შეკითხვებზე მიმართეთ მკურნალ ექიმს ან აფთიაქის თანამშრომელს.

4. შესაძლო არასასურველი რეაქციები

ყველა სხვა სამკურნალწამლო პრეპარატების მსგავსად, პრეპარატ ერიუსს® შეუძლია გამოიწვიოს არასასურველი რეაქციები, თუმცა არა ყველაში.

დაუყოვნებლივ დაუკავშირდით მკურნალ ექიმს, თუ შენიშნავთ რომელიმეს ქვემოთ ჩამოთვლილი სერიოზული არასასურველი რეაქციებიდან - შესაძლოა დაგჭირდეთ გადაუდებელი სამედიცინო დახმარება:

• ანაფილაქსია (კანის საფარი ხდება ცივი, ნოტიო და მოლურჯო, დაბლდება არტერიული წნევა, გონების დაკარგვა, ქოშინი);

• ანგიონევროტიკული შეშუპება (გამოხატული შეშუპებები ტუჩებზე, ქუთუთოებზე, პირის ლორწოვანზე, შეიძლება გავრცელდეს საყლაპავის ლორწოვან გარსზე, რამაც შესაძლოა გამოიწვიოს ხმის ჩახლეჩვა, მყეფარი ხველა);

• ცვლილება ელექტროკარდიოგრამაზე, რომელსაც QT ინტერვალის გაგრძელება ჰქვია;

• კრუნჩხვები;

• ჰალუცინაციები;

• უჩვეულო ქცევა;

• აგრესია;

• ჰეპატიტი (ყრუ ტკივილები მარჯვენა ნეკნქვეშ, ღვიძლის ზომების გაზრდა);

• სიყვითლე (კანის, თვალის სკლერის მოყვითალო ფერი).

სხვა არასასურველი რეაქციები

აცნობეთ მკურნალ ექიმს, თუ შენიშნავთ რომელიმეს ქვემოთ ჩამოთვლილი შემდეგი არასასურველი რეაქციებიდან:

ხშირად - შეიძლება წარმოეშვას არაუმეტეს 1 ადამიანს 10-დან:

• თავის ტკივილი,
• პირის სიმშრალე,
• მომატებული დაღლილობა,

ძალზე იშვიათად - შეიძლება წარმოეშვას არაუმეტეს 1 ადამიანს 10 000-დან:

• თავბრუს ხვევა,
• ძილიანობა,
• უძილობა,
• ფსიქომოტორული ჰიპერაქტიურობა (უზომო მოძრაობითი აქტიურობა და მომატებული აღგზნებადობა),

• მუცლის ტკივილი,
• გულისრევა,
• ღებინება,
• დისპეფსია (დისკომფორტი და ტკივილი მუცელში),

• დიარეა,
• მომატებული მადა,
• ტაქიკარდია (გულის შეკუმშვის სიხშირის გაზრდა),
• გულისცემა,
• მიალგია (კუნთების ტკივილი),
• ქოშინი,
• ქავილი,
• გამონაყარი, მათ შორის ჭინჭრის ციება,
• ღვიძლის ფერმენტების აქტივობის მომატება და ბილირუბინის კონცენტრაციის მომატება, რომელიც ვლინდება ბიოქიმიური კვლევისას.

უცნობია - არსებული მონაცემებიდან გამომდინარე წარმოშობის სიხშირის გარკვევა შეუძლებელია:

· ასთენია (მომატებული დაღლილობა),

· არითმია ( გულის რიტმის დარღვევა),

· ბრადიკარდია (გულის შეკუმშვის სიხშირის შემცირება),

· ფოტოსენსიბილიზაცია (კანის და ლორწოვანის მგრძნობელობის გაზრდა მზის სინათლისადმი),

· სხეულის მასის მატება.

შეტყობინება არასასურველ რეაქციებზე

თუ პრეპარატ ერიუსის® მიღებისას წარმოგეშვათ რომელიმე არასასურველი რეაქცია, მიმართეთ მკურნალ ექიმს. ეს ასევე ეხება არასასურველ რეაქციებს, რომლებიც არ არის ჩამოთვლილი წინამდებარე ფურცელ-ჩანართში.

არასასურველი რეაქციების შესახებ შეტყობინებით, თქვენ გვეხმარებით შევაგროვოთ მეტი ინფორმაცია პრეპარატის უსაფრთხოების შესახებ.

5. პრეპარატ ერიუსის® შენახვა

შეინახეთ პრეპარატი ბავშვისთვის მიუწვდომელ ადგილზე ისე, რომ ბავშვმა ვერ დაინახოს იგი. არ მიიღოთ პრეპარატი ვარგისობის ვადის გასვლის შემდეგ (შენახვის ვადა), რომელიც მითითებულია ბლისტერზე და მუყაოს კოლოფზე სიტყვა „ვარგისია“-ს შემდეგ.

ვადის ამოწურვის თარიღს წარმოადგენს მოცემული თვის ბოლო დღე.

შეინახეთ არაუმეტეს 30˚C ტემპერატურაზე.

არ ჩააგდოთ პრეპარატი კანალიზაციაში. დააზუსტეთ აფთიაქის თანამშრომელთან, როგორ უნდა გაანადგუროთ პრეპარატი, რომელიც აღარ დაგჭირდებათ. ეს ზომები გარემოს დაცვის საშუალებას იძლევა.

6. შეფუთვის შემცველობა და სხვა ცნობები

პრეპარატი ერიუსი® შეიცავს

მოქმედი ნივთიერებაა დესლორატადინი.

თითოეული აპკიანი გარსით დაფარული ტაბლეტი შეიცავს 5,0 მგ მიკრონიზირებულ დესლორატადინს.

სხვა იგრედიენტებს (დამხმარე ნივთიერებებს) წარმოადგენს:

ტაბლეტის ბირთვი: კალციუმის ჰიდროფოსფატის დიჰიდრატი, მიკროკრისტალური ცელულოზა 102, სიმინდის სახამებელი, ტალკი;

ტაბლეტის აპკიანი გარსი: ოპადრაი II 32B10817 (ლაქტოზას მონოჰიდრატი, ჰიპრომელოზა, ტიტანის დიოქსიდი, მაკროგოლი, FD&C ცისფერი №2 / ინდიგოკარმინი ალუმინის ლაქი), კარნაუბის ცვილი.

პრეპარატ ერიუსის® გარეგნული სახე და შეფუთვის შემცველობა

აპკიანი გარსით დაფარული ტაბლეტები.

თეთრი ან თითქმის თეთრი გელისმაგვარი სუსპენზია დამახასიათებელი სუნით.

მრგვალი ორმხრივად ამობურცული ცისფერი ტაბლეტები. ტაბლეტს ერთ მხარეს აქვს მცირე ჩაღრმავება ცენტრში, მეორე მხარე გლუვია.

10 ტაბლეტი პოლივინილქლორიდის/პოლიქლორტრიფტორეთილენის/A1 ფოლგის ბლისტერში. 1, 2, 3, 4 ან 10 ბლესტერი ფურცელ-ჩანართთან ერთად მუყაოს ყუთში პირველი გახსნის კონტროლით.

სუსპენზიის ფორმით იხილეთ აქ: >AERIUS - ერიუსი 0.5მგ / მლ. 60 მლ. სიროფი

გაცემის წესი:

ფარმაცევტულიპროდუქტისჯგუფიIII, გაიცემა რეცეპტის გარეშე.