ექსტაზი

ანოტაცია

ფრედერიკ ბეგბედერი 1965 წელს პარიზის მახლობლად დაიბადა. მან განათლება მიიღო პოლიტიკურ მეცნიერებებში და მოგვიანებით რეკლამასა დ მარკეტინგში. 24 წლის ასაკში ბეგბედერმა ცნობილ სარეკლამო კომპანიაში Young & Rubicam დაიწყო მუშაობა კოპირაიტერად. რეკლამის სფეროში მან ათი წელი იმუშავა. პარალელურად ბევრს წერდა. იყო კრიტიკოსი, ტელეწამყვანი. დააარსა ოთხი ლიტერატურული ჟურნალი, ლიტერატურული პრიზი "ფლორა", თამაშობდა მცირე როლებს ფილმებში. 2000 წელს გამოვიდა რომანი "99 ფრანკი", რომელმაც ბეგბედერს მსოფლიო აღიარება მოუტანა. დაიწყო მისი წიგნების კინოადაპტაციები. მანამდე კი იყო "ექსტაზი" – მცირე ნოველების კრებული. ნარკოტიკი აქ მთავარი გმირია, მაგრამ თავად მოთხრობები მხიარულია და კეთილი, ლირიულიც კი. ფრედერიკ ბეგბედერი ფრანგული ინტელექტუალური წრეების ერთგვარი ემბლემური ფიგურაა, რომელიც არავის ტოვებს გულგრილს – ბევრს აღიზიანებს, უფრო მეტს კი ხიბლავს.