ეფექტი ჩაი 13გ#12პაკეტი

ეფექტი ჩაი

(EPHACT TEA)

 

 

ზოგადი დახასიათება: 

საერთაშორისო არაპატენტირებული დასახელება: პარაცეტამოლი,

ფენილეფრინი, ფენირამინი, ასკორბინის მჟავა;

ძირითადი ფიზიკურ-ქიმიური თვისებები:

თეთრი ფერის ფხვნილი, დასაშვებია ღია ყვითელი ფერის ან/და ნარინჯისფერი ჩანართების არსებობა;

შემადგენლობა:

1 პაკეტი შეიცავს: პარაცეტამოლს-500 მგ, ფენილეფრინის

ჰიდროქლორიდს-10 მგ, ფენირამინის მალეატს-20 მგ, ასკორბინის მჟავას-50 მგ.

დამხმარე ნივთიერებები: იზომალტი, საღებავი Sunset Уellow FCF (E110), ლიმონმჟავას მონოჰიდრატი, ნატრიუმის ციტრატი, კალიუმის აცესულფამი, ლიმონის ნატურალური არომატიზატორი.

გამოშვების ფორმა:

დოზირებული ფხვნილი პაკეტებში, 13 გ.

ფარმაკოლოგიური ჯგუფი: პარაცეტამოლი კომბინაციაში სხვა პრეპარატებთან (ნეიროლეპტიკების გარდა).

ATC Code: N02BE51.

ფარმაკოლოგიური თვისებები:

ეფექტი ჩაი წარმოადგენს კომბინირებულ პრეპარატს. პარაცეტამოლი ეფექტური ტკივილგამაყუჩებელი და სიცხის დამწევი საშუალებაა, რომელსაც ასევე გააჩნია სუსტად გამოხატული ანთების საწინააღმდეგო მოქმედება. პარაცეტამოლი ახდენს ზეგავლენას ჰიპოთალამუსში ლოკალიზებულ თერმორეგულაციის ცენტრზე და აინჰიბირებს პროსტაგლანდინების სინთეზს უპირატესად ცნს-ში. ეფექტურად და საიმედოდ ხსნის გაციებასთან დაკავშირებულ ყელის, თავის, კუნთებისა და სახსრების ტკივილს. პარაცეტამოლი გავლენას არ ახდენს წყალ-ელექტროლიტურ ბალანსზე

(არ იწვევს ნატრიუმისა და წყლის შეკავებას ორგანიზმში) და არ აზიანებს კუჭ-ნაწლავის ტრაქტის ლორწოვან გარსს. ფენილეფრინის ჰიდროქლორიდი მიეკუთვნება a1-ადრენომიმეტურ საშუალებებს. პრეპარატს გააჩნია

გამოხატული ვაზოკონსტრიქციული მოქმედება. ზედა სასუნთქი გზების (ცხვირის ღრუ, დანამატი წიაღები, ხახა) ლორწოვანი გარსის ჰიპერემიისა და შეშუპების შემცირების გზით, იგი ამცირებს რინორეას, ცემინებას, ცრემლდენას, რომელიც გამოწვეულია გრიპით, გაციებითა და ალერგიული

დაავადებებით და აღადგენს ცხვირით სუნთქვას. ფენილეფრინის ჰიდროქლორიდი აბლოკირებს   ჰისტამინისა და სეროტონინის გამოთავისუფლებას, ახდენს ბრონქოლიზურ მოქმედებას, რაც ხელს უწყობს გაციების სიმპტომების შემცირებას. ფენირამინის მალეატი - Н1 რეცეპტორების ბლოკატორია, ამცირებს სისხლძარღვების გამტარობას, ცრემლდენას, ცხვირის და თვალების ქავილს. ასკორბინის მჟავა გაციებისა და გრიპის დროს, განსაკუთრებით საწყის სტადიაზე, აკმაყოფილებს ორგანიზმის მომატებულ მოთხოვნილებას

C ვიტამინის მიმართ და ზრდის იმუნიტეტს.

ფარმაკოკინეტიკა:

პარაცეტამოლი პერორალური მიღებისას სწრაფად და თითქმის მთლიანად აბსორბირდება. მაქსიმალური კონცენტრაცია (C_max) პლაზმაში მიიღწევა

1 სთ-ში. ანალგეზიური ეფექტი ვლინდება პრეპარატის მიღებიდან

0.5-2 სთ-ის განმავლობაში. პარაცეტამოლის ბიოშეღწევადობა შეადგენს 80%-ს. პლაზმის ცილებს უკავშირდება პრეპარატის 20%. ნახევარგამოყოფის პერიოდი (T_1/2)  შეადგენს 2-3 სთ-ს. პარაცეტამოლი მეტაბოლიზმს განიცდის ღვიძლში. წარმოქმნილი კონიუგატები (გლუკურონიდები და სულფატები) ორგანიზმიდან გამოიყოფა თირკმლების საშუალებით. ფენილეფრინის ჰიდროქლორიდი ადვილად შეიწოვება პერორალური მიღებისას. მაქსიმალურ კონცენტრაციას (C_max) პლაზმაში აღწევს 1-2 სთ-ში, ბიოშეღწევადობა შეადგენს 40%-ს, ნახევარგამოყოფის პერიოდი (T_1/2)  _ 2-3 სთ-ს, მეტაბოლიზდება ღვიძლში და ნაწლავებში ფერმენტ მონოამინოოქსიდაზას საშუალებით. ფენილეფრინის ჰიდროქლორიდი და მისი მეტაბოლიტები გამოიყოფა ორგანიზმიდან თირკმლების  საშუალებით. ფენირამინის მალეატი კარგად შეიწოვება საჭმლის მომნელებელი სისტემიდან, მეტაბოლიზდება ღვიძლში, გამოიყოფა თირკმლების საშუალებით. ნახევარგამოყოფის პერიოდი შეადგენს 16-18 სთ-ს. პერორალური მიღებისას ასკორბინის მჟავა მთლიანად

აბსორბირდება კუჭ-ნაწლავის ტრაქტიდან. მისი კონცენტრაცია სისხლის პლაზმაში შეადგენს დაახლოებით 10-20 მკგ/მლ-ს,  ხოლო კავშირი პლაზმის ცილებთან - 25%-ს.

ჩვენება:

ეფექტი ჩაი გამოიყენება მწვავე რესპირატორულ-ანთებითი დაავადებების

და გრიპის სიმპტომების სამკურნალოდ: თავის ტკივილი, მაღალი ტემპერატურა, შემცივნება, ციებ-ცხელება, ცხვირით სუნთქვის გაძნელება, სურდო და ცემინება, ყელის ტკივილი, სახსრების და კუნთების ტკივილი. 

მიღების წესი და დოზირება:

ეფექტი ჩაი მიიღება პერორალურად. მოზრდილებსა და 14 წლის ზემოთ ასაკის ბავშვებში ინიშნება 1 პაკეტი ყოველ 4-6 სთ-ში ერთხელ, მაგრამ

არაუმეტეს 3 პაკეტისა 24 სთ-ის განმავლობაში. 1 პაკეტის შიგთავსი იხსნება ერთ ჭიქა ცხელ (და არა მდუღარე) წყალში. ეფექტი ჩაის მიღების ხანგრძლივობა არის 5 დღე.

გვერდითი მოვლენები:

კანის მხრივ: დერმატიტი. იმუნური სისტემის მხრივ: ანაფილაქსია, ჰიპერმგრძნობელობის რეაქციები – ქავილი, გამონაყარი კანსა და ლორწოვანზე, ანგიონევროტული ედემა, მულტიფორმული ექსუდაციური ერითემა (მათ შორის სტივენს-ჯონსონის სინდრომი), ტოქსიკური ეპიდერმული ნეკროლიზი (ლაიელის სინდრომი). ნერვული სისტემის მხრივ: თავის ტკივილი, თავბრუ, ტრემორი, ფსიქომოტორული აღგზნებადობა და ორიენტაციის დარღვევა, გაღიზიანებადობა, ძილის დარღვევები, უძილობა, ძილიანობა, ცნობიერების დაბინდვა, ჰალუცინაციები, დეპრესიული მდგომარეობები, პარესთეზია, შუილი ყურებში. ზოგ შემთხვევებში – კომა, კრუნჩხვები, დისკინეზია, ქცევის შეცვლა.

მხედველობის ორგანოს მხრივ: მხედველობის და აკომოდაციის დარღვევა, მიდრიაზი, თვალშიგა წნევის მომატება, თვალის სიმშრალე. სასუნთქი სისტემის მხრივ: ბრონქოსპაზმი პაციენტებში, რომელთაც აქვთ მომატებული მგრძნობელობა აცეტილსალიცილის მჟავასა და სხვა არასტეროიდული ანთების საწინააღმდეგო პრეპარატებისადმი (ასას). კუჭ-ნაწლავის ტრაქტის მხრივ: გულისრევა, ღებინება, გულძმარვა, პირის სიმშრალე, დისკომფორტი

და ტკივილი ეპიგასტრიუმის არეში, შეკრულობა, დიარეა, მეტეორიზმი,

ჰიპერსალივაცია, ჰემორაგიები, ლორწოვანი გარსის გაღიზიანებადობა.

საჭმლის მომნელებელი სისტემის მხრივ: ღვიძლის ფუნქციის დარღვევები; ჰიპერტრანსამინაზემია, როგორც წესი სიყვითლის განვითარების გარეშე; ჰეპატონეკროზი (მაღალი დოზების გამოყენების შემთხვევაში). ენდოკრინული სისტემის მხრივ: ჰიპოგლიკემია, შესაძლოა განვითარდეს ჰიპოგლიკემიური კომა. შარდგამომყოფი სისტემის მხრივ: ნეფროტოქსიკურობა, ინტერსტიციული ნეფრიტი, პაპილარული ნეკროზი, დიზურია, შარდის შეკავება და შარდვის გაძნელება, თირკმლის კოლიკა, თირკმლის უკმარისობა. გულ-სისხლძარღვთა სისტემის მხრივ: არტერიული ჰიპერტენზია, არითმიები (მათ შორის ტაქიკარდია,  ბრადიკარდია), ქოშინი, სტენოკარდიული შეტევა, ტკივილი გულის არეში. სისხლის და ლიმფური სისტემის მხრივ: ანემია (მათ შორის ჰემოლიზური ანემია), სულფჰემოგლობინემია და მეტჰემოგლობინემია (ციანოზი, ქოშინი, გულის არეში ტკივილი), პანციტოპენია, ლეიკოპენია, ნეიტროპენია, აგრანულოციტოზი, თრობმოციტოპენია. სხვა: საერთო სისუსტე, დაღლილობა. 

იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის

აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:

მომატებული მგრძნობელობა პრეპარატის შემადგენელი კომპონენტების მიმართ; პილოროდუოდენური ობსტრუქცია, მწვავე პანკრეატიტი, ღვიძლის და/ან თირკმლის ფუნქციის მძიმე დარღვევები; შაქრიანი დიაბეტი; თანდაყოლილი ჰიპერბილირუბინემია (მათ შორის ჟილბერის სინდრომი), გლუკოზა-6-ფოსფატ დეჰიდროგენაზას დეფიციტი; ორსულობა და ლაქტაციის პერიოდი; ბავშვთა ასაკი 14 წლამდე.

ურთიერთქმედება სხვა სამკურნალო საშუალებებთან და სხვა სახის ურთიერთქმედება:

ანტიდეპრესანტებთან, ფენოთიაზინის ჯგუფის ანტიფსიქოზურ პრეპარატებთან, პარკინსონის საწინააღმდეგო საშუალებებთან ეფექტი ჩაის ერთდროული გამოყენებისას იზრდება შარდის შეკავების, ყაბზობის, პირის სიმშრალის განვითარების რისკი. ეფექტი ჩაის ბარბიტურატებთან, დიფენინთან, კარბამაზეპინთან, რიფამპიცინთან და სხვა მიკროსომური ფერმენტების ინდუქტორებთან ერთდროული გამოყენებისას იზრდება ჰეპატოტოქსიკური მოქმედების განვითარების რისკი. პრეპარატის ჰალოტანთან კომბინაცია

ზრდის პარკუჭოვანი არითმიის განვითარების საშიშროებას. ეფექტი ჩაის გლუკოკორტიკოსტეროიდებთან მიღებისას იქმნება გლაუკომის განვითარების რისკი. ანტიკოაგულაციურ საშუალებებთან ერთდროული გამოყენებისას იზრდება სისხლდენის განვითარების რისკი. Pპრეპარატის მიღება

ტრანკვილიზატორებთან, საძილე და ფსიქოტროპულ საშუალებებთან ერთად აძლიერებს მათ სედაციურ ეფექტს. Aარასასურველია პრეპარატის

დანიშვნა მაო-ს ინჰიბიტორებთან, ქოლინომაბლოკირებელ საშუალებებთან, ადრენომაბლოკირებელ საშუალებებთან და პარაცეტამოლის შემცველ სხვა პრეპარატებთან ერთად. ფენილეფრინი აქვეითებს გუანეტიდინის ჰიპოტენზიურ ეფექტს. Gგუანეტიდინი აძლიერებს ალფა-ადრენომასტიმულირებელ ეფექტს, ხოლო ტრიციკლური ანტიდეპრესანტები – ფენილეფრინის სიმპატომიმეტურ ეფექტს.

ჭარბი დოზირება:

სიმპტომები: გულისრევა, ღებინება, ტკივილი ეპიგასტრიუმის არეში, მძიმე შემთხვევებში ვითარდება ღვიძლის დაზიანების ნიშნები, თირკმლის უკმარისობა,  ენცეფალოპათია და კომატოზური მდგომარეობა. მკურნალობა: კუჭის ამორეცხვა და გააქტივებული ნახშირის მიღება; აუცილებლობის შემთხვევაში  ტარდება სიმპტომური თერაპია. პარაცეტამოლით მოწამვლისას გამოიყენება სპეციფიკური ანტიდოტი - აცეტილცისტეინი.

ორსულობა და ლაქტაცია:

ორსულობისა და ძუძუთი კვების პერიოდში პრეპარატის გამოყენება უკუნაჩვენებია.

გამოყენების თავისებურებები:

ეფექტი ჩაი მიიღება მხოლოდ რეკომენდებული დოზით. თუ გრიპისა

და გაციების სიმპტომები ხანგრძლივდება, აუცილებელია მკურნალობის შეწყვეტა და ექიმის კონსულტაცია. ზოგიერთი შაქრის აუტანლობისას, წამლის მიღებამდე საჭიროა ექიმთან კონსულტაცია. იზომალტის (Е 953) შემცველობის გამო პრეპარატი არ გამოიყენება ფრუქტოზას აუტანლობის მქონე პაციენტებში. 1 საშე შეიცავს 10,4 გ იზომალტს, რამაც შეიძლება იქონიოს მსუბუქი საფაღარათე მოქმედება. 1 გ იზომალტის ენერგეტიკული ღირებულებაა 2.3 კკალ. 1 საშე შეიცავს 3,5 მმოლ ნატრიუმს (80 მგ), ამიტომ პაციენტებს, რომლებიც აკონტროლებენ ნატრიუმის შემცველობას საკვებში, მართებთ სიფრთხილე პრეპარატის მიღებისას. ღვიძლის ტოქსიკური დაზიანების თავიდან ასაცილებლად ეფექტი ჩაის გამოყენებისას პაციენტები უნდა მოერიდონ ალკოჰოლური სასმელების მიღებას. არ არის რეკომენდებული პრეპარატის დანიშვნა ქრონიკული ალკოჰოლიზმით დაავადებულ

პაციენტებში. არ შეიძლება პრეპარატით სარგებლობა დაზიანებული პაკეტიდან. ეფექტი ჩაი სიფრთხილით მიიღება ანტიდეპრესანტებთან,

β-ადრენობლოკატორებთან, მაო-ს ინჰიბიტორებთან ერთად და მათი მიღების შეწყვეტიდან 14 დღის განმავლობაში. ეფექტი ჩაის გამოყენება შეზღუდულია არტერიული ჰიპერტენზიის, გლაუკომის, თირკმლისა

და ღვიძლის დაავადებების, წინამდებარე ჯირკვლის ადენომის, თირეოტოქსიკოზის დროს. პრეპარატის ზემოქმედება ავტოტრანსპორტისა და მექანიზმების მართვის უნარზე: პრეპარატის გამოყენებისას საჭიროა თავის არიდება ისეთი ქმედებებისაგან, რომელიც მოითხოვს ყურადღებასა და სწრაფ ფსიქომოტორულ რეაქციას, რადგან პრეპარატმა შეიძლება გამოიწვიოს ძილიანობა და სხვა გვერდითი ეფექტები მხედველობის ორგანოს და ნერვული სისტემის მხრივ.

შეფუთვა:

12 პაკეტი მუყაოს კოლოფში გამოყენების ინსტრუქციასთან ერთად.

შენახვის პირობები:

ინახება არა უმეტეს 25⁰C ტემპერატურაზე, მშრალ, ბავშვებისათვის მიუწვდომელ ადგილას.

ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისიანობის ვადა:

3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი:

შპს “ავერსი-რაციონალი” (საქართველო).

მისამართი:

საქართველო 0198, თბილისი,

ჭირნახულის ქ. 14.

#