ენტეროჯერმინა - Enterogermina 6მლრდ 2გ 9 პაკეტი

ენტეროჯერმინა 6 მილიარდი / 2 გ პერორალური ფხვნილი

Bacillus clausii-ის პოლიანტიბიოტიკ-რეზისტენტული სპორები - პერორალური გამოყენება

ამ პრეპარატის მიღებამდე ყურადღებით გაეცანით მოცემულ ინსტრუქციას, რადგან შეიცავს თქვენთვის მნიშვნელოვან ინფორმაციას.

ეს პრეპარატი ყოველთვის მიიღეთ ზუსტად ისე, როგორც მოცემულ ანოტაციაშია აღნიშნული, ან ექიმისა, თუ ფარმაცევტის მითითებების შესაბამისად.

·   შეინახეთ ეს ანოტაცია. შესაძლებელია, დაგჭირდეთ მისი ხელახლა წაკითხვა.

·   მეტი ინფორმაციისა, თუ რჩევის სურვილის შემთხვევაში მიმართეთ ექიმს, ან ფარმაცევტს.

·   თუკი თავს იჩენს რაიმე გვერდითი მოვლენა, რომელიც არაა ჩამოთვლილი ამ ინსტრუქციაში, მიმართეთ ექიმს, ან ფარმაცევტს. იხილეთ მე-4 პუნქტი. 

·   მიმართეთ ექიმს, თუკი არ შეინიშნება გაუმჯობესება, ან თუკი სიმპტომების გაუარესებას აქვს ადგილი მკურნალობის მოკლე პერიოდის განმავლობაში.

მოცემული ინსტრუქციის შინაარსი:

1. რა არის ენტეროჯერმინა და რისთვისაა საჭირო

2. რისი ცოდნაა საჭირო ენტეროჯერმინას მიღებამდე.

3. როგორ მივიღოთ ენტეროჯერმინა

4. შესაძლო გვერდითი მოვლენები

5. როგორ შევინახოთ ენტეროჯერმინა

6. შეფუთვის შიგთავსი და სხვა ინფორმაცია

1. რა არის ენტეროჯერმინა და რისთვისაა საჭირო

პრეპარატი ენტეროჯერმინა® არის სამკურნალო საშუალება, რომელიც შეიცავს Bacillus clausii-ის სპორების სუსპენზიას. Bacillus clausii-ის სპორები ჩვეულებრივ გვხვდება ნაწლავში და არ იწვევს დაავადებებს (არაპათოგენურია).

ენტეროჯერმინა გამოიყენება ზრდასრულ პაციენტებში:

·   ნაწლავის ბაქტერიული ფლორის სხვადასხვა გენეზის ცვლილებებით, მაგ., ხანგრძლივი ანტიბიოტიკოთერაპიით განპირობებული ნაწლავური დარღვევების პროფილაქტიკისა და მკურნალობისთვის, როგორიცაა ფაღარათი, მუცლის ტკივილი, მეტეორიზმი და ვიტამინების ნაკლებობა. 

სამედიცინო განათლების მითითებები

ნაწლავის ბაქტერიული ფლორა ყველაზე ბუნებრივი დამცავი ბარიერია მავნე ბაქტერიების წინააღმდეგ. მისი ბალანსის დარღვევა შეუძლია ნაწლავურ ინფექციებს, ინტოქსიკაციას, არასრულფასოვან კვებას, კვების რაციონის ცვლილებას, ანტიბიოტიკების გამოყენებას.

მიმართეთ ექიმს, თუკი ვერ ამჩნევთ გაუმჯობესებას, ან თუკი მკურნალობის მოკლე პერიოდის შემდგომ აღინიშნება სიმპტომების გაუარესება.

ყურადღება: სხვა სამედიცინო დანიშნულების არარსებობის შემთხვევაში, გამოიყენეთ მხოლოდ მკურნალობის მოკლე კურსების სახით.

ასევე, იხილეთ: >ენტეროჯერმინა - Enterogermina 2მლრ/5მლ 10

2. რისი ცოდნაა საჭირო ენტეროჯერმინას მიღებამდე

არ გამოიყენოთ პრეპარატი ენტეროჯერმინა:

თუ გაქვთ ალერგია Bacillus clausii-ის ანტიბიოტიკ-პოლირეზისტენტული სპორების, ან მოცემული პრეპარატის სხვა ნებისმიერი კომპონენტის მიმართ (ჩამოთვლილია მე-6 ნაწილში).

გაფრთხილება და სიფრთხილის ზომები

ენტეროჯერმინას მიღებამდე მიმართეთ ექიმს, ან ფარმაცევტს:

·   თუ ექიმისგან თქვენთვის ცნობილია, რომ შეიძლება გქონდეთ დასუსტებული იმუნური სისტემა (ორგანიზმის დაქვეითებული ბუნებრივი დაცვა) (იხილეთ მე-4 პუნქტი).

·   ვიდრე ენტეროჯერმინას გამოიყენებთ დღენაკლულ ახალშობილებში.

მოცემული პრეპარატი მხოლოდ პერორალური გამოყენებისთვისაა განკუთვნილი. ნუ გაიკეთებთ ინექციას, ან არ მიიღოთ რაიმე სხვა სახით. პრეპარატის არასწორმა გამოყენებამ შესაძლებელია გამოიწვიოს მძიმე ალერგიული რეაქციები, როგორიცაა ანაფილაქსიური შოკი.

ანტიბიოტიკოთერაპიის დროს, ენტეროჯერმინა მიიღეთ ანტიბიოტიკის მიღებებს შორის ინტერვალში.

ბავშვები და ზრდასრულები

ენტეროჯერმინა გამოიყენება მხოლოდ ზრდასრულ პაციენტებში.

ენტეროჯერმინას სხვა წამლებთან ურთიერთქმედება

შეატყობინეთ ექიმს, ან ფარმაცევტს, თუკი იღებთ, მიმდინარე პერიოდში მიღებული გაქვთ, ან აპირებთ ნებისმიერი სხვა, მათ შორის ურეცეპტო პრეპარატის მიღებას.

ენტეროჯერმინასა და სხვა მედიკამენტებს შორის ურთიერთქმედება არ იწვევს რაიმე დარღვევას (რეაქციას).

ორსულობა, ძუძუთი კვება და ფერტილობა

ორსულობა და ძუძუთი კვება

ორსულობის შემთხვევაში, თუკი ვარაუდობთ, ან აპირებთ დაორსულებას, ან თუკი ძუძუთი კვებავთ ჩვილს, მოცემული პრეპარატის მიღებამდე ექიმთან, ან ფარმაცევტთან გაიარეთ კონსულტაცია.

ორსულობისა და ძუძუთი კვების დროს მოცემული ეს პრეპარატი მიიღეთ საჭიროების შემთხვევაში და ექიმის ზედამხედველობის ქვეშ.

ფერტილობა

არ არსებობს მონაცემები ენტეროჯერმინას ადამიანის ფერტილობაზე ზეგავლენის შესახებ.

ავტოსატრანსპორტო საშუალებების მართვა და დანადგარების გამოყენება

ენტეროჯერმინა არ ახდენს გავლენას ავტოსატრანსპორტო საშუალებების მართვისა და დანადგარების გამოყენების შესაძლებლობაზე.

ენტეროჯერმინა შეიცავს სორბიტოლს.

ენტეროჯერმინა შეიცავს 2.28 მგ სორბიტოლს, რაც თითოეულ პაკეტში უდრის 0.00114 მგ სორბიტოლს/მგ.

იხილეთ ბლოგი: >ენტეროჯერმინა — პრობიოტიკული პრეპარატი საჭმლის მომნელებელი სისტემის ჯანმრთელობისთვის

3. როგორ მივიღოთ ენტეროჯერმინა

პრეპარატი ყოველთვის გამოიყენეთ მოცემულ ჩანართში მოყვანილი ინსტრუქციის, ან მკურნალი ექიმის მითითებების ზუსტი დაცვით. რაიმე საკითხზე ეჭვის არსებობის შემთხვევაში, კონსულტაციისთვის მიმართეთ მკურნალ ექიმს, ან ფარმაცევტს.

რეკომენდებული დოზებია:

მოზრდილები: 1 პაკეტი დღეში.

შეგიძლიათ მიიღოთ ფხვნილი წყლის გარეშე და ნერწყვით გახსნათ პირის ღრუში. არ არის საჭირო ჭიქა წყლის დალევა ფხვნილის გადაყლაპვისთვის.

აღნიშნული პრეპარატი მხოლოდ პერორალური გამოყენებისთვისაა განკუთვნილი. არ გაიკეთოთ ინექცია, ან არ მიიღოთ რაიმე სხვა მეთოდით (იხილეთ „გაფრთხილება და სიფრთხილის ზომები“).

ყურადღება: არ გადააჭარბოთ მითითებულ დოზებს ექიმთან კონსულტაციის გარეშე. გამოიყენეთ მკურნალობის მხოლოდ მოკლე პერიოდის განმავლობაში.

მიმართეთ ექიმს დაავადების განმეორების ან მისი მახასიათებლების ნებისმიერი სახის ცვლილების შემთხვევაში.

ზედმეტი რაოდენობის ენტეროჯერმინას მიღების შემთხვევაში

ენტეროჯერმინას ზედმეტი რაოდენობის შემთხვევითი გადაყლაპვის/მიღების შემთხვევაში დაუყოვნებლივ გააფრთხილეთ ექიმი, ან მიმართეთ ახლომდებარე საავადმყოფოს.

თუ დაგავიწყდათ ენტეროჯერმინას მიღება

არ მიიღოთ ორმაგი დოზა დავიწყებული დოზის საკომპენსაციოდ. 

სამკურნალო შედეგს პრეპარატის სწორი და რეგულარული მიღება იძლევა.

ენტეროჯერმინათი მკურნალობის შეწყვეტა

თერაპიული ეფექტის შეწყვეტის გარდა, სხვა რაიმე განსაკუთრებული ეფექტი არ არის გამოვლენილი.

მოცემულ პრეპარატთან დაკავშირებული ნებისმიერი კითხვის შემთხვევაში მიმართეთ ექიმს, ან ფარმაცევტს.

4. შესაძლო გვერდითი მოვლენები

ყველა პრეპარატის მსგავსად, ამ პრეპარატსაც შეუძლია გამოიწვიოს გვერდითი მოვლენები, თუმცა ისინი არ ვლინდება ყველა პაციენტში.

დაუყოვნებლივ მიმართეთ ექიმს, თუ გამოვლინდა ქვემოთ ჩამოთვლილთაგან რომელიმე გვერდითი მოვლენა:

კანისა და ლორწოვანი გარსების ლოკალიზებული და ძირითადად, დროებითი (საათები ან დღეები) შეშუპება, რომელსაც შეიძლება თან ახლდეს ან არა ქავილი (ანგიოდემა).სახეზე, ტუჩებზე და ყელში მდებარეობისას, შეიძლება გაართულოს ყლაპვა და სუნთქვა.

სხვა გვერდითი მოვლენები შეიძლება მოიცავდეს:

სიხშირე უცნობია (გვერდითი მოვლენების სიხშირის დადგენა შეუძლებელია არსებული მონაცემების საფუძველზე):

·   ალერგიული რეაქცია (მომატებული მგრძნობელობა), მათ შორის, კანის სიწითლე და ჭინჭრის ციება;

·   ორგანიზმის დამცველობითი მექანიზმების დაქვეითების, ან მძიმე დაავადებების შემთხვევაში, ან თუ იღებთ ენტეროჯერმინას, Bacillus Clausii შეიძლება სისხლში აღმოჩნდეს და გამოიწვიოს სისხლის სერიოზული დაინფიცირება (იხილეთ მე-2 პუნქტი).

გვერდითი მოვლენების შეტყობინება

რაიმე სახის გვერდითი მოვლენის შემთხვევაში, მიმართეთ ექიმს ან ფარმაცევტს. ეს ეხება ნებისმიერ შესაძლო გვერდით მოვლენას, რომელიც მოცემულ ინსტრუქციაში არ არის ჩამოთვლილი. 

გვერდითი მოვლენების შეტყობინებით შეგიძლიათ მეტი ინფორმაციის მოწოდება მოცემული პრეპარატის უსაფრთხოების შესახებ.

5. როგორ შევინახოთ ენტეროჯერმინა

შეინახეთ ბავშვებისთვის მიუწვდომელ ადგილას.

არ გამოიყენოთ  პრეპარატი შეფუთვაზე მითითებული ვარგისიანობის ვადის გასვლის შემდეგ.  ვარგისიანობის ბოლო ვადად აღნიშნულია მითითებული თვის ბოლო დღე. ვადაგასულობა სათანადოდ შენახული პროდუქტის მთელ შეფუთვას ეხება.

მოცემული სამკურნალო პრეპარატი შენახვის განსაკუთრებულ პირობებს არ საჭიროებს.

არ გადააგდოთ არცერთი მედიკამენტი ჩამდინარე წყალში და ნაგავში. ჰკითხეთ ფარმაცევტს, როგორ უნდა მოხდეს ვადაგასული მედიკამენტის უტილიზაცია. ეს დაგეხმარებათ ბუნების დაცვაში.

6. შეფუთვის შიგთავსი და სხვა ინფორმაცია

რას შეიცავს ენტეროჯერმინა

·   აქტიური ნივთიერებაა Bacillus Clausii-ს ანტიბიოტიკ-პოლირეზისტენტული სპორები. ყოველი პაკეტი შეიცავს Bacillus Clausii-ს 6 მილიარდ ანტიბიოტიკ-პოლირეზისტენტულ სპორებს.

·   სხვა კომპონენტებია: მიკროკრისტალური ცელულოზა, ქსილიტოლი, კოლოიდური უწყლო სილიციუმის დიოქსიდი, ფორთოხლის არომატიზატორი (შეიცავს ბუნებრივ არომატიზატორებს, მალტოდექსტრინს, აკაციის გუმფისს (E414), სორბიტოლს (E420), ბუტილჰიდროქსიანისოლს (E320)).

პრეპარატ ენტეროჯერმინას გარეგანი ფორმის და შეფუთვის შემცველობის აღწერა

ენტეროჯერმინა გამოდის პერორალურად მისაღები წვრილი მოთეთრო-მოყვითალო ფხვნილის სახით პაკეტებში. შეფუთვაშია 9, 12, 18 ან 24 პაკეტი.

შესაძლებელია, რომ ყველა შეფუთვა არ იყოს გაყიდვაში.

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.