ენფლუატი

შემადგენლობა: აქტიური ნივთიერება: კეტოროლაკის ტრომეთამინი 4მგ მლ-ში. დამხმარე ნივთიერებები: ბენზალკონიუმის ქლორიდი, დინატრიუმის ედეტატი, ნატრიუმის ქლორიდი, ოქტოქსინოლი, მარილმჟავა, გამოხდილი წყალი.

ფარმაკოთერაპიული ჯგუფი: ანთების საწინააღმდეგო, არასტეროიდული საშუალება ადგილობრივი გამოყენებისთვის ოფთალმოლოგიაში.

ჩვენებები: კერატიტი, უვეიტი, კერატოკონიუნქტივიტი, ალერგიული კონიუნქტივიტი, პოსტტრავმული ანთება, შეშუპების შემცირება, მშრალი თვალის სინდრომი. ფოტორეფრაქტერული კერატომიის შემდეგ ტკივილის მოხსნის და სერიოზული ოკულარული სიმპტომების შემცირება. კატარაქტის ოპერაციის შემდგომ პერიოდში დისკომფორტის შეგრძნების მოხსნა ტკივილის შემცირებით. კორნეალური რეფრაქციული ქირურგიის შემდეგ განვითარებული წვის, ჩხვლეტის, წებოვანი თვალის, ცრემლდენის და ტკივილის ეფექტური მკურნალობა.

დოზირება და მიღების წესი: 1 წვეთი 4-ჯერ დღეში.

გვერდითი მოვლენები: თვალის დროებითი გაღიზიანება: სიწითლე, უცხო სხეულის შეგრძნება, მხედველობის დაბინდვა.

უკუჩვენებები: მომატებული მგრძნობელობა პრეპარატის შემადგენლობაში არსებული რომელიმე კომპონენტის მიმართ. ორსულობა და ლაქტაცია. 3 წლამდე ასაკის ბავშვები.

განსაკუთრებული მითითებები: პრეპარატი გამოიყენება მხოლოდ ადგილობრივად თვალში ჩასაწვეთებლად და არა საინექციოდ. კონტაქტური ლინზების ტარების შემთხვევაში ჩაწვეთება ხდება ლინზის ამოღების შემდეგ. თვალის სხვა პრეპარატებთან ერთად გამოყენების შემთხვევაში ჩაწვეთებათა შორის ინტერვალი უნდა იყოს 15 წთ.

ჭარბი დოზირება: დოზის გადაჭარბების შემთხვევაში საჭიროა დიდი რაოდენობით წყლით თვალის ჩამობანვა.

გარეგნული სახე და შეფუთვა: თვალის წვეთები, 5 მლ-იანი ფლაკონი, გამჭვირვალე ფერის ხსნარი.

შენახვის პირობები: პრეპარატი ინახება არაუმეტეს 25C ტემპერატურაზე. გახსნიდან ვარგისია 4 კვირის განმავლობაში.

ვარგისიანობის ვადა: 24 თვე.

აფთიაქიდან გაცემის პირობები: რეცეპტის გარეშე.

მწარმოებელი: ბიემ, თურქეთი.