დოქსიციკლინი - Doxycycline Atb 100მგ 10 კაფსულა

დოქსიციკლინი Atb®100 მგ, კაფსულები

დოქსიციკლინის ჰიკლატი

ამ პრეპარატის გამოყენებამდე, ყურადღებით და სრულად გაეცანით წინამდებარე ფურცელ-ჩანართს, რადგან ის შეიცავს თქვენთვის მნიშვნელოვან ინფორმაციას.

-       შეინახეთ წინამდებარე ფურცელი-ჩანართი. შესაძლებელია დაგჭირდეთ  მისი ხელახალი წაკითხვა.

-       დამატებითი კითხვების შემთხვევაში მიმართეთ თქვენს ექიმს ან ფარმაცევტს.

-       ეს პრეპარატი განკუთვნილია პირადად თქვენთვის. არ გადასცეთ იგი სხვა პირებს. ამან შესაძლოა ზიანი მოუტანოს მათ იმ შემთხვევაშიც, თუ მათი სიმპტომები არის თქვენი სიმპტომების მსგავსი.

-       თუ აღგენიშნებათ რომელიმე გვერდითი მოვლენა, მიმართეთ თქვენს ექიმს ან ფარმაცევტს. აღნიშნული მოიცავს ნებისმიერ შესაძლო გვერდით მოვლენას, რომელიც არ არის ჩამოთვლილი წინამდებარე ფურცელ-ჩანართში. იხ. პარაგრაფი 4.

მოცემული ფურცელი-ჩანართი შეიცავს შემდეგ ინფორმაციას:

1.    რას წარმოადგენს დოქსიციკლინი Atb® და რისთვის გამოიყენება

2.    რა უნდა იცოდეთ დოქსიციკლინი Atb®-ის მიღებამდე

3.    როგორ მიიღება დოქსიციკლინი Atb®

4.    შესაძლო გვერდითი მოვლენები

5.    როგორ ინახება დოქსიციკლინი Atb®

6.    შეფუთვის შემადგენლობა და სხვა ინფორმაცია

1. რას წარმოადგენს დოქსიციკლინი Atb® და რისთვის გამოიყენება

დოქსიციკლინი მიეკუთვნება სისტემური გამოყენების ანტიბაქტერიული საშუალებების ჯგუფს, ტეტრაციკლინებს.

დოქსიციკლინი Atb® გამოიყენება ბაქტერიული ინფექციების, მათ შორის პნევმონიის და სხვა სასუნთქი გზების ინფექციების, ყელ-ყურ-ცხვირის ინფექციების, აკნსე, კანის ინფექციების, გენიტალური და საშარდე ინფექციების და თვალის ინფექციების სამკურნალოდ.

დოქსიციკლინი Atb® ასევე შეიძლება გამოყენებულ იქნას ლაიმის დაავადების დროს, ორნიტოზის, ტრაქომის, ქოლერის, ტიფის, Q ცხელების, დიზენტერიის დროს. 

გასათვალისწინებელია მოქმედი თერაპიული გაიდლაინები ანტიბიოტიკების სათანადო გამოყენების შესახებ.

ასევე, იხილეთ: >დოქსიციკლინი TZF 0.1გ 10 კაფსულა

2. რა უნდა იცოდეთ დოქსიციკლინი Atb®-ის მიღებამდე

არ გამოყენოთ  დოქსიციკლინი Atb®:

-       თუ გაქვთ ალერგია ტეტრაციკლინებზე ან ამ პრეპარატის რომელიმე სხვა ინგრედიენტზე (ჩამოთვლილი მე-6 პარაგრაფში). ალერგიული რეაქციის ნიშნები შეიძლება მოიცავდეს: გამონაყარს, ქავილს, სახის, ტუჩების, ყელის შეშუპებას (ანგიონევროზული შეშუპება), სუნთქვის გაძნელებას; ალერგიის შემთხვევაში შეწყვიტეთ პრეპარატის მიღება და მიმართეთ თქვენს ექიმს;

-       თუ ხართ ორსულად ან ძუძუთი კვებავთ ბავშვს;

-       12 წლამდე ასაკის ბავშვებში.

გაფრთხილებები და სიფრთხილის ზომები

დოქსიციკლინი Atb®-ის მიღებამდე გაიარეთ კონსულტაცია თქვენს ექიმთან ან ფარმაცევტთან.

განსაკუთრებული სიფრთხილე გამოიჩინეთ დოქსიციკლინის მიმართ:

-       თუ გაქვთ ღვიძლის ან თირკმელების მძიმე დაავადებები;

-       თუ გაქვთ დიაბეტი;

-       თუ გაწუხებთ ალერგიული რეაქცია რომელიმე პრეპარატის მიმართ ან სხვა სახის ალერგია;

-       თუ დაგჭირდებათ დოქსიციკლინით ხანგრძლივი მკურნალობა, აუცილებელია თირკმლის და ღვიძლის ფუნქციის პერიოდული შეფასება და სისხლის ანალიზის ჩაბარება;

-       თუ გაქვთ მიასთენია ან სისტემური წითელი მგლურა;

-       თუ გაქვთ ინფექციები A ჯგუფის ბეტა-ჰემოლიზური სტრეპტოკოკით;

-       თუ დოქსიციკლინი Atb®-ით ხანგრძლივი მკურნალობის შემდეგ შეამჩნევთ ბავშვებში ყიფლიბანდის ამობურცვას ან ქალაშიდა წნევის ნიშნებს (თავის ტკივილი, მხედველობის დარღვევა), შეწყვიტეთ დოქსიციკლინი Atb®-ის გამოყენება;

-       თუ იტარებთ ტესტებს შარდში გლუკოზის განსასაზღვრად;

-       თუ მკურნალობა ხანგრძლივია, ბაქტერიული ან სოკოვანი სუპერინფექციის რისკის გამო. ნაწლავში სტაფილოკოკით სუპერინფექცია შესაძლოა სიცოცხლისათვის საშიში იყოს

დოქსიციკლინით მკურნალობის დროს უნდა მოერიდოთ მზის სხივების ან ხელოვნური ულტრაიისფერი სხივების ხანგრძლივ ზემოქმედებას, რადგან შესაძლოა განვითარდეს ალერგიული კანისმიერი რეაქციები (ფოტომგრძნობელობის რეაქციები).

დოქსიციკლინი ამცირებს პერორალური კონტრაცეპტივების ეფექტურობას. გამოიყენეთ კონტრაცეფციის სხვა მეთოდი არასასურველი ორსულობის თავიდან ასაცილებლად (ასევე, იხ. პარაგრაფი დოქსიციკლინი Atb® სხვა პრეპარატებთან ერთად).

ბავშვებში დოქსიციკლინმა შეიძლება გამოიწვიოს კბილების ყვითელი ან ყავისფერი შეფერილობა ან მინანქრის დაზიანება (იხ. პარაგრაფი შესაძლო გვერდითი მოვლენები).

დოქსიციკლინი Atb® სხვა პრეპარატებთან ერთად

აცნობეთ თქვენს ექიმს ან ფარმაცევტს, თუ იღებთ, ცოტა ხნის წინ იღებდით ან შესაძლოა მიიღოთ სხვა პრეპარატები.

თუ ამ პრეპარატს იღებთ სხვა პრეპარატებთან ერთად, მას შეუძლია შეცვალოს მათი მოქმედების რეჟიმი.

განსაკუთრებით მნიშვნელოვანია აცნობოთ თქვენს ექიმს, თუ იყენებთ რომელიმე ქვემოთ ჩამოთვლი პრეპარატს:

-  სხვა ანტიბიოტიკები (ინფექციების სამკურნალოდ გამოყენებული პრეპარატები);

-  პერორალური ანტიკოაგულანტები (სისხლის გამათხელებელი პრეპარატები);

-  ჩასახვის საწინააღმდეგო საშუალებები (აბები), ამ შემთხვევაში, დოქსიციკლინით მკურნალობის დროს და 7 დღის შემდეგ თქვენ უნდა გამოიყენოთ დამატებითი კონტრაცეპტული ზომები, როგორიცაა პრეზერვატივის გამოყენება;

-  რეტინოიდები (A ვიტამინის წარმოებულები);

-  საგულე გლიკოზიდები, როგორიცაა დიგოქსინი;

-  დიდანოზინი;

-  ქვინაპრილი; 

-  ფენიტოინი, კარბამაზეპინი, ბარბიტურატები;

-  სულფონილშარდოვანები და ინსულინი.

დოქსიციკლინის შეწოვა კუჭ-ნაწლავის ტრაქტიდან მცირდება ორ- ან სამვალენტიანი იონებით, როგორიცაა ალუმინი, მაგნიუმი (მაგალითად, ანტაციდებში), კალციუმი, პროდუქტები, რომლებითაც იგი ქმნის შეუწოვად ქელატებს.

მეთოქსიფლურანით ანესთეზიამ ტეტრაციკლინების მიღებისას შეიძლება გამოიწვიოს ნეფროტოქსიკურობა, რომელიც შეიძლება იყოს ლეტალური.

დოქსიციკლინს შეუძლია გავლენა იქონიოს გარკვეული ტესტების შედეგებზე, როგორიცაა სისხლში ან შარდში გლუკოზის (შაქრის) განსაზღვრის ტესტები.

დოქსიციკლინი Atb® საკვებთან და სასმელთან ერთად

დოქსიციკლინის შეწოვაზე მნიშვნელოვან გავლენას არ ახდენს საკვები, მაგრამ ოდნავ იცვლება რძის დალევისას.

მოერიდეთ დოქსიციკლინის მიღებას ეთანოლთან ერთად, რადგან ეთანოლმა შეიძლება შეამციროს მისი ეფექტურობა.

ორსულობა, ძუძუთი კვება და ფერტილობა

თუ ხართ ორსულად ან ძუძუთი კვებავთ ბავშვს, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის მიღებამდე რჩევისთვის მიმართეთ თქვენს ექიმს ან ფარმაცევტს.

დოქსიციკლინმა შეიძლება გავლენა იქონიოს ბავშვების კბილების ზრდასა და განვითარებაზე. ამიტომ, არ გამოიყენოთ ტეტრაციკლინები ორსულობისა და ძუძუთი კვების დროს.

სატრანსპორტი საშუალებების მართვა და მექანიზმების გამოყენება

დოქსიციკლინი Atb® არ ახდენს ან ახდენს უმნიშვნელო ზეგავლენას სატრანსპორტი საშუალებების მართვისა და მექანიზმების გამოყენების უნარზე.

3. როგორ მიიღება დოქსიციკლინი Atb®

ყოველთვის გამოიყენეთ ეს პრეპარატი ზუსტად ისე, როგორც თქვენი ექიმი ან ფარმაცევტი დაგინიშნავთ. თუ არ ხართ დარწმუნებული, მიმართეთ თქვენს ექიმს ან ფარმაცევტს.

რეკომენდებული დოზაა 200 მგ დოქსიციკლინი დღეში, პირველ დღეს, შემდეგ 100 მგ დოქსიციკლინი დღეში, ერთჯერადი დოზის სახით, მაგრამ დოზა შეიძლება განსხვავდებოდეს ინფექციის ტიპის მიხედვით.

არ დააქუცმაცით ან ჩაღეჭოთ კაფსულები. გადაყლაპეთ ისინი მთლიანად რეგულარული ინტერვალებით.

მიიღეთ თქვენი ექიმის მიერ დანიშნული ყველა დოზა, მაშინაც კი, თუ თავს უკეთ გრძნობთ. წინააღმდეგ შემთხვევაში, ინფექცია შეიძლება განმეორდეს.

თუ მიიღეთ დოქსიციკლინი Atb® საჭიროზე მეტი რაოდენობით

თუ მიიღეთ ექიმის რეკომენდაციაზე მეტი კაფსულა, შეიძლება აღგენიშნოთ: გულისრევა, ღებინება, მუცლის ტკივილი, წყლულები პირის ღრუში, ანუსის გაღიზიანება, ქალაშიდა წნევის მომატება (ბავშვებში). თუ ასეთი სიმპტომები გამოგივლინდებათ, დაუყოვნებლივ დაუკავშირდით თქვენს ექიმს ან მიმართეთ უახლოესი საავადმყოფოს სასწრაფო დახმარების განყოფილებას.

თუ დაგავიწყდათ დოქსიციკლინი Atb®-ის მიღება

თუ დაგავიწყდათ დოზის მიღება, მიიღეთ იგი როგორც კი გაგახსენდებათ. თუმცა, თუ შემდეგი დოზის მიღების დროა მოახლოებული, მიიღეთ მხოლოდ ის დოზა. არ მიიღოთ ორმაგი დოზა გამოტოვებული დოზის ასანაზღაურებლად.

თუ შეწყვეტთ დოქსიციკლინი Atb®-ის მიღებას

არის მდგომარეობები, როდესაც დოქსიციკლინით მკურნალობა უნდა გაგრძელდეს დიდი ხნის განმავლობაში, მაგალითად, აკნეს დროს, მინიმუმ 3 თვე, A ჯგუფის ბეტა-ჰემოლიზური სტრეპტოკოკით ინფექციების დროს მინიმუმ 10 დღე. აცნობეთ თქვენს ექიმს სანამ შეწყვეტთ დოქსიციკლინი Atb®-ით მკურნალობას. ექიმის რეკომენდაციის გარეშე მკურნალობის შეწყვეტამ შეიძლება გამოიწვიოს ინფექციის განმეორება.

თუ გაქვთ დამატებითი შეკითხვები ამ პროდუქტის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. შესაძლო გვერდითი მოვლენები

სხვა სამკურნალო საშუალებების მსგავსად, ამ პრეპარატმაც შეიძლება გამოიწვიოს გვერდითი მოვლენები, თუმცა ისინი არ უვითარდება ყველა პაციენტს.

დაუყოვნებლივ აცნობეთ თქვენს ექიმს, თუ შეამჩნევთ შემდეგ რეაქციებს: გამონაყარი, კანის სიწითლე, ქავილი, შეშუპება, ანაფილაქსია, ტკივილი გულმკერდის არეში, გარსის ანთება, რომელიც აკრავს გულს, სისტემური წითელი მგლურას გაუარესება, მადის ნაკლებობა, ყლაპვის გაძნელება, მუცლის ტკივილი, გულისრევა, ღებინება, დიარეა, წყლულები პირის ღრუში, პირის ღრუს ლორწოვანი გარსის ანთება, ანუსის ქავილი.

ხანგრძლივი მკურნალობის დროს შეიძლება განვითარდეს სუპერინფექცია Candida albicans-ით.

დოქსიციკლინმა შეიძლება გამოიწვიოს თირკმელების (ტოქსიკურობა) და ღვიძლის დაავადებები (ქოლესტაზი) და სისხლისმიერი რეაქციები (სისხლის წითელი უჯრედების რაოდენობის შემცირება, თრომბოციტების და ეოზინოფილების რაოდენობის შემცირება).

სხვა გვერდითი მოვლენები: თავბრუსხვევა, თავის ტკივილი, მხედველობის დარღვევა. ბავშვებში დაფიქსირდა ყიფლიბანდის ამობურცვა. ეს ნიშანი ქრება დოქსიციკლინით მკურნალობის შეწყვეტის შემდეგ. 12 წლამდე ასაკის ბავშვებში და ორსულობის ბოლო ტრიმესტრში გამოყენებისას შეიძლება აღინიშნოს კბილების ყავისფერი შეფერილობა და მინანქრის დაზიანება. თუ დოქსიციკლინი გამოიყენება ხანგრძლივი დროის განმავლობაში, მას შეუძლია გამოიწვიოს ფარისებრი ჯირკვლის ყავისფერი-შავი შეფერილობა, რომელიც ვლინდება მიკროსკოპულად, ფუნქციური დარღვევის გარეშე. 

ასევე, შეიძლება აღინიშნოს ფრჩხილის ფერის შეცვლა და ონიქოლიზი.

შეტყობინება გვერდითი მოვლენების შესახებ

ნებისმიერი გვერდითი მოვლენის გამოვლენის შემთხვევაში, ან ისეთი გვერდითი მოვლენების აღნიშვნის შემთხვევაში, რომლებიც არ არის მითითებული  წინამდებარე ფურცელ-ჩანართში, მიმართეთ თქვენს ექიმს ან ფარმაცევტს. თქვენ, ასევე, შეგიძლიათ შეატყობინოთ გვერდითი მოვლენების შესახებ პირდაპირ ეროვნული შეტყობინების სისტემის მეშვეობით,  რომლის მონაცემებიც გამოქვეყნებულია მედიკამენტებისა და სამედიცინო ხელსაწყოების ეროვნული სააგენტოს ვებ. გვერდზე: http://www.anm.ro. გვერდითი მოვლენების შეტყობინებით, თქვენ დაგვეხმარებით უზრუნველვყოთ მეტი ინფორმაცია წამლის უსაფრთხოებასთან დაკავშირებით.

5.    როგორ ინახება დოქსიციკლინი Atb®

შეინახეთ ბავშვებისთვის მიუწვდომელ ადგილას.

არ გამოიყენოთ ეს პრეპარატი შეფუთვაზე მითითებული ვარგისიანობის ვადის (EXP) გასვლის შემდეგ. ვარგისიანობის ვადად ითვლება მითითებული თვის ბოლო დღე.

შეინახეთ ორიგინალურ შეფუთვაში, 25°C-ზე დაბალ ტემპერატურაზე.

არ გამოიყენოთ ეს პრეპარატი, თუ შეამჩნევთ გაუარესების თვალსაჩინო ნიშნებს.

არ გადაყაროთ სამკურნალო საშუალებები საყოფაცხოვრებო ნაგავში ან გამდინარე წყლებში. ჰკითხეთ თქვენს ფარმაცევტს, როგორ გადაყაროთ პრეპარატები, რომლებსაც აღარ იყენებთ. ეს ზომები ხელს შეუწყობს გარემოს დაბინძურების თავიდან აცილებას.

6.    შეფუთვის შემადგენლობა და სხვა ინფორმაცია

რას შეიცავს დოქსიციკლინი Atb®:

-       მოქმედი ნივთიერებაა დოქსიციკლინის ჰიკლატი. თითოეული კაფსულა შეიცავს 100 მგ დოქსიციკლინს (ჰიკლატის სახით).

-       სხვა ინგრედიენტებია: კაფსულის შემცველობა - სიმინდის სახამებელი, ტალკი, მაგნიუმის სტეარატი; კაფსულა - ტიტანის დიოქსიდი (E171), ტარტრაზინი (E102), ალურა წითელი AC (E129), ბრილიანტის ლურჯი FCF (E133), ჟელატინი.

დოქსიციკლინი Atb®-ის გარეგნული სახე და შეფუთვის შემადგენლობა

დოქსიციკლინი Atb® წარმოდგენილია ცილინდრული კაფსულების სახით, ნახევარსფერული ბოლოებით, არის სპილოს ძვლის ფერი (კორპუსი და თავსახური), რომელიც შეიცავს ერთგვაროვან ღია ყვითელ ფხვნილს.

დოქსიციკლინი Atb® შეფუთულია კოლოფებში, რომელშიც მოთავსებულია ერთი ბლისტერი 10 კაფსულით.

გაცემის წესი: ფარმაცევტული პროდუქტის ჯგუფი II, გაიცემა ფორმა №3 რეცეპტით.