დონენზა 10მგ #30ტ

დონენზა

ტაბლეტი 10 მგ

(დონეპეზილის ჰიდროქლორიდის მონოჰიდრატი)

 

აქტიური ფარმაცევტული ინგრედიენტები ყოველ ტაბლეტზე:

• დონენზა ტაბლეტი 10 მგ: დონეპეზილის ჰიდროქლორიდის მონოჰიდრატი - 10.43 მგ
• (10 მგ როგორც დონეპეზილის ჰიდროქლორიდი)

 

აღწერა:

• დონენზა ტაბლეტი 10 მგ: ყვითელი, მრგვალი, აპკიანი გარსით დაფარული ტაბლეტი

 

ჩვენებები: ალცჰაიმერის დაავადების მკურნალობა.

 

დოზირება და მიღების წესი:

მოზრდილები:

დონეპეზილის ჰიდროქლორიდი მიიღება დოზით 5 მგ დღეში ერთხელ, ძილის წინ. რადგან დონეპეზილის კონცენტრაცია აღწევს ნორმის ფარგლებს მიღებიდან 15 დღეში და უარყოფითი რეაქციების სიხშირეზე შეიძლება გავლენა მოახდინოს გაზრდის სიჩქარემ, 5 მგ სტრატეგია გამოიყენება 4-6 კვირის განმავლობაში. ამ პერიოდში უნდა შეფასდეს კლინიკური პასუხი და შემდეგ გაიზარდოს დოზა 10 მგ-მდე. თუ დოზა იზრდება 10 მგ-მდე დღეში, ეს უნდა მოხდეს სიფრთხილით მომნელებელი სისტემის მხრივ უარყოფითი რეაქციების გამო. როდესაც პრეპარატის მიღება შეწყდება, ეფექტი თანდათან შემცირდება და არ არსებობს უკუეფექტი უეცარი შეწყვეტის გამო.

მცირე წონის მქონე ქალი პაციენტები 85 წლის ასაკის ზემოთ:

უარყოფითი რეაქციები ხშირია, ამიტომ აუცილებელია მკაცრი მონიტორინგი. მცირე წონის მქონე უფრო დიდი ასაკის ქალებში დოზა არ უნდა აღემატებოდეს დღეში 5 მგ-ს.

ბავშვები:

არ არსებობს გამოცდილება ბავშვებში გამოყენების შესახებ.

 

უკუჩვენებები და სიფრთხილის ზომები:

1. უკუჩვენებები:

1) პაციენტები, რომლებსაც აქვთ მომატებული მგრძნობელობა დონეპეზილის ჰიდროქლორიდის, პიპერიდინის წარმოებულების ან ამ პრეპარატის კომპონენტების მიმართ

2) ორსული და მეძუძური ქალები

3) რადგან ეს პრეპარატი შეიცავს ლაქტოზას, ის არ გამოიყენება იმ პაციენტებში, რომლებსაც აქვთ გენეტიკური პრობლემები, როგორიცაა გალაქტოზას აუტანლობა, ლაპ-ლაქტზას დეფიციტი ან გლუკოზა-გალაქტოზას მალაბსორბცია.

2. სიფრთხილის ზომები:

1) პაციენტები, რომლებსაც აქვთ გულის დაავადება, როგორიცაა აღმოსავლეთის პრე-სინდრომი, ინტრაატრიალური და ატრიოვენტრიკულარული დისფუნქცია (რაც შესაძლოა იწვევს ბრადიკარდიას და არითმიას ცთომილი ნერვის სტიმულაციის გამო).

2) პაციენტები, რომლებიც იღებენ არასტეროიდულ ანთების საწინააღმდეგო პრეპარატებს ან აქვთ პეპტიკური წყლულის ისტორია (მომნელებელი სისტემის წყლული შეიძლება გამწვავდეს კუჭის მჟავას სეკრეციის და მომნელებელი სისტემის მოძრაობის ხელშეწყობით).

3) პაციენტები, რომლებსაც აქვთ ასთმის და ობსტრუქციული პულმონური დაავადების ისტორია.

4) ექსტრაპირამიდული დარღვევების (პარკინსონის დაავადება, პარკინსონის სინდრომი, სხვ.) მქონე პაციენტები (შეიძლება გამოიწვიოს სიმპტომები ან გამწვავება ჰიპერტონული ქოლინერგიული ნერვული სისტემის გამო).

5) რადგან ეს პრეპარატი შეიცავს N4 ყვითელს (ტარტრაზინი), სიფრთხილით გამოიყენება იმ პაციენტებში, რომლებსაც აქვთ მგრძნობელობა ამ კომპონენტის მიმართ ან ალერგიების ისტორია (10 მგ ტაბლეტები მხოლოდ).

 

უარყოფითი რეაქციები:

1) მსუბუქი და საშუალო სიმძიმის ალცჰაიმერის დაავადება:

(1) ქვემოთ მოცემულია ძირითადი უარყოფითი რეაქციები, რომელთა სიხშირე ნათელი არ არის და რომლებიც გამოვლინდა კლინიკური ცდის დროს და მიიჩნევა, რომ მათ აქვთ მიზეზ-შედეგობრივი კავშირი ამ პრეპარატთან. შემდეგი სიმპტომების შემთხვევაში, მიიღება სათანადო ზომები, მათ შორის პრეპარატის შეწყვეტა.

1) სინკოპე, ბრადიკარდია, გულის ბლოკადა, პროლონგირებული QT ინტერვალი, მიოკარდიუმის ინფარქტი, გულის უკმარისობა

2) პეპტიკური წყლული, პერფორირებული თორმეტგოჯა ნაწლავის წყლული, სისხლდენა კუჭ-ნაწლავიდან

3) ჰეპატიტი, ღვიძლის დისფუნქცია, სიყვითლე

4) ცერებრალური კრუნჩხვა (ეპილეფსია, კრუნჩხვა), ცერებრალური სისხლდენა, ცერებროვასკულარული დაავადება

5) ექსტრაპირამიდული დარღვევა: დისერგია, ატაქსია, მოტორული დარღვევა, დისტონია, ტრემორი, უნებლიე მოძრაობა, სიარულის მოშლა, ანომალური პოზიცია, ექსტრაპირამიდული დარღვევა, როგორიცაა მეტყველების მოშლა

6) ავთვისებიანი სინდრომი: შეიძლება განვითარდეს სიმპტომები, როგორიცაა აკინეტიკური მუტიზმი, კიდურების კუნთების რიგიდულობა, დისფაგია, ტაქიკარდია, არტერიული წნევის ცვლილება და ოფლიანობა. ასეთ სიმპტომებს თან ახლავს მაღალი ცხელება. ასეთ შემთხვევაში, პრეპარატის მიღება უნდა შეწყდეს და დაიწყოს ინტენსიური თერაპია, როგორიცაა სისტემური თერაპია ცხელების შესამცირებლად, უნდა მოხდეს ორგანიზმის სითხით ან ელექტროლიტებით მომარაგება. რადგან WBC-ის და CK-ის (CPK) მომატებამ შეიძლება გამოიწვიოს თირკმლის ფუნქციის დარღვევა მიოგლობულინურიის თანხლებით, აუცილებელია მკაცრი დაკვირვება.

7) რადგან შეიძლება განვითარდეს რაბდომიოლიზი, კუნთების ტკივილი, სისუსტე, მკაცრად უნდა გაკონტროლდეს სისხლსა და შარდში CK-ს (CKP) მომატება. აუცილებელია სიფრთხილის გამოჩენა რაბდომიოლიზით გამოწვეული თირკმლის ფუნქციის დარღვევის გამო.

8) დისპნოე

9) მწვავე პანკრეატიტი

10) თირკმლის მწვავე უკმარისობა

11) სიკვდილი უცნობი მიზეზით

(2) კლინიკური ცდების დროს გამოვლენილი უარყოფითი მოვლენები, რომლებსაც აქვთ მიზეზ-შედეგობრივი კავშირი  პრეპარატთან

სიხშირეები განისაზღვრება შემდეგნაირად: ძალიან ხშირი (>1/10), ხშირი (>1/100 - <1/10), არახშირი (>1/1,000 – 1/100), იშვიათი (>1/10,000 – 1/1,000); ძალიან იშვიათი (<1/10,000) და ცნობილი არ არის (შეფასება შეუძლებელია არსებული მონაცემების საფუძველზე).

სისტემურ ორგანოთა კლასი	ძალიან ხშირი (>1/10)	ხშირი (10-1%)	არახშირი (1-0.01%)	იშვიათი (0.01%)	ძალიან იშვიათი
ინფექციები და ინვაზიები		ხშირი გაციება
დარღვევები მეტაბოლიზმის და კვების მხრივ		ანორექსია
ფსიქიკური დარღვევები		ჰალუცინაციები** აჟიტაცია** აგრესიული ქცევა*** ანომალური სიზმრები ღამის კოშმარები**	აგზნება უძილობა ძილიანობა სქესობრივი ლტოლვის მომატება მანია		ღამის კოშმარები ნერვოზულობა დელირიუმი დელუზია დეპრესია გონების არევა უყურადღებობა ჰიპერკინეზე
დარღვევები ნერვული სისტემის მხრივ		სინკოპე* თავბრუსხვევა უძილობა	შეტევები*	ექსტრტაპირამიდული სიმპტომები	გაშეშება
დარღვევები გულის მხრივ			ბრადიკარდია	სინოატრიალური ბლოკადა ატრიოვენტრიკულური ბლოკადა	ჰიპერტენზია ჰიპოტენზია წინა გულის ფიბრილაცია
კუჭ-ნაწლავური დარღვევები	დიარეა გულისრევა	ღებინება მუცლის ტკივილი	კუჭ-ნაწლავური ჰემორაგია კუჭისა დ თორმეტგოჯა ნაწლავის წყლულები მომატებული ნერწყვდენა		დისფაგია განავლის შეუკავებლობა
ჰეპატობილიარული დარღვევები				ღვიძლის დისფუნქცია, მათ შორის ჰეპატიტი***
დარღვევები კანისა და კანქვეშა ქსოვილების მხრივ		გამონაყარი ქავილი
ჩონჩხ-კუნთოვანი სისტემის, შემაერთებელი ქსოვილებისა და ძვლის დარღვევები		კუნთების სპაზმი			მიალგია
დარღვევები თირკმლისა და საშარდე სისტემის მხრივ		შარდის შეუკავებლობა			ხშირი შარდვა შარდის შეკავება
ზოგადი დარღვევები და მდგომარეობები შეყვანის ადგილას	თავის ტკივილი	დაღლილობა ტკივილი ოდონტალგია	სიცხის მოწოლა დაღლილობა ლეთარგია		შეშუპება (მათ შორის სახის შეშუპება) ცხელება სხეულის ტემპერატურის დაწევა
სისხლი		ჰემატოკრიტის შემცირება	ლეიკოპენია		ანემია თრომბოციტოპენია

 

*სინკოპეზე ან შეტევაზე პაციენტების შესწავლისას განხილული უნდა იყოს გულის ბლოკადის ან გრძელი სინუსური პაუზების ალბათობა (იხილეთ პუნქტი 4.4).

**ჰალუცინაციების, ანომალური სიზმრების, ღამის კოშმარების, აჟიტაციის და აგრესიული ქცევის შემთხვევები გადაიჭრა დოზის შემცირებით ან მკურნალობის შეწყვეტით.

*** აუხსნელი ღვიძლის დისფუნქციის შემთხვევებში, განხილული უნდა იყოს ამ პრეპარატის მოხსნა.

(3) უარყოფითი რეაქციები ამ პრეპარატთან მიზეზ-შედეგობრივი კავშირით ან მის გარეშე

1) სისხლი და ლიმფოკვანძი: ექიმოზი

2) ნერვული: ანომალური სიზმრები

(4) შიდა პოსტმარკეტინგული კვლევა

პოსტმარკეტინგული გამოცდილება მიღებულია 6 წლის განმავლობაში 2,563 სუბიექტის შესწავლის შედეგად. 5.31%-ში (136 შემთხვევა/2,563 შემთხვევა) აღინიშნა ამ პრეპარატთან დაკავშირებით განვითარებული უარყოფითი რეაქციები. 4.25%-ში (109 შემთხვევა/2,563 შემთხვევა) გამოვლინდა მიზეზ-შედეგობრივი კავშირი ამ პრეპარატთან. დაწყების ინციდენტობის მიხედვით, შემდგომში შესწავლილ იქნა უარყოფითი რეაქციები ამ პრეპარატთან მიზეზ-შედეგობრივი კავშირით (ან ამ კავშირის გამორიცხვის გარეშე). გულისრევა იყო 1.73%, ყველაზე ხშირი (44 შემთხვევა/2,563 შემთხვევა), ღებინება 0.82% (21 შემთხვევა/2,563 შემთხვევა), თავბრუსხვევა 0.62% (16 შემთხვევა/2,563 შემთხვევა), დიარეა 0.47% (12 შემთხვევა/2,563 შემთხვევა), უძილობა 0.39% (10 შემთხვევა/2,563 შემთხვევა), მუცლის ტკივილი 0.31% (8 შემთხვევა/2,563 შემთხვევა). ანორექსია, თავის ტკივილი, დაღლილობა და ექსტრაპირამიდული დარღვევები ვითარდება 0.2%-ით ცალ-ცალკე, დისტონია და დიზურია აღინიშნა 0.1%-ში. შფოთვა, ანომალური სიზმრები, პალპიტაცია, ანერგია, ოფლიანობა, კანზე გამონაყარი, აგრესიული ქცევა, ტრემორი, სიარულის დარღვევა, უნებლიე მოძრაობა, კონცენტრაციის დაქვეითება, გონების დაბინდვა, ძილიანობა, გულის გაჩერება აღინიშნა 0.1%-ზე ნაკლებში. ბაზარზე განთავსებამდე არ გამოვლენილა ახალი უარყოფითი რეაქცია, აღინიშნა გულის გაჩერების ერთი შემთხვევა.

2) მძიმე ალცჰაიმერის დაავადება

(1) უარყოფითი მოვლენები, რაც იწვევს პრეპარატის მიღების შეწყვეტას

უარყოფითი მოვლენების გამო კონტროლირებული კლინიკური ცდებისას პრეპარატის მიღების შეწყვეტის შემთხვევები პრეპარატის მიმღებ პაციენტებში შეადგენდა დაახლოებით 12%-ს, ხოლო პლაცებოს მიმღებ პაციენტებში - 7%-ს. ყველაზე ხშირი უარყოფითი მოვლენები, რომლებიც იწვევდა შეწყვეტას, რომლებიც ვითარდებოდა ამ პრეპარატის მიმღებ პაციენტთა მინიმუმ 2%-ში და ორჯერ ან მეტჯერ უფრო ხშირად პლაცებოს მიმღებ პაციენტებში, იყო ანორექსია (2% versus 1% პლაცებო), გულისრევა (2% versus 1% პლაცებო).

(2) ყველაზე ხშირი უარყოფითი მოვლენები, რომლებიც ვითარდებოდა ამ პრეპარატის გამოყენებასთან დაკავშირებით

ყველაზე ხშირი უარყოფითი მოვლენები, რომლებიც ვითარდებოდა ამ პრეპარატის მიმღებ პაციენტთა მინიმუმ 5%-ში და ორჯერ ან მეტჯერ უფრო ხშირად პლაცებოს მიმღებ პაციენტებში, მნიშვნელოვნად პროგნოზირდება ამ პრეპარატის ქოლინომიმეტიკური ეფექტებით. ეს ეფექტებია დიარეა, ანორექსია, ღებინება, გულისრევა და ექიმოზი. ეს უარყოფითი მოვლენები ხშირად იყო მსუბუქი ხასიათის და გარდამავალი, გადიოდა პრეპარატით მკურნალობის გაგრძელების ფონზე, დოზის ცვლილების საჭიროების გარეშე. კონტროლირებული ცდებისას გამოვლენილი უარყოფითი მოვლენები მოიცავს უარყოფით მოვლენებს, რომლებიც აღინიშნა პაციენტთა მინიმუმ 2%-ში პლაცებო-კონტროლირებული ცდების დროს, რომლებიც იღებდნენ ამ პრეპარატს და რომელთა განვითარების სიხშირე უფრო დიდი იყო იმ პაციენტებში, რომლებშიც მკურნალობდნენ ამ პრეპარატით, ვიდრე პლაცებოთი.

კონტროლირებული კლინიკური ცდებისას გამოვლენილი უარყოფითი მოვლენები

უარყოფითი მოვლენები, რომელთა შესახებ ცნობილი გახდა კლინიკური ცდების დროს მძიმე ალცჰაიმერის დაავადებისას პაციენტთა მინიმუმ 2%-ში, რომლებიც იღებდნენ ამ პრეპარატს და ვითარდებოდა იმაზე მაღალი სიხშირით, ვიდრე იმ პაციენტებში, რომლებიც იღებდნენ პლაცებოს
ორგანოთა სისტემა/უარყოფითი მოვლენა	პლაცებო (n=392)	ეს პრეპარატი (n=501)
პაციენტთა პროცენტი ნებისმიერი უარყოფითი მოვლენით	73	81
მთლიანად ორგანიზმის მხრივ
უბედური შემთხვევა	12	13
ინფექცია	9	11
თავის ტკივილი	3	4
ტკივილი	2	3
ზურგის ტკივილი	2	3
ცხელება	1	2
ტკივილი გულ-მკერდის არეში	<1	2
კარდიოვასკულარული სისტემა
ჰიპერტენზია	2	3
ჰემორაგია	1	2
სინკოპე	1	2
მომნელებელი სისტემა
დიარეა	4	10
ღებინება	4	8
ანორექსია	4	8
გულისრევა	2	6
სისხლისა და ლიმფატური სისტემა
ექიმოზი	2	5
მეტაბოლური და კვებითი დარღვევები
კრეატინ ფოსფოკინაზას მომატება	1	3
დეჰიდრატაცია	1	2
ჰიპერლიპემია	<1	2
ნერვული სისტემა
უძილობა	4	5
მტრული განწყობა	2	3
ნერვოზულობა	2	3
ჰალუცინაციები	1	3
ძილიანობა	1	2
თავბრუსხვევა	1	2
დეპრესია	1	2
გონების არევა	1	2
ემოციური ლაბილურობა	1	2
პიროვნული აშლილობა	1	2
კანი და კანის დანამატები
ეგზემა	2	3
შარდსასქესო სისტემა
შარდის შეუკავებლობა	1	2

 

(3) სხვა უარყოფითი რეაქციები, რომლებიც გამოვლინდა კლინიკური ცდების დროს

ეს პრეპარატი გამოიყენებოდა მძიმე ალცჰაიმერის დაავადების მქონე 600-ზე მეტ პაციენტში კლინიკური ცდების დროს მინიმუმ 6 თვის განმავლობაში, მათ შორის იყო სამი ორმაგი ბრმა პლაცებო-კონტროლირებული ცდა, აქედან ერთი იყო ღია ეტიკეტის გაფართოების. აქ მოცემულია ყველა უარყოფითი მოვლენა, რომლებიც განვითარდა მინიმუმ 2-ჯერ, გარდა იმ მოვლენებისა, რომლებიც უკვე ჩამოთვლილია, COSTART ტერმინები ძალიან ზოგადია იმისათვის, რომ ინფორმაციული იყოს ან მოვლენები, რომლებიც ნაკლებად სავარაუდოა დაკავშირებული იყოს პრეპარატთან. მოვლენები კლასიფიცირებულია ორგანოთა სისტემის მიხედვით COSTART ლექსიკონის გამოყენებით და ჩამოთვლილია შემდეგი განმარტებების მიხედვით: ხშირი უარყოფითი მოვლენები - ვითარდება მინიმუმ 1/100 პაციენტში; არახშირი უარყოფითი მოვლენები - ვითარდება 1/100-1/1000 პაციენტში. ეს უარყოფითი მოვლენები აუცილებლად დაკავშირებული არ არის ამ პრეპარატით მკურნალობასთან და უმეტეს შემთხვევებში ვითარდებოდა იმავე სიხშირით, რა სიხშირითაც პლაცებოთი მკურნალობაზე მყოფ პაციენტებში კონტროლირებულ კვლევებში.

სისტემა	ხშირი (>1/100)	არახშირი (1/100-1/1000)
მთლიანად ორგანიზმის მხრივ	მუცლის ტკივილი, ასთენია, სოკოვანი ინფექცია, გრიპის სინდრომი	ალერგიული რეაქცია, ცელულიტი, დისკომფორტი, სეფსისი, სახის შეშუპება, თიაქარი
კარდიოვასკულარული სისტემა	ჰიპოტენზია, ბრადიკარდია, ეკგ-ზე დარღვევები, გულის უკმარისობა	მიოკარდიუმის ინფარქტი, სტენოკარდია, წინა გულის ფიბრილაცია, გულის შეგუბებითი უკმარისობა, პერიფერიული ვასკულარული დარღვევა, სუპრავენტრიკულური ექსტრასისტოლები, ვენტრიკულური ექსტრასისტოლები, კარდიომეგალია.
საჭმლის მომნელებელი სისტემა	ყაბზობა, გასტროენტერინი, განავლის შეუკავებლობა, დისპეფსია	გამა გლუტამილ ტრანსპეპტიდაზას მომატება, გასტრიტი, დისფაგია, პერიოდონტიტი, კუჭის წყლული, პერიოდონტალური აბსცესი, მუცლის შებერილობა, ღვიძლის ფუნქციის ანალიზებში დარღვევები, ბოყინი, ეზოფაგიტი, რექტალური ჰემორაგია
ენდოკრინული სისტემა		შაქრიანი დიაბეტი
სისხლისა და ლიმფატური სისტემა	ანემია	ლეიკოციტოზი
მეტაბოლური და კვებითი დარღვევები	წონაში დაკლება, პერიფერიული შეშუპება, შეშუპება, ლაქტატ დეჰიდროგენაზას მომატება, ტუტე ფოსფატაზას მომატება	ჰიპერქოლესტერემია, ჰიპოკალემია, ჰიპოგლიკემია, წონაში მომატება, ბილირუბინემია, BUN-ის მომატება, B12 დეფიციტური ანემია, კახექსია, კრეატინინის მომატება, ნიკრისის ქარი, ჰიპონატრემია, ჰიპოპროტეინემია, SGOT-ის მომატება, SGPT-ს შემცირება
ჩონჩხ-კუნთოვანი სისტემა	ართრიტი	ართროზი, ძვლის მოტეხილობა, ართრალგია, სპაზმი ფეხებში, ოსტეოპოროზი, მიალგია
ნერვული სისტემა	აჟიტაცია, აგზნება, ტრემორი, კონვულსია, სიარულის დარღვევა	აპათია, ვერტიგო, დელუზიები, ანომალური სიზმრები, ცერებროვასკულარული შემთხვევა, მომატებული ნერწყვდენა, ატაქსია, ეიფორია, ვაზოდილატაცია, ცერებრალური ჰემორაგია, ცერებრალური ინფარქტი, ცერებრალური იშემია, დემენცია, ექსტრაპირამიდული სინდრომი, დიდი ეპილეფსიური შეტევა, ჰემიპლეგია, ჰიპერტონია, ჰიპოკინეზია
რესპირატორული სისტემა	ფარინგიტი, პნევმონია, მომატებული ხველა, ბრონქიტი	დისპნოე, რინიტი, ასთმა
	გამონაყარი, კანზე წყლულები, ქავილი	ფსორიაზი, კანის ფერის ცვლილება, ჰერპეს ზოსტერი, კანის სიმშრალე, ოფლიანობა, ჭინჭრის ციება, ვეზიკულობულოზური გამონაყარი
გრძნობის ორგანოები		კონიუნქტივიტი, გლაუკომა, მხედველობის დარღვევა, თვალის ტკივილი, ცრემლდენის დარღვევა
შარდსასქესო სისტემა	საშარდე ტრაქტის ინფექცია, ცისტიტი, ჰემატურია, გლიკოზურია	ვაგინიტი, დიზურია, ხშირი შარდვა, ალბუმინურია

 

 

3) პოსტმარკეტინგული ცნობები

უარყოფითი მოვლენების ნებაყოფლობითი ცნობები, რომლებიც დროებით დაკავშირებული იყო დონეპეზილის ჰიდროქლორიდთან, მიღებულია ბაზარზე განთავსების შემდეგ, რომლებიც ზემოთ ჩამოთვლილი არ არის და არ არსებობს შესაბამისი მონაცემები, რომ დადგინდეს მათი მიზეზ-შედეგობრივი კავშირი პრეპარატთან: მუცლის ტკივილი, აჟიტაცია, ქოლეცისტიტი, გონების არევა, კრუნჩხვები, ჰალუცინაციები, გულის ბლოკადა (ყველა სახის), ჰემოლიტური ანემია, ჰეპატიტი, ჰიპონატრემია, ნეიროლეპტიკური ავთვისებიანი სინდრომი, პანკრეატიტი, და გამონაყარი.

ზოგადი სიფრთხილის ზომები

1) მკურნალობის დაწყება და ზედამხედველობა უნდა მოხდეს ექიმის მიერ, რომელსაც აქვს ალცჰაიმერის დემენციის დიაგნოსტირებისა და მკურნალობის გამოცდილება. დიაგნოზი უნდა დაისვას აღიარებული გაიდლაინების მიხედვით (მაგ. DSM IV, ICD 10), დონეპეზილით თერაპია უნდა დაიწყოს მხოლოდ იმ შემთხვევაში, თუ არსებობს მომვლელი, რომელიც რეგულარულად გააკონტროლებს პაციენტისათვის პრეპარატის მიცემას. შემანარჩუნებელი თერაპია უნდა გაგრძელდეს იმ დრომდე, ვიდრე არსებობს პაციენტისათვის თერაპიული სარგებელი. ამიტომ, დონეზეპილის კლინიკური სარგებელი რეგულარულად უნდა შეფასდეს. პრეპარატის შეწყვეტა განხილული უნდა იყოს, როდესაც არსებობს თერაპიული ეფექტის არარსებობის მტკიცებულება. შეუძლებელია დონეპეზილზე ინდივიდუალური პასუხის პროგნოზირება.

(1) კარდიოვასკულარული მდგომარეობები: ფარმაკოლოგიური მოქმედების გამო, ქოლინესტერაზას ინჰიბიტორებს შეიძლება ჰქონდეთ ვაგოტონური ეფექტები სინოატრიალურ და ანტრიოვენტრიკულარულ კვანძებზე. ეს მოქმედება შეიძლება გამოვლინდეს ბრადიკარდიით, გულის ბლოკადით (სინოატრიალური ბლოკადა ან ატრივენტრიკულარული ბლოკადა) ან QT პროლონგაციით. კერძოდ, გულის დარღვევების (მიოკარდიუმის ინფარქტი, ვალვულარული დარღვევები, კარდიომიოპათია, სინუსის ტკივილის სინდრომი, ეკგ-ზე პარკუჭოვანი დარღვევები ან ინტრაატრიალური ან ატრიოვენტრიკულური გამტარობის დარღვევები) მქონე პაციენტებში და/ან ელექტროლიტური დარღვევების (ჰიპოკალემია, სხვ.) მქონე პაციენტებში უნდა ჩატარდეს მკაცრი დაკვირვება სერიოზული არითმიის თავიდან აცილების მიზნით. დონეპეზილის ჰიდროქლორიდის გამოყენებასთან დაკავშირებით აღინიშნა სინკოპეს და შეტევების შემთხვევები.

(2) კუჭ-ნაწლავური მდგომარეობები: პირველადი მოქმედების გზით ქოლინესტერაზას ინჰიბიტორებმა შეიძლება გაზარდოს კუჭის მჟავას სეკრეცია მომატებული ქოლინერგიული აქტივობის შედეგად. ამიტომ, აუცილებელია პაციენტების კონტროლი აქტიური ან ფარული კუჭ-ნაწლავური სისხლდენის სიმპტომებზე, განსაკუთრებით იმ პაციენტებში, რომლებშიც მომატებულია წყლულების განვითარების რისკი, მაგ. რომლებსაც ანამნეზში აქვთ წყლულოვანი დაავადება ან რომლებიც იმავდროულად იღებენ არასტეროიდულ ანთების საწინააღმდეგო პრეპარატებს. დონეპეზილის ჰიდროქლორიდის კლინიკური კვლევებისას ნაჩვენები არ ყოფილა პეპტიკური წყლულის დაავადების ან კუჭ-ნაწლავური სისხლდენის შემთხვევების მატება, პლაცებოსთან შედარებით.

(3) შარდსასქესო: მიუხედავად იმისა, რომ გამოვლენილი არ არის დონეპეზილის ჰიდროქლორიდის კლინიკური ცდებისას, ქოლინომიმეტიკებმა შეიძლება გამოიწვიონ შარდის ბუშტიდან დინების ობსტრუქცია.

(4) ნევროლოგიური მდგომარეობები: ქოლინომიმეტიკური მოქმედების მიერ ზოლიანი სხეულის ქოლინერგიული ნერვის სტიმულირების გამო, ქოლინომემიტიკებმა შეიძლება გაამწვავონ ან გამოიწვიონ ექსტრაპირამიდული სიმპტომები (პარკინსონის დაავადება ან პარკინსონის სინდრომი) ან გამოიწვიონ გენერალიზებული კრუნჩხვები. მიუხედავად ამისა, შეტევის აქტივობა შეიძლება ასევე იყოს ალცჰაიმერის დაავადების მანიფესტაცია.

(5) რესპირატორული მდგომარეობები: ქოლინომიმეტიკური მოქმედებების მიერ ბრონქების გლუვი კუნთების შეკუმშვის ან ბრონქული სეკრეციის გაზრდის გამო, ქოლინესტერაზას ინჰიბიტორები სიფრთხილით უნდა დაინიშნოს იმ პაციენტებში, რომლებსაც ანამნეზში აქვთ ასთმა ან ობსტრუქციული პულმონური დაავადება.

(6) ღვიძლის დაავადება: სტაბილური ალკოჰოლური ციროზის მქონე 1 პაციენტის კვლევისას დონეპეზილის ჰიდროქლორიდის კლირენსი შემცირებული იყო 20%-ით ასაკითა და სქესით შესაბამის 10 ჯანმრთელ სუბიექტთან შედარებით.

2) დონეპეზილი მსუბუქ ან საშუალო ზემოქმედებას ახდენს ავტომობილებისა და მექანიზმების მართვის უნარზე. დემენციამ შეიძლება გამოიწვიოს ავტომობილის მართვის ან მექანიზმების გამოყენების უნარის დაქვეითება. გარდა ამისა, დონეზეპილმა შეიძლება გამოიწვიოს დაღლილობა, თავბრუსხვევა და კუნთების სპაზმი, ძირითადად მიღების დაწყებისას ან დოზის გაზრდისას. მკურნალმა ექიმმა რეგულარულად უნდა შეაფასოს პაციენტის მდგომარეობა ავტომობილების ან მექანიზმების მართვის გასაგრძლებლად.

3) სიკვდილიანობა ვასკულარული დემენციის კლინიკური ცდების დროს

ჩატარდა სამი 6-თვიანი კლინიკური ცდა, რომლის დროსაც შესწავლილ იყვნენ ის პირები, რომლებიც აკმაყოფილებდნენ სავარაუდო ან შესაძლო ვასკულარული დემენციის (VaD) NINDSAIREN კრიტერიუმებს. NINDS-AIREN კრიტერიუმები გამოიყენება იმ პაციენტების დასადგენად, რომლებშიც დემენცია გამოწვეულია მხოლოდ ვასკულარული მიზეზებით და გამორიცხავს ალცჰაიმერის დაავადების მქონე პაციენტებს. პირველი კვლევის დროს, სიკვდილიანობის მაჩვენებელი იყო 2/198 (1.0%) 5 მგ დონეპეზილის ჰიდროქლორიდის  გამოყენებისას, 5/206 (2.4%) 10 მგ დონეპეზილის ჰიდროქლორიდის  გამოყენებისას და 7/199 (3.5%) პლაცებოს გამოყენებისას. მეორე კვლევისას, სიკვდილიანობის მაჩვენებელი იყო 4/208 (1.9%) 5 მგ დონეპეზილის ჰიდროქლორიდის  გამოყენებისას, 3/215 (1.4%) 10მგ დონეპეზილის ჰიდროქლორიდის  გამოყენებისას და 1/193 (0.5%) პლაცებოს გამოყენებისას. მესამე კვლევისას, სიკვდილიანობის მაჩვენებელი იყო 11/648 (1.7%) 5მგ დონეპეზილის ჰიდროქლორიდის  გამოყენებისას, 0/326 (0%) 10მგ დონეპეზილის ჰიდროქლორიდის  გამოყენებისას და 0/326 (0%) პლაცებოს გამოყენებისას. ვასკულარული დემენციის სამი კვლევიდან მიღებული სიკვდილიანობის მაჩვენებელი გაერთიანებული დონეპეზილის ჰიდროქლორიდის ჯგუფში (1.7%) რიცხობრივად უფრო მაღალი იყო, ვიდრე პლაცებოს ჯგუფში (1.1%), მიუხედავად ამისა, ეს სხვაობა სტატისტიკურად მნიშვნელოვანი არ იყო. სიკვდილის შემთხვევების უმრავლესობა იმ პაციენტებში, რომლებიც იღებდნენ დონეპეზილის ჰიდროქლორიდს ან პლაცებოს, გამოწვეული იყო სხვადასხვა ვასკულარული მიზეზებით, რაც მოსალოდნელია აღნიშნულ ხანდაზმულ პოპულაციაში, რომლებსაც აქვთ ძირითადი ვასკულარული დაავადება. ყველა სერიოზული არაფატალური და ფატალური ვასკულარული მოვლენების ანალიზი არ აჩვენებს რაიმე განსხვავებას განვითარების სიხშირის მხრივ დონეპეზილის ჰიდროქლორიდის ჯგუფში პლაცებოსთან შედარებით.

ალცჰაიმერის დაავადების კვლევებისას (n=4146) და როდესაც ალცჰაიმერის დაავადების ეს კვლევები გაერთიანებული იყო დემენციის სხვა კვლევებთან, მათ შორის ვასკულარული დემენციის კვლევებთან (სულ n=6888), სიკვდილიანობის მაჩვენებელი პლაცებოს ჯგუფში რიცხობრივად აღემატებოდა დონეპეზილის ჰიდროქლორიდის ჯგუფში არსებულ მაჩვენებელს.

4) ანესთეზია: როგორც ჩანს, ეს პრეპარატი, როგორც ქოლინესტერაზას ინჰიბიტორი, იწვევს ანესთეზიის დროს სუკცინილქოლინის ტიპის კუნთების მოდუნების გამწვავებას.

 

ურთიერთქმედება სხვა სამკურნალო საშუალებებთან:

1) ინ ვიტრო კვლევებმა აჩვენა, რომ CYP450 და ნაკლებად CYP2D6  მონაწილეობენ დონეპეზილის მეტაბოლიზმში. ცნობილი არ არის ინჰიბირების ან ინდუქციის ხარისხი, თუმცა აუცილებელია სიფრთხილის გამოჩენა შემდეგ პრეპარატებთან ერთად გამოყენებისას.

(1) CYP3A4 ინჰიბიტორებმა, როგორიცაა იტრაკონაზოლი და ერითრომიცინი და CYP2D6  ინჰიბიტორებმა, როგორიცაა ქინიდინი და ფლუოქსეტინი, შეიძლება დათრგუნონ დონეპეზილის მეტაბოლიზმი.

(2) CYP3A4 ფერმენტების ინდუქტორებმა, როგორიცაა რიფამპიცინი, ფენიტოინი, კარბამაზეპინი, დექსამეტაზონი, ფენობარბიტალი და ალკოჰოლი, შეიძლება დააქვეითონ დონეპეზილის დონეები და პრეპარატის ეფექტი.

2) არსებობს სინერგიული აქტივობის პოტენციალი იმავდროულად ისეთი პრეპარატების მიღებისას, როგორიცაა სუკცინილქოლინი, სხვა ნეირო-მუსკულარული ბლოკატორები.

3) რადგან ქოლინერგიულ პრეპარატებთან (კაპრონიუმი, ბეტანექოლი, აკლატონიუმი, ნაპადისილატი) ან აცეტილქოლინის ესტერაზას ინჰიბიტორთან (ამბენონიუმი, დისტიგმინი, პირიდოსტიგმინი, ნეოსტიგმინი) ერთად გამოყენებამ შეიძლება გააძლიეროს ქოლინერგიული მოქმედება, მათი ერთდროული გამოყენება თავიდან უნდა იქნას აცილებული.

4) ანტიქოლინერგიულ პრეპარატებთან (ატროპინი, სკოპოლამინი, ტრიჰექსიფენიდილი, პიროჰეპტინი, ბიპერიდინი) ერთად გამოყენებისას, ანტაგონურმა მოქმედებამ შეიძლება შეამციროს პრეპარატის ეფექტი.

5) დონეპეზილის ჰიდროქლორიდი და/ან ნებისმიერი მისი მეტაბოლიტი არ აინჰიბირებს თეოფილინის, ვარფარინის, ციმეტიდინის ან დიგოქსინის მეტაბოლიზმს ადამიანებში. დონეპეზილის ჰიდროქლორიდის მეტაბოლიზმზე გავლენას არ ახდენს დიგოქსინის ან ციმეტიდინის იმავდროული მიღება.

6) არსებობს სინერგისტული მოქმედების პოტენციალი იმავდროულად ბეტაბლოკატორებთან ერთად გამოყენებისას, რომლებსაც აქვთ ეფექტები გულის გამტარობაზე.

7) იმავდროულად არასტეროიდული ანთების საწინააღმდეგო პრეპარატების გამოყენებისას ქოლინერგიულმა მოქმედებამ შეიძლება გაზარდოს კუჭის სეკრეცია და გამოიწვიოს წყლული.

 

ორსულობა და ლაქტაცია:

1) ორსულობა: არ არსებობს ადეკვატური მონაცემები ორსულ ქალებში დონეპეზილის გამოყენების შესახებ. ცხოველებში ჩატარებული კვლევებისას არ გამოვლენილა ტერატოგენური მოქმედება, მაგრამ გამოვლინდა პერი- და პოსტ-ნატალური ტოქსიკურობა. ადამიანებისთვის პოტენციური რისკის შესახებ ცნობილი არ არის.

2) ლაქტაცია: დონეპეზილი გადადის დედის რძეში ვირთხებში. ცნობილი არ არის, გადადის თუ არა დონეპეზილის ჰიდროქლორიდი ადამიანის დედის რძეში და არ არსებობს კვლევები მეძუძურ ქალებში. ამიტომ, დონეპეზილის მიღებისას ძუძუთი კვება არ შეიძლება.

 

პედიატრიული გამოყენება:

პედიატრიული გამოყენების უსაფრთხოება დადგენილი არ არის. (არ არსებობს პედიატრიული გამოყენების გამოცდილება).

 

ჭარბი დოზა:

1) სიმპტომები: ქოლინესტერაზას ინჰიბიტორების ჭარბმა დოზამ შეიძლება გამოიწვიოს ქოლინერგიული კრიზი, რასაც ახასიათებს მძიმე გულისრევა, ღებინება, ნერწყვდენა, ოფლიანობა, ბრადიკარდია, ჰიპოტენზია, რესპირატორული დეპრესია, კოლაფსი და კონვულსიები. შეიძლება გაიზარდოს კუნთების სისუსტე და გამოიწვიოს სიკვდილი, თუ ჩართული იქნება რესპირატორული კუნთები.

დონეპეზილის ჰიდროქლორიდის გამოთვლილი საშუალო ლეთალური დოზა თაგვებსა და ვირთხებში ერთჯერადი პერორალური დოზის მიღების შემდეგ არის 45 და 32 მგ/კგ, შესაბამისად, ან დაახლოებით 225 და 160-ჯერ მეტი ადამიანებისთვის რეკომენდებულ მაქსიმალურ დღეში 10 მგ დოზაზე. ქოლინერგიული სტიმულაციის დოზა-დაკავშირებული ნიშნები აღინიშნა ცხოველებში და მოიცავდა სპონტანური მოძრაობის დაქვეითებას, ბორძიკს სიარულისას, ლაკრიმაციას, კლონურ კრუნჩხვებს, სუნთქვის დათრგუნვას, ნერწყვდენას, მიოზისს, ფასციკულაციას და სხეულის ზედაპირის ტემპერატურის დაწევას.

2) მკურნალობა: როგორც ჭარბი დოზის ყველა შემთხვევაში, გამოიყენება ზოგადი დამხმარე ზომები. მესამეული ანტიქოლინერგიული საშუალებები, როგორიცაა ატროპინი, შეიძლება გამოყენებული იყოს, როგორც ამ პრეპარატით ჭარბი დოზის ანტიდოტი. რეკომენდებულია ინტრავენური ატროპინის სულფატის გამოყენება, რომელიც უნდა იყოს ტიტრირებული ეფექტის მიხედვით: საწყისი დოზა 1.0-2.0 მგ ვენებში შემდგომი დოზებით, კლინიკური პასუხის მიხედვით. არტერიული წნევის და გულის შეკუმშვების სიხშირის მხრივ ატიპური პასუხები აღინიშნა სხვა ქოლინომიმეტიკური საშუალებების გამოყენებისას მეოთხეულ ანტიქოლინერგიულ საშუალებებთან ერთად, როგორიცაა გლიკოპიროლატი. ცნობილი არ არის გამოიდევნება თუ არა დონეპეზილის ჰიდროქლორიდი და/ან მისი მეტაბოლიტები დიალიზით (ჰემოდიალიზით, პერიტონული დიალიზით, ან ჰემოფილტრაციით).

 

შენახვა: შეინახეთ კარგად დახურულ კონტეინერში არა უმეტეს 30⁰C-ზე.

 

შენახვის ვადა: 36 თვე წარმოების თარიღიდან.

 

შეფუთვის ერთეული:

დონენზა ტაბლეტი 10 მგ 30 ტაბლეტი.

 

გაცემის წესი:

ფარმაცევტული პროდუქტის ჯგუფი - II, გაიცემა ფორმა №3 რეცეპტით

WhanInPharm. Co., Ltd.

სათავო ოფისი: 11, 6გილ, ბეობვონ-რო, სონგპა-გუ, სეული, 05855, კორეის რესპუბლიკა

ქარხანა: 50, გონგდან-რო, ანსეონგ-სი, გიეონგგი-დო,

17567, კორეის რესპუბლიკა

ტელ: +82-2-405-3062

ფაქსი: +82-2-405-3182