დონაგენი - Donagen 10მგ 28 ტაბლეტი

დონაგენი 10 მგ  

ოროდისპერგირებადი ტაბლეტები

დონეპეზილის ჰიდროქლორიდი

მოცემული პრეპარატის მიღების დაწყებამდე ყურადღებით წაიკითხეთ სრული ჩანართი, რადგან ის შეიცავს თქვენთვის მნიშვნელოვან ინფორმაციას.

· შეინახეთ მოცემული ჩანართი. შეიძლება, კვლავ დაგჭირდეთ მისი გადაკითხვა. 

· თუ დამატებითი კითხვები გაგიჩნდათ, მიმართეთ თქვენს ექიმს ან ფარმაცევტს.

· მოცემული პრეპარატი გამოწერილია მხოლოდ თქვენთვის. არ გადასცეთ ის სხვა პირებს. ეს შესაძლოა, საზიანო აღმოჩნდეს მათთვის იმ შემთხვევაშიც კი, თუ მათი დაავადების ნიშნები თქვენსას ემთხვევა.

· ნებისმიერი გვერდითი მოქმედების განვითარების შემთხვევაში მიმართეთ თქვენს ექიმს ან ფარმაცევტს. ეს ეხება ნებისმიერ შესაძლო გვერდით მოქმედებას, რომელიც არ არის ჩამოთვლილი მოცემულ ჩანართში. იხ. პარაგრაფი 4.
ჩანართის შინაარსი:

1.   რას წარმოადგენს დონაგენი და რისთვის გამოიყენება   

2.   რა უნდა იცოდეთ დონაგენის მიღებამდე

3.   როგორ მიიღება დონაგენი 

4.   შესაძლო გვერდითი მოქმედება 

5.   როგორ ინახება დონაგენი

6.   შეფუთვის შიგთავსი და დამატებითი ინფორმაცია

1.  რას წარმოადგენს დონაგენი და რისთვის გამოიყენება   

დონაგენი შეიცავს მოქმედ ნივთიერებას დონეპეზილის ჰიდროქლორიდს. 

დონაგენი (დონეპეზილის ჰიდროქლორიდი) მიეკუთვნება სამკურნალო საშუალებების ჯგუფს, სახელწოდებით აცეტილქოლინესთერაზას ინჰიბიტორები. დონეპეზილი ზრდის ტვინში ნივთიერების (აცეტილქოლინი) დონეს, რომელიც მონაწილეობს მეხსიერების ფუნქციაში, აცეტილქოლინის დაშლის შენელებით.  

პრეპარატი გამოიყენება >დემენციის სიმპტომების სამკურნალოდ პაციენტებში, რომლებსაც დაუდგინდათ ალცჰაიმერის დაავადების მსუბუქი და საშუალო სიმძიმის ფორმა. სიმპტომები მოიცავს მეხსიერების დაკარგვას, დაბნეულობას და ქცევის შეცვლას. შედეგად, ალცჰაიმერის დაავადების მქონე პირებისთვის სულ უფრო რთული ხდება დღის განმავლობაში ჩვეულებრივი საქმიანობის განხორციელება. 

დონაგენი განკუთვნილია მხოლოდ მოზრდილ პაციენტებში გამოსაყენებლად. 

2.  რა უნდა იცოდეთ დონაგენის მიღებამდე

არ მიიღოთ დონაგენი

- თუ ხართ ალერგიული დონეპეზილის ჰიდროქლორიდის, პიპერიდინის წარმოებულების ან ამ პრეპარატის ნებისმიერი სხვა ინგრედიენტის მიმართ (ჩამოთვლილია პარაგრაფში 6). 

გაფრთხილება და უსაფრთხოების ზომები

მიმართეთ თქვენს ექიმს ან ფარმაცევტს დონაგენის მიღებამდე, თუ გაქვთ ან გქონდათ: 

- კუჭის ან თორმეტგოჯა ნაწლავის წყლული

- კრუნჩხვა (შეტევა) ან კონვულსია

- გულის მდგომარეობა (არარეგულარული ან ძალიან ნელი გულისცემა)

- გულის მდგომარეობა, სახელწოდებით “გახანგრძლივებული QT ინტერვალი“, ან პათოლოგიური გულისცემის გარკვეული მდგომარეობის ანამნეზი, რომელსაც ეწოდება Torsade de Pointes, ან თქვენი ოჯახის ანამნეზში აღინიშნება “გახანგრძლივებული QT ინტერვალი“

- სისლხში მაგნიუმის ან კალიუმის დაბალი დონე

- ასთმა ან ფილტვების სხვა, ხანგრძლივად მიმდინარე დაავადება

- ღვიძლის პრობლემები ან ჰეპატიტი

- შარდვის გაძნელება ან თირკმელების მსუბუქი დაავადება

ასევე, აცნობეთ თქვენს ექიმს, თუ ხართ ორსულად ან ფიქრობთ, რომ ხართ ორსულად. 

ბავშვები და მოზარდები

ბავშვებსა და მოზარდებში (18 წლამდე ასაკი) დონაგენის გამოყენება რეკომენდებული არ არის.  

სხვა პრეპარატები და დონაგენი

აცნობეთ თქვენს ექიმს ან ფარმაცევტს, თუ იღებთ, ახლო წარსულში იღებდით ან შეიძლება მიგეღოთ ნებისმიერი სხვა პრეპარატი. ეს ითვალისწინებს პრეპარატებს, რომლებიც არ გაქვთ დანიშნული თქვენი ექიმის მიერ და დამოუკიდებლად გაქვთ შეძენილი აფთიაქში. ეს ასევე, ეხება პრეპარატებს, რომლებსაც მიიღებთ დონაგენით  მკურნალობის პერიოდში. ეს გამოწვეულია იმ ფაქტით, რომ ამ პრეპარატებმა შეიძლება დაასუსტოს ან გააძლიეროს დონაგენის მოქმედება. 

განსაკუთრებით, მნიშვნელოვანია აცნობოთ თქვენს ექიმს, თუ იღებთ ნებისმიერ ქვემოთ ჩამოთვლილ პრეპარატს: 

- გულისცემის დარღვევების სამკურნალო პრეპარატები, მაგალითად ამიოდარონი, სოტალოლი

- დეპრესიის სამკურნალო პრეპარატები, მაგალითად ციტალოპრამი, ესციტალოპრამი, ამიტრიპტილინი, ფლუოქსეტინი

- ფსიქოზების სამკურნალო პრეპარატები, მაგალითად პიმოზიდი, სერტინდოლი, ზიპრასიდონი

- ბაქტერიული ინფექციების სამკურნალო პრეპარატები, მაგალითად, კლარითრომიცინი, ერითრომიცინი, ლევოფლოქსაცინი, მოქსიფლოქსაცინი, რიფამპიცინი

- სოკოს საწინააღმდეგო საშუალებები, მაგალითად კეტოკონაზოლი

- ალცჰაიმერის დაავადების სამკურნალო სხვა საშუალებები, მაგალითად გალანტამინი

- ტკივილგამაყუჩებელი ან ართრიტის სამკურნალო საშუალებები, მაგალითად ასპირინი, არასტეროიდული ანთების საწინააღმდეგო საშუალებები (აასს), როგორიცაა იბუპროფენი, ან ნატრიუმის დიკლოფენაკი

- ანტიქოლინერგული საშუალებები, მაგალითად ტოლტეროდინი

- კრუნჩხვის საწინააღმდეგო საშუალებები, მაგალითად ფენიტოინი, კარბამაზეპინი

- გულის მდგომარეობის სამკურნალო პრეპარატი, მაგალითად ქინიდინი, ბეტა-ბლოკერები (პროპანოლოლი და ატენოლოლი) 

- მიორელაქსანტები, მაგალითად დიაზეპამი, სუქცინილქოლინი

- ზოგადი საანესთეზიო საშუალებები

- რეცეპტის გარეშე გასაცემი პრეპარატები

თუ დაგეგმილი გაქვთ ოპერაციის ჩატარება ზოგადი ანესთეზიით, უნდა აცნობოთ თქვენს ექიმს და ანესთეზიოლოგს, რომ იღებთ დონაგენს. ეს გამოწვეულია იმ ფაქტით, რომ თქვენმა პრეპარატმა შეიძლება გავლენა იქონიოს თქვენთვის საჭირო ანესთეზიის დოზაზე. 

დონაგენის გამოყენება შეიძლება თირკმელების დაავადების ან ღვიძლის მსუბუქი და ზომიერი დაავადების მქონე პაციენტებში. პირველ რიგში აცნობეთ თქვენს ექიმს, თუ გაქვთ თირკმელების ან ღვიძლის დაავადება. ღვიძლის მძიმე დაავადების მქონე პაციენტებმა არ უნდა მიიღონ დონაგენი. 

აცნობეთ თქვენს ექიმს ან ფარმაცევტს თქვენი მომვლელი პირის სახელი, რომელიც დაგეხმარებათ თქვენი პრეპარატის დანიშნულებით მიღებაში. 

დონაგენის მიღება საკვებთან, სასმელთან და ალკოჰოლთან ერთად

საკვები არ ცვლის დონაგენის ეფექტს. 

დონაგენი არ მიიღება ალკოჰოლთან ერთად, რადგან ალკოჰოლმა შეიძლება შეცვალოს მისი მოქმედება.  

ორსულობა და ძუძუთი კვება  

თუ ხართ ორსულად ან ბავშვს ძუძუთი კვებავთ, ფიქრობთ, რომ ხართ ორსულად, ან გეგმავთ ორსულობას, ამ პრეპარატის მიღებამდე რჩევისთვის მიმართეთ თქვენს ექიმს. 

დონაგენი არ გამოიყენება ძუძუთი კვების პერიოდში. 

სატრანსპორტო საშუალებების მართვა და მექანიზმებთან მუშაობა

ალცჰაიმერის დაავადებამ შეიძლება დაარღვიოს სატრანსპორტო საშუალებების ან მექანიზმებთან მუშაობის უნარი. არ შეასრულოთ ეს საქმიანობები, თუ ექიმი არ გეტყვით, რომ ეს უსაფრთხოა. 

გარდა ამისა, თქვენს პრეპარატს შეუძლია გამოიწვიოს დაღლილობა, თავბრუსხვევა და კუნთების სპაზმი. თუ აღგენიშნებათ ნებისმიერი მითითებული გვერდითი მოქმედება არ უნდა მართოთ სატრანსპორტო საშუალებები და იმუშაოთ მექანიზმებთან. 

ასევე, იხილეთ : >დონაგენი - Donagen 5მგ 28 ტაბლეტი

3.  როგორ მიიღება დონაგენი 

დონაგენის მისაღები დოზა

მოცემული პრეპარატი ყოველთვის მიიღეთ თქვენი ექიმის ან ფარმაცევტის რეკომენდაციების ზუსტად დაცვით. რაიმე საკითხზე ეჭვის არსებობის შემთხვევაში კონსულტაციისთვის მიმართეთ თქვენს ექიმს ან ფარმაცევტს. 

რეკომენდებული საწყისი დოზა შეადგენს 5 მგ-ს ყოველ საღამოს ძილის წინ. ერთი თვის შემდეგ თქვენს ექიმს შეუძლია დაგინიშნოთ 10 მგ ყოველ საღამოს ძილის წინ. 

ტაბლეტის დოზა შეიძლება შეიცვალოს პრეპარატით მკურნალობის ხანგრძლივობის, ასევე თქვენი ექიმის რეკომენდაციების მიხედვით. მაქსიმალური რეკომენდებული დოზა შეადგენს 10 მგ-ს ყოველ საღამოს. 

ყოველთვის დაიცავით თქვენი ექიმის ან ფარმაცევტის მითითება თქვენი პრეპარატის მიღების მეთოდთან და დროსთან დაკავშირებით. 

არ შეცვალოთ დოზა დამოუკიდებლად, თქვენი ექიმის რჩევის გარეშე. 

როგორ მიიღება თქვენი პრეპარატი

მოათავსეთ ტაბლეტი ენაზე და გააჩერეთ დაშლამდე, შემდეგ გადაყლაპეთ წყლის მიყოლებით ან მის გარეშე, თქვენი სურვილის მიხედვით. 

გამოყენება ბავშვებსა და მოზარდებში

ბავშვებსა და მოზარდებში (18 წლამდე ასაკი) დონაგენის გამოყენება რეკომენდებული არ არის.  

თუ მიიღეთ დონაგენის საჭიროზე მეტი დოზა 

დაუყოვნებლივ დაუკავშირდით თქვენს ექიმს ან უახლოესი საავადმყოფოს სასწრაფო დახმარების განყოფილებას, თუ მიიღეთ თქვენი პრეპარატის საჭიროზე მეტი დოზა. თან იქონიეთ ეს ჩანართი და ტაბლეტების ნებისმიერი დარჩენილი რაოდენობა. 

დოზის გადაჭარბების სიმპტომები შეიძლება ითვალისწინებდეს გულისრევას (სისუსტის შეგრძნება) და ღებინებას (სუსტად ყოფნა), ნერწყვდენას, ოფლიანობას, ნელ გულისცემას, დაბალ არტერიული წნევას (გულის წასვლის წინა მდგომარეობა ან თავბრუსხვევა ფეხზე ადგომისას), სუნთქვის დარღვევებს, ცნობიერების დაკარგვას და კრუნჩხვას (შეტევა) ან კონვულსიას. 

თუ დაგავიწყდათ დონაგენის მიღება

თუ დაგავიწყდათ თქვენი პრეპარატის დოზის მიღება, მიიღეთ შემდეგი დოზა ჩვეულებრივ დროს. არ მიიღოთ ორმაგი დოზა გამოტოვებულის საკომპენსაციოდ. თუ დაგავიწყდათ თქვენი პრეპარატის მიღება ერთ კვირაზე მეტი დროის განმავლობაში, დაუკავშირდით თქვენს ექიმს პრეპარატის მიღების გაგრძელების დაწყებამდე. 

თუ შეწყვიტეთ დონაგენის მიღება

არ შეწყვიტოთ ტაბლეტების მიღება ექიმის მითითების გარეშე. დონაგენის მიღების შეწყვეტის შემთხვევაში თქვენი მკურნალობის სარგებელი თანდათანობით გაქრება. 

მოცემული პრეპარატის გამოყენებასთან დაკავშირებით დამატებითი კითხვების არსებობის შემთხვევაში მიმართეთ თქვენს ექიმს ან ფარმაცევტს. 

დონაგენის მიღების ხანგრძლივობა

თქვენი ექიმი ან ფარმაცევტი მოგცემთ რეკომენდაციას თქვენი ტაბლეტების მიღების ხანგრძლივობასთან დაკავშირებით. საჭიროა ექიმთან პერიოდული ვიზიტები თქვენი მკურნალობის გადახედვის და სიმპტომების შეფასების მიზნით. 

4. შესაძლო გვერდითი მოქმედება 

როგორც ყველა სამკურნალო საშუალებას, მოცემულ პრეპარატსაც შეუძლია გამოიწვიოს გვერდითი მოქმედება, თუმცა ის არ ვლინდება ყველა პაციენტში. 

შემდეგი გვერდითი მოქმედება აღინიშნა დონაგენის მიღებისას. 

აცნობეთ თქვენს ექიმს, თუ დონაგენის მიღებისას აღგენიშნათ ნებისმიერი შემდეგი მოქმედება. 

სერიოზული გვერდითი მოქმედება:

დაუყოვნებლივ აცნობეთ თქვენს ექიმს, თუ შენიშნეთ მითითებული სერიოზული გვერდითი მოქმედება. 

შეიძლება, დაგჭირდეთ სასწრაფო სამედიცინო მკურნალობა. 

- ღვიძლის დაზიანება, მაგალითად ჰეპატიტი. ჰეპატიტის სიმპტომებია გულისრევა (სისუსტის შეგრძნება) ან ღებინება (სუსტად ყოფნა), მადის დაკარგვა, ზოგადად შეუძლოდ ყოფნის შეგრძნება, სიცხე, ქავილი, კანისა და თვალის თეთრი გარსების გაყვითლება და მუქი ფერის შარდი (შეიძლება აღენიშნოს არაუმეტეს  1000-დან 1 ადამიანს)

- კუჭის ან თორმეტგოჯა ნაწლავის წყლული. წყლულის სიმპტომებია კუჭის ტკივილი და დისკომფორტი (საჭმლის მონელების დარღვევა) ჭიპისა და გულ-მკერდს შორის (შეიძლება აღენიშნოს 100-დან არაუმეტეს 1 ადამიანს)

- სისხლდენა კუჭიდან ან ნაწლავიდან. ეს შეიძლება გამოიხატებოდეს შავი, კუპრისებრი განავლის ან ნაწლავიდან სისხლდენის სახით (შეიძლება აღენიშნოს 100-დან არაუმეტეს 1 ადამიანს) 

- კრუნჩხვა (შეტევა) ან კონვულსია (შეიძლება აღენიშნოს 100-დან არაუმეტეს 1 ადამიანს)

- ცხელება კუნთების დაჭიმულობით, ოფლიანობა ან ცნობიერების დაქვეითებული დონე (დარღვევა, რომელსაც ეწოდება “ავთვისებიანი ნეიროლეფსიური სინდრომი“) (შეიძლება აღენიშნოს 10000-დან არაუმეტეს 1 ადამიანს) 

- კუნთების სისუსტე, მგრძნობელობა ან ტკივილი, განსაკუთრებით შეუძლოდ ყოფნის, მაღალი ტემპერატურის ან მუქი შარდის თანხლებით. ეს შეიძლება გამოწვეული იყოს კუნთების პათოლოგიური დაშლით, რაც შეიძლება სიცოცხლისთვის საფრთხეს წარმოადგენდეს და გამოიწვიოს თირკმელების პრობლემები (მდგომარეობა სახელწოდებით რაბდომიოლიზი) (შეიძლება აღენიშნოს 10000-დან არაუმეტეს 1 ადამიანს)

- სწრაფი  არარეგულარული გულისცემა და გულის წასვლა, რაც შეიძლება იყოს სიცოცხლისთვის საშიში მდგომარეობის სიმპტომი, რომელიც ცნობილია, როგორც Torsade de Pointes (არსებული მონაცემების საფუძველზე სიხშირის შეფასება შეუძლებელია) 

სხვა გვერდითი მოქმედება: 

ძალიან ხშირი გვერდითი მოქმედება (შეიძლება აღენიშნოს 10-დან 1-ზე მეტ ადამიანს)

- დიარეა

- თავის ტკივილი

ხშირი გვერდითი მოქმედება (შეიძლება აღენიშნოს 10-დან არაუმეტეს 1 ადამიანს)

- კუნთების სპაზმი

- დაღლილობა

- დაძინების გაძნელება (უძილობა)

- ჩვეულებრივი გაცივება

- ჰალუცინაცია (არარეალური საგნების დანახვა ან მოსმენა)

- უჩვეულო სიზმრები, მათ შორის კოშმარები

- შფოთვა

- აგრესიული ქცევა

- გულის წასვლა

- თავბრუსხვევა

- დისკომფორტის შეგრძნება კუჭის არეში

- გამონაყარი

- უკონტროლო შარდვა

- ტკივილი

- უბედური შემთხვევები (მაღალია დაცემის და შემთხვევითი ტრავმების მიღების ალბათობა)

არახშირი გვერდითი მოქმედება (შეიძლება აღენიშნოს 100-დან არაუმეტეს 1 ადამიანს)

- ნელი პულსი

- გაძლიერებული ნერწყვდენა 

იშვიათი გვერდითი მოქმედება (შეიძლება აღენიშნოს 1000-დან არაუმეტეს 1 ადამიანს)

- სახის და ენის, ასევე კიდურების დაჭიმულობა, კანკალი ან უკონტროლო მოძრაობები

- გულის ფუნქციის შეცვლა, რაც ვლინდება ელექტროკარდიოგრამაზე (ეკგ) და ეწოდება “გახანგრძლივებული QT ინტერვალი“

შეტყობინება გვერდითი მოქმედების შესახებ

ნებისმიერი გვერდითი მოქმედების გამოვლენის შემთხვევაში მიმართეთ თქვენს ექიმს ან ფარმაცევტს. ეს ეხება ნებისმიერ შესაძლო გვერდით მოქმედებას, რომელიც არ არის ჩამოთვლილი მოცემულ ჩამართში. გვერდითი მოქმედების შესახებ შეტყობინების გაგზავნა შეგიძლიათ უშუალოდ შეტყობინებათა ეროვნული სისტემის საშუალებით. გვერდითი მოქმედების შესახებ შეტყობინებით შეგიძლიათ დახმარება ამ პრეპარატის უსაფრთხოების შესახებ მეტი ინფორმაციის მოწოდებაში. 

5.  როგორ ინახება დონაგენი

შეინახეთ მოცემული პრეპარატი ბავშვებისათვის მიუწვდომელ ადგილზე.

არ გამოიყენოთ ეს პრეპარატი გარე კოლოფზე და ბლისტერულ ფოლგაზე მითითებული ვარგისობის ვადის (EXP) გასვლის შემდეგ. ვარგისობის ვადა გულისხმობს მითითებული თვის ბოლო დღეს. 

შეინახეთ 25°C-ზე დაბალ ტემპერატურაზე.

არ გადააგდოთ პრეპარატები საკანალიზაციო მილში ან საყოფაცხოვრებო ნაგავთან ერთად. არასაჭირო პრეპარატების უტილიზაციასთან დაკავშირებით მიმართეთ თქვენს ფარმაცევტს. ეს ზომები ხელს შეუწყობს გარემოს დაცვას.  

6. შეფუთვის შიგთავსი და დამატებითი ინფორმაცია

რას შეიცავს დონაგენი 

მოქმედი ნივთიერება არის დონეპეზილის ჰიდროქლორიდი. 

ხელმისაწვდომია ტაბლეტის ორი სხვადასხვა კონცენტრაცია. თითოეული 5მგ-იანი ოროდისპერგირებადი  ტაბლეტი შეიცავს 5 მგ  დონეპეზილის ჰიდროქლორიდს, ხოლო თითოეული 10მგ-იანი ოროდისპერგირებადი ტაბლეტი შეიცავს 10 მგ დონეპეზილის ჰიდროქლორიდს.  

დამხმარე ნივთიერებები: 

კალიუმის პოლაკრილინი, მიკროკრისტალური ცელულოზა, ლაქტოზის მონოჰიდრატი (გაფრქვევით გამომშრალი), მონონატრიუმის ციტრატი უწყლო, ასპარტამი (E951), ნატრიუმის კროსკარმელოზა, კოლოიდური სილიციუმი უწყლო, მაგნიუმის სტეარატი. 

დონაგენის აღწერა და შეფუთვის შემადგენლობა 

თეთრიდან თითქმის თეთრი ფერის, მრგვალი, ბრტყელი ტაბლეტები ჩამოჭრილი კიდეებით, ერთ მხარეს გრავირებით “5“, მეორე მხარეს გლუვი.  

თეთრიდან თითქმის თეთრი ფერის, მრგვალი, ბრტყელი ტაბლეტები ჩამოჭრილი კიდეებით, ერთ მხარეს გრავირებით “10“, მეორე მხარეს გლუვი.  

ოროდისპერგირებადი ტაბლეტები გამოდის შეფუთვებში 7, 28, 30, 56, 60, 98 ან 120 ოროდისპერგირებადი ტაბლეტით. 

შეიძლება, თქვენს ქვეყანაში ყველა ზომის შეფუთვა არ იყოს წარმოდგენილი ბაზარზე. 

გაცემის რეჟიმი:

ფარმაცევტული პროდუქტის ჯგუფი - II, გაიცემა ფორმა №3 რეცეპტით