დიკლორონი - Dikloron 50მგ 20 ტაბლეტი

Dikloron® 50 მგ-იანი ენტერული აპკიანი გარსით დაფარული აბები 

მიიღება ორალური გზით. 

ეფექტური ნივთიერება: ყოველი აპკიანი გარსით დაფარული ენტერული აბი შეიცავს 50 მგ. დიკლოფენაკ ნატრიუმს. 

დამხმარე ნივთიერებები: აბები: ლაქტოზის მონოჰიდრატი (ძროხის რძისგან დამზადებული), სახამებელი, პოლივინილ პიროლიდონი K25, კოლოიდური სილიკონ დიოქსიდი, ტალკი, მაგნიუმ სტეარატი. 

აბების მოპირკეთება: პოლიეთილენ გლიკოლი 6000, Eudragit L-30-D-55, ტალკი, სიმეტიკონი Q7-2587.  

ამ პრეპარატის მოხმარების დაწყებამდე ყურადღებით წაიკითხეთ მოხმარების ინსტრუქცია, ვინაიდან ის შეიცავს მნიშვნელოვან ინფორმაციას.  

· შეინახეთ წინამდებარე მოხმარების ინსტრუქცია. შემდგომში შეიძლება დაგჭირდეთ მისი ხელახლა წაკითხვა. 

· დამატებითი კითხვების წარმოქმნის შემთხვევაში, მიმართეთ თქვენს ექიმს ან ფარმაცევტს. 

· ვინაიდან წინამდებარე პრეპარატი პირადად თქვენთვის არის გამოწერილი, სხვა პირებისთვის მისი მიცემა დაუშვებელია. 

· წინამდებარე პრეპარატის მოხმარებისას ექიმთან ან ფარმაცევტთან მიმართვის დროს, აუცილებლად აცნობეთ თქვენს ექიმს ამ პრეპარატის მიღების შესახებ. 

· დაიცავით წინამდებარე მოხმარების ინსტრუქციაში აღნიშნული წესები. ექიმის მიერ დანიშნული დოზის გადაჭარბება ან შემცირება დაუშვებელია.  
წინამდებარე მოხმარების ინსტრუქციაში მოცემულია ქვემოთ აღნიშნული სათაურები: 

1. რას წარმოადგენს Dikloron და რისთვის გამოიყენება?  

2. რას უნდა მიაქციოთ ყურადღება Dikloron-ის მოხმარების დაწყებამდე? 

3. როგორ უნდა მოიხმაროთ Dikloron? 

4. რა სახის გვერდითი ჩვენებები შეიძლება წარმოიქმნას? 

5. Dikloron-ის შენახვის წესები. 

1. რას წარმოადგენს Dikloron და რისთვის გამოიყენება? 

·   ყოველი აბი შეიცავს 50 მგ. ეფექტურ ნივთიერებას (დიკლოფენაკ ნატრიუმს). 

·   Dikloron შედის ტკივილების და ანთების მკურნალობის დროს გამოსაყენებელი „არა სტეროიდული ანთების საწინააღმდეგო პრეპარატების“ (NSAİİ-ები) ჯგუფში.  

·   წარმოდგენილია 20 და 30 აბიან შეფუთვაში. 

Dikloron შეიძლება გამოყენებული იქნეს ქვემოთ აღნიშნული დაავადებების  დროს: 

კალციფიკაცია (ოსტეოართრიტი), სახსრების ტკივილი და დეფორმაცია (რევმატოიდული ართრიტი) და მტკივნეული პროგრესირებადი რევმატიზმი (ანკილოზური სპონდილიტი) ნიშნები და სიმპტომები, ზურგის, კისრისა და ნეკნების სახსრებში და მწვავე პოდაგრასთან დაკავშირებული სახსრების ანთება, მწვავე პოდაგრის ართრიტი), ძვლოვანი სისტემის ტკივილი, პოსტოპერაციული ტკივილი (პოსტოპერაციული ტკივილი) და მტკივნეული მენსტრუაცია (დისმენორეა). 

თუ თქვენ გაქვთ შეკითხვები Dikloron -ის ეფექტის შესახებ, მიმართეთ თქვენს მკურნალ ექიმს. 

ასევე, იხილეთ: >დიკლორონი - Dikloron 100მგ 10 ტაბლეტი

2. Dikloron-ის მოხმარებამდე დასაცავი წესები  

ყურადღებით დაიცავით თქვენი ექიმის ყველა რჩევა. ეს ინფორმაცია შეიძლება განსხვავდებოდეს წინამდებარე მოხმარების ინსტრუქციაში აღნიშნული ზოგადი ინფორმაციისგან. 

ქვემოთ აღნიშნულ შემთხვევებში Dikloron -ის მოხმარება დაუშვებელია: 

·   თუ ხართ ალერგიული დიკლოფენაკზე ან DICLORON -ის რომელიმე სხვა ინგრედიენტზე, რომელიც აღნიშნულია წინამდებარე მოხმარების ინსტრუქციის დასაწყისში, 

·   თუ თქვენ გაქვთ ალერგიის ნიშნები და სიმპტომები მედიკამენტების მიღების შემდეგ, რომლებიც ადრე გამოიყენებოდა ანთების ან ტკივილის სამკურნალოდ (მაგ. აცეტილსალიცილის მჟავა/ასპირინი, დიკლოფენაკი ან იბუპროფენი). ეს შეიძლება იყოს ასთმა (ქოშინი ფილტვებში სასუნთქი გზების შევიწროების გამო, ხველა, ხიხინი), ცხვირიდან გამონაყარი, კანის გამონაყარი, სახის შეშუპება. ცნობილია, რომ ამ პაციენტებში ენის მძიმე, იშვიათად ფატალური შეშუპება, რომელსაც ეწოდება ანაფილაქსია, ქოშინი, დაბალი წნევა და კანის გამონაყარი, შეიძლება თან ახლდეს "არასტეროიდული ანთების საწინააღმდეგო საშუალებები" (NSAIDs). ალერგიაზე ეჭვის წარმოქმნის შემთხვევაში,  რჩევისთვის მიმართეთ თქვენს მკურნალ ექიმს. 

·   თუ ჩატარებული გაქვთ კორონარული არტერიის ოპერაცია (როგორიცაა გულ-სისხლძარღვთა ოპერაცია, შემოვლითი ოპერაცია), წინა, ინტრა და პოსტოპერაციული ტკივილის სამკურნალოდ,

·   გულის დაავადების და/ან ტვინის სისხლძარღვის დაავადების არსებობის, გულის შეტევის გადატანის, ინსულტის, მინი ინსულტის (დროებითი იშემიური შეტევის) გადატანის ან გულში და ტვინში მიმავალი სისხლძარღვების გადაკეტვის, გადაკეტილი სისხლძარღვის გასაწმენდად ან გასახსნელად ოპერაციის გადატანის შემთხვევაში. 

·   თუ გაქვთ კუჭის ან ნაწლავის წყლული (ჭრილობა),

·   თუ გაქვთ სისხლდენა ან პერფორაცია კუჭ-ნაწლავის ტრაქტში, სისხლიანი ან შავი განავალი. 

·   თუ სულ მცირე ორჯერ გქონდათ კუჭის ან ნაწლავის წყლული ან სისხლდენა. 

·   თუ გაქვთ თირკმლის ან ღვიძლის მძიმე დაავადება,

·   თუ გაქვთ გულის მწვავე უკმარისობა,

·   თუ გაქვთ გულის სისხლძარღვის გადაკეტვა, თუ, გარდა გულისა, გაქვთ შიდა ორგანოების და ხელ-ფეხის სისხლძარღვის გადაკეტვა, და თუ გაქვთ გულის უკმარისობა (მოძრაობების შეზღუდვის და გაძლიერების დონეზე).  

·   თუ ხართ ორსულობის ბოლო სამ თვიან პერიოდში. 

თუ ეს გაფრთხილებები წარსულშიც ძალაში იყო თქვენთვის, რჩევისათვის მიმართეთ თქვენს მკურნალ ექიმს. 

ალერგიაზე ეჭვის წარმოქმნის შემთხვევაში,  რჩევისთვის მიმართეთ თქვენს მკურნალ ექიმს. 

ქვემოაღნიშნულ შემთხვევებში Dikloron-ის მიღების დროს უნდა გამოიჩინოთ ყურადღება:  

·   დიკლოფენაკით მკურნალობა დაწყებული უნდა იქნეს გულ-სისხლძარღვთა სისტემის დაავადებების მნიშვნელოვანი რისკ-ფაქტორების (მაგ. არტერიული წნევა, ცხიმის არანორმალურად მაღალი დონე (ქოლესტერინი, ტრიგლიცერიდები) სისხლში, დიაბეტი, მოწევა და ა.შ.) მქონე პაციენტების მიერ. 

·   დიკლოფენაკის მკურნალობისას უპირატესობა უნდა მიენიჭოს მკურნალობის უმოკლეს შესაძლო ხანგრძლივობას და ყველაზე დაბალ ეფექტურ დოზას. ჯანდაცვის მუშაკებმა რეგულარულად უნდა შეაფასონ პაციენტების დიკლოფენაკის მიღების აუცილებლობა. 

·   დიკლოფენაკის მაგვარი პრეპარატების მიღებამ შეიძლება გამოიწვიოს გულის შეტევის ან ინსულტის რისკი. ყოველი რისკი დაკავშირებულია მაღალ დოზასთან და პრეპარატის ხანგრძლივად მიღებასთან. რეკმოენდირებული დოზის ან რეპარატის მიღების ვადის გადაჭარბება დაუშვებელია. 

·   თუ გაქვთ რომელიმე ცნობილი გულის ან სისხლძარღვების დაავადება [მაგალითად, მაღალი არტერიული წნევა, რომლის გაკონტროლება შეუძლებელია, გულის შეგუბებითი უკმარისობა (გულს არ შეუძლია სხეულისათვის საჭირო რაოდენობით სისხლის ამოტუმბვა), გულის იშემიური დაავადება (არტერიის შევიწროება, რომელიც უზრუნველყოფს ჟანგბადის და გულის სისხლით მომარაგება), ან პერიფერიული არტერიული დაავადება, DICLORON-ის მიღება არ არის რეკომენდირებული. (თუ თქვენ გაქვთ ცნობილი გულის დაავადება ან ხართ გულის დაავადების რისკის ქვეშ და, განსაკუთრებით, თუ ღებულობთ პრეპარატს 4 კვირაზე მეტ ხანს, თქვენი მკურნალი ექიმი ხელახლა შეაფასებს თქვენთვის DICLORON-ის მიღების გაგრძელების აუცილებლობას. 

·   გულ-სისხლძარღვთა სისტემის გვერდითი ეფექტების რისკის მინიმუმამდე დასაყვანად, როგორც წესი, საჭიროა DICLORON-ის ყველაზე დაბალი დოზის მიღება.

·   თუ თქვენ ღებულობთ DICLORON-ს სხვა ანთების საწინააღმდეგო საშუალებებთან ერთად (მათ შორის აცეტილსალიცილის მჟავა, კორტიკოსტეროიდები, „სისხლის გამათხელებლები“ ​​და ანტიდეპრესანტები კლასიფიცირებული როგორც SSRI) (იხილეთ თავი „სხვა პრეპარატებთან ერთად მიღება“). 

·   თუ გაქვთ ასთმა ან თივის ცხელება (სეზონური ალერგიული რინიტი).

·   თუ ოდესმე გქონიათ ისეთი კუჭ-ნაწლავის პრობლემები, როგორიცაა კუჭის წყლული, კუჭის სისხლდენა ან შავი განავალი, ან თუ გქონიათ კუჭის დისკომფორტი ან გულძმარვა წარსულში ანთების საწინააღმდეგო საშუალებების მიღების შემდეგ.

·   თუ გაქვთ მსხვილი ნაწლავის ანთება (წყლულოვანი კოლიტი) ან ნაწლავის ანთება (კრონის დაავადება).

·   თუ გაქვთ ღვიძლის ან თირკმელების პრობლემები

·   თუ თქვენი ორგანიზმი სავარაუდოდ დეჰიდრატირებულია (მაგ. ავადმყოფობა, დიარეა სერიოზულ ოპერაციამდე ან მის შემდეგ). 

·   თუყ ხართ ხანდაზმულ ასაკში. 

·   თუ გისივდებათ ფეხები. 

·   თუ გაქვთ სისხლდენის მაგვარი დარღვევა ან სისხლთან დაკავშირებული სხვა დარღვევები (მათ შორის იშვიათი ღვიძლის პრობლემა, რომელსაც პორფირია ეწოდება)

·   თუ გაქვთ აუტანლობა ზოგიერთი ტკბილეულის მიმართ. 

·   თუ არც თუ ისე დიდი ხნის წინ გადატანილი გაქვთ კუჭის ან ნაწლავის ოპერაცია. 

თუ ეს გაფრთხილებები წარსულშიც ძალაში იყო თქვენთვის, რჩევისათვის მიმართეთ თქვენს მკურნალ ექიმს. 

თუ აპირებთ რაიმე სერიოზული ოპერაციის გაკეთებას, ამის შესახებ აცნობეთ თქვენს მკურნალ ექიმს. 

·   DICLORON-ის მიღებისას გულმკერდის ტკივილის, ქოშინის, სისუსტის ან ბუნდოვანი მეტყველების მაგვარი გულის ან სისხლძარღვების პრობლემების ნიშნების ან სიმპტომების წარმოქმნის შემთხვევაში, დაუყონებლივ მიმართეთ თქვენს მკურნალ ექიმს. 

·   DICLORON-ს შეუძლია შეამსუბუქოს ინფექციის სიმპტომები (მაგ. თავის ტკივილი, მაღალი სიცხე) და ამით გაართულოს ინფექციის გამოვლენა და ადეკვატური მკურნალობა. თუ თავს ცუდად გრძნობთ და ექიმთან ვიზიტი გჭირდებათ, თქვენს მკურნალ ექიმს აცნობეთ DICLORON-ის მიღების შესახებ. 

·   ძალიან იშვიათ შემთხვევებში, DICLORON-მა, ისევე როგორც სხვა ანთების საწინააღმდეგო პრეპარატებმა, შეიძლება გამოიწვიოს მძიმე ალერგიული რეაქციები (მაგ. გამონაყარი). ასეთი რეაქციის რისკი ყველაზე მაღალია მკურნალობის დაწყების დროს. სიცხის, ლორწოვანი გარსის დაზიანების, გამონაყარის ან ალერგიის მაგვარი სხვა სიმპტომების წარმოქმნის შემთხვევაში, უნდა შეწყვიტოთ DICLORON-ის მიღება და დაუყოვნებლივ ჩაიტაროთ მკურნალობა, ვინაიდან ეს შეიძლება იყოს კანის ძალიან ძლიერი რეაქციის პირველი ნიშნები (იხილეთ თავი „მოსალოდნელი გვერდითი ჩვენებები“). 

·   სისტემური lupus eritematozus (SLE) (სხეულის რამდენიმე სისტემაზე მოქმედი ქრონიკული ანთებითი დაავადებს ან სხვა შემაერთებელი ქსოვილის დაავადებების არსებობის და ამ პრეპარატის არსებობის შემთხვევაში, ამან შეიძლება გაზარდოს ასეპტიკური მენინგიტის რისკი (ხშირ შემთხვევებში ვირუსებით გამოწვეული თავის ტვინისა და ზურგის ტვინის მიმდებარე გარსების ანთება,). 

·   ტკივილების და ანთების საწინააღმდეგო NSAI-ს ტიპის მედიკამენტების მოხმარების დროს კუჭთან დაკავშირებით რაიმე პრობლემის წარმოქმნის შემთხვევაში, განსაკუთრებით, თუ ხართ ხანდაზმულ ასაკში და თუ წარმოგექმნებათ რაიმე სიმპტომები, ამის შესახებ დაუყოვნებლივ აცნობეთ თქვენს ექიმს.  

ზემოთ აღნიშნული ნებისმიერი სიმპტომის წარმოქმნის შემთხვევაში, ამის შესახებ დაუყოვნებლივ აცნობეთ თქვენს მკურნალ ექიმს. 

DICLORON-ის საკვებ-სასმელთან ერთად მიღება 

·   Dikloro  უნდა მიიღოთ ერთი ჭიქა წყალთან ან სხვა სითხესთან ერთად.

·   რეკომენდებულია DIKLORON-ის მიღება ჭამის წინ ან უზმოზე.  

ფეხმძიმობა 

პრეპარატის მოხმარების დაწყებამდე რჩევისთვის მიმართეთ თქვენს ექიმს ან ფარმაცევტს. 

თუ თქვენ ხართ ფეხმძიმედ ან გეგმავთ ფეხმძიმედ დარჩენას, რჩევისთვის მიმართეთ თქვენს მკურნალ ექიმს. 

საჭიროების და ექიმის მიერ გამოწერის გარეშე DIKLORON-ის მიღება დაუშვებელია. ამ პრეპარატის ფეხმძიმობის პირველი 6 თვის განმავლობაში მიღების შემთხვევაში, უნდა მიიღოთ რაც შეიძლება დაბალი დოზა და პრეპარატი უნდა მიიღოთ რაც შეიძლება ხანმოკლე დროის განმავლობაში. ფეხმძიმობის მე-20 კვირიდან არასტერიოდული ანთების საწინააღმდეგო პრეპარატების მიღებამ შეიძლება ზიანი მიაყენოს ჯერ კიდევ არ დაბადებულ ბავშვს. თუ გესაჭიროებათ NSAI-ს ტიპის მედიკამენტების 2 კვირაზე მეტი ხნით მიღება, თქვენმა ექიმმა თვალყური უნდა ადევნოს ემბრიონის გარშემო არსებული სითხის რაოდენობას. 

ისევე, როგორც სხვა ანთების საწინააღმდეგო პრეპარატების შემთხვევაში, DIKLORON არ უნდა იქნას გამოყენებული ორსულობის ბოლო სამი თვის განმავლობაში, რადგან ამან შეიძლება ზიანი მიაყენოს ჯერ არ დაბადებულ ბავშვს ან გამოიწვიოს პრობლემები მშობიარობის დროს. 

DICLORON-მა შესაძლოა გაართულოს დაორსულება. თუ თქვენ გეგმავთ დაორსულებას ან თუ გაქვთ პრობლემები დაორსულებასთან დაკავშირებით, გარდა აუცილებელი შემთხვევებისა, DIKLORON-ის მიღება დაუშვებელია.  

თუ ამ პრეპარატის მიღების დროს შეიტყობთ ფეხმძიმობას, რჩევისათვის დაუყოვნებლივ მიმართეთ თქვენს ექიმს ან ფარმაცევტს. 

ძუძუთი კვება 

პრეპარატის მოხმარების დაწყებამდე რჩევისთვის მიმართეთ თქვენს მკურნალ ექიმს ან ფარმაცევტს. 

თუ ძუძუთი კვებავთ ბავშვს, ამის შესახებ აცნობეთ თქვენს მკურნალ ექიმს. თუ თქვენ ღებულობთ DIKLORON-ის, ბავშვის ძუძუთი კვება დაუშვებელია.  

მანქანის ტარება და ხელსაწყოს მოხმარება 

იშვიათ შემთხვევებში ისეთი გვერდითი მოვლენები, როგორიცაა მხედველობის დარღვევა, თავბრუსხვევა ან ძილიანობა, შეიძლება განვითარდეს პაციენტებში, რომლებიც ღებულობენ DICLORON-ს. თუ შეამჩნევთ ასეთ სიმპტომებს, ისეთი მანქანის ტარება ან ხელსაწყოების გამოყენება რომლებიც მოითხოვს სიფრთხილეს, დაუშვებელია, ზემოაღნიშნული სიმპტომების წარმოქმნის შემთხვევაში, ამის შესახებ დაუყოვნებლივ აცნობეთ თქვენს მკურნალ ექიმს. 

ინფორმაცია DIKLORON-ის შემცველობაში არსებული ზოგიერთი დამხმარე ნივთიერებების შესახებ: 

DICLORON შეიცავს ლაქტოზას. თუ თქვენმა ექიმმა გაცნობათათ, რომ გაქვთ აუტანლობა ზოგიერთი ტკბილეულის მიმართ, ამ პრეპარატის მიღებამდე გაესაუბრეთ თქვენს ექიმს. 

სხვა პრეპარატებთან ერთად მოხმარება 

ქვემოთ აღნიშნული ნებისმიერი პრეპარატის მიღების შემთხვევაში, ამის შესახებ აცნობეთ თქვენს მკურნალ ექიმს: 

·   ლითიუმის ან სეროტონინის უკუმიტაცების შერჩევითი ინჰიბიტორები (SSRIs); (პრეპარატები, რომლებიც გამოიყენება გარკვეული ტიპის დეპრესიის სამკურნალოდ). 

·   საგულე გლიკოზიდები (ხშირ შემთხვევებში გულის უკმარისობის დროს მისაღები პრეპარატთა ჯგუფი). 

·   დიგოქსინი (მედიკამენტი, რომელიც გამოიყენება გულის პრობლემების დროს).

·   მიფეპრისტონი (მედიკამენტი, რომელიც გამოიყენება არასასურველი ორსულობის შესაწყვეტად).

·   დიურეტიკები (შარდმდენი საშუალებები).

·   AGE ინჰიბიტორები ან ბეტა-ბლოკატორები (წამლები, რომლებიც გამოიყენება მაღალი წნევის და გულის უკმარისობის სამკურნალოდ). 

·   სხვა ანთების საწინააღმდეგო პრეპარატები (როგორიცაა აცეტილსალიცილის მჟავა ან იბუპროფენი.) 

·   კორტიკოსტეროიდები (კორტიზონი და მსგავსი პრეპარატები, რომლებიც გამოიყენება ანთებით დაზიანებული სხეულის არეების სამკურნალოდ). 

·   სისხლის გამათხელებლები (ვარფარინი და მსგავსი პრეპარატები, რომლებიც გამოიყენება სისხლის შედედების თავიდან ასაცილებლად).

·   დიაბეტის სამკურნალოდ გამოსაყენებელი მედიკამენტები (გარდა ინსულინისა).

·   მეთოტრექსატი (მედიკამენტი, რომელიც გამოიყენება გარკვეული ტიპის კიბოს ან ართრიტის სამკურნალოდ).

·   ციკლოსპროინი, ტაკროლიმუსი (პრეპარატები, რომლებიც გამოიყენება განსაკუთრებით ორგანოთა გადანერგვის დროს). 

·   ტრიმეტოპრიმი (გამოიყენება საშარდე გზების ინფექციების პროფილაქტიკისა და სამკურნალოდ).

·   ქინოლონის სახეობის ანტიბაქტერიული პრეპარატები (ზოგიერთი პრეპარატი, რომელიც გამოიყენება ინფექციის საწინააღმდეგოდ).

·   ვორიკონაზოლი (პრეპარატი, რომელიც გამოიყენება სოკოვანი ინფექციების დროს). 

·   ფენიტოინი (პრეპარატი, რომელიც გამოიყენება კრუნჩხვების სამკურნალოდ).

·   კოლესტიპოლი და ქოლეს ტირამინი (პრეპარატები, რომლებიც გამოიყენება ქოლესტერინის დონის  შესამცირებლად). 

·   რიფამპიცინი *ბაქტერიული ინფექციების სამკურნალოდ გამოსაყენებელი ანტიბიოტიკი). 

·   ორალური სტეროიდები  (გამოიყენება ანთების და ალერგიის წინააღმდეგ, პრდენიზოლონის მაგვარი).  

ამჟამად რეცეპტით გამოწერილი ან არ გამოწერილი ნებისმიერი პრეპარატის მოხმარების ან ბოლო პერიოდის განმავლობაში მოხმარების შემთხვევაში, ამის შესახებ აცნობეთ თქვენს ექიმს ან ფარმაცევტს. 

3. DICLORON-ის მოხმარების წესი 

ეს პრეპარატი უნდა მიიღოთ თქვენი ექიმის დანიშნულების შესაბამისად. გამოწერილი დოზის და მიღების ვადის გადაჭარბება დაუშვებელია. 

ინსტრუქციები სათანადო მოხმარების და დოზის / მოხმარების სიხშირის შესახებ: 

გამოწერილი დოზის გადაჭარბება დაუშვებელია. ტკივილების გასაკონტროლებლად უნდა მიიღოთ ყველაზე დაბალი დოზა და საჭიროზე მეტი ხნის განმავლობაში DICLORON-ის მიღება არ არის რეკომენდირებული. 

თქვენი მკურნალობის შედეგის მიხედვით,, თქვენი მკურნალი ექიმი გაცნობებთ  DICLORON-ის მისაღებ დოზას და გირჩევთ უფრო მაღალ ან დაბალ დოზას.  

მოზარდებისათვის: 

რეკომენდირებული საწყისი დღიური დოზა შეადგენს 100-150 მილიგრამს. უფრო იოლ შემთხვევებში, ისევე, როგორც ხანგრძლივი დროის განმავლობაში მიღების დროს, დღეში 75-100 მილიგრამი DICLORON-ის მიღება საკმარისია. 

დღეში 150 მილიგრამზე მეტი დოზის მიღება არ არის რეკომენდირებული. დღიური დოზა უნდა გაიყოს 2-3-ზე. ღამის საათებში ტკივილების და დილის საათებში სიმკვრივის შესამცირებლად, დღის საათებში საჭიროა აბების მიღება,, ღამე დაწოლისას კი სანთლის გამოყენება (აბების და სანთლების მთლიანი დღიური დოზა არ უნდა აღემატებოდეს 150 მილიგრამს). 

მტკივნეული მენსტრუაციის პერიოდში ასჭიროა დღიური დოზის ცალ-ცალკე დარეგულირება, რომელიც უნდა შეადგენდეს დღეში 90-150 მილიგრამს. საწყისი დოზა შეადგენს 50-100 მილიგრამს. საჭიროების შემთხვევაში, დღეში 3-ჯერ უნდა მიიღოთ 50 მილიგრამი დღეში 150 მილიგრამზე მეტი დოზის მიღება დაუშვებელია.  იმ შემთხვევაში, თუ დღიური 150 მილიგრამიანი დოზა საკმარისია 2-3 ციკლის პრიოდში ტკივილების გაყუჩებისათვის, თქვენმა მკურნალმა ექიმმა შეიძლება გირჩიოთ შემდეგი ციკლის დროს 200 მილიგრამიანი დოზის მიღება. დღეში 200 მილიგრამის გადაჭარბება დაუშვებელია. 

მოხმარების ხერხი და მეთოდი: 

DIKLORON უნდა მიიღოთ მთლიანად ერთი ჭიქა წყალთან ან სხვა სითხესთან ერთად. რეკომენდირებულია DICLORON-ის მიღება ჭამის წინ ა უზმოზე. აბების გაყოფა ან დაღეჭვა დაუშვებელია. 

სხვადასხვა ასაკობრივი ჯგუფები:   

ბავშვობის და მოზარდთა ასაკში მყოფი პირები:   

DICLORON-ის დოზების გამო, ბავშვებისათვის DICLORON-ის ენტერული აბების  მიღება არ არის რეკომენდირებული. 

ხანდაზმული პაციენტები:  

ხანდაზმული პაციენტები შეიძლება იყვნენ უფრო მგრძნობიარენი DICLORON-ის ეფექტების მიმართ, ვიდრე სხვა მოზრდილები. ამიტომ ხანდაზმულებმა განსაკუთრებული ყურადღება უნდა მიაქციონ ექიმის მითითებებს და გამოიყენონ აბების მინიმალური რაოდენობა, რაც აუცილებელია მათი ჩივილების შესამსუბუქებლად. ხანდაზმულმა პაციენტებმა დაუყოვნებლივ უნდა აცნობონ ექიმს ნებისმიერი არასასურველი ეფექტის წარმოქმნის შესახებ. 

მოხმარების განსაკუთრებული შემთხვევები: 

თირკმელების უკმარისობა: 

თირკმლის უკმარისობის მქონე პაციენტებისათვის DICLORON-ის მიღება დაუშვებელია.  თირკმელების ფუნქციის დარღვევის მქონე პაციენტების შესახებ კვლევების შედეგების ხელმიუწვდომობის გამო, დოზის კორექტირების შესახებ რეკომენდაციების გაცემა დაუშვებელია. თუ გაქვთ თირკმლის მსუბუქი და ზომიერი უკმარისობა, თქვენი ექიმი გაცნობებთ DICLORON-ის მოხმარების დროს გამოსაჩენი სიფრთხილის შესახებ. გთხოვთ მიმართოთ თქვენს მკურნალ ექიმს. 

ღვიძლის უკმარისობა: 

ღვიძლის ფუნქციის დარღვევის მქონე პაციენტებისათვის DICLORON-ის მიღება დაუშვებელია. ღვიძლის ფუნქციის დარღვევის მქონე პაციენტების შესახებ კვლევების შედეგების ხელმიუწვდომობის გამო, დოზის კორექტირების შესახებ რეკომენდაციების გაცემა დაუშვებელია. თუ გაქვთ ღვიძლის მსუბუქი და ზომიერი უკმარისობა, თქვენი ექიმი გაცნობებთ DICLORON-ის მოხმარების დროს გამოსაჩენი სიფრთხილის შესახებ. გთხოვთ მიმართოთ თქვენს მკურნალ ექიმს. 

გულსისხლძარღვთა დაავადებების ან მნიშვნელოვანი გულსისხლძარღვთა ცნობილი რისკის ფაქტორები: 

გულის და სისხლძარღვთა ცნობილი დაავადებების, კონტროლს არ დაქვემდებარებული ან მაღალი წნევის მქონე პირებისათვის DICLORON-ის მიღება არ არის რეკომენდირებული. ვინაიდან გულსისხლძარღვთა რისკები იზრდება დოზის და ზემოქმედების დროსთან ერთად, ყველაზე დაბალი დღიური ეფექტური დოზა გამოყენებული უნდა იქნეს უმოკლესი დროის განმავლობაში. ამიტომ, DICLORON-ის მიღების დროს სასურველია პრეპარატის მიღების მინიმალური ვადის და ყველაზე დაბალი ეფექტური დოზის არჩევა. განსაკუთრებით 4 კვირაზე ხანგრძლივი მკურნალობის დროს თქვენმა მკურნალმა ექიმმა განმეორებით უნდა შეაფასოს თქვენთვის DICLORON-ის მიღების გაგრძელების საჭიროება. 

თუ თქვენ ღებულობთ DICLORON-ს საჭიროზე დიდი დოზით: 

ექიმის მიერ გამოწერილი დოზაზე მეტი დოზის მიღების შემთხვევაში, დაუყოვნებლივ მიმართეთ ექიმს ან ფარმაცევტს, ან მიმართეთ საავადმყოფოს სასწრაფო დახმარების განყოფილებას. შეიძლება დაგჭირდეთ სამედიცინო დახმარების მიღება. 

ექიმის მიერ გამოწერილი DİKLORON-ის დოზაზე მეტი დოზის მიღების შემთხვევაში, ამის შესახებ აცნობეთ ექიმს ან ფარმაცევტს.    

თუ თქვენ დაგავიწყდათ DICLORON-ის მიღება: 

დავიწყებული დოზის ასანაზღაურებლად ორმაგი დოზის მიღება დაუშვებელია. 

თუ თქვენ დაგავიწყდათ ერთი დოზის მიღება, დაუყოვნებლივ მიიღეთ დავიწყებული დოზა. თუმცა, თუ მოგიახლოვდათ შემდეგი დოზის მიღების დრო, თქვენ დაგჭირდებათ მხოლოდ შემდეგი აბის დროულად მიღება. 

4. როგორია მოსალოდნელი გვერდითი ჩვენებები?  

ისევე, როგორც ყველა წამალი, DİKLORON-ის შემცველობაში არსებული ნივთიერებების მიმართ ზოგიერთ პაციენტებს შეიძლება წარმოექმნათ გარკვეული გვერდითი ჩვენებები. 

ზემოაღნიშნული გვერდითი ჩვენებების წარმოქმნის შემთხვევაში, შეწყვიტეთ DİKLORON-ის მიღება და დაუყოვნებლივ მიმართეთ ექიმს ან უახლოესი საავადმყოფოს სასწრაფო სამედიცინო დახმარების განყოფილებას: 

·   გულმკერდის უეცარი და მკვეთრი ტკივილი (მიოკარდიუმის ინფარქტის ან ინფარქტის ნიშნები).

·   სუნთქვის გაძნელება, წოლის დროს სუნთქვის გაძნელება, ფეხების შეშუპება (გულის უკმარისობის ნიშნები). 

·   სახის, ხელ-ფეხის, განსაკუთრებით, სხეულის ერთ მხარეს უეცარი ძალის დაკარგვის ან დაბუჟების, მხედველობის უეცარი დაკარგვის ან მოშლის, მეტყველების ან საუბრის აღქმის უნარიანობის დაკარგვის, მხედველობის მოშილს თანმდევი ან არ თანმდევი, პირველად შაკიკის მსგავსი თავის ტკივილების წარმოქმნის შემთხვევები შეიძლება იყოს ინსულტის ნაადრევი სიმპტომები. 

·   მუცლის ტკივილი, საჭმლის მონელების დარღვევა, გულძმარვა, გაზები, გულისრევა,პ ირღებინება. 

·   კუჭში ან ნაწლავებში სისხლდენის ნებისმიერი ნიშანი (სისხლით პირღებინება, შავი ან მუქი განავალი). 

·   კანის გამონაყარის, ქავილის, სისხლჩაქცევების, მტკივნეული წითელი ადგილების, კანის აქერცვლის ან ბუშტუკების მაგვარი ალერგიული რეაქციები. 

·   ხიხინი ან სუნთქვის უკმარისობა (ბრონქოსპაზმი: ფილტვების ქვედა სასუნთქი გზების დროებით შევიწროვება). 

·   სახის, ტუჩების, ხელების ან თითების შეშუპება

·   კანის ან თვალების გაყვითლება. 

·   ყელის მუდმივი ტკივილი ან მაღალი სიცხე

·   შარდის რაოდენობის ან გარეგნობის მოულოდნელი შეცვლა. 

·   DİKLORON-ის მიღების დაწყებიდან ცოტა ხნის შემდეგ მუცლის ტკივილის დაწყებიდან 24 საათის განმავლობაში რექტალური სისხლდენის ან სისხლიანი ფაღარათის თანმდევი ჩხვლეტა და მგრძნობელობა მუცლის არეში. 

·   სტიოვენ-ჯონსის სინდრომი (კანის, პირის, თვალების და სასქესო ორგანოების არეში სერიოზული დაავადებები გამონაყარით). 

ზემოაღნიშნული ჩვენებები წარმოადგენს ძალიან სერიოზულ გვერდით ჩვენებებს. 

ნებისმიერი ზემოაღნიშნული ჩვენებების წარმოქმნის შემთხვევაში, შეიძლება საჭირო გახდეს სასწრაფო სამედიცინო ჩარევა ან საავადმყოფოში დაწოლა. 

გვერდითი ჩვენებები იყოფა შემდეგ კატეგორიებად: 

ძალიან გავრცელებული: აღენიშნება 10 პაციენტიდან 1-ს. 

გავრცელებული: აღენიშნება 10 პაციენტიდან ერთზე ნაკლებს, მაგრამ 100 პაციენტიდან ერთზე მეტს. 

არ გავრცელებული: აღენიშნება 100 პაციენტიდან ერთზე ნაკლებს, მაგრამ 1.000 პაციენტიდან ერთზე მეტს. 

იშვიათი: აღენიშნება 1.000 პაციენტიდან ერთზე ნაკლებს, მაგრამ 10.000 პაციენტიდან ერთზე მეტს. 

ძალიან იშვიათი: აღენიშნება 10.000 პაციენტიდან ერთზე ნაკლებს. 

უცნობი: ჩვენს ხელთ არსებული ინფორმაციის თანახმად, დადგენა შეუძლებელია. 

სხვა გვერდითი ჩვენებები: 

გავრცელებული: 

·   თავის ტკივილი, თავბრუსხვევა, ვერტიგო (თავბრუსხვევა წონასწორობის დარღვევის გამო). 

·   გულისრევა, პირღებინება. 

·   მაღალი წნევა, ჰიპერტონია. 

·   საჭმლის მონელების გაძნელება (დისპეფსიის სიმპტომი (დისპეფსია, საჭმლის მონელების დარღვევა)). 

·   მადის დაკარგვა. 

·   ღვიძლის ფუნქციის ტესტის არანორმალური შედეგები (მაგალითად, ტრანსამინაზების დონი ზრდა). 

·   კანზე გამონაყარი. 

·   ქსოვილებში და უჯრედების შორის ჭარბი ოდენობით სითხის დაგროვება (სითხის შეკავება და/ან შეშუპება). 

არ გავრცელებული:

·   გულის მკვებავი სისხლძარღვების გადაკეტვის გამო უცაბედად წარმოქმნილი ~ტკივილი გულმკერდის არეში და სუნთქვის უკმარისობა, რომლების აღნიშნულია დაავადებების ცხრილში (გულის შეტევა, მიოკარდის ინფარქტი). 

·   გულის უკმარისობა (გულში, სხვა ორგანოებში და ქსოვილებში მიმავალი სისხლის არასაკმარისად დატუმბვა; საწყისი ჩივილები: სუნთქვის უკმარისობა, ხელ-ფეხის შეშუპება და დაღლილობა). 

·   გულისცემა. 

·   ტკივილი გულმკერდის არეში. 

იშვიათი: 

·   სუნთქვის და წოლის გაძნელება, კანზე გამონაყარი, ქავილი, ჭინჭრის ციება, თავბრუსხვევა (ჰიპერმგრძნობელობა, ანაფილარტიური და ანაფილაქტოიდური რეაქციები). 

·   ძილიანობა. 

·   დაღლილობა. 

·   ხიხინი გულმკერდის არეში და ხველება, სუნთქვის უცაბედად გაძნელება და შებოჭილობა (სიცხე, არსებობის შემთხვევაში, ასთმის ან პნევმონიის ნიშნები). 

·   სისხლით პირღებინება (ჰემატეზის ნიშნები) და/ან შავი ან სისხლიანი განავალი (გასტროინტესტინალური სისხლდენის ნიშნები). 

·   სისხლიანი ფაღარათი (ჰემორაგიული ფაღარათის ნიშნები). 

·   შავი განავალი (მელენას ნიშნები). 

·   კუჭის ტკივილი, გულისრევა *კუჭნაწლავის წყლულის ნიშნები, სყისხლდენა ან პერფორაცია). 

·   კანის ან თვალების სიყვითლე (სიყვითლის ნიშნები), მადის დაკარგვა, ყავისფერი შარდი (ჰეპატიტის / ღვიძლის უკმარისობის ნიშნები). 

·   ზოგადი დასიება (შეშუპების ნიშნები). 

ძალიან იშვიათი: 

·   წარმოქმნილი სისხლდენა ან სილურჯეები (თრომბოციტოპენია, ანუ სისხლდენის შემაჩერებელ თრომბოციტებად წოდებული უჯრედების რაოდენობის შემცირების ნიშნები). 

·   მაღალი სიცხე, ხშირად განმეორებადი ინფექციები, მუდმივი ყელის ტკივილი (აგრანულოციტოზი, ანუ ინფექციების მიმართ სხეულის დაცვაში მონაწილეობის მიმღები ზოგიერთი უჯრედების რაოდენობის შემცირების ნიშნები). 

·   სისხლის წითელი უჯრედების დაბალი დონე (ანემიის ნიშნები). 

·   სისხლის თეთრი უჯრედების დაბალი დონე (ლეიკოპენიის ნიშნები). 

·   სახის და ყელის დასიება (ანგიონევროზული შეშუპების ნიშნები). 

·   დროის, ადგილის და მიმართულების აღქმის დარღვევა (დეზორიენტაცია). 

·   დეპრესია. 

·   უძილობა (უძილობის ნიშანი). 

·   კოშმარების დანახვა. 

·   გამაღიზიანებლების მიმართ ჰიპერმგრძნობელობა, რეაქციის უნარი (გაღიზიანება). 

·   შემაშფოთებელი აზრები ან განწყობა (ფსიქოზური აშლილობის სიმპტომები). 

·   დაბუჟება ან ჩხვლეტა ხელებსა და ფეხებში (პარესთეზიის სიმპტომი),

·   შფოთვა. 

·   მეხსიერების დაქვეითება 

·   კანკალი (ტრემორი). 

·   კისრის გაშეშება, სიცხე, გულისრევის შეგრძნება, პირღებინება, თავის ტკივილი (ასეპტიური მენინგიტის ნიშნები). 

·   უცაბედი ძლიერი თავის ტკივილი, გულისრევის შეგრძნება, პირღებინება, თავბრუსხვევა, უძილობა, მეტყველების მოშლა ან გაძნელება, კიდურების ან სახის გახდომა ან პარალიჩი (ცერებროვასკულარული დარღვევის ან ინსულტის ნიშნები). 

·   გემოვნების შეგრძნების დაქვეითება (დისგეზიის სიმპტომები). 

·   სმენის გაძნელება (სმენის დაქვეითების ნიშანი). 

·   მხედველობის დარღვევა (მხედველობის დარღვევა, ბუნდოვანი მხედველობა, ორმაგი მხედველობის სიმპტომები). 

·   ტინიტუსი. 

·   გამონაყარი, მოლურჯო-მოწითალო ლაქები, სიცხე, ქავილი (ვასკულიტის ნიშნები). 

·   ფილტვების ანთება (პნევმონია). 

·   ფაღარათი, მუცლის ტკივილი, სიცხე, გულისრევის შეგრძნება, პირღებინება (ჰემორაგიული კოლიტის ჩათვლით, კოლიტის ნიშნები და წყლულოვანი კოლიტი ან კრონის დაავადებების წარმოქმნა). 

·   კუჭში შეკრულობა. 

·   წყლულები პირის ღრუში (სტომატიტის სიმპტომები [პირის ღრუს ანთება]). 

·   შეშუპება, სიწითლე და ენის ტკივილი  (გლოციტის [ენის ანთება] სიმპტომები). 

·   საყლაპავი მილის დეფექტი, რომელიც ატარებს საკვებს ყელიდან კუჭში (საყლაპავის დაზიანება). 

·   მუცლის ღრუს ზედა ნაწილის არეში ტკივილი, განსაკუთრებით ჭამის შემდეგ (ნაწლავის დიაფრაგმის დაავადების ნიშანი). 

·   მუცლის ზედა ნაწილის ძლიერი ტკივილი (პანკრეატიტის ნიშნები). 

·   გრიპის მსგავსი სიმპტომები, დაღლილობა, კუნთების ტკივილი, სისხლის ანალიზის შედეგებში ღვიძლის ფერმენტების ზრდა (ფულმინანტური ჰეპატიტის, ღვიძლის ნეკროზის, ღვიძლის უკმარისობის და ღვიძლის დაზიანების ნიშნები). 

·   ბლისტერი (ბულორული დერმატიტის ნიშნები, ქავილის, წითელი და წვის შეგრძნებას გამომწვევი გამონაყარი (ეგზემის ნიშნები). 

·   კანის სიწითლე (ერითემა). 

·   კანის სიწითლე ან სილურჯე (სისხლძარღვების ანთების ნიშნები), გამონაყარი კანზე მუწუკებით, გამონაყარი ტუჩებზე, თვალებში და  ირის ღრუში ერითემის მულტიფორმული ნიშნები ან სიცხის აწევის შემთხვევაში, სტივენ-ჯონსის სინდრომი ან ტოქსიკური ეპიდერმული ნეკროლიზი (ლიელის ინდრომი)). 

·   კანზე გამონაყარი ან კანის აქერცვლა (ექსფოლატიური დერმატიტის ნიშნები). 

·   თმის ცვენა (ალოპეცია). 

·   კანის მზისადმი მგრძნობელობა (სინათლეზე მგრძნობელობის რეაქციის ნიშნები). 

·   კანზე ლურჯი ლაქები (ალერგიით გამოწვევის შემთხვევაში, პურპურას ან ჰენოჩ-სჩოენლეინის პურპურას ნიშნები). 

·   ქავილი (პრურიტი). 

·   სისხლიანი შარდი (ჰემატურია). 

·   გასუქება, სიგამხდრის შეგრძნება ან ჭარბი შარდვა (თირკმელების მწვავე უკმარისობის ნიშნები). 

·   შარდში პროტეინების ჭარბი ოდენობა (პროტეინურიისნიშნები). 

·   სახის და მუცლის დასიება, მაღალი წნევა (ნეფროზული სინდრომის ნიშნები). 

·   შარდის დიდი ან მცირე ოდენობით გამოყოფა, ძილიანობა, კონფუზია, გულისრევის შეგრძნება (ტუბულო-ინტერსტიციული ნეფრიტის ნიშნები). 

·   შარდის გამოყოფის მკვეთრად შემცირება (თირკმელების პაპილარული ნეკროზის ნიშნები). 

·   იმპოტენცია. 

·   მხედველობის დარღვევა: მხედველობის დარღვევის ნიშნები. 

Dikloron-ის მიღების დროს ზემოაღნიშნული ნიშნების წარმოქმნის შემთხვევაში, სხვა მიზეზების გამოსარიცხად შეიძლება საჭირო გახდეს თვალის გამოკვლევის ჩატარება და ექიმთან მიმართვა. 

უცნობი: 

·   გონების გაფანტვა. 

·   ჰალუცინაციები (ნერვიული ან ფსიქიკური დაავადებით გამოწვეული არ არსებული ობიექტების დანახვა და ხმების გაგება). 

·   სენსორული დარღვევები (გემოს, მხედველობის, სმენის, შეხების და სუნის შეგრძნების დარღვევა). 

·   სისუსტე. 

·   მხედველობის ნერვის ანთება (საწყის ეტაპზე ბუნდოვანი ხედვა). 

·   ტკივილი გულმკერდის არეში და ალერგიული რეაქციების შემთხვევით წარმოქმნა (კოუნის სინდრომის ნიშნები). 

·   მსხვილი ნაწლავის სისხლის მიმოქცევის დარღვევა (შეიძლება გამოიწვიოს გულისრევის შეგრძნება, პირღებინება, მუცლის ტკივილი, კუჭში გასვლის პრობლემები და სისხლდენა; შეიძლება წარმოიქმნას დაბერების, დიაბეტის, გულის უკმარისობის, მუცლის არეში ოპერაციის გადატანის ან სხივური თერაპიის ჩატარების შემთხვევებში). 

·   შეიძლება წარმოიქმნას DRESS-ის სინდრომად (ეოზინოფილების და სისტემური სიმპტომების თანმდევი გამონაყარი წამალზე) ცნობილი კანის სერიოზული რეაქცია. DRESS-ის სიმპტომების შორის ცნობილია გამონაყარი კანზე, სიცხე, დასიებული ლიმფური კვანძები და ეოზინოფილების (სისხლში თეთრი უჯრედების) რაოდენობის ზრდა. 

ზემოთ აღნიშნული ერთ-ერთი გვერდითი ჩვენების წარმოქმნის შემთხვევაში, ამის შესახებ აცნობეთ თქვენს მკურნალ ექიმს. 

თუ თქვენ ღებულობდით Dikloron-ს რამდენიმე კვირაზე მეტი ხნის განმავლობაში, რეგულარულად უნდა გაიაროთ შემოწმება ექიმთან, რათა დარწმუნდეთ, რომ არ გაქვთ რაიმე არასასურველი ეფექტი. 

წინამდებარე მოხმარების ინსტრუქციაში გაუთვალისწინებელი ნებისმიერი გვერდითი ჩვენების წარმოქმნის შემთხვევაში, ამის შესახებ დაუყოვნებლივ აცნობეთ თქვენს მკურნალ ექიმს ან ფარმაცევტს. 

გვერდითი ჩვენებების მოხსენება: 

წინამდებარე ინსტრუქციაში გათვალისწინებული გაუთვალისწინებელი ნებისმიერი გვერდითი ჩვენების წარმოქმნის შემთხვევაში, რჩევისთვის მიმართეთ თქვენს ექიმს ან ფარმაცევტს. წარმოქმნილი გვერდითი ჩვენებების შესახებ  შეტყობინების დატოვების შემდეგ, თქვენ მოგეწოდებათ უფრო მეტი ინფორმაცია თქვენს მიერ მოხმარებული პრეპარატის უსაფრთხოების შესახებ. 

5. Dikloron-ის შენახვა: 

შეინახეთ Dikloron ბავშვებისათვის ხელმიუწვდომელ ადგილზე თავის შეფუთვაში. 

შეინახეთ პრეპარატი 25°C-ზე ნაკლები ტემპერატურის და ტენიანობისგან დაცულ პირობებში. 

პრეპარატი მოხმარებული უნდა იქნეს მოხმარების საბოლოო თარიღის შესაბამისად. 

შეფუთვაზე აღნიშნული ვარგისიანობის ვადის გასვლის შემდეგ Dikloron-ის  მოხმარება დაუშვებელია. 

ვადაგასული ან გამოუყენებელი პრეპარატების ნაგავში ჩაგდება არ არის რეკომენდირებული! გადაეცით პრეპარატები გარემოს დაცვის და ურბანიზაციის სამინისტროს.