დიაზოლინი - Diazolin 0.1 გ 10 ტაბლეტი

დიაზოლინი®

შემადგენლობა:

მოქმედი ნივთიერება: მებჰიდროლინი (მებჰყდროლინ); 

1 ტაბლეტი შეიცავს 100 მგ (0,1 გ) მებჰიდროლინს, 100% ნივთიერებაზე გადაანგარიშებით;

დამხმარე ნივთიერებები: ლაქტოზის მონოჰიდრატი, კარტოფილის სახამებელი, პოვიდონი, საქაროზა, კალციუმის სტეარატი.

სამკურნალწამლო ფორმა. ტაბლეტები.

ძირითადი ფიზიკურ-ქიმიური თვისებები: მრგვალი ფორმის, ბრტყელზედაპირიანი, თეთრი ან თითქმის თეთრი ფერის ტაბლეტები, ღარით და წაკვეთილი კიდეებით.

ფარმაკოთერაპიული ჯგუფი

სისტემური გამოყენების ანტიჰისტამინური საშუალებები. ათქ კოდი ღ06A X15.

ასევე, იხილეთ: >Diazolin - დიაზოლინი 0.1გ 10 ტაბლეტი

ფარმაკოლოგიური თვისებები  

ფარმაკოდინამიკა

მებჰიდროლინი ანტიჰისტამინურ პრეპარატებს მიეკუთვნება, წარმოადგენს ჰისტამინის H1-რეცეპტორების ბლოკერს. მებჰიდროლინი ამცირებს ჰისტამინის სპაზმოგენურ ეფექტს ბრონქების და ნაწლავის გლუვი კუნთების მიმართ, აგრეთვე, მის ზემოქმედებას სისხლძარღვების გამტარობაზე. პირველი თაობის ანტიჰისტამინური პრეპარატებისგან (დიმედროლი, სუპრასტინი) განსხვავებით, უფრო ნაკლებად გამოხატული სედაციური და საძილე ეფექტი აქვს. აქვს სუსტად გამოხატული მ-ქოლინობლოკატორული და ანესთეზიური თვისებები.

ფარმაკოკინეტიკა  

სწრაფად შეიწოვება საჭმლის მომნელებელი ტრაქტიდან. ბიოშეღწევადობა 40-60%-ის ფარგლებში მერყეობს. თერაპიული ეფექტი 15-30 წუთის შემდეგ ვითარდება, მაქსიმალური მოქმედება აღინიშნება 1-2 საათის შემდეგ. ეფექტის ხანგრძლივობა შეიძლება 2 დღე-ღამეს აღწევდეს. პრეპარატი პრაქტიკულად ვერ აღწევს ჰემატოენცეფალურ ბარიერში, მეტაბოლიზდება ღვიძლში მეთილირების გზით, იწვევს ღვიძლის ფერმენტების ინდუქციას, ორგანიზმიდან თირკმელების საშუალებით გამოიყოფა.

კლინიკური მახასიათებლები

ჩვენება

სეზონური და ალერგიული რინიტის, პოლინოზის, ჭინჭრის ციების, კვებითი და წამლებზე >ალერგიის, კანის ქავილის თანხლებით მიმდინარე დერმატოზების (ეგზემა, ნეიროდერმიტი) პროფილაქტიკა და მკურნალობა.

უკუჩვენებები

მომატებული მგრძნობელობა მოქმედი ნივთიერების ან პრეპარატის სხვა კომპონენტების მიმართ, კუჭის და თორმეტგოჯა ნაწლავის წყლულოვანი დაავადება გამწვავების ფაზაში, კუჭ-ნაწლავის ტრაქტის ანთებითი დაავადებები, პილოროსტენოზი, წინამდებარე ჯირკვლის ჰიპერპლაზია, დახურულკუთხოვანი გლაუკომა, ეპილეფსია, გულის რიტმის დარღვევები. 

ურთიერთქმედება სხვა სამკურნალო საშუალებებთან და ურთიერთქმედების სხვა ფორმები

დიაზოლინი® ახდენს საძილე, სედაციური და ცენტრალური ნერვული სისტემის დამთრგუნველი სხვა პრეპარატების, ასევე, ალკოჰოლის მოქმედების გაძლიერებას. 

გამოყენების თავისებურებები

პრეპარატით მკურნალობის პერიოდში ალკოჰოლური სასმელების მოხმარება და ეთანოლის შემცველი წამლების მიღება არ არის რეკომენდებული.

პრეპარატი სიფრთხილით ინიშნება ღვიძლის და/ან თირკმელების მძიმე უკმარისობის მქონე პაციენტებში (შეიძლება საჭირო იყოს დოზის კორექტირება და ინტერვალების ზრდა მიღებებს შორის). 

პრეპარატი შეიცავს ლაქტოზას, ამიტომ პაციენტებისთვის გალაქტოზის აუტანლობის იშვიათი მემკვიდრეობითი ფორმებით, ლაქტაზის უკმარისობით ან გლუკოზა-გალაქტოზის მალაბსორბციის სინდრომით პრეპარატის მიღება რეკომენდებული არ არის. 

თუ დაგიდგინდათ რომელიმე შაქრის აუტანლობა, ამ სამკურნალო საშუალების მიღებამდე კონსულტაციისთვის მიმართეთ ექიმს. 

გამოყენება ორსულობის ან ძუძუთი კვების პერიოდში

ორსულობის ან ძუძუთი კვების პერიოდში პრეპარატის გამოყენება უკუნაჩვენებია.  

ავტოტრანსპორტის მართვისას ან სხვა მექანიზმებთან მუშაობისას რეაქციების სისწრაფეზე ზემოქმედების უნარი

პრეპარატის გამოყენებისას არ არის რეკომენდებული ავტოტრანსპორტის მართვა ან სხვა მექანიზმებთან მუშაობა, რომლებიც ყურადღების კონცენტრაციას და ფსიქომოტორული რეაქციების სიჩქარეს მოითხოვს.

გამოყენების წესი და დოზები

დიაზოლინი® ინიშნება პერორალურად, ჭამის შემდეგ, მოზრდილებსა და 12 წელზე უფროსი ასაკის ბავშვებში 100-200 მგ 1-2-ჯერ დღე-ღამეში. მოზრდილებისთვის მაქსიმალური ერთჯერადი დოზაა – 300 მგ, მაქსიმალური დღიური დოზა – 600 მგ.

5-12 წლის ბავშვებში ინიშნება 50 მგ 1-3-ჯერ დღე-ღამეში; 3-5 წლის ბავშვებში – 25-50 მგ 1-3-ჯერ დღე-ღამეში. 

მკურნალობის ხანგრძლივობას განსაზღვრავს ექიმი, დაავადების ხასიათის, კლინიკური ეფექტის და პრეპარატის ამტანობის მიხედვით. 

ბავშვები

პრეპარატი გამოიყენება 3 წელზე უფროსი ასაკის ბავშვებში.

დოზის გადაჭარბება

პრეპარატის დოზის გადაჭარბების შემთხვევაში, მატულობს შესაბამის პარაგრაფში აღწერილი გვერდითი მოვლენების განვითარების რისკი. ამ შემთხვევაში პრეპარატით მკურნალობა უნდა შეწყდეს, აუცილებლობისას – ჩატარდეს ზოგადი დეტოქსიკაციის ღონისძიებები (კუჭის ამორეცხვა, ფორსირებული დიურეზი), ტარდება სიმპტომური თერაპია.

გვერდითი რეაქციები

საჭმლის მომნელებელი სისტემის მხრივ: კუჭ-ნაწლავის ტრაქტის ლორწოვანი გარსის გაღიზიანება, რაც ზოგჯერ დისპეფსიური მოვლენებით (გულძმარვა, გულისრევა, ტკივილი ეპიგასტრულ არეში) ვლინდება.

ცენტრალური ნერვული სისტემის მხრივ: თავბრუსხვევა, პარესთეზიები, მომატებული დაღლა, ძილიანობა, მხედველობის სიმახვილის დაქვეითება, რეაქციების სიჩქარის შენელება, ტრემორი, შფოთვა (ღამე).

სხვა: პირის სიმშრალე, შარდვის დარღვევა, ალერგიული რეაქციები. ძალიან იშვიათად შესაძლებელია გრანულოციტოპენიის და აგრანულოციტოზის განვითარება.

ბავშვებში ზოგჯერ აღინიშნება პარადოქსული რეაქციები: მომატებული აგზნებადობა, ტრემორი, ძილის დარღვევა, გაღიზიანებადობა.

ერთეულ შემთხვევებში პოსტრეგისტაციულ პერიოდში აღინიშნებოდა შემდეგი გვერდითი რეაქციები: თავის ტკივილი, ქავილი, გამონაყარი, ჭინჭრის ციება, კვინკეს შეშუპება. 

ვარგისობის ვადა

4 წელი.

პრეპარატი არ გამოიყენოთ შეფუთვაზე მითითებული ვარგისობის ვადის ამოწურვის შემდეგ.

შენახვის პირობები

შეინახეთ ორიგინალ შეფუთვაში, არაუმეტეს 25°C ტემპერატურაზე. 

შეინახეთ ბავშვებისთვის მიუწვდომელ ადგილზე.

შეფუთვა

10 ტაბლეტი ბლისტერში. 1 ან 2 ბლისტერი კოლოფში. 

გაცემის წესი: 

ფარმაცევტული პროდუქტის ჯგუფი III, გაიცემა რეცეპტის გარეშე.