Diazolin - დიაზოლინი 0.1გ 10 ტაბლეტი

პრეპარატის სავაჭრო დასახელება: დიაზოლინი

მოქმედი ნივთიერება: მებჰიდროლინი

წამლის ფორმა: ტაბლეტები

შემადგენლობა:
ყოველი ტაბლეტი შეიცავს:
აქტიურ ნივთიერებას: დიაზოლინს (მებჰიდროლინს) – 0,1გ.
დამხმარე ნივთიერებებს: რძის შაქარი, შაქრის ფხვნილი, კარტოფილის სახამებელი, კალციუმის სტეარატი.

აღწერილობა: ტაბლეტები თეთრი ფერის და თეთრი მოკრემისფრო ელფერით, ბრტყელი ზედაპირით, რისკით და ჭრილით.

ფარმაკოთერაპიული ჯგუფი: ალერგიის საწინააღმდეგო საშუალება

ფარმაკოლოგიური თვისებები: დიაზოლინი მიეკუთვნება ანტიჰისტამიურ პრეპარატებს, წარმოადგენს H1-ჰისტამინური რეცეფტორების ბლოკატორს. ასუსტებს ჰისტამინის სპაზმოგენურ ეფექტს ბრონქებისა და ნაწლავების გლუვი კუნთების მიმართ, ასევე ამცირებს მის გავლენას სისხლძრღვების განვლადობაზე. პირველი თაობის ანტიჰისტამინური პრეპარატებისაგან განსხვავებით (დიმედროლი, სუპრასტინი და სხვა) არ ახდენს გამოხატულ სედაციურ და საძილე მოქმედებას.
ფარმაკოკინეტიკა
სწრაფად შეიწოვება საჭმლის მომნელებელი ტრაქტიდან. ბიოშეღწევადობა მერყეობს 40-60% ფარგლებში. თერაპიული ეფექტი ვიტარდება 15-30 წუთის შემდეგ, მაქსიმალური მოქმედება აღინიშნება 1-2 საათის შემდეგ. პრეპარატი ფაქტიურად არ არღვევს ჰემატოენცეფალურ ბარიერს, მეტაბოლიზირებს ღვიძლში მეთილირების გზით, ინდუცირებს ღვიძლის ფერმენტებს, გამოიყოფა ორგანიზმიდან თირკმელების საშუალებით.

ჩვენება
სეზონური და ალერგიული რინიტის, პოლინოზის, ჭინჭრის ციების, კვინკეს შეშუპების, საკვები და მედიკამენტოზური ალერგიის, დერმატოზების, რომელსაც თან ახლავს კანის ქავილი (ეკზემა, ნეიროდერმიტი) და სხვა ალერგიული მდგომარეობის პროფილაქტიკა და მკურნალობა.

გამოყენების წესი და დოზირება
პრეპარატი ინიშნება შინაგანად ჭამის შემდეგ მისაღებად. უფროსებში და ბავშვებში 12 წლიდან 0,5-0,2გ 1-2-ჯერ დღეში. მაღალი დოზები უფროსებისათვის: ერთჯერადი დოზა – 0,3გ, სადღეღამისო – 0,6გ. ბავშვებში 12 წლამდე ინიშნება დოზით 0,025 – 0,05გ 1-3-ჯერ დღეში. მკურნალობის კურსს ნიშნავს ექიმი დაავადების ხასიათისა და მიღწეული თერაპიული ეფექტის მიხედვით.

გვერდითი ეფექტები
კუჭ-ნაწლავის ტრაქტის მხრივ: პირის სიმშრალე, გულძმარვა, ღებინება, ტკივილი ეპიგასტრულ ზონაში, დისპეპსია.
ცენტრალური ნერვული სისტემის მხრივ: თავბრუსხვევა, პარესტეზიები, მომატებული დაღლილობა, ძილიანობა, დაბუნდული მხედველობა, შენელებული რეაქცია, იშვიათად გრანულოციტოპენია და აგრანულოციტოზი.
სხვა: შარდის გამოყოფის დარღვევა, ალერგიული რეაქციები.

უკუჩვენება
კუჭისა და თორმეტგოჯა ნაწლავის წყლულოვანი დაავადება, კუჭ-ნაწლავის ტრაქტის სხვა ანთებითი დაავადებები, მომატებული მგრძნობელობა პრეპარატის მიმართ, ორსულობისა და ლაქტაციის პერიოდი, დახურულკუთხიანი გლაუცომა, წინამდებარე ჯირკვლის ადენომა, პილოროსტენოზი, ეპილეფსია, გულის რითმის დარღვევა.
ორსულობა და ლაქტაცია
დიაზოლინი უკუნაჩვენებია ორსულობისას და ლაქტაციის პეროდშიამ პერიოდში პრეპარატის გამოყენება დაშვებულია მხოლოდ ექიმის გამუდმებული კონტოროლით, ნებისმიერ შემთხვევაში ფასდება დედისათვის პოტენციური რისკი და ნაყოფის ან ახალშობილის განვითარებისას გვერდითი ეფექტები. დიაზოლინის მოქმედი ნივთიერება ადვილად აღწევს პლაცენტარულ ბარიერს და დედის რძეში.

მედიკამენტოზური ურთიერთქმედება
დიაზოლინი პოტენცირებს საძილე საშუალებებისა და სხვა ცენტრალური ნერვული სისტემის დამთრგუნველ პრეპარატების მოქმედებაზე, და ასვე ალკოჰოლზე.

განსაკუთრებული მითითებანი
აუცილებელია დაიცვათ სიფრთხილის ზომები ამ პრეპარატის გამოყენებისას, მძღოლებმა, რომლებიც მართავენ სანტრანსპორტო საშუალებას და პირებმა რომელებიც მუშაობენ პოტენციურად საშიშ მექანიზმებთან.
პრეპარატი ინახება ბავშვებისათვის ხელმიუწვდომელ ადგილას და არ გამოიყენება ვარგისიანობის ვადის ამოწურვის შემდეგ.

ჭარბი დოზა
პრეპარატის ჭარბი დოზით გამოყენების შემთხვევაში აღინიშმება გვერდითი მოვლენების გაძლიერება და ასეთ შემთხვევაში პრეპარატი აღარ მიიღება, ტარდება სიმფტომატიკური მკურნალობა.
სიმფტომები: გონების არევა, ძილიანობა, მოძრაობის კოორდინაციის დარღვევა, პირის სიმშრალე.
მკურნალობა: კუჭის ამორეცხვა, აქტივირებული ნახშირის მიღება, საფაღარათო მარილიანი გამწმენდი ოყნა.

გამოშვების ფორმა
0,1გ ტაბლეტები ბლისტერში. 10 ტაბლეტი 

ვარგისიანობის ვადა
2 წელი

შენახვის პირობები
შეინახეთ სინათლისაგან დაცულ ადგილას ტემპერატურაზე არაუმეტეს 250ჩ.

გაცემის წესი
ფარმაცევტული პროდუქტის ჯგუფი III, გაიცემა რეცეპტის გარეშე.