დეპრატალი - Depratal 30მგ 28 ტაბლეტი

დეპრატალი 30 მგ გასტრო-რეზისტენტული ტაბლეტები

დულოქსეტინი  (ჰიდროქლორიდის სახით)

ყურადღებით წაიკითხეთ ინსტრუქცია პრეპარატის მიღებამდე, რადგან ის თქვენთვის მნიშვნელოვან ინფორმაციას შეიცავს.

 - შეინახეთ ინსტრუქცია. შეიძლება დაგჭირდეთ მისი ხელახლა წაკითხვა.

 - დამატებითი კითხვების არსებობის შემთხვევაში, მიმართეთ მკურნალ ექიმს ან ფარმაცევტს.

 - ეს მედიკამენტი გამოწერილია მხოლოდ თქვენთვის. არ გადასცეთ ის სხვებს. ამან შეიძლება ზიანი მიაყენოს მათ, მაშინაც კი, თუ მათი დაავადების ნიშნები იგივეა, რაც თქვენი.

- ნებისმიერი გვერდითი მოვლენის განვითარების შემთხვევაში მიმართეთ მკურნალ ექიმს ან ფარმაცევტს.

ეს მოიცავს ნებისმიერ შესაძლო გვერდით ეფექტს, რომელიც არ არის ჩამოთვლილი ამ ინსტრუქციაში. იხილეთ პუნქტი 4.

ინსტრუქციის შინაარსი 

1. რა არის დეპრატალი და რისთვის გამოიყენება

2. რა უნდა იცოდეთ დეპრატალის მიღებამდე

3. როგორ მიიღება დეპრატალი

4. შესაძლო გვერდითი ეფექტები

5. დეპრატალის შენახვის პირობები

6. შეფუთვის შიგთავსი და სხვა ინფორმაცია

1. რა არის დეპრატალი და რისთვის გამოიყენება

დეპრატალი შეიცავს აქტიურ ნივთიერებას დულოქსეტინს. დეპრატალი ზრდის სეროტონინის და ნორადრენალინის დონეებს ნერვულ სისტემაში.

დეპრატალი გამოიყენება მოზრდილებში შემდეგი დარღვევების სამკურნალოდ:

· დეპრესია

· გენერალიზებული შფოთვითი აშლილობა (ქრონიკული შფოთვა ან ნევროზულობა)

· ტკივილები დიაბეტური ნეიროპათიის დროს (ხშირად აღწერილია, როგორც წვა, გამჭოლი ტკივილი, ჩხვლეტა, ტყვიის გავლის შეგრძნება ან ტკივილი ან ელექტრო შოკის მსგავსი შეგრძნება. შესაძლოა დაზიანებულ არეში მგრძნობელობის დაკარგვა, ან შეხებით, სიცივით, სიცხით, ზეწოლით გამოწვეული ტკივილი).

დეპრესიის ან შფოთვის მქონე პაციენტებში დეპრატალი მოქმედებას იწყებს ძირითადად მკურნალობის დაწყებიდან ორი კვირაში, ზოგიერთ შემთხვევაში 2-4 კვირაში. აცნობეთ თქვენს ექიმს, თუ ამ პერიოდის გავლის შემდეგ ვერ იგრძენით უკეთესობა. ექიმმა შეიძლება გაგიგრძელოთ დეპრატალის მიღება, მდგომარეობის გაუმჯობესების შემთხვევაშიც, რეციდივის თავიდან აცილების მიზნით.

ტკივილით მიმდინარე დიაბეტური ნეიროპათიის მქონე პაციენტებში მდგომარეობის გაუმჯობესება შეიძლება მოხდეს რამდენიმე კვირაში. თუ ორი თვის შემდეგ ვერ იგრძენით უკეთესობა, მიმართეთ ექიმს.

2. რა უნდა იცოდეთ დეპრატალის მიღებამდე

არ მიიღოთ დეპრატალი, თუ:

- ხართ ალერგიული დულოქსეტინის ან ამ მედიკამენტის რომელიმე სხვა შემადგენელი ნივთიერების მიმართ (მოცემულია პუნქტში 6);

- გაქვთ ღვიძლის დაავადება;

- გაქვთ თირკმლის მძიმე დაავადება;

 - იღებთ ან იღებდით ბოლო 14 დღის განმავლობაში სხვა პრეპარატს, რომელიც ცნობილია როგორც მონოამინო ოქსიდაზას ინჰიბიტორი (MAOI) (იხ. „სხვა მედიკამენტები და დეპრატალი“)

- იღებთ ფლუვოქსამინს, რომელიც ჩვეულებრივ გამოიყენება დეპრესიის სამკურნალოდ, ციპროფლოქსაცინს ან ენოქსაცინს, რომლებიც გამოიყენება ზოგიერთი ინფექციის სამკურნალოდ

 - იღებთ დულოქსეტინის შემცველ სხვა მედიკამენტებს (იხ. „სხვა მედიკამენტები და დეპრატალი“)

მიმართეთ ექიმს, თუ გაქვთ მაღალი წნევა ან გულის დაავადება. თქვენი ექიმი გეტყვით თუ უნდა მიიღოს დეპრატალი.

გაფრთხილებები და სიფრთხილის ზომები:

ქვემოთ მოცემულია მიზეზები, რის გამოც დეპრატალი შეიძლება არ იყოს თქვენთვის შესაფერისი. დეპრატალის მიღებამდე გაესაუბრეთ ექიმს, თუ:

- იღებთ სხვა მედიკამენტებს დეპრესიის სამკურნალოდ (იხ. „სხვა მედიკამენტები და დეპრატალი“)

- იღებთ მცენარეულ სამკურნალო საშუალებას (Hypericum perforatum)

 - გაქვთ თირკმლის დაავადება - გქონდათ კრუნჩხვები (გულყრები)

- გქონდათ მანია

- გაწუხებთ ბიპოლარული აშლილობა

- გაქვთ თვალის პრობლემები, როგორიცაა გარკვეული სახის გლაუკომა (თვალშიდა წნევის მომატება)

- გაქვთ სისხლდენისადმი მიდრეკილება ანამნეზში (სისხლჩაქცევების განვითარების ტენდენცია), განსაკუთრებით თუ ორსულად ხართ (იხ. "ორსულობა და ძუძუთი კვება"),

 - გაქვთ ნატრიუმის დაბალი დონის რისკი (მაგალითად, თუ იღებთ შარდმდენებს, განსაკუთრებით თუ ხართ ხანდაზმული)

- ამჟამად მკურნალობთ სხვა მედიკამენტით, რომელმაც შეიძლება გამოიწვიოს ღვიძლის დაზიანება

- იღებთ დულოქსეტინის შემცველ სხვა პრეპარატებს (იხ. „სხვა მედიკამენტები და დეპრატალი“),

- იღებთ ბუპრენორფინს. ამ მედიკამენტის მიღებამ დეპრატალთან ერთად შეიძლება გამოიწვიოს სეროტონინის სინდრომი, პოტენციურად სიცოცხლისათვის საშიში მდგომარეობა (იხილეთ ნაწილი "სხვა მედიკამენტები და დეპრატალი").

დეპრატალმა შეიძლება გამოიწვიოს მოუსვენრობის შეგრძნება ან ჯდომის ან დგომის უუნარობა. თქვენ უნდა აცნობოთ ექიმს, თუ იქნებით ამ მდგომარეობაში.

 მედიკამენტებმა, როგორიცაა დეპრატალი (ე.წ. SSRIs/SNRIs) შეიძლება გამოიწვიოს სექსუალური დისფუნქციის სიმპტომები (იხილეთ პუნქტი 4). ზოგიერთ შემთხვევაში, ეს სიმპტომები გრძელდება მკურნალობის შეწყვეტის შემდეგაც.

თვითმკვლელობის ფიქრები და თქვენი დეპრესიის ან შფოთვითი აშლილობის გაუარესება თუ თქვენ ხართ დეპრესიული და/ან გაქვთ შფოთვითი აშლილობა, ზოგჯერ შეიძლება გაგჩნდეთ აზრები საკუთარი თავისთვის ზიანის მიყენების შესახებ ან თავის მოკვლაზე. ეს ფიქრები შეიძლება გახშირდეს >ანტიდეპრესანტების პირველად დაწყებისას, რადგან ყველა ამ მედიკამენტს სჭირდება დრო მოქმედებისთვის, როგორც წესი, დაახლოებით ორი კვირა, ზოგჯერ მეტიც.

თქვენ შეიძლება უფრო მეტად გაგიჩნდეთ ეს ფიქრები, თუ:

- ადრე გქონიათ ფიქრები საკუთარი თავის მოკვლაზე ან ზიანის მიყენებაზე - ხართ ახალგაზრდა ასაკის, ზრდასრული. კლინიკური კვლევებმა აჩვენა სუიციდური ქცევის გაზრდილი რისკი 25 წელზე ნაკლები ასაკის ზრდასრულებში ფსიქიატრიული მდგომარეობებისას, რომლებიც მკურნალობდნენ ანტიდეპრესანტებით.

ნებისმიერ დროს, თუ გაგიჩნდათ აზრები თავის მოკვლის ან ზიანის მიყენებაზე, დაუყოვნებლივ მიმართეთ ექიმს ან საავადმყოფოს.

შესაძლებელია დაგეხმაროთ ნათესავისთვის ან ახლო მეგობრისთვის იმის თქმა, რომ დეპრესიაში ხართ ან გაქვთ შფოთვითი აშლილობა და სთხოვოთ გაეცნონ ამ ინსტრუქციას. სთხოვეთ მათ გაცნობონ, ფიქრობენ თუ არა, რომ თქვენი დეპრესია ან შფოთვა უარესდება, ან თუ აწუხებთ თქვენს ქცევაში ცვლილებები.

18 წლამდე ასაკის ბავშვები და მოზარდები დეპრატალი ჩვეულებრივ არ უნდა იქნას გამოყენებული 18 წლამდე ასაკის ბავშვებისა და მოზარდებისთვის. ასევე, უნდა იცოდეთ, რომ 18 წლამდე პაციენტებს აქვთ ისეთი გვერდითი ეფექტების გაზრდილი რისკი, როგორიცაა სუიციდის მცდელობა, სუიციდალური აზრები და მიუღებლობა (ძირითადად აგრესია, წინააღმდეგობრივი ქცევა და ბრაზი), როდესაც ისინი მოიხმარენ ამ კლასის მედიკამენტებს. ამის მიუხედავად, ექიმმა შეიძლება დანიშნოს დეპრატალი 18 წლამდე პაციენტებისთვის, თუ გადაწყვეტს, რომ ეს პაციენტის საუკეთესო ინტერესებშია. თუ თქვენმა ექიმმა დანიშნა დეპრატალი 18 წლამდე ასაკის პაციენტს და გსურთ ამის განხილვა, გთხოვთ, მიმართოთ მას. უნდა აცნობოთ ექიმს, თუ ზემოთ ჩამოთვლილი სიმპტომებიდან რომელიმე განვითარდება ან გაუარესდება, როდესაც 18 წლამდე პაციენტები იღებენ დეპრატალს.

ასევე, ამ ასაკობრივ ჯგუფში დეპრატალის ზრდის, მომწიფების და კოგნიტური და ქცევითი განვითარების გრძელვადიანი უსაფრთხოების ეფექტები ჯერ არ არის გამოვლენილი.

სხვა მედიკამენტები და დეპრატალი

აცნობეთ თქვენს ექიმს ან ფარმაცევტს, თუ იღებთ, ცოტა ხნის წინ მიიღეთ ან შესაძლოა მიიღოთ სხვა მედიკამენტები, ურეცეპტოდ გასაცემი პრეპარატების ჩათვლით.

დეპრატალის მთავარი ინგრედიენტი, დულოქსეტინი, გამოიყენება სხვა სამკურნალო საშუალებებში სხვა მდგომარეობების დროსაც:

· დიაბეტური ნეიროპათიური ტკივილი, დეპრესია, შფოთვა და შარდის შეუკავებლობა

თავიდან უნდა იქნას აცილებული ამ მედიკამენტებიდან ერთზე მეტის ერთდროული გამოყენება. მიმართეთ ექიმს, თუ უკვე იღებთ დულოქსეტინის შემცველ სხვა პრეპარატებს.

თქვენმა ექიმმა უნდა გადაწყვიტოს, შეგიძლიათ თუ არა დეპრატალის მიღება სხვა მედიკამენტებთან ერთად. არ დაიწყოთ ან შეწყვიტოთ რომელიმე მედიკამენტის მიღება, უერეცპტოდ შეძენილი მედიკამენტების და მცენარეული საშუალებების ჩათვლით, ექიმთან კონსულტაციის გარეშე.

თქვენ ასევე უნდა აცნობოთ ექიმს, თუ იღებთ რომელიმე ქვემოთ ჩამოთვლილიდან:

მონოამინ ოქსიდაზას ინჰიბიტორები (MAOIs):

თქვენ არ უნდა მიიღოთ დეპრატალი, თუ იღებთ, ან ახლახან მიიღეთ (ბოლო 14 დღის განმავლობაში) სხვა ანტიდეპრესანტული პრეპარატი, რომელსაც ეწოდება მონოამინ ოქსიდაზას ინჰიბიტორი (MAOI). MAOI- ებიდან მაგალითად მოკლობემიდი (ანტიდეპრესანტი) და ლინზოლიდი (ანტიბიოტიკი). MAOI-ს მიღებამ მრავალ რეცეპტით გაცემულ სხვა მედიკამენტთან ერთად, დეპრატალის ჩათვლით, შეიძლება გამოიწვიოს სერიოზული ან სიცოცხლისთვის საშიში გვერდითი მოვლენები.

დეპრატალის მიღებამდე თქვენ უნდა დაელოდოთ მინიმუმ 14 დღე მას შემდეგ, რაც შეწყვეტთ MAOI-ს მიღებას. ასევე, სანამ მიიღებთ MAOI-ს, თქვენ უნდა დაელოდოთ მინიმუმ 5 დღე დეპრატალის მიღების შეწყვეტიდან.

მედიკამენტები, რომლებიც იწვევენ ძილიანობას: ეს მოიცავს თქვენი ექიმის მიერ დანიშნულ მედიკამენტებს, მათ შორის ბენზოდიაზეპინები, ძლიერი ტკივილგამაყუჩებლები, ანტიფსიქოზური საშუალებები, ფენობარბიტალი და ანტიჰისტამინური საშუალებები

მედიკამენტები, რომლებიც ზრდიან სეროტონინის დონეს: ტრიპტანები, ტრამადოლი, ტრიპტოფანი, SSRIs (როგორიცაა პაროქსეტინი და ფლუოქსეტინი), SNRI (როგორიცაა ვენლაფაქსინი), ტრიციკლური ანტიდეპრესანტები (როგორიცაა კლომიპრამინი, ამიტრიპტილინი), პეტიდინი, კრაზანას პრეპარატების და MAOI (როგორიცაა მოკლობემიდი და ლინეზოლიდი). ეს მედიკამენტები ზრდის გვერდითი ეფექტების რისკს; თუ თქვენ გაქვთ რაიმე უჩვეულო სიმპტომი (კერძოდ, კუნთების უნებლიე, რითმული შეკუმშვა, მათ შორის თვალის მოძრაობაზე პასუხისმგებელი, აგზნებადობა, ჰალუცინაციები, კომა, ჭარბი ოფლიანობა, ტრემორი, ჰიპერრეფლექსია, კუნთების ტონის მომატება, სხეულის ტემპერატურა 38°C-ზე მეტი) ამ მედიკამენტების დეპრატალთან ერთად გამოყენებისას უნდა მიმართოთ ექიმს

პერორალური ანტიკოაგულანტები ან ანტითრომბოციტული საშუალებები: მედიკამენტები, რომლებიც ათხელებენ სისხლს ან ხელს უშლიან სისხლს შედედებას. ამ მედიკამენტებმა შეიძლება გაზარდოს სისხლდენის რისკი.

დეპრატალი საკვებთან, სასმელთან და ალკოჰოლთან 

დეპრატალი შეიძლება მიღებულ იქნას საკვებთან ერთად ან მის გარეშე. სიფრთხილეა საჭირო, თუ თქვენ იღებთ ალკოჰოლს დეპრატალით მკურნალობის დროს.

ორსულობა და ძუძუთი კვება

 თუ ხართ ორსულად ან ძუძუთი კვებავთ, ფიქრობთ, რომ შეიძლება იყოთ ორსულად ან გეგმავთ დაორსულებას, რჩევისთვის მიმართეთ ექიმს ან ფარმაცევტს ამ პრეპარატის მიღებამდე.

• აცნობეთ ექიმს, თუ დაორსულდებით, ან ცდილობთ დაორსულდეთ, სანამ დეპრატალს იღებთ. დეპრატალი უნდა გამოიყენოთ მხოლოდ მას შემდეგ, რაც ექიმთან განიხილავთ თქვენი არდაბადებული ბავშვის პოტენციურ სარგებელსა და პოტენციურ რისკს.

• დარწმუნდით, რომ თქვენმა ბებიაქალმა და/ან ექიმმა იცის, რომ დეპრატალს იღებთ. ორსულობის დროს მიღებისას მსგავსმა პრეპარატებმა (SSRIs) შეიძლება გაზარდოს ჩვილებში სერიოზული მდგომარეობის რისკი, ე.წ ახალშობილის მუდმივი ფილტვის ჰიპერტენზია (PPHN), რაც აჩქარებს ბავშვს სუნთქვას და იწვევს სილურჯეს. ეს სიმპტომები ჩვეულებრივ იწყება ბავშვის დაბადებიდან პირველი 24 საათის განმავლობაში. თუ ეს თქვენს პატარას დაემართება, დაუყოვნებლივ უნდა მიმართოთ ბებიაქალს და/ან ექიმს.

• თუ ღებულობთ დეპრატალს ორსულობის ბოლოს, თქვენს ბავშვს შეიძლება ჰქონდეს გარკვეული სიმპტომები, როდესაც დაიბადება. ეს ჩვეულებრივ იწყება ბავშვის დაბადებიდანვე ან რამდენიმე დღეში. ეს სიმპტომები შეიძლება მოიცავდეს ჩამოკიდებულ კუნთებს, კანკალს, შფოთვას, არასწორ კვებას, სუნთქვის პრობლემებსა და კრუნჩხვებს. თუ თქვენს პატარას აქვს რომელიმე ჩამოთვლილი სიმპტომი დაბადებისას, ან თქვენ შეშფოთებული ხართ თქვენი ბავშვის ჯანმრთელობაზე, მიმართეთ თქვენს ექიმს ან ბებიაქალს.

• თუ იღებთ დეპრატალს ორსულობის ბოლოსკენ, მშობიარობიდან მალევე იზრდება ჭარბი ვაგინალური სისხლდენის რისკი, განსაკუთრებით თუ გაქვთ სისხლდენისკენ მიდრეკილება ანამნაზში. უთხარით თქვენს ექიმს ან ბებიაქალს, რომ იღებთ დულოქსეტინს, რათა მათ გირჩიონ შესაბამისი მკურნალობა.

• ორსულობის პირველი სამი თვის განმავლობაში დეპრატალის გამოყენების შესახებ არსებული მონაცემები ჩვეულებრივ არ მიუთითებს ბავშვის თანდაყოლილი დეფექტების გაზრდილ რისკზე. თუ თქვენ იღებთ დეპრატალს ორსულობის მეორე ნახევარში, შეიძლება გაზრდილი იყოს ადრეული მშობიარობის რისკი, ძირითადად ორსულობის 35-დან 36 კვირამდე (6 ზედმეტი დღენაკლული ჩვილი ყოველ 100 ქალში, რომლებიც იღებენ დეპრატალს ორსულობის მეორე ნახევარში).

• აცნობეთ ექიმს, თუ ძუძუთი კვებავთ. დეპრატალის გამოყენება ძუძუთი კვების დროს არ არის რეკომენდებული. რჩევა უნდა ჰკითხოთ თქვენს ექიმს ან ფარმაცევტს.

ავტომობილის მართვა და მექანიზმების მუშაობა 

დეპრატალმა შეიძლება გამოიწვიოს ძილიანობა ან თავბრუსხვევა. არ მართოთ მანქანა და არ გამოიყენოთ რაიმე ხელსაწყოები ან მექანიზმები მანამ, სანამ არ გაიგებთ, რა გავლენას მოახდენს თქვენზე დეპრატალი.

დეპრატალი შეიცავს დაპრესილ შაქარს 

დეპრატალი შეიცავს დაპრესილ შაქარს (98% საქაროზა). თუ ექიმმა გითხრათ, რომ გაქვთ აუტანლობა ზოგიერთი შაქრის მიმართ, ამ სამკურნალო პრეპარატის მიღებამდე მიმართეთ ექიმს.

3. როგორ მივიღოთ დეპრატალი

ყოველთვის მიიღეთ ეს მედიკამენტი ზუსტად ისე, როგორც თქვენმა ექიმმა ან ფარმაცევტმა გითხრათ. თუ არ ხართ დარწმუნებული, მიმართეთ თქვენს ექიმს ან ფარმაცევტს.

დეპრატალი განკუთვნილია პერორალური გამოყენებისთვის. თქვენ უნდა გადაყლაპოთ მთლიანი ტაბლეტი წყლის მიყოლებით.

 დეპრესიისა და დიაბეტური ნეიროპათიური ტკივილისთვის:

დეპრატალის ჩვეულებრივი დოზაა 60 მგ დღეში ერთხელ, მაგრამ თქვენი ექიმი დაგინიშნავთ თქვენთვის შესაფერის დოზას.

გენერალიზებული შფოთვითი აშლილობისთვის:

დეპრატალის ჩვეულებრივი საწყისი დოზაა 30 მგ ერთხელ დღეში, რის შემდეგაც პაციენტების უმეტესობა მიიღებს 60 მგ ერთხელ დღეში, მაგრამ თქვენი ექიმი დაგინიშნავთ თქვენთვის შესაფერის დოზას. დოზა შეიძლება დაკორექტირდეს 120 მგ- მდე დღეში, დეპრატალზე თქვენი პასუხის მიხედვით.

იმისათვის, რომ არ დაგავიწყდეთ დეპრატალის მიღება, მიღეთ ყოველდღე ერთსა და იმავე დროს.

გაიარეთ კონსულტაცია ექიმთან იმის შესახებ, თუ რა ხანგრძლივობით უნდა მიიღოთ დეპრატალი.

არ შეწყვიტოთ დეპრატალის მიღება ან არ შეცვალოთ დოზა ექიმთან კონსულტაციის გარეშე. დაავადების სწორად მკურნალობა მნიშვნელოვანია, რათა გაუმჯობესდეს თქვენი მდგომარეობა. თუ მას არ უმკურნალებთ, დაავადება შეიძლება არ გაქრეს და გახდეს უფრო სერიოზული და რთულად სამკურნალო.

თუ თქვენ იღებთ იმაზე მეტ დეპრატალს, ვიდრე საჭიროა

დაუყონებლივ მიმართეთ ექიმს ან ფარმაცევტს, თუ თქვენ მიიღეთ დეპრატალი ექიმის მიერ დანიშნულ დოზაზე მეტი რაოდენობით. დოზის გადაჭარბების სიმპტომებია ძილიანობა, კომა, სეროტონინის სინდრომი (იშვიათი რეაქცია, რომელმაც შეიძლება გამოიწვიოს დიდი ბედნიერების განცდა, ძილიანობა, მოუხერხებლობა, მოუსვენრობა, სიმთვრალის შეგრძნება, ცხელება, ოფლიანობა ან კუნთების რიგიდულობა), კრუნჩხვები, ღებინება და სწრაფი გულისცემა

თუ დაგავიწყდათ დეპრატალის მიღება 

დოზის გამოტოვების შემთხვევაში, მიიღეთ ის გახსენებისთანავე. თუმცა, თუ შემდეგი დოზის მიღების დროა, გამოტოვეთ დავიწყებული დოზა და მიიღეთ მხოლოდ ერთჯერადი დოზა ჩვეულებრივად. არ მიიღოთ ორმაგი დოზა გამოტოვებულის ასანაზღაურებლად. არ მიიღოთ დეპრატალის იმ დღიურ დოზაზე მეტი, რაც გაქვთ დანიშნული.

თუ შეწყვეტთ დეპრატალის მიღებას არ შეწყვიტოთ ტაბლეტების მიღება ექიმთან კონსულტაციის გარეშე, მაშინაც კი, თუ თავს უკეთ გრძნობთ. თუ თქვენი მკურნალი ექიმი ფიქრობს, რომ აღარ გჭირდებათ დეპრატალი, ის შეგიმცირებთ დოზას მკურნალობის მთლიანად შეწყვეტამდე სულ მცირე 2 კვირით ადრე.

ზოგიერთ პაციენტს, რომლებმაც მოულოდნელად შეწყიტეს დეპრატალის მიღება, აღენიშნებოდათ ისეთი სიმპტომები, როგორიცაა:

• თავბრუსხვევა, ჩხვლეტის შეგრძნება, როგორიცაა ქინძისთავებით და ნემსებით ჩხვლეტის ან ელექტრული შოკის მსგავსი შეგრძნებები (განსაკუთრებით თავის არეში), ძილის დარღვევა (რეალური სიზმრები, კოშმარები, უძილობა), დაღლილობა, ძილიანობა, მოუსვენრობა ან აგზნებადობა, შფოთვა, ცუდად ყოფნა(ღებინება) ან შეგრძნება (გულისრევა), კანკალი (ტრემორი), თავის ტკივილი, კუნთების ტკივილი, გაღიზიანების შეგრძნება, დიარეა, ჭარბი ოფლიანობა ან ლაბირინთული დარღვევებით გამოწვეული თავბრუსხვევა.

ეს სიმპტომები, როგორც წესი, არ არის სერიოზული და ქრება რამდენიმე დღეში, მაგრამ თუ გაქვთ სიმპტომები რაც პრობლემურია, რჩევა უნდა ჰკითხოთ ექიმს.

თუ თქვენ გაქვთ დამატებითი შეკითხვები ამ მედიკამენტის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. შესაძლო გვერდითი მოვლენები

ყველა მედიკამენტის მსგავსად, ამ პრეპარატსაც შეუძლია გამოიწვიოს გვერდითი მოვლენები, თუმცა ისინი ყველას არ უვითარდება. ეს ეფექტები ჩვეულებრივ მსუბუქიდან ზომიერამდეა და ხშირად ქრება რამდენიმე კვირის შემდეგ.

 ძალიან ხშირი გვერდითი ეფექტები (შეიძლება განვითარდეს 10-დან 1-ზე მეტ პაციენტში)

• თავის ტკივილი, ძილიანობის შეგრძნება

• ავადმყოფობის შეგრძნება (გულისრევა), პირის სიმშრალე ხშირი გვერდითი ეფექტები (შეიძლება განვითარდეს 10-დან 1 პაციენტში)

• მადის დაკარგვა

• ძილის პრობლემები, აჟიტაციის შეგრძნება, სექსუალური ლტოლვის შემცირება, შფოთვა, გაძნელება ან ორგაზმის არ ქონა, უჩვეულო სიზმრები

• თავბრუსხვევა, მოდუნება, ტრემორი, დაბუჟება, კანის დაბუჟების, ჩხვლეტის შეგრძნების ჩათვლით,

• მხედველობის დაბინდვა

• ტინიტუსი (ყურში ხმის გაგონება, როდესაც არ არის გარეგანი ხმა)

• მკერდში გულისცემის შეგრძნება

• არტერიული წნევის მომატება, სიწითლე

• გაძლიერებული მთქნარება

• ყაბზობა, ფაღარათი, კუჭის ტკივილი, ცუდად ყოფნა(ღებინება), გულძმარვა ან საჭმლის მონელების დარღვევა, ძლიერი მეტეორიზმი

• მომატებული ოფლიანობა, (ქავილი) გამონაყარი

• კუნთების ტკივილი, კუნთების სპაზმი

• მტკივნეული შარდვა, გახშირებული შარდვა

• ერექციის მიღწევის პრობლემები, ეაკულაციის ცვლილებები

• დაცემა (ძირითადად ხანდაზმულებში), დაღლილობა

• წონის დაკლება

დეპრესიის მქონე 18 წლამდე ბავშვებმა და მოზარდებმა, რომლებიც მკურნალობდნენ ამ მედიკამენტით, დაიკლეს წონაში, როდესაც პირველად დაიწყეს ამ მედიკამენტის მიღება. მკურნალობის 6 თვის შემდეგ წონა გაიზარდა, რომელიც შეესაბამებოდეს მათი ასაკისა და სქესის სხვა ბავშვებისა და მოზარდების წონას.

არახშირი გვერდითი მოვლენები (შეიძლება განვითარდეს 100-დან 1-მდე პაციენტში)

• ყელის ანთება, რომელიც იწვევს ხმის გაუხეშებას

• სუიციდალური აზრები, ძილის გაძნელება, კბილების კრაჭუნი, დეზორიენტაციის შეგრძნება, მოტივაციის ნაკლებობა

• კუნთების უეცარი უნებლიე რხევები ან კრუნჩხვები, მოუსვენრობის შეგრძნება ან ჯდომის ან დგომის უუნარობა, ნერვიულობის შეგრძნება, კონცენტრაციის გაძნელება, გემოვნების შეგრძნების ცვლილება, მოძრაობის კონტროლის გაძნელება მაგ. კუნთების კოორდინაციის ნაკლებობა ან უნებლიე მოძრაობები, მოუსვენარი ფეხების სინდრომი, ძილის ცუდი ხარისხი

• დიდი გუგები (თვალის მუქი ცენტრი), მხედველობის პრობლემები

• ლაბირინთული დარღვევებით გამოწვეული თავბრუსხვევის ან „დატრიალების“ (ვერტიგო) შეგრძნება, ყურის ტკივილი

• სწრაფი და/ან არარეგულარული გულისცემა

• დაღლილობა, თავბრუსხვევა, გულის წასვლის წინა მდგომარეობა ან გონების დაკარგვა ფეხზე ადგომისას, ცივი ხელის და/ან ფეხის თითები.

• ყელში მოჭერის შეგრძნება, ცხვირიდან სისხლდენა

• სისხლით ღებინება, ან შავი ფისოვანი განავალი (ფეკალიები), გასტროენტერიტი, ბოყინი, ყლაპვის გაძნელება

• ღვიძლის ანთება, რამაც შეიძლება გამოიწვიოს მუცლის ტკივილი და კანის ან თვალის სკლერის სიყვითლე

• ღამის ოფლიანობა, ჭინჭრის ციება, ცივი ოფლიანობა, მგრძნობელობა მზის მიმართ, სისხლჩაქცევებისადმი მიდრეკილება.

• კუნთების დაჭიმულობა, კუნთების სპაზმები

• შარდის გამოყოფის გაძნელება ან უუნარობა, შარდვის გაძნელება, ღამის განმავლობაში შარდის გამოყოფის საჭიროება, ნორმაზე მეტი შარდის გამოყოფა, შარდის ნაკადის დაქვეითება

• არანორმალური ვაგინალური სისხლდენა, მენსტრუაციის დარღვევები, მათ შორის მძიმე, მტკივნეული, არარეგულარული ან გახანგრძლივებული მენსტრუაცია, უჩვეულოდ მსუბუქი ან გამოტოვებული მენსტრუაცია, ტკივილი სათესლე ჯირკვალში ან სათესლე პარში

• გულმკერდის ტკივილი, სიცივის შეგრძნება, წყურვილი, კანკალი, სიცხის შეგრძნება, არანორმალური სიარული

• წონის მომატება

• დეპრატალმა შეიძლება გამოიწვიოს ისეთი ეფექტები, რომლებიც შესაძლოა არ იცოდეთ, როგორიცაა ღვიძლის ფერმენტების ან სისხლში კალიუმის, კრეატინ ფოსფოკინაზას, შაქრის ან ქოლესტერინის დონის მატება იშვიათი გვერდითი მოვლენები (შეიძლება განვითარდეს 1000-დან 1-მდე პაციენტში)

• სერიოზული ალერგიული რეაქცია, რომელიც იწვევს სუნთქვის გაძნელებას ან თავბრუსხვევას ენის ან ტუჩების შეშუპებით, ალერგიული რეაქციები

• ფარისებრი ჯირკვლის აქტივობის დაქვეითება, რამაც შეიძლება გამოიწვიოს დაღლილობა ან წონის მომატება

• დეჰიდრატაცია, სისხლში ნატრიუმის დაბალი დონე (ძირითადად ხანდაზმულებში; სიმპტომები შეიძლება მოიცავდეს თავბრუსხვევას, სისუსტეს, დაბნეულობას, ძილიანობას ან ძლიერ დაღლილობას, ან ცუდად ყოფნას ან ამ მდგმარეობის შეგრძნებას, უფრო სერიოზული სიმპტომებია გულის წასვლა, კრუნჩხვები ან დაცემა),ანტიდიურეზული ჰორმონის (SIADH) არასათანადო სეკრეციის სინდრომი

• სუიციდალური ქცევა, მანია (გადაჭარბებული აქტივობა, აჩქარებული აზრები და ძილის მოთხოვნილების დაქვეითება), ჰალუცინაციები, აგრესია და ბრაზი

• „სეროტონინის სინდრომი“ (იშვიათი რეაქცია, რომელმაც შეიძლება გამოიწვიოს დიდი ბედნიერების განცდა, ძილიანობა, მოუხერხებლობა, მოუსვენრობა, სიმთვრალის შეგრძნება, ცხელება, ოფლიანობა ან კუნთების რიგიდულობა), კრუნჩხვები

• ტრემორი, კუნთების რიგიდულობა, ნელი მოძრაობები და პათოლოგიური სიარული (ექსტრაპირამიდული სიმპტომები)

• ფსიქომოტორული მოუსვენრობა

• ჰიპერტონული კრიზისი (არტერიული წნევის უეცარი მატება ორგანოთა გართულებებით, რომლებიც გავლენას ახდენენ ტვინზე, გულზე ან თირკმელებზე)

• გაზრდილი თვალშიდა წნევა (გლაუკომა)

• პირის ღრუს ანთება, განავალში ღია წითელი სისხლის არსებობა, არასასიამოვნო სუნი პირიდან, მსხვილი ნაწლავის ანთება (რაც იწვევს დიარეას)

• ღვიძლის უკმარისობა, კანის ან თვალების სიყვითლე (სიყვითლე)

• სტივენს-ჯონსონის სინდრომი (სერიოზული დაავადება კანის, პირის ღრუს, თვალისა და სასქესო ორგანოების ბუშტუკებით), სერიოზული ალერგიული რეაქცია, რომელიც იწვევს სახის ან ყელის შეშუპებას (ანგიონევროზული შეშუპება)

• ყბის კუნთის შეკუმშვა

• შარდის არანორმალური სუნი

• მენოპაუზის სიმპტომები, რძის პათოლოგიური გამოყოფა მამაკაცებში ან ქალებში

• ხველა, ხიხინი და ქოშინი, რომელსაც შეიძლება თან ახლდეს მაღალი ტემპერატურა

• გადაჭარბებული ვაგინალური სისხლდენა მშობიარობიდან მალევე (მშობიარობის შემდგომი სისხლდენა). ძალიან იშვიათი გვერდითი მოვლენები (შეიძლება განვითარდეს 10000-დან 1-მდე პაციენტში)

• კანის სისხლძარღვების ანთება (კანის ვასკულიტი)

მოხსენება გვერდითი ეფექტების შესახებ

თუ თქვენ გაქვთ რაიმე გვერდითი მოვლენა, მიმართეთ თქვენს ექიმს ან ფარმაცევტს.

ეს მოიცავს ნებისმიერ შესაძლო გვერდით ეფექტს, რომელიც არ არის ჩამოთვლილი ამ ინსტრუქციაში.

გვერდითი ეფექტების შესახებ, ასევე შეიძლება ეცნობოს მარკეტინგის ავტორიზაციის მფლობელს. გვერდითი ეფექტების შეტყობინებით თქვენ შეგიძლიათ დაეხმაროთ ამ მედიკამენტის უსაფრთხოების შესახებ მეტი ინფორმაციის მოწოდებას.

6. შეფუთვის შინაარსი და სხვა ინფორმაცია

რას შეიცავს დეპრატალი აქტიური ნივთიერება(ები) არის დულოქსეტინი.

ერთი ტაბლეტი შეიცავს 30 მგ ან 60 მგ დულოქსეტინს (ჰიდროქლორიდის სახით).

სხვა ინგრედიენტებია: ტაბლეტის ბირთვი: დაპრესილი შაქარი (Compressuc MS); სიმინდის სახამებელი; მაგნიუმის სტეარატი ტაბლეტის გარსი: მეთაკრილის მჟავა-ეთილის აკრილატის კოპოლიმერი (1:1), დისპერსია 30%, ტრიეთილის ციტრატი, ტალკი, ტიტანის დიოქსიდი (E171), სიმეთიკონი (ემულსია).

როგორ გამოიყურება დეპრატალი და შეფუთვის შიგთავსი

დეპრატალი ხელმისაწვდომია 2 დოზით: 30 მგ და 60 მგ.

30 მგ ტაბლეტები არის თეთრი ან თითქმის თეთრი, მრგვალი, ორმხრივ ამოზნექილი შემოგარსული ტაბლეტები, ერთ მხარეს ”)” ნაჭდევით, დიამეტრით 7,0 - 7,5 მმ.

60 მგ ტაბლეტები თეთრი ან თითქმის თეთრი, მრგვალი, ორმხრივამოზნექილი შემოგარსული ტაბლეტები დიამეტრით 10,0 - 10,5 მმ.

ხელმისაწვდომი შეფუთვა: 7, 28 ან 56 ტაბლეტი ბლისტერებში და მუყაოს კოლოფში შეიძლება ყველა ზომის შეფუთვა არ იყოს გაყიდვაში.

გაცემის წესი: ფარმაცევტული პროდუქტის ჯგუფი II, გაიცემა ფორმა №3 რეცეპტით.

ასევე, იხილეთ: >დოქსეტინი - Doxetin 30 მგ 28 ტაბლეტი