დეოსტეო

შემადგენლობა: 1 ტაბლეტი შეიცავს: ვიტამინ D3-ს 4000სე (Cholecalciferol 100მკგ) ქოლეკალციფეროლი, მიკროკრისტალური ცელულოზა, მაგნიუმის სტეარატი.

ჩვენება: ვიტამინი D3: ახდენს ძვლებში კალციუმის მობილიზებას და ჯანმრთელი სტრუქტურის შენარჩუნებას; უზრუნველყოფს სისხლში კალციუმის ნორმალური დონის შენარჩუნებას; ხელს უწყობს ორგანიზმში კალციუმის და ფოსფორის ათვისება-გამოყენებას; იმუნური სისტემის ნორმალურ ფუნქციონირებას; მთავარ როლს თამაშობს უჯრედების გაყოფაში; უზრუნველყოფს კუნთების ნორმალური ფუნქციის შენარჩუნებას

რეკომენდებული დოზირება: 1 ტაბლეტი დღეში საკმაო რაოდენობის წყალთან ერთად. კურსის ხანგრძლივობა და დოზირება განისაზღვრება მკურნალი ექიმის მიერ. მიღება რეკომენდებულია დღის პირველ ნახევარში კვების შემდეგ. ზაფხულის თვეებში (ივნისი, ივლისი, აგვისტო) დოზა დაკორექტირდეს მკურნალი ექიმის მიერ.

შესაძლო გვერდითი მოვლენები: რეკომენდებული დღიური დოზის მიღების შემთხვევაში გვერდითი მოვლენები არ ახასიათებს. მიუხედავად ამისა, ნებისმიერი გვერდითი მოვლენის განვითარების შემთხვევაში უნდა მიემართოს მკურნალ ექიმს ან ფარმაცევტს.

გაფრთხილება: არ უნდა მოხდეს რეკომენდებული დღიური დოზის გადაჭარბება. არ უნდა მოხდეს D3 ვიტამინის შემცველ სხვა პრეპარატებთან ერთად მიღება. არ გამოიყენება ბავშვებში (12 წლამდე). არ გამოიყენება რომელიმე შემადგენელი კომპონენტის მიმართ მგრძნობელობის მომატებისას.

შენახვის წესი: პრეპარატი ინახება ბავშვებისთვის მიუწვდომელ, მშრალ და ბნელ ადგილას ოთახის ტემპერატურაზე.

ვარგისიანობის ვადა: იხ. შეფუთვაზე. არ გამოიყენება პრეპარატი შეფუთვაზე მითითებული ვადის გასვლის შემდეგ.

საკვები დანამატების გამოყენება დაუშვებელია მრავალფეროვანი კვების ჩასანაცვლებლად.

მრავალფეროვანი, ბალანსირებული კვება და ცხოვრების ჯანსაღი წესი მნიშვნელოვანი ფაქტორებია ჯანმრთელობის შენარჩუნებისა და განმტკიცებისთვის.

გამოშვების ფორმა: N90 ტაბლეტი.

აფთიაქიდან გაცემის წესი : გაიცემა ურეცეპტოდ