დაქიშვილი, კუვე, სეპაჟი, ქვევრის ქარვისფერი მშრალი ღვინო, 2018 წ.

დახასიათება

ეს ქარვისფერი მშრალი ღვინო დამზადებულია ქისის, რქაწითელისა და მწვანეს რჩეული ჯიშის ყურძნებისგან. ფერმენტაცია და დავარგება ხდება ქვევრში. აქვს ყვითელი მწიფე ხილის, გამომცხვარი ნუშისა და ტკბილი სანელებლების გემო.

ბრენდის ისტორია

დაქიშვილების ოჯახში, ცოდნა და გამოცდილება ღვინის შასახებ გროვდებოდა და გადაეცემოდა შვილებსა და შვილიშვილებს. ოჯახი წარმოშობით პანკისის ხეობიდანაა, სადაც მათ წინაპრებმა დაიწყეს ყურძნის გაშენება და მოყვანა 100 -ზე მეტი წლის წინ. დეკანოზმა სიმონ დაქიშვილმა დაიწყო იშვიათი ყურძნის ჯიშის „ქისტური“ - ს მოყვანა. სამწუხაროს, იგი ემსხვერპლა წითელი არმისს რეპრესიას და 1929 წელს იგი გარდაცვლილი იპოვეს. მღვდელი სიმონის შვილმა - გიორგი დაქიშვილმა უფროსმა ვერ შეძლო მეღვინეობის ოჯახური ტრადიციის გაგრძელება. იგი გარდაიცვალა მეორე მსოფლიო ომის ბრძოლის ველზე 27 წლის ასაკში. ოჯახმა არ თქვა უარი ღვინის წარმოებაზე და გააგრძელა მოღვაწოება მეღვინეობა- მევენახეობის დარგში მისი სიკვდილის შემდეგაც. გიორგი დაქიშვილის ვაჟმა - თემურ დაქიშვილმა უფროსმა დაამთავრა მეღვინეობის ფაკულტეტი ქ. მოსკოვში, ერთ ერთი ყველაზე პრესტიჟული უმაღლესი სასწევლებელი საბჭოთა კავშირში. 1960 – 1996 წლებში იგი მუშაობდა თელიანის ღვინის ქარხნის მთავარ მეღვინედ. თელიანის ღვინის ქარხანაში ყენდებოდა წითელი სამარკო ღვინოები უმაღლესი ხარისხის მუხის კასრებში. გოგი დაქიშვილმაც გააგრძელა მამისა და წინაპართა ტრადიცია, მიიღო სათანადო განათლება, მეუღლე ილონა დაქიშვილთან ერთად. გოგი და ილონა დაქიშვილმა დაამთავრეს ქ. ოდესის კვების მრეწველობის აკადემიის ენოლოგიისა და მეღინეობის ფაკულტეტი.