ცინაბსინი A - Cinnabsin A 60 ტაბლეტი
32.12
₾მახასიათებლები
აღწერა
ცინაბსინი
(CINNABSIN® )
სავაჭრო დასახელება
ცინაბსინი (CINNABSIN®)
სამკურნალო ფორმა
ტაბლეტები
საერთაშორისო არაპატენტირებული დასახელება: არ აქვს.
შემადგენლობა
1 ტაბლეტი (250 მგ) შეიცავს:
მოქმედი ნივთიერებები: Cinnabaris trit. D3 25 მგ, Echinacea trit. D1 – 25 მგ, Hydrastis trit. D3 - 25 მგ, Kalium bichromicum trit. D3 25 მგ;
დამხმარე ნივთიერებები: ლაქტოზას მონოჰიდრატი, მაგნიუმის სტეარატი, ხორბლის სახამებელი.
აღწერილობა
თეთრი ან თითქმის თეთრი ფერის, ბრტყელცილინდრული ფორმის ტაბლეტები ნაზოლით, დასაშვებია მცირე ჩანართების არსებობა.
ფარმაკოთერაპიული ჯგუფი
>ჰომეოპათიური სამკურნალო საშუალება.
ფარმაკოლოგიური თვისებები
ჰომეოპათიური თერაპია მნიშვნელოვნად განსხვავდება ტრადიციული მედიცინისაგან დაავადების შეცნობის და სამკურნალო ნივთიერებების გამოყენების თვალსაზრისით. ჰომეოპათიური საშუალებები ასტიმულირებენ ორგანიზმის დამცავ მექანიზმებს და, ამრიგად, ააქტიურებენ მისი თვითაღდგენის პოტენციალს. ჰომეოპათიურ სამკურნალო საშუალებაზე ორგანიზმის პასუხი ძალიან ინდივიდუალურია. ამ მიზეზით დოზასპეციფიკური ფარმაკოლოგიური ეფექტების, ფარმაკოდინამიკური ან ფარმაკოკინეტიკური მონაცემების განსაზღვრა არ არის შესაძლებელი.
გამოყენების ჩვენებები
მწვავე და ქრონიკული რინოსინუსიტი.
უკუჩვენებები
მომატებული მგრძნობელობა ნებისმიერი აქტიური ნივთიერების ან პრეპარატის რომელიმე კომპონენტის ან რთულყვავილოვანთა ოჯახის წარმომადგენელთა მიმართ.
უკუნაჩვენებია 2 წლამდე ასაკის ბავშვებში.
განსაკუთრებული მითითებები და სიფრთხილის ზომები
თუ თქვენს ექიმს უთქვამს, რომ თქვენ გაქვთ რომელიმე შაქრის აუტანლობა, ცინაბსინის გამოყენებამდე გაიარეთ მასთან კონსულტაცია.
პრეპარატი არ არის რეკომენდებული პროგრესირებადი სისტემური დაავადებების დროს (მაგ., ტუბერკულოზი, სარკოიდოზი), სისხლის სისტემური დაავადებები (მაგ., ლეიკემია და ლეიკოზი), აუტოიმუნური დაავადებები (მაგ., კოლაგენური ქსოვილის ანთებითი დაავადებები (კოლაგენოზი), გაფანტული სკლეროზი), იმუნოდეფიციტი (შიდსი, აივ ინფექციები), დეპრესიული მდგომარეობები (მაგ., ორგანოს ან ძვლის ტვინის გადანერგვის შემდეგ, ქიმიოთერაპია).
ექინაცეას შემცველი მედიკამენტების მიღების შემდეგ აღინიშნებოდა გამონაყარი კანზე, ქავილი და, იშვიათად, სახის შეშუპება, ქოშინი, თავბრუსხვევა და არტერიული წნევის დაქვეითება.
ექინაცეას შემცველობის გამო ატოპიის მქონე პაციენტებში გაზრდილია ალერგიული რეაქციების განვითარების რისკი.
ცალკეულ შემთხვევებში ექინაცეას შემცველი სამკურნალო საშუალებების გამოყენება უკავშირდება აუტოიმუნური დაავადებების განვითარებას. ცალკეულ შემთხვევებში ექინაცეას შემცველი სამკურნალო საშუალების ხანგრძლივი გამოყენებისას (8 კვირაზე მეტი) აღინიშნებოდა ლეიკოციტების რაოდენობის დაქვეითება.
პროდუქტი შეიცავს ლაქტოზას და ხორბლის სახამებელს. სამკურნალო საშუალება არ გამოიყენება გალაქტოზას იშვიათი მემკვიდრეობითი პრობლემის მქონე პაციენტებში, ლაპას ლაქტაზას დეფიციტის ან გლუკოზა-გალაქტოზას მალაბსორბცის დროს. ხორბლის სახამებლი შეიძლება შეიცავდეს გლუტენს, თუმცა მხოლოდ კვალის სახით, რის გამოც იგი უსაფრთხოა ცელიაკიის დაავადების მქონე ადამიანებისთვის. ხორბალზე ალერგიის მქონე პაციენტებმა (ცელიაკიასთან განსხვავებით) არ უნდა მიიღონ ეს სამკურნალო პრეპარატი.
შემდეგი სიმპტომების განვითარებისას აუცილებელია ექიმითან კონსულტაცია:
-სახის შეშუპება, სიმხურვალე ან ძლიერი თავის ტკივილი;
-მწვავე მდგომარეობა არ უმჯობესდება ან უარესდება მკურნალობის პირველი 2 დღის განმავლობაში;
-დამატებითი ჩივილების განვითარების შემთხვევაში.
გამოყენება ორსულობის დროს და ლაქტაციის პერიოდში.
პრეპარატის გამოყენება ორსულობისა და ძუძუთი კვების პერიოდში შესაძლებელია მხოლოდ სარგებელისა და რისკის თანაფარდობის შეფასების გათვალისწინებით.
სამკურნალო საშუალების გამოყენებამდე რეკომენდებულია ექიმთან კონსულტაცია.
ზეგავლენა სატრანსპორტო საშუალების ან სხვა მექანიზმების მართვის უნარზე.
არ მოქმედებს.
ურთიერთქმედება სხვა სამკურნალო საშუალებებთან
არ არის ცნობილი. სხვა სამკურნალო საშუალებების ერთდროული გამოყენების აუცილებლობის შემთხვევაში გაიარეთ კონსულტაცია ექიმთან.
შენიშვნა: ჰომეოპათიური სამკურნალო პრეპარატების მოქმედებაზე შეიძლება უარყოფითი ზეგავლენა მოახდინოს ცხოვრების ჩვევების ნეგატიურმა ფაქტორებმა, მათ შორის მოწევა და ალკოჰოლის გამოყენება.
დოზირების რეჟიმი და გამოყენების წესი
ყოველთვის შეასრულეთ მოცემული ინსტრუქციის, თქვენი ექიმის ან ფარმაცევტის მითითებები. თუ თქვენ არ ხართ დარწმუნებული პრეპარატის გამოყენების სისწორეში, გაიარეთ კონსულტაცია თქვენს ექიმთან ან ფარმაცევტთან.
დოზირების რეჟიმი
მოზრდილები: მწვავე მდგომარეობების დროს: 1 ტაბლეტი ყოველ ერთ საათში (არა უმეტეს 12 ტაბლეტი დღეში) მდგომარეობის გაუმჯობესებამდე. შემდგომი მკურნალობისთვის ინიშნება 1-2 ტაბლეტი 3-ჯერ დღეში.
ბავშვები
2-დან 5 წლამდე ასაკის ბავშვები: მწვავე მდგომარეობების დროს: 1 ტაბლეტი 3-ჯერ დღეში მდგომარეობის გაუმჯობესებამდე. შემდგომი მკურნალობისთვის ინიშნება 1 ტაბლეტი 3-ჯერ დღეში.
6-დან 11 წლამდე ასაკის ბავშვები: მწვავე მდგომარეობების დროს: 1 ტაბლეტი ყოველ 2 საათში (არა უმეტეს 6 ტაბლეტი დღეში) მდგომარეობის გაუმჯობესებამდე. შემდგომი მკურნალობისთვის ინიშნება 1 ტაბლეტი 3-ჯერ დღეში.
12 წლის და მეტი ასაკის ბავშვები: მწვავე მდგომარეობების დროს: 1 ტაბლეტი ყოველ ერთ საათში (არა უმეტეს 12 ტაბლეტი დღეში) მდგომარეობის გაუმჯობესებამდე. შემდგომი მკურნალობისთვის ინიშნება 1-2 ტაბლეტი 3-ჯერ დღეში.
ქრონიკული მდგომარეობების დროს ბავშვებსა და მოზრდილებში ინიშნება 1 ტაბლეტი 3-ჯერ დღეში.
მკურნალობის გაგრძელება რეკომენდებულია 4-6 კვირის განმავლობაში.
არ არის რეკომენდებული ცინაბსინის გამოყენება 4 კვირაზე მეტი ხნის განმავლობაში ექიმთან კონსულტაციის გარეშე.
გამოყენების წესი
ტაბლეტები მიიღება ჭამამდე ნახევარი საათით ადრე ან ჭამიდან ნახევარი საათის შემდეგ. ტაბლეტები ნელა უნდა გალღვეს პირში.
პატარა ბავშვებისთვის რეკომენდებულია ტაბლეტების მცირე რაოდენობის წყალში გახსნა (მაგ., ჩაის კოვზში).
გვერდითი რეაქციები
ძალიან იშვიათ შემთხვევებში (<1/10 000) ან უცნობი სიხშირით (არსებული მონაცემებით სიხშირის განსაზღვრა შეუძლებელია):
ცინაბსინის მიღების შემდეგ შეიძლება აღინიშნებოდეს ჰიპერმგრძნობელობის რეაქციები, მაგ., გამონაყარი კანზე და დარღვევები კუჭ-ნაწლავის ტრაქტის მხრივ.
ასეთ შემთხვევებში რეკომენდებულია პრეპარატის მიღების შეწყვეტა და სათანადო მკურნალობის დანიშვნა.
ჭარბი ნერწყვდენის შემთხვევაში დოზირება უნდა შემცირდეს ან მკურნალობა უნდა შეწყდეს.
არასასურველი რეაქციების განვითარებისას უნდა შეწყვიტოთ პრეპარატის გამოყენება და მიმართოთ ექიმს.
შენიშვნა: ჰომეოპათიური პრეპარატების მიღების დროს შესაძლებელია არსებული ჩივილების გაუარესება (საწყისი ჰომეოპათიური გამწვავება). ასეთ შემთხვევებში პაციენტებს ურჩევენ შეწყვიტონ პრეპარატების მიღება და გაიარონ კონსულტაცია ექიმთან.
ჭარბი დოზირება
დადგენილი არ არის.
შეფუთვა
20 ტაბლეტი ბლისტერში. 3 ბლისტერი სამედიცინო გამოყენების ინსტრუქციასთან ერთად შეფუთვაში.
შენახვის პირობები
ინახება არა უმეტს 25 °C ტემპერატურაზე ბავშვებისათვის მიუწვდომელ ადგილას.
შენახვის ვადა
5 წელი.
არ გამოიყენოთ შეფუთვაზე მითითებული ვარგისობის ვადის გასვლის შემდეგ.
გაცემის წესი:
ფარმაცევტული პროდუქტის ჯგუფი III, გაიცემა რეცეპტის გარეშე