ციკლოდოლი

დასახელება - ციკლოდოლი ტაბლეტი 2მგ #50
ჩვენება:
პარკინსონიზმი. სამკურნალო საშუალებებით განპირობებული ექსტრაპირამიდული დარღვევები.

მიღების წესი და დოზირება:
დოზირება შეირჩევა ინდივიდუალურად მხოლოდ ექიმის მიერ! პრეპარატის მიღება შესაძლებელია ჭამამდე ან ჭამის დროს. თუ პრეპარატის მიღების დროს აღინიშნება პირის სიმშრალე, მაშინ იგი სასურველია მივიღოთ ჭამამდე, წინააღმდეგ შემთხვევაში მოსალოდნელია გულისრევა.
პრეპარატის საწყისი დოზა შეადგენს 1 მგ-ს (1/2 ტაბლეტი) დღეღამეში. დოზას ზრდიან თანდათანობით 2 მგ-ით (1 ტაბლეტი) ყოველ 3-5 დღეში ერთხელ. დოზის ტიტრაცია ხდება მიღწეული თერაპიული ეფექტის მიხედვით. ჩვეულებრივი შემანარჩუნებელი დოზა შეადგენს 6-10 მგ-ს (3-5 ტაბლეტი) დღეღამეში, რომელიც იყოფა 3-4 მიღებაზე. მძიმე შემთხვევების დროს შესაძლებელია დოზის გაზრდა 12-16 მგ-მდე (6-8 ტაბლეტი) დღეღამეში, გაყოფილი 3-4 მიღებაზე. მაქსიმალური დღეღამური დოზა შეადგენს 16 მგ-ს.
მკურნალობის დასრულების შემდეგ ან ალტერნატიული მკურნალობის საწყის პერიოდში საჭიროა ციკლოდოლი გრინდექსის დოზის თანდათანობით შემცირება.
მკურნალობის კურსის ხანგრძლივობას განსაზღვრავს ექიმი.
პედიატრიულ პრაქტიკაში პრეპარატი არ გამოიყენება.

უკუჩვენებები:
პრეპარატი არ გამოიყენება ტრიჰექსიფენიდილის მიმართ მომატებული მგრძნობელობის დროს, შარდის შეკავების, პროსტატის ჰიპერტროფიის შარდის შეკავებით, დახურულკუთხოვანი გლაუკომის (მხედველობის ნერვის და ბადურის ფუნქციის დარღვევა თვალისშიდა წნევის მომატების ფონზე), საჭმლის მომნელებელი ტრაქტის ობსტრუქციის და შევიწროების დროს. არ გამოიყენება ტაქიარითმიის, ალკოჰოლით, ფსიქოტროპული ან ოპიოიდური სამკურნალო საშუალებებით მწვავე ინტოქსიკაციის, მწვავე დელირიუმისა და მანიაკალური მდგომარეობის დროს, აგრეთვე გვიანი დისკინეზიის (უნებლიე მოძრაობების) დროს.
თუ პაციენტს გააჩნია რომელიმე ზემოაღნიშნული დაავადება ან მდგომარეობა, მან აუცილებლად უნდა აცნობოს ამის შესახებ ექიმს!
პრეპარატის მიღების წინ საჭიროა ექიმის კონსულტაცია, თუ პაციენტს აღენიშნება:
• ღვიძლის ან/და თირკმლების დაავადება
• გულ-სისხლძარღვთა დაავადებები
• ხანდაზმული ასაკის შემთხვევაში
სიფრთხილე: სიფრთხილეა საჭირო შემდეგი შემთხვევების დროს: სიცოცხლისათვის საშიში ტაქიკარდიით თანმხლები დაავადებები, დემენციის სინდრომი, myasthenia gravis (დაავადება თანხლებული კუნთოვანი სისუსტით), წინამდებარე ჯირკვლის ჰიპერტროფია შარდის ბუშტის სრული დაცლით.
არსებობს მონაცემები ფსიქიურად დაავადებულ პაციენტებში პრეპარატის ბოროტად გამოყენების შესახებ (იწვევს ჰალუცინაციებს და ეიფორიულ მდგომარეობას).
მკურნალობის უეცრად შეწყვეტა დაუშვებელია.