ჩემი ცხოვრების ფილმები

ანოტაცია

ეს წიგნი კინოზე, მის მშვენიერებასა და მისი შექმნის სირთულეზეა. ტრიუფოს სტატიების მთავარი გმირები რეჟისორები არიან. წიგნში თავმოყრილ ფოტოებში ნახავთ, რომ თითოეული კინოკამერასთან დგას, ყველა ფოტოში იგრძნობა მათი განსაცდელი; მათი ბიოგრაფიებიდან ვიგებთ, რამდენად რთულ საქმეს არიან შეჭიდებულები და როგორ იბრძვიან იმისთვის, რომ ყოველი ფილმი წარმატებული იყოს. ქართველ მკითხველს, კინომოყვარულსა და კინოს პროფესიონალს ასე მივმართავდი: ამ წიგნის კითხვისას არ უნდა ვიფიქროთ, რომ რამე შეიცვალა ჟან ვიგოს ეპოქიდან ალენ რენემდე, ან ალენ რენედან − დღემდე. კინო ძალიან რთული ხელოვნებაა. მის შექმნას სჭირდება ბევრი ადამიანის ერთობა და ფილმის ერთგულება. ერთგულება − როგორც კინოს, ხელოვნებისა და საერთოდ, ცხოვრების განმსაზღვრელი." - ნუცა ალექსი-მესხიშვილი