check-in

ანოტაცია

გვანცა ჯობავას "check-in" დროსა და სივრცეში მოგზაურობაზე მოგვითხრობს. ეს იშვიათი შემთხვევაა იმ განცდებისა და შთაბეჭდილებების უმეტესობას, რაც შეიძლებოდა ლექსად ქცეულიყო, პოეტი დაუფიქრებლად შეელია და ახლა ჩვენ წინაშეა სამოგზაურო რომანის ყალიბში მოქცეული დაუწერელი ლექსები. სანამ წიგნის წარდგინებაზე მოსული ახალბედა ჟურნალისტები ავტორს ჰკითხავენ, რამდენ ხანს წერდი ამ ნაწარმოებს და რა ტირაჟით გამოეციო, მათ გასაგონად შემიძლია დავაზუსტო: "Check-in" სულ იწერებოდა, ავტორის ბავშვობიდან მის დღევანდელ დღემდე, და არა მხოლოდ ერთი ადამიანის ბიოგრაფიისთვის, არამედ მათთვისაც იქნება მნიშვნელოვანი, ვისაც ბოლო წლების საქართველოს საზოგადოებრივ-კულტურული და საგამომცემლო ცხოვრება აინტერესებს, ან უბრალოდ ახალი ნაცნობების შეძენა და ევროპის თვალსაჩინო ადგილებში მოგზაურობა სწყურია. ტირაჟს რაც შეეხება, იმედი ვიქონიოთ, რომ წიგნს მკითხველი არ მოაკლდება.