Chapidon, სეპაჟი, ბრუტი, თეთრი ცქრიალა ღვინო.

ბრენდის ისტორია

1890 წელს თბილისელი ინჟინერი ვასილი ბოლგარსკი (სწორედ ბოლგარსკის სასახლეშია განთავსებული არტ-ვილა გარიყულა) პარიზში ჩადის, ცდილობს ქალაქში იმდროისთვის ყველაზე პოპულარულ რესტორნებს ქართული ცქრიალა ღვინო გააცნოს და ამას ახერხებს კიდეც. შემორჩენილი ცნობების თანახმად, სოფელ გარიყულაში დამზადებული "შამპანური" პარიზში წლების განმავლობაში იყიდებოდა. 2018 წელს ეს 100 წლიანი ისტორია გაგრძელდა და სწორედ გარიყულაში ცქრიალა ღვინის წარმოება დაიწყო. კომპანია აწარმოებს როგორც ცქრიალა ღვინოს, ასევე ღვინოსა და პეტნატებს ძველი ფრანგული ტრადიციული მეთოდით. რაც შეეხება სახელწოდებასა და ეტიკეტს, შაპიდონის ეტიკეტზე მუშაობისას ამოცანა ისტორიის, შინაარსისა და დიზაინის სინთეზირება იყო. მიმართულება ცქრიალა ღვინის სახელმა მიანიშნათ. (დიზაინის ავტორი-ნატალია ავალიანი) „შაპიდონ“ ზაუმური პოეზიისა და დადაიზმის ერთ-ერთი ფუძემდებლის, ილია ზდანევიჩის მიერ მოგონილი სიტყვაა. რევოლუციის შემდეგ საფრანგეთში სამუდამოდ გადახვეწილი ქართველი არტისტი ქსოვილის თარგებს კოკო შანელისთვისაც ქმნიდა. მისმა ვიზუალურმა ენამ ქართული აქცენტი შეასმინა ფრანგულ კულტურას და საფრანგეთის გავლენით - მთელ კონტინენტს (პიკასოს მიერ შესრულებული ფიროსმანის პორტრეტიც ამ ხმის ექოა). ბოთლში ფრანგული ენოლოგია, ბოთლზე ილიაზდის ენა.