ცერუკალი(მეტოკლოპრ)10მგ/2მლ#6(თურქ)

ტურქტიპსან მეტოკლოპრამიდის ჰიდროქლორიდი

10 მგ/2 მლ ინტრამუსკულარულად და ინტრავენური ხსნარი

შემადგენლობა

მოქმედინივთიერება: თითოეული 2 მლ ამპულა შეიცავს 10 მგ მეტოკლოპრამიდის ჰიდროქლორიდს.

დამხმარე ნივთიერებები:ნატრიუმის ქლორიდი, ნატრიუმის მეტაბისულფიტი (E223), საინექციო წყალი.

ტურქტიპსან მეტოკლოპრამიდის ჰიდროქლორიდის დახასიათება და გამოყენება

ტურქტიპსან მეტოკლოპრამიდის ჰიდროქლორიდის თითოეული 2 მლ-იანი ამპულა შეიცავს 10 მგ მეტოკლოპრამიდის ჰიდროქლორიდს.

ტურქტიპსან მეტოკლოპრამიდის ჰიდროქლორიდი წარმოდგენილია ამპულაში, რომელიც შეიცავს სუფთა, უფერო, უსუნო საინექციო ხსნარს. თითოეული ყუთი შეიცავს 2 მლ-იან 6 ამპულას.

ტურქტიპსან მეტოკლოპრამიდის ჰიდროქლორიდი არის ღებინების საწინააღმდეგო საშუალება, რომელიც შეიცავს მოქმედ ნივთიერება მეტოკლოპრამიდს. იგი მოქმედებს ტვინის იმ ნაწილზე, რომელიც ხელს უშლის გულისრევასა და ღებინებას.

ტურქტიპსან მეტოკლოპრამიდის ჰიდროქლორიდი გამოიყენება მოზრდილებში:

• გულისრევისა და ღებინების სამკურნალოდ;
• ოპერაციის შემდგომი გულისრევისა და ღებინების თავიდან ასაცილებლად;
• რადიოთერაპიის შედეგად გამოწვეული გულისრევისა და ღებინების თავიდან ასაცილებლად;
• მწვავე შაკიკით გამოწვეული გულისრევისა და ღებინების სამკურნალოდ.

ტურქტიპსან მეტოკლოპრამიდის ჰიდროქლორიდი გამოიყენება მოზარდებში და ბავშვებში (1-18 წლის ასაკში), თუ სხვა მკურნალობა არაეფექტურია ან ვერ გამოიყენება:

• როგორც ალტერნატიული საშუალება იმ შემთხვევებში, როდესაც სხვა სამკურნალო საშუალებების გამოყენება შეუძლებელია ქიმიოთერაპიით გამოწვეული გულისრევისა და ღებინების თავიდან ასაცილებლად;
• იგი გამოიყენება, როგორც ალტერნატიული საშუალება ოპერაციის შემდგომი გულისრევისა და ღებინების სამკურნალოდ იმ შემთხვევებში, როდესაც სხვა სამკურნალო საშუალებების გამოყენება შეუძლებელია.

უკუჩვენება

ტურქტიპსან მეტოკლოპრამიდის ჰიდროქლორიდი  არ გამოიყენება შემდეგ შემთხვევებში:

თუ,

• გაქვთ ალერგია მეტოკლოპრამიდის ან ამ პრეპარატის რომელიმე სხვა ინგრედიენტის მიმართ;
• გაქვთ სისხლდენა, ობსტრუქცია ან აღინიშნება გახევა კუჭში ან ნაწლავებში;
• გაქვთ ფეოქრომოციტომა ან თუ გაქვთ ეჭვი ფეოქრომოციტომაზე (ეს არის თირკმელზედა ჯირკვლების სიმსივნე და იწვევს ადრენალინის რაოდენობის ზრდას);
• ოდესმე გქონიათ კუნთების უნებლიე სპაზმი (გვიანი დისკინეზია), როდესაც მკურნალობდით მედიკამენტებით;
• გაქვთ ეპილეფსია;
• გაქვთ პარკინსონის დაავადება;
• იღებთ ლევოდოფას (პარკინსონის დაავადების სამკურნალო პრეპარატი) ან დოფამინერგულ აგონისტებს (იხ. ქვემოთ „გამოყენება სხვა სამკურნალო საშუალებებთან ერთად“);
• ოდესმე გქონიათ სისხლის პიგმენტის პათოლოგიური დონე (მეტემოგლობინემია) ან NADH-ის (ნიკოტინამიდი ადენინ დინუკლეოტიდი) ციტოქრომ-B5-ის დეფიციტი;
•  ბოლო 4 დღის განმავლობაში ჩაგიტარდათ კუჭ-ნაწლავის ტრაქტის ოპერაცია;
• კვებავთ ჩვილს ძუძუთი.

არ მისცეთ ტურქტიპსან მეტოკლოპრამიდის ჰიდროქლორიდი  ერთ წლამდე ასაკის ბავშვს.

ტურქტიპსან მეტოკლოპრამიდის ჰიდროქლორიდი სიფრთხილით გამოიყენება შემდეგ შემთხვევებში.

თუ,

• ანამნეზში გაქვთ გულის რითმის დარღვევა (QT ინტერვალის გახანგრძლივება) ან გულის სხვა პრობლემები;
• გაქვთ სისხლში კალიუმის, ნატრიუმის, მაგნიუმის დონესთან დაკავშირებული პრობლემები;
• იღებთ სხვა პრეპარატებს, რომლებიც ცნობილია, რომ გავლენას ახდენენ გულის რიტმზე;
• გაქვთ ნევროლოგიური (ტვინთან დაკავშირებული) პრობლემები;
• გაქვთ თირკმელებისა და ღვიძლის პრობლემები (ამ შემთხვევაში დოზა შეიძლება შემცირდეს);
• გაქვთ ჰიპერტენზია (მაღალი არტერიული წნევა);
• გაქვთ ატოპია (ადამიანის მიდრეკილება ალერგიის (მათ შორის ასთმის) განვითარებისადმი) ან პორფირია (სისხლის იშვიათი მემკვიდრეობითი დაავადება) ანამნეზში;
• გამოიყენება სეროტონერგული პრეპარატები, ამ პრეპარატების გამოყენებამ მეტოკლოპრამიდის ინექციებთან ერთად შეიძლება გამოიწვიოს გვერდითი მოვლენები (როგორიცაა: მოუსვენრობა, კოორდინაციის დაკარგვა, აჩქარებული გულისცემა, სხეულის ტემპერატურის მომატება).

ექიმმა შეიძლება ჩაატაროს სისხლის ზოგიერთი ანალიზი პიგმენტის დონის გასაზომად სისხლში. თუ შეინიშნება პათოლოგიური მაჩვენებლები (მეტემოგლობინემია), პრეპარატის მიღება უნდა შეწყდეს დაუყოვნებლივ და სრულად.

მიუხედავად იმისა, რომ ზემოაღნიშნული მდგომარეობები აშკარად ვლინდება, მნიშვნელოვანია, რომ ექიმმა იცოდეს, გეხებათ თუ არა რომელიმე მოცემული მდგომარეობა. თუ ამ პრეპარატს იყენებთ ღებინების შესაჩერებლად და ღებინება არ წყდება პრეპარატის გამოყენების მიუხედავად, მიმართეთ თქვენს ექიმს. ექიმი დაგინიშნავთ რამდენიმე ანალიზს, თქვენი ღებინების მიზეზის დასადგენად.

მკურნალობის პერიოდი არ უნდa აჭარბებდეს 3 თვეს, კუნთების უნებლიე სპაზმის (გვიანი დისკინეზია) რისკის გამო.

ავთვისებიანი ნეიროლეფსიური სინდრომი ისეთი სიმპტომებით, როგორიცაა: ცხელება, კუნთების სიმტკიცე, ოფლიანობა ან ცნებობიერების დაკარგვა, შეიძლება გამოვლინდეს წამლების ისეთ ჯგუფთან ერთად მიღებისას, რომელსაც ეწოდება ნეიროლეფსიური საშუალებები. ამ შემთხვევაში მედიკამენტების მიღება შეწყდება და ექიმი დაიწყებს შესაბამის მკურნალობას.

უნებლიე მოძრაობები (ექსტრაპირამიდული დარღვევები) შეიძლება აღინიშნოს ბავშვებსა და ახალგაზრდა მოზრდილებში. ტურქტიპსან მეტოკლოპრამიდის ჰიდროქლორიდი  არ უნდა იქნას გამოყენებული 1 წლამდე ასაკის ბავშვებში უნებლიე მოძრაობის რისკის გაზრდის გამო.

ორ ინექციას შორის უნდა იყოს 6 საათიანი ინტერვალი, ღებინების და მიღებული დოზის გამოდევნის ჩათვლით.

თუ აღნიშნული გაფრთხილებები გეხებათ ან თუნდაც წარსულში გეხებოდათ ნებისმიერ დროს, მიმართეთ თქვენს თქვენს.

ტურქტიპსან მეტოკლოპრამიდის ჰიდროქლორიდის გამოყენება საკვებთან და სასმელთან ერთად

მეტოკლოპრამიდით მკურნალობის დროს არ შეიძლება ალკოჰოლის მიღება, რადგან ის ზრდისტურქტიპსან მეტოკლოპრამიდის ჰიდროქლორიდის  10 მგ/2 მლ საინექციო ხსნარის სედატიურ ეფექტს.

ორსულობა

ამ პრეპარატის გამოყენებამდე მიმართეთ თქვენს ექიმს ან ფარმაცევტს.

თუ ხართ ორსულად ან გეგმავთ დაორსულებას, ტურქტიპსან მეტოკლოპრამიდის ჰიდროქლორიდის  გამოყენებამდე გაიარეთ კონსულტაცია თქვენს ექიმთან.

ტურქტიპსან მეტოკლოპრამიდის ჰიდროქლორიდის გამოყენება არ შეიძლება ორსულობის ბოლო ეტაპზე. ორსულობის ბოლო ეტაპზე გამოყენებისას ექსტრაპირამიდული სინდრომი (კუნთების უნებლიე შეკუმშვა) არ შეიძლება უგულებელყოფილი იყოს ახალშობილში. მისი გამოყენებისას საჭიროა ახალშობილზე საგულდაგულო დაკვირვება.

ტურქტიპსან მეტოკლოპრამიდის ჰიდროქლორიდი ორსულობის დროს შეიძლება გამოყენებულ იქნას მხოლოდ საჭიროების შემთხვევაში. ექიმი მიიღებს აუცილებელ გადაწყვეტილებას, გამოიყენოს თუ არა ტურქტიპსან მეტოკლოპრამიდის ჰიდროქლორიდი.

დაუყოვნებლივ მიმართეთ თქვენს ექიმს ან ფარმაცევტს, თუ მკურნალობის დროს მიხვდებით, რომ ორსულად ხართ.

ძუძუთი კვება

ამ პრეპარატის გამოყენებამდე მიმართეთ თქვენს ექიმს ან ფარმაცევტს.

ტურქტიპსან მეტოკლოპრამიდის ჰიდროქლორიდი გამოიყოფა დედის რძეში და შეიძლება ჰქონდეს გავლენა თქვენს ბავშვზე. ამიტომ არ გამოიყენოთ ტურქტიპსან მეტოკლოპრამიდის ჰიდროქლორიდი ბავშვის ძუძუთი კვების დროს.

მნიშვნელოვანი ინფორმაცია ზოგიერთი დამხმარე ნივთიერების შესახებ, რომელსაც შეიცავს ტურქტიპსან მეტოკლოპრამიდის ჰიდროქლორიდი

ტურქტიპსან მეტოკლოპრამიდის ჰიდროქლორიდი შეიცავს 1 მმოლზე ნაკლებ (23 მგ) ნატრიუმს თითოეულ დოზაში; ანუ შეიძლება ჩაითვალოს, რომ არსებითად „არ შეიცავს ნატრიუმს“.

ტურქტიპსან მეტოკლოპრამიდის ჰიდროქლორიდის მიერნატრიუმის მეტაბისულფიტის შემცველობამ, იშვიათად შეიძლება გამოიწვიოს მძიმე მომატებული მგრძნობელობის რეაქციები და ბრონქოსპაზმი (სასუნთქი გზების შევიწროება).

სატრანსპორტოსაშუალებებისმართვადამექანიზმებისგამოყენება

ტურქტიპსან მეტოკლოპრამიდის ჰიდროქლორიდის გამოყენების შემდეგ შეიძლება იგრძნოთ: ძილიანობა, თავბრუსხვევა ან გქონდეთ უკონტროლო კრუნჩხვა, გრეხვითი ან დაკლაკვნითი მოძრაობები და კუნთების უჩვეულო ტონუსი, რაც იწვევს სხეულის დეფორმაციას.

აღნიშნულმა შეიძლება გავლენა მოახდინოს თქვენს მხედველობაზე და ასევე, ხელი შეუშალოს სატრანსპორტო საშუალებებისმართვისა და მექანიზმებთან მუშაობის უნარს.

მიღება/გამოყენება სხვა სამკურნალო საშუალებებთან ერთად

ზოგიერთ პრეპარატს შეუძლია ურთიერთქმედება ტურქტიპსან მეტოკლოპრამიდის ჰიდროქლორიდთან და შეუძლია გავლენა მოახდინოს ტურქტიპსან მეტოკლოპრამიდის ჰიდროქლორიდის მექანიზმზეან ტურქტიპსან მეტოკლოპრამიდის ჰიდროქლორიდის შეუძლია შეცვალოს ზოგიერთი პრეპარატის მოქმედების მექანიზმი. ეს პრეპარატებია:

• ლევოდოპა ან პარკინსონის დაავადების სამკურნალო სხვა პრეპარატები (მაგ. აპომორფინი),
• ანტიქოლინერგული მედიკამენტები (კუჭის კრუნჩხვების და სპაზმების მოსახსნელად გამოყენებული პრეპარატები),
• მორფინის წარმოებულის მედიკამენტები (პრეპარატები, რომლებიც გამოიყენება ძლიერი ტკივილის სამკურნალოდ),
• სედატიური (დამამშვიდებელი, სედატიური) მედიკამენტები,
• ფსიქიკური ჯანმრთელობის პრობლემების სამკურნალოდ გამოყენებული მედიკამენტები, როგორიცაა ფენოთიაზინი და ლითიუმი,
• დიგოქსინი (მედიკამენტი, რომელიც გამოიყენება გულის უკმარისობის სამკურნალოდ),
• ციკლოსპორინი (მედიკამენტი, რომელიც გამოიყენება იმუნური სისტემის ზოგიერთი დაავადების სამკურნალოდ),
• მივაკურიუმი და სუქსამეთონიუმი (მედიკამენტები, რომლებიც გამოიყენება კუნთების მოსადუნებლად),
• ფლუოქსეტინი და პაროქსეტინი (დეპრესიის სამკურნალო მედიკამენტები),
• ნეიროლეფსიური საშუალებები (მედიკამენტები, რომლებიც გამოიყენება ფსიქიკური ჯანმრთელობის პრობლემების დროს ან გულისრევისა და ღებინების სამკურნალოდ),
• კრუნჩხვების სამკურნალო მედიკამენტები (ანტიკონვულსიური საშუალებები),
• მედიკამენტები, რომლებიც გამოიყენება ორგანიზმში ჰორმონ პროლაქტინის დონის შესამცირებლად (მაგ. ბრომოკრიპტინი, კაბერგოლინი),
• ფსიქიკური ჯანმრთელობის პრობლემების სამკურნალო მედიკამენტები,
• ატოვაკვონი (პნევმონიის სამკურნალო საშუალება),
•  პრეპარატები, რომლებსაც უწოდებენ მონოამინ ოქსიდაზას ინჰიბიტორებს და რომლებიც გამოიყენება დეპრესიის სამკურნალოდ,
• პრეპარატები სახელწოდებით სიმპათომიმეტიკები, რომლებიც გამოიყენება ასთმის და ფილტვების სხვა დაავადებების, დაბალი არტერიული წნევის და შოკის სამკურნალოდ,
• ტკივილგამაყუჩებლები, როგორიცაა ასპირინი, პარაცეტამოლი ან უფრო ძლიერი ტკივილგამაყუჩებლები, რომლებსაც უწოდებენ ოპიოიდებს,
• სხვა მედიკამენტები, რომლებიც გამოიყენება გულისრევისა და ღებინების სამკურნალოდ.

თუ ამჟამად იყენებთ რაიმე რეცეპტით ან ურეცეპტოდ გასაცემ მედიკამენტს, ან თუ იყენებდით მას ცოტა ხნის წინ, აცნობეთ ამის შესახებ თქვენს ექიმს ან ფარმაცევტს.

ტურქტიპსან მეტოკლოპრამიდის ჰიდროქლორიდის გამოყენების წესი

ინსტრუქციები სათანადო გამოყენებისა და დოზის/გამოყენების სიხშირის შესახებ

ხანდაზმულ პაციენტებში

გულისრევისა და ღებინების სამკურნალოდ, მათ შორის გულისრევისა და ღებინების ჩათვლით, რომლებიც შეიძლება განვითარდეს შაკიკის დროს და რადიოთერაპიის შედეგად გამოწვეული გულისრევისა და ღებინების პროფილაქტიკისთვის:

რეკომენდებული ერთჯერადი დოზაა 10 მგ, მეორდება დღეში სამჯერ.

გულისრევისა და ღებინების პროფილაქტიკისთვის, რომელიც შეიძლება აღინიშნოს ოპერაციის შემდეგ, რეკომენდებულია ერთჯერადი დოზა 10 მგ.

მაქსიმალური რეკომენდებული დოზა დღეში არის 30 მგ ან 0.5 მგ/კგ სხეულის წონაზე გადაანგარიშებით.

ინექციური თერაპიის ხანგრძლივობა უნდა იყოს რაც შეიძლება მოკლე და რაც შეიძლება მალე უნდა მოხდეს პერორალურ თერაპიაზე გადასვლა.

ახალგაზრდა მოზრდილები და ბავშვები 1-დან 18 წლამდე

რეკომენდებული დოზაა 0.1-დან 0.15 მგ/კგ-მდე სხეულის წონაზე გადაანგარიშებით, რომელიც მეორდება 3-ჯერ დღეში, ვენაში ნელი ინექციით.

მაქსიმალური დოზა 24 საათის განმავლობაში არის 0.5 მგ/კგ სხეულის წონაზე გადაანგარიშებით.

დოზირების ცხრილი

ასაკი	სხეულის წონა	დოზა	სიხშირე
1-3 წელი	10-14 კგ	1 მგ	3-ჯერ დღეში
3-5 წელი	15-19 კგ	2 მგ	3-ჯერ დღეში
5-9 წელი	20-29 კგ	2.5 მგ	3-ჯერ დღეში
9-18 წელი	30-60 კგ	5 მგ	3-ჯერ დღეში
15-18 წელი	60 კგ-ზე მეტი	10 მგ	3-ჯერ დღეში

 

მკურნალობა არ უნდა აღემატებოდეს 5 დღეს, რათა თავიდან იქნას აცილებული დაგვიანებული გულისრევა და ღებინება, რომელიც შეიძლება აღინიშნოს ქიმიოთერაპიის შემდეგ.

მკურნალობა არ უნდა აღემატებოდეს 48 საათს გულისრევისა და ღებინების სამკურნალოდ, რომელიც განვითარდა ოპერაციის შემდეგ.

შეყვანის  წესი და მეთოდი

ტურქტიპსან მეტოკლოპრამიდის ჰიდროქლორიდის შეყვანა ხდება ექიმის ან ექთნის მიერ ნელი ინექციის სახით ვენაში ან ინტრამუსკულარულად.

ორ ინექციას შორის უნდა იყოს 6 საათიანი ინტერვალი, ღებინების და მიღებული დოზის გამოდევნის ჩათვლით.

სხვადასხვა ასაკობრივი ჯგუფები

გამოყენება ბავშვებში

უნებლიე მოძრაობები (ექსტრაპირამიდული დარღვევები) შეიძლება აღინიშნოს ბავშვებსა და ახალგაზრდა მოზრდილებში. ტურქტიპსან მეტოკლოპრამიდის ჰიდროქლორიდი  არ უნდა იქნას გამოყენებული 1 წლამდე ასაკის ბავშვებში უნებლიე მოძრაობის რისკის გაზრდის გამო.

გამოყენება ხანდაზმულებში

ხანდაზმულ პაციენტებში შესაძლებელია დოზის შემცირება თირკმელების დაავადებების, ღვიძლის დაავადებების და პაციენტის ზოგადი ჯანმრთელობის მდგომარეობის გათვალისწინებით.

სპეციალური გამოყენების შემთხვევები

თირკმლის უკმარისობა

ტურქტიპსან მეტოკლოპრამიდის ჰიდროქლორიდის დოზა უნდა შემცირდეს თირკმელების დაავადების ბოლო სტადიის, ზომიერი ან მძიმე თირკმლის დაავადების მქონე პაციენტებში. აცნობეთ თქვენს ექიმს, თუ გაქვთ თირკმელებთან დაკავშირებული პრობლემები.

ღვიძლის უკმარისობა

ტურქტიპსან მეტოკლოპრამიდის ჰიდროქლორიდის დოზა უნდა შემცირდეს ღვიძლის მძიმე დაავადებების დროს. თუ გაქვთ ღვიძლის დაავადება, აცნობეთ თქვენს ექიმს.

თუ გრძნობთ, რომ ტურქტიპსან მეტოკლოპრამიდის ჰიდროქლორიდისმოქმედება ძალიან ძლიერი ან ძალიან სუსტია, აცნობეთ თქვენს ექიმს ან ფარმაცევტს.

თუგამოიყენეთ რეკომენდებულ დოზაზე მეტი ტურქტიპსან მეტოკლოპრამიდის ჰიდროქლორიდი

თუ მიიღეთ ტურქტიპსან მეტოკლოპრამიდისაჭიროზე მეტი რაოდენობით, დაუყოვნებლივ მიმართეთ თქვენს ექიმს ან ფარმაცევტს. იმ შემთხვევებში, როდესაც პრეპარატის მიღება ხდება მაღალი დოზებით, შეიძლება გამოვლინდეს: უნებლიე მოძრაობები (ექსტრაპირამიდული დარღვევები), თავბრუსხვევა, ცნობიერების დარღვევა, ფსიქიკური დაბნეულობა, ჰალუცინაციები, ჰალუცინაციები და დარღვევები გულის მხრივ. თქვენს ექიმს შეუძლია დანიშნოს შესაბამისი მკურნალობა ამ სიმპტომებისთვის.

თუ გამოიყენეთ ტურქტიპსან მეტოკლოპრამიდის ჰიდროქლორიდის 10 მგ/2 მლ საინექციო ხსნარის საჭიროზე მეტი დოზა აცნობეთ თქვენს ექიმს ან ფარმაცევტს.

თუ დაგავიწყდათ ტურქტიპსან მეტოკლოპრამიდის ჰიდროქლორიდის გამოყენება

თუ დაგავიწყდათ ტურქტიპსან მეტოკლოპრამიდის ჰიდროქლორიდის 10 მგ/2 მლ საინექციო ხსნარის დოზის მიღება, გამოტოვეთ დავიწყებული დოზა. მიიღეთ შემდეგი დოზა ჩვეულ დროს.

არ გამოიყენოთ ორმაგი დოზა გამოტოვებული დოზის ასანაზღაურებლად.

ეფექტები, რომლებიც შეიძლება აღინიშნოს ტურქტიპსან მეტოკლოპრამიდის ჰიდროქლორიდით მკურნალობის შეწყვეტისას

არ დაასრულოთ მკურნალობა თქვენი ექიმის რჩევის გარეშე. თუ პრეპარატის გამოყენებისას შეგექმნებათ რაიმე პრობლემა, მიმართეთ თქვენს ექიმს.

შესაძლო გვერდითი მოვლენები

სხვა სამკურნალო საშუალებების მსგავსად, ამ პრეპარატმაც შეიძლება გამოიწვიოს გვერდითი მოვლენები, თუმცა ისინი არ უვითარდება ყველა პაციენტს.

შეწყვიტეთ მკურნალობა და დაუყონებლივ მიმართეთ თქვენს ექიმს, ფარმაცევტს ან ექთანს ან მიმართეთ უახლოესი სასწრაფო დახმარების განყოფილებას: თუ ამ პრეპარატის მიღებისას გამოგივლინდათ ერთ-ერთი შემდეგი ნიშანი:

• უკონტროლო მოძრაობები (ხშირად მოიცავს თავს ან კისერს). ეს შეიძლება აღინიშნოს ბავშვებში ან ახალგაზრდა მოზრდილებში და განსაკუთრებით მაღალი დოზების გამოყენებისას. ეს ნიშნები, როგორც წესი, ვლინდება მკურნალობის დასაწყისში და შესაძლოა გამოვლინდეს ერთჯერადი შეყვანის შემდეგაც კი. ეს მოძრაობები შეჩერდება სათანადო მკურნალობის შემდეგ;
• მაღალი ცხელება, მაღალი არტერიული წნევა, კრუნჩხვები, ოფლიანობა, ნერწყვის გამომუშავება. ეს შეიძლება იყოს დაავადების ნიშნები, რომელსაც ეწოდება ავთვისებიანი ნეიროლეფსიური სინდრომი;
• ქავილი ან გამონაყარი კანზე, სახის, ტუჩების ან ყელის შეშუპება, სუნთქვის გაძნელება.

აღნიშნული სერიოზული გვერდითი ეფექტებია. შესაძლოა საჭირო გახდეს სამედიცინო ჩარევა.

გვერდითი მოვლენები კლასიფიცირდება შემდეგი კატეგორიების მიხედვით:

ძალიან ხშირი: შეიძლება გამოვლინდეს 10-დან 1- მდე პაციენტში.

ხშირი: შეიძლება გამოვლინდეს 10-დან 1 -მდე და 100-დან 1-ზე მეტ პაციენტში

არახშირი: შეიძლება გამოვლინდეს 100-დან 1 -მდე და 1,000-დან 1-ზე მეტ პაციენტში.

იშვიათი: შეიძლება გამოვლინდეს 1,000-დან 1 -მდე და 10,000-დან 1-ზე მეტ პაციენტში.

ძალიან იშვიათი: შეიძლება გამოვლინდეს 10,000-დან 1-ზე ნაკლებ პაციენტში.

უცნობია სიხშირე: არსებული მონაცემების საფუძველზე შეუძლებელია სიხშირის დადგენა.

ძალიან ხშირი:

• ძილიანობის შეგრძნება.

ხშირი:

• დეპრესია;
• უკონტროლო მოძრაობები, როგორიცაა ტიკები, კანკალი, გრეხვითი მოძრაობები ან კუნთების შეკუმშვა (სიმტკიცე, რიგიდულობა);
• პარკინსონის დაავადების მსგავსი სიმპტომები (რიგიდულობა, ტრემორი);
• მოუსვენრობის შეგრძნება;
• არტერიული წნევის შემცირება (განსაკუთრებით ინტრავენური მეთოდის გამოყენებისას);
• დიარეა;
• სისუსტის შეგრძნება.

არახშირი:

• სისხლში ჰორმონ პროლაქტინის მომატებული დონე, რამაც შეიძლება გამოიწვიოს რძის გამომუშავება მამაკაცებში და ქალებში, რომლებიც არ იმყოფებიან ლაქტაციის პერიოდში (ჰიპერპროლაქტინემია).
• მენსტრუალური ციკლის გამოტოვება ან არარეგულარული მენსტრუაცია (ამენორეა);
• მხედველობის დარღვევა და თვალის კაკლის უნებლიე გადახრა ზევით;
• ჰალუცინაცია (ილუზიები, ხილვები);
• ცნობიერების დონის დაქვეითება;
• ნელი გულისცემა (განსაკუთრებით ინტრავენური მეთოდის გამოყენებისას);
• ჰიპერმგრძნობელობა (მომატებული მგრძნობელობა);
• მოძრაობის დარღვევა (დისტონია), რაც გამოწვეულია კუნთების უნებლიე მოძრაობით;
• მოძრაობის დარღვევა (დისკინეზია).

იშვიათი:

• გონების დაბნეულობა (დაბნეულობა);
• კუნთების უნებლიე შეკუმშვა (კრუნჩხვები, ჩვეულებრივ ეპილეფსიის მქონე პაციენტებში);
• სარძევე ჯირკვლებიდან რძის გამოყოფა (გალაქტორეა).

უცნობი:

• სისხლის პიგმენტების პათოლოგიური დონე: რამაც შეიძლება შეცვალოს კანის ფერი (მეთემოგლობინემია, სულფემოგლობინემია);
• სარძევე ჯირკვლების პათოლოგიური განვითარება (გინეკომასტია);
• კუნთების უნებლიე სპაზმი (დაგვიანებული დისკინეზია), განსაკუთრებით ხანდაზმულ პაციენტებში, ხანგრძლივი გამოყენების შემდეგ (პირზე, ენაზე, კიდურებში);
•  მაღალი ცხელება, მაღალი არტერიული წნევა, კუნთების უნებლიე შეკუმშვა (კრუნჩხვები), ოფლიანობა, ნერწყვიანობა, რაც შეიძლება იყოს დაავადების ნიშნები, რომელსაც ეწოდება ავთვისებიანი ნეიროლეფსიური სინდრომი;
• ცვლილებები გულისცემაში, რომელიც შეიძლება გამოვლინდეს ეკგ ტესტზე;
• გულის გაჩერება (განსაკუთრებით ინექციური მეთოდის გამოყენებისას);
• შოკი (გულის წნევის მკვეთრი შემცირება) (განსაკუთრებით ინტრავენური მეთოდის გამოყენებისას);
• გონების დაკარგვა (განსაკუთრებით ინექციური მეთოდის გამოყენებისას);
• ალერგიული რეაქცია, რომელიც შეიძლება იყოს მძიმე (განსაკუთრებით ინტრავენური მეთოდის გამოყენებისას);
• არტერიული წნევის უეცარი მატება პაციენტებში თირკმელზედა ჯირკვლის სიმსივნით (ფეოქრომოციტომა);
• ძალიან მაღალი არტერიული წნევა;
• კანისმიერი რეაქციები, როგორიცაა გამონაყარი, ქავილი, ჭინჭრის ციება, ანგიონევროზული შეშუპება (სახის, ტუჩების, ყელის და/ან ენის შეშუპება);
• ანთება ინექციის ადგილზე და რეგიონალური ტონზილიტი (ფლებიტი).

თუ აღგენიშნებათ რაიმე გვერდითი მოვლენა აცნობეთ თქვენს ექიმს, ფარმაცევტს ან ექთანს. აღნიშნული მოიცავს იმ გვერდით მოვლენებსაც, რომლებიც  ზემოთ არ არის ჩამოთვლილი.

შეტყობინება საეჭვო გვერდითი მოვლენების შესახებ

თუ აღგენიშნებათ რაიმე გვერდითი მოვლენა, რომელიც ზემოთ არ არის ჩამოთვლილი, მიმართეთ თქვენს ექიმს ან ფარმაცევტს. გვერდითი მოვლენების შესახებ ასევე შეგიძლიათ შეატყობინოთ პირდაპირ პირდაპირ ქვეყნის ჯანდაცვის ორგანოს. გვერდითი მოვლენების შეტყობინებით, თქვენ დაეხმარებით უზრუნველყოთ მეტი ინფორმაცია ამ  წამლის უსაფრთხოებასთან დაკავშირებით.

ტურქტიპსან მეტოკლოპრამიდის ჰიდროქლორიდის შენახვის პირობები

შეინახეთეს პრეპარატიბავშვებისთვისმიუწვდომელ ადგილასდა თავის შეფუთვაში.

ინახება ოთახის ტემპერატურაზე 25°C-ზე დაბლა.

გამოიყენეთ მხოლოდ ვარგისობის ვადის შესაბამისად.

არ გამოიყენოთ ტურქტიპსან მეტოკლოპრამიდიჰიდროქლორიდივარგისობის ვადის გასვლის შემდეგ, რომელიც მითითებულია შეფუთვაზე.

არ გამოიყენოთ ტურქტიპსან მეტოკლოპრამიდიჰიდროქლორიდითუ შეამჩნევთ რაიმე დაზიანებას პროდუქტში და/ან მის შეფუთვაზე.

არ გადაყაროთ ვადაგასული ან გამოუყენებელი მედიკამენტები! გადაეცით ისინი მედიკამენტების შეგროვების სისტემას, რომელსაც განსაზღვრავს გარემოსა და ურბანული დაგეგმარების სამინისტრო.

მარკეტინგული ლიცენზიის მფლობელი

TURKTIPSAN SAĞLIK TURİZM EĞİTİM VE TİCARET A.Ş.

(ტურკტიპსან საღლიკ ტურიზმ ეღითიმ ვე ტიჯარეთ ა.შ.)

აკიურთი/ანკარა.

ტელეფონი: 0 312 844 15 08

ელ.ფოსტა: [email protected]

მწარმოებელი

TURKTIPSAN SAĞLIK TURİZM EĞİTİM VE TİCARET A.Ş.

(ტურკტიპსან საღლიკ ტურიზმ ეღითიმ ვე ტიჯარეთ ა.შ.)

აკიურთი/ანკარა.

ტელეფონი: 0 312 844 15 08

ელ.ფოსტა: [email protected]