ცერებროლიზინი - Cerebrolysin 2მლ 10 ამპულა

ცერებროლიზინი

ამ პრეპარატის გამოყენებამდე ყურადღებით წაიკითხეთ მთლიანი გამოყენების ინსტრუქცია, რადგან ის შეიცავს თქვენთვის მნიშვნელოვან ინფორმაციებს

- შეინახეთ ეს ინსტრუქცია. შესაძლოა კიდევ დაგჭირდეთ მისი წაკითხვა მოგვიანებით.

- დამატებითი კითხვების შემთხვევაში, მიმართეთ ექიმს ან ფარმაცევტს.

- ეს მედიკამენტი დაგენიშნათ თქვენ ინდივიდუალურად. ნუ გადასცემთ მას სხვა პირებს გამოყენებისთვის. შესაძლოა მან ზიანი მიაყენოს სხვებს იმ შემთხვევაშიც კი, თუ მათაც აღენიშნებათ მსგავსი სიმპტომები.

- თუ შენიშნავთ გვერდით მოვლენებს, მიმართეთ ექიმს ან ფარმაცევტს. ეს ეხება ასევე ეფექტებს, რომლებიც არ არის აღწერილი ამ ინსტრუქციაში. იხილეთ ნაწილი 4.

გამოყენების ინსტრუქცია შეიცავს

1. რას წარმოადგენს ცერებროლიზინი და რისთვის გამოიყენება?

2. ინფორმაცია ცერებროლიზინის გამოყენებამდე

3. ცერებროლიზინის გამოყენების წესი

4. მოსალოდნელი გვერდითი ეფექტები

5. ცერებროლიზინის შენახვის პირობები

6. შეფუთვის შემცველობა და დამატებითი ინფორმაციები

1. რას წარმოადგენს ცერებროლიზინი და რისთვის გამოიყენება?

ცერებროლიზინი არის პეპტიდური პრეპარატი, რომელიც მიღებულია ღორის ტვინის ცილისგან ტვინის ფუნქციის შესანარჩუნებლად. ცერებროლიზინი გამოიყენება მოზრდილებში და ხანდაზმულ პაციენტებში (65 წელზე უფროსი ასაკის) ცერებროვასკულური დარღვევების (თავის ტვინის სისხლძარღვების, ანუ თავის ტვინის არტერიების ან ცერებრალური ვენების დაავადებებისას) სამკურნალოდ.

განსაკუთრებით ნაჩვენებია შემდეგ შემთხვევებში:

- ალცჰაიმერის ტიპის ხანდაზმული დემენცია და ვასკულარული დემენცია (დემენციის განვითარება თავის ტვინის სისხლის მიმოქცევის დარღვევის საფუძველზე)

- პოსტაპოპლექსიური (ინსულტის შემდგომი) დარღვევები

- ქალა-ტვინის ტრავმული დაზიანებები (commotio და contusio)

ასევე, იხილეთ: >Cerebrolysin - ცერებროლიზინი 5მლ 5 ამპულა

2. ინფორმაცია ცერებროლიზინის გამოყენებამდე

ცერებროლიზინი არ უნდა იქნას გამოყენებული,

- თუ ხართ ალერგიული ცერებროლიზინის ან რომელიმე სხვა დამხმარე ინგრედიენტის მიმართ, რომლებიც აღწერილია ნაწილში 6.

- ეპილეფსიური შეტევის დროს.

- თირკმლის მძიმე უკმარისობის შემთხვევაში.

გაფრთხილებები და სიფრთხილის ზომები

გთხოვთ, მიმართოთ თქვენს ექიმს ან ფარმაცევტს ცერებროლიზინის გამოყენებამდე.

საჭიროა განსაკუთრებული სიფრთხილე ცერებროლიზინის გამოყენებამდე

- თუ გაქვთ ალერგია ან ალერგიისადმი მიდრეკილება

- ეპილეფსიის ან დიდი გულყრების (გრანდ მალი) შემთხვევაში (კრუნჩხვები შეიძლება გამოვლინდეს უფრო ხშირად).

ცერებროლიზინის გამოყენება სხვა სამკურნალო საშუალებებთან ერთად

აცნობეთ ექიმს ან ფარმაცევტს, თუ იღებთ სხვა სამკურნალო საშუალებებს, მიიღეთ ისინი ცოტა ხნის წინ ან აპირებთ ნებისმიერი მედიკამენტის მიღებას, ეს ეხება ასევე ურეცეპტოდ გაცემულ პრეპარატებსაც.

განსაკუთრებით მნიშვნელოვანია აცნობოთ ექიმს, თუ იღებთ ანტიდეპრესანტებს ან MAO-ინჰიბიტორებს. ასეთ შემთხვევებში რეკომენდებულია ანტიდეპრესანტის უფრო დაბალი დოზის გამოყენება.

ცერებროლიზინის 30-40 მლ დოზებმა MAO-ინჰიბიტორების მაღალ დოზებთან ერთად შეიძლება გამოიწვიოს არტერიული წნევის მომატება.

ცერებროლიზინი არ უნდა იქნას შეყვანილი ერთდროულად დაბალანსებული ამინომჟავების ხსნარებთან ინფუზიაში.

შესაძლებელია ვიტამინებისა და გულის ან სისხლის მიმოქცევის აუცილებელი მედიკამენტების ერთდროული მიღება, თუმცა არ შეიძლება მათი ერთ შპრიცში შერევა.

ცერებროლიზინის გამოყენება საკვებთან და სასმელთან ერთად

ცერებროლიზინი არ ავლენს შეუთავსებლობას საკვებთან ან სასმელთან.

ორსულობა და ძუძუთი კვება

თუ ხართ ორსულად ან ძუძუთი კვებავთ, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, რჩევისთვის მიმართეთ ექიმს ან ფარმაცევტს ამ პრეპარატის მიღებამდე.

ავტომობილის მართვისა და მექანიზმებთან მუშაობის უნარი

გაფრთხილება: ამ მედიკამენტმა შეიძლება ზეგავლენა მოახდინოს თქვენს რეაქციისა და მექანიზმებთან მუშაობის უნარზე. მკურნალობის პერიოდში არ უნდა მართოთ სატრანსპორტო საშუალება და არ გამოიყენოთ რაიმე ხელსაწყოები ან მანქანები.

ცერებროლიზინი შეიცავს 1 მმოლ-ზე ნაკლებ ნატრიუმს (23 მგ) ყოველ მლ-ზე, ანუ ის არსებითად "ნატრიუმისგან თავისუფალია", რაც იმას ნიშნავს, რომ შეგიძლიათ გამოიყენოთ იგი იმ შემთხვევაშიც, თუ იცავთ მარილის დაბალი შემცველობის დიეტას.

3. ცერებროლიზინის გამოყენების წესი

მკურნალობის გეგმა და დოზა განისაზღვრება ექიმი-სპეციალისტის მიერ. ცერებროლიზინი შეიძლება დაინიშნოს მხოლოდ კვალიფიცირებული მედიკოსის მიერ, ანუ ექიმის ან სამედიცინო სპეციალისტის მიერ.

დოზირება

მოზრდილები და ხანდაზმული პაციენტები

რეკომენდებული დოზირება პაციენტებში შემდეგი დაავადებებით:

	დღიური დოზა	თერაპიის ხანგრძლივობა
ალცჰაიმერის ტიპის ხანდაზმული დემენცია და ვასკულარული დემენცია	10-30 მლ	4 კვირა
იშემიური ინსულტი	20-50 მლ	10-21 დღე
ჰემორაგიული ინსულტი	30-50 მლ	10-21 დღე
ქალა-ტვინის ტრავმა	20-50 მლ	7-30 დღე

დემენციის შემთხვევაში, მკურნალობა შეიძლება განმეორდეს რამდენჯერმე 2 თვის შემდეგ ეფექტის შენარჩუნების მიზნით, სანამ არ მიიღწევა შემდეგომი გაუმჯობესება. ამ შემთხვევაში მკურნალობის მეორე ციკლიდან მოყოლებული შეგიძლიათ გადახვიდეთ ყოველდღიური გამოყენებიდან კვირაში 2-3-ჯერ მიღებაზე.

მკურნალობის ციკლი შეესაბამება 4 კვირიანი თერაპიის ხანგრძლივობას (5 მიღება/კვირაში)

ბავშვები და მოზარდები

ბავშვებში და 18 წლამდე ასაკის მოზარდებში გამოყენება არ არის რეკომენდებული არასაკმარისი მონაცემების გამო.

გამოყენების მეთოდი

5 მლ-მდე შეიყვანება ინტრამუსკულურად, 10 მლ-მდე კეთდება ინტრავენურად. 10 მლ-დან ზემოთ დოზირებისას რეკომენდებულია ინფუზია, რომელიც ზავდება შემდეგში ჩამოთვლილი სტანდარტული საინფუზიო ხსნარებით და შეიყვანება ნელა (ინფუზიის დრო დაახლოებით 15-60 წუთი).

თავსებადობა შემდეგ სტანდარტულ საინფუზიო ხსნარებთან შემოწმებული იყო 24 საათის განმავლობაში ოთახის ტემპერატურაზე და სინათლის გავლენის ქვეშ.

- 0,9% ნატრიუმის ქლორიდის ხსნარი (9 მგ NaCl/ml)

- რინგერის ხსნარი (Na⁺153,98 მმოლ/ლ, Ca²⁺2,74 მმოლ/ლ, K⁺4,02 მმოლ/ლ, Cl^-163,48 მმოლ/ლ)

- 5%-იანი გლუკოზა

შეუთავსებლობა

ცერებროლიზინი არ უნდა იქნას შეყვანილი ერთდროულად დაბალანსებული ამინომჟავების ხსნარებთან ინფუზიაში.

ცერებროლიზინი შეუთავსებელია ხსნარებთან, რომლებიც ცვლის pH-ის მნიშვნელობას (5.0 - 8.0) და ლიპიდების შემცველ ხსნარებთან.

შესაძლებელია ვიტამინებისა და გულის ან სისხლის მიმოქცევის აუცილებელი მედიკამენტების ერთდროული მიღება, მაგრამ არ შეიძლება მათი ერთ შპრიცში შერევა.

შემდეგი მითითებები გამოყენების შესახებ იხილეთ გამოყენების ინსტრუქციის ბოლოს.

თუ მიიღეთ ცერებროლიზინის საჭიროზე მეტი დოზირება

ამ დრომდე არ გამოვლენილა გართულებები ჯანმრთელობის მხრივ ან ინტოქსიკაცია ჭარბი დოზირების შემთხვევაში. არ არსებობს სპეციფიკური ანდიტოდი. რეკომენდებულია სიმპტომური თერაპია.

თუ გამოტოვეთ ცერებროლიზინის დოზირება

არ მიიღოთ ორმაგი დოზა გამოტოვებული დოზირების კომპენსირების მიზნით.

თუ გსურთ ცერებროლიზინის მიღების შეწყვეტა

ამ სამკურნალო საშუალების გამოყენების შესახებ დამატებითი კითხვების არსებობის შემთხვევაში, მიმართეთ ექიმს ან ფარმაცევრტს.

4. მოსალოდნელი გვერდითი ეფექტები

ნებისმიერი მედიკამენტის მსგავსად ამ პრეპარატმაც შესაძლოა გამოიწვიოს გვერდითი მოვლენები, თუმცა არა ნებისმიერ პაციენტში. აცნობეთ ექიმს ან ფარმაცევტს, თუ შემდეგში აღწერილი გვერდითი მოვლენებიდან რომელიმე ეფექტი მიიღებს სერიოზულ სახეს ან შენიშნავთ ისეთ მოვლენებს, რომლებიც არ არის აღწერილი ამ ინსტრუქციაში.

ძალიან ხშირი (ვლინდება 10 პაციენტიდან 10-ზე მეტში)

ხშირი (ვლინდება 100 პაციენტიდან 1-ზე მეტში, მაგრამ 10 პაციენტიდან 1-ზე ნაკლებში)

არახშირი (ვლინდება 1.000 პაციენტიდან 1-ზე მეტში, მაგრამ 100 პაციენტიდან 1-ზე ნაკლებში)

იშვიათი (ვლინდება 10.000 პაციენტიდან 1-ზე მეტში, მაგრამ 1.000 პაციენტიდან 1-ზე ნაკლებში)

ძალიან იშვიათი (10.000 პაციენტიდან 1-ზე ნაკლებში)

იშვიათი:

- სასურველი მასტიმულირებელი ეფექტი ასევე ასოცირდება აგზნებასთან (აგრესიულობა, დაბნეულობა, უძილობა).

- მადის დაკარვა

- სწრაფი შეყვანისას შესაძლოა განვითარდეს თავბრუსხვევა.

- განსაკუთრებით სწრაფი ინექციისას შესაძლოა გამოვლინდეს ზომიერი სიცხის შეგრძნება ან ოფლიანობა.

- პრურიტუსი (ქავილი).

ძალიან იშვიათი:

- ალერგიული ან ჰიპერმგრძნობელობის რეაქციები, როგორიცაა ჩხვლეტა, კანის და ადგილობრივი ვასკულარული რეაქციები, კისრის, თავის ტკივილი და კიდურების ტკივილი, ცხელება, მსუბუქი წელის ტკივილი, ქოშინი, შემცივნება და შოკის მსგავსი მდგომარეობა.

- ერთჯერადი გრანდ მალის შეტევები და ერთი კრუნჩხვა დაკავშირებულია ცერებროლიზინთან.

- ძალიან სწრაფად შეყვანისას შემთხვევაში, ცალკეულ შემთხვევებში შესაძლოა განვითარდეს პალპიტაცია. შეიძლება აღინიშნოს გულის არითმიები.

- დისპეფსია (მუცლის ზედა ნაწილის ჩივილები, როგორიცაა გულძმარვა, რეფლუქსი და ა.შ.)

- დიარეა

- ყაბზობა

- ღებინება

- გულისრევა

- ცალკეულ შემთხვევებში დაფიქსირდა ადგილობრივი რეაქციები გამოყენების ადგილზე, როგორიცაა კანის სიწითლე, ქავილი და წვა.

ერთ კვლევაში ცერებროლიზინის მიღებასთან დაკავშირებით დაფიქსირდა ჰიპერვენტილაციის (აჩქარებული სუნთქვა), ჰიპერტენზიის (მაღალი წნევა), ჰიპოტენზიის (დაბალი წნევა), დაღლილობის, ტრემორის (კანკალი), დეპრესიის, აპათიის ან შეუძლოდ ყოფნის და ასევე გრიპის მსგავსი სიმპტომების (გაციება, ხველა, რესპირატორული ინფექცია) იშვიათი შემთხვევები (10000-დან 1 პაციენტში, მაგრამ 1000 პაციენტში 1-ზე ნაკლები). ვინაიდან ცერებროლიზინი გამოიყენება ხანდაზმულ პაციენტებში, ზემოთ ჩამოთვლილი სიმპტომები ძირითადად ჩივილებია, რომლებიც დამახასიათებელია ამ ასაკობრივი ჯგუფისთვის და ხშირად ვლინდება მედიკამენტების გარეშეც.

ზემოთ ჩამოთვლილი გვერდითი ეფექტების გამოვლენის შემთხვევაში მიმართეთ თქვენს ექიმს, რომელიც მოგცემთ რჩევებს სიმპტომების განკურნების ან შემცირების მიზნით.

გვერდითი მოვლენების შესახებ შეტყობინება

თუ შენიშნავთ ნებისმიერ გვერდით მოვლენას, მიმართეთ თქვენს ექიმს, ფარმაცევტს ან სამედიცინო პერსონალს. ეს ასევე ეხება გვერდით მოვლენებს, რომლებიც არ არის ჩამოთვლილი ამ ინსტრუქციაში. 

გვერდითი ეფექტების შეტყობინებით თქვენ შეგიძლიათ დაეხმაროთ ამ მედიკამენტის უსაფრთხოების შესახებ მეტი ინფორმაციის მოწოდებას.

5. ცერებროლიზინის შენახვის პირობები

ეს მედიკამენტი უნდა შეინახოთ ბავშვებისთვის მიუწვდომელ ადგილას.

არ გამოიყენოთ ეს სამკურნალო საშუალება ვარგისიანობის ვადის გასვლის შემდეგ, რომელიც მითითებულია მუყაოს კოლოფზე და კონტეინერზე. ვარგისიანობის ვადა ვრცელდება მითითებული თვის ბოლო დღემდე.

ინახება არაუმეტეს 25°C ტემპერატურაზე.

არ შეინახოთ მაცივარში ან არ გაყინოთ.

შეინახეთ ორიგინალ შეფუთვაში სინათლისგან დაცვის მიზნით.

6. შეფუთვის შემცველობა და დამატებითი ინფორმაციები

რას შეიცავს ცერებროლიზინი

- აქტიური ნივთიერება: 1 მლ შეიცავს 215,2 მგ ცერებროლიზინის კონცენტრატს წყალხსნარში.

- დამხმარე ნივთიერებებია ნატრიუმის ჰიდროქსიდი და საინექციო წყალი.

ცერებროლიზინის გარეგნული სახე და შეფუთვის შემცველობა

1 მლ:	10 ამპულა და 50 ამპულა
2 მლ:	10 ამპულა
5 მლ:	5 ამპულა და 50 ამპულა
10 მლ:	5 ამპულა, 10 ამპულა, 15 ამპულა და 50 ამპულა
20 მლ:	5 ამპულა
30 მლ:	5 საჩხვლეტი ამპულა და 20 საჩხვლეტი ამპულა
50 მლ:	5 საჩხვლეტი ამპულა და 20 საჩხვლეტი ამპულა

 

შემდეგი ინფორმაცია განკუთვნილია მხოლოდ ექიმებისა და სამედიცინო პერსონალისათვის:

ფარმაცევტული პროდუქტის ჯგუფი II, გაიცემა ფორმა №3 რეცეპტით.