ბისაკოდილი

მოქმედი აქტიური ნივთიერება:
პრეპარატი ბისაკოდილი (BIშAჩODYL) აქტიური ნივთიერების სახით შეიცავს ბისაკოდილს.

წამლის ფორმა: 5მგ ნაწლავში ხსნადი ტაბლეტი
ფარმაკოლოგიური ჯგუფი: საფაღარათო საშუალება
გამოყენების ჩვენება:
ყაბზობა, გამოწვეული მსხვილი ნაწლავის ჰიპოტონიით ან სუსტი პერისტალტიკით (კერძოდ, ხანდაზმულ
პაციენტებში, ოპერაციისა და მშობიარობის შემდგომ პერიოდში). კუჭის მოქმედების რეგულირება
ბუასილის, პროქტიტის, ანალური ნახეთქების დროს. ქირურგიული ოპერაციების, ინსტრუმენტული და
რენტგენოლოგიური გამოკვლევებისთვის მომზადება.
დოზირება და მიღების წესი:
მოზრდილებში და 12წ-ზე უფროსი ასაკის ბავშვებში 5-15მგ, 6-12წლის ბავშვებში – 5მგ, 6წ-მდე ასაკის
ბავშვებში გამოყენებისთვის მიმართეთ ექიმს.. მიღების ჯერადობა დღეში ერთხელ ძილის წინ ან დილით
ჭამამდე 30წ-ით ადრე.
უკუჩვენებები:
გაუვალობა, ჩაჭედილი თიაქარი, მუცლის ღრუს ორგანოების მწვავე ანთებითი დაავადებები, მუცლის
გაურკვეველი გენეზის ტკივილი, პერიტონიტის, სისხლდენა კუჭ-ნაწლავის ტრაქტიდან, სისხლდენა
საშვილოსნოდან, ცისტიტი, მწვავე პროქტიტი, მწვავე ბუასილი.
ორსულობა და ლაქტაცია:
ბისაკოდილი სიფრთხილით ინიშნება ორსულობისა და ლაქტაციის პერიოდში.
გვერდითი მოვლენები:
შესაძლოა კოლიკისმაგვარი ტკივილი მუცლის არეში, დიარეა.
გაფრთხილებები და უსაფრთხოების ზომები
პრეპარატი სიფრთხილით ინიშნება ღვიძლისა და თირკმლის დაავადებების დროს.
არ შეიძლება ბისაკოდილის ხანგრძლივად გამოყენება.
არ არის რეკომენდებული პრეპარატის მიღება რძესთან და ტუტე მინერალურ წყალთან ერთად.
შენახვის პირობები: ინახება მშრალ ადგილას არა უმეტეს 25რჩ ტემპერატურაზე.
ინახება ბავშვებისთვის მიუწვდომელ ადგილას.
მწარმოებელი: “მეიჯორ ფარმაცეუთიქალს” აშშ
პროდუქტის ლიცენზიის მფლობელი: “მეიჯორ ფარმაცეუთიქალს” აშშ