ბენჰილი უნო - Benhyl Uno მზა შპრიცი 60მგ/3მლ

ბენჰილი უნო (BENHYL Uno)

2%-იანი ჰიალურონის მჟავის ნატრიუმის მარილის წინასწარ შევსებული შპრიცი

ჩვენებები 

ბენჰილი უნო წარმოადგენს სინოვიალური სითხის შემცვლელს დეგენერაციული ან მექანიკური ართროპათიის მქონე პაციენტებისთვის, რაც იწვევს ტკივილს ან მოძრაობის შეზღუდვას.

აღწერილობა

ბენჰილი უნო არის CE ნიშნის მქონე სამედიცინო დანიშნულების პროდუქცია, შეესაბამება MDD 93/42/CEE დირექტივას და შეიცავს 20 მგ/მლ ჰიალურონის მჟავას, რომელიც მიიღება ფერმენტაციის გზით და ქიმიურად არ არის მოდიფიცირებული. ბენჰილი უნო არის გამჭვირვალე, სტერილური, არაპიროგენული და ვისკოელასტიური ხსნარი, რომელიც შევსებულია 3 მლ შპრიცში. 

ჰიალურონის მჟავა არის ბუნებრივი პოლისაქარიდი, რომელიც ადამიანის მრავალ ქსოვილშია, განსაკუთრებით სინოვიალურ სითხეში და მოქმედებს  სახსრებზე ხრტილისა და იოგების ლუბრიკანტის, ასევე დარტყმის აბსორბერის (ამორტიზატორი) სახით. მრავალმა კვლევამ აჩვენა, რომ ჰიალურონის მჟავის ინექცია ოსტეოართრიტით დაზიანებულ სახსრებში აღადგენს სინოვიალური სითხის სიბლანტეს და ელასტიურობას, რაც ამცირებს ტკივილს და აუმჯობესებს სახსრის მოძრაობას. ბენჰილი უნო მოქმედებს მხოლოდ იმ სახსარში, რომელშიც ხდება მისი შეყვანა, სისტემური მოქმედების გარეშე.

შემადგენლობა

ძირითადი ინგრედიენტი: ჰიალურონის მჟავის ნატრიუმის მარილი 2%. სხვა ინგრედიენტები: ნატრიუმის ქლორიდი, ნატრიუმის ფოსფატი და წყალი საინექციო პრეპარატებისთვის (მოცულობის მიხედვით). 

შეფუთვა 

ბენჰილი უნო შევსებულია მინის შპრიცში, რომელიც შეიცავს 60 მგ ჰიალურონის მჟავას 3 მლ ბუფერულ მარილიან ხსნარში, მოთავსებულია ბლისტერულ შეფუთვაში. შპრიცის შიგთავსი სტერილიზებულია ორთქლით. 

გამოყენების წესი 

ბენჰილი უნოს ინექციამდე მოაშორეთ სახსრიდან გამონაჟონი, ასეთის არსებობისას, გამოიყენეთ ერთი და იგივე ნემსი როგორც ამოსაღებად, ასევე ინექციისთვის. მოხსენით დამცავი თავსახური შპრიცს, ფრთხილად იყავით, რომ არ შეეხოთ გახსნილ ადგილს. მჭიდროდ დაამაგრეთ 18-22 G დიამეტრის ნემსი ლუერ-ლოკის ყელზე, რათა უზრუნველყოთ ჰერმეტიზაცია. ინექციის შეყვანამდე დაამუშავეთ კონკრეტული ადგილი შესაბამისი ანტისეპტიკური ხსნარით. შეიყვანეთ ბენჰილი უნო ასეპტიკური ტექნიკის გამოყენებით. შეიყვანეთ მხოლოდ სახსრის ღრუში.

გამოყენების მეთოდი და დოზირება 

ბენჰილი უნო უნდა გაკეთდეს ერთხელ მკურნალობის ერთი კურსის ფარგლებში;  საჭიროების შემთხვევაში ინექცია შეიძლება განმეორდეს. ექიმი შეაფასებს კიდევ ერთი ინექციის ჩატარების შესაძლებლობას პაციენტის კლინიკური სურათის ცვლილებების შესაბამისად.

გაფრთხილებები 

· წინასწარ შევსებული შპრიცის შიგთავსი სტერილურია. შპრიცი შეფუთულია დალუქულ ბლისტერში. შპრიცის გარე ზედაპირი არ არის სტერილური.

· არ გამოიყენოთ ბენჰილი უნო შეფუთვაზე მითითებული ვარგისიანობის ვადის გასვლის შემდეგ.

· არ გამოიყენოთ ბენჰილი უნო თუ შეფუთვა ან შპრიცი გახსნილი ან დაზიანებულია. 

· ინექცია უნდა გაკეთდეს კანის ჯანმრთელ უბანში.

· არ შეიყვანოთ ინექცია სისხლის მიმოქცევაში. არ შეიყვანოთ ინექცია სახსრის ღრუს გარეთ, ქსოვილებში ან სინოვიალურ ჩანთაში.

· ბენჰილი უნო არ არის გამოცდილი ორსულ ან მეძუძურ ქალებში.

· ბენჰილი უნო განკუთვნილია ერთჯერადი გამოყენებისათვის და არ უნდა მოხდეს მისი ხელახალი სტერილიზაცია.

· ნებისმიერი ტიპის ურთიერთქმედების თავიდან აცილების მიზნით მოერიდეთ ბენჰილი უნოს შეყვანას სხვა სახსარშიდა პროდუქტებთან ერთად.

· არ გამოიყენოთ ბენჰილი უნო სახსრებიდან გამონაჟონის არსებობისას.

· შეფუთვის გახსნის შემდეგ გამოიყენეთ ბენჰილი უნო დაუყოვნებლივ და გამოყენების შემდეგ გადააგდეთ მოქმედი კანონმდებლობის შესაბამისად.

· შეინახეთ ბავშვებისთვის მიუწვდომელ ადგილას.

· როგორც სახსრების ყველა ინვაზიური მკურნალობისას, რეკომენდებულია პაციენტი მოერიდოს ნებისმიერ ინტენსიურ ფიზიკურ აქტივობას ინექციიდან პირველი 2-3 დღის განმავლობაში.

უკუჩვენებები 

ბენჰილი უნო არ გამოიყენება:

· პაციენტებში, რომლებსაც აქვთ ჰიალურონის მჟავისა და მისი ნაერთების მიმართ დადგენილი მგრძნობელობა;

· თუ ინექციის ადგილას აღინიშნება ინფექციები ან კანის დაავადებები;

· თუ აღინიშნება სახსრის ინფიცირება ან ძლიერი ანთება.

გვერდითი მოვლენები 

ბენჰილი უნოს შეყვანის შემდეგ ინექციის ადგილას შეიძლება ეპიზოდურად განვითარდეს ზოგიერთი გარდამავალი სიმპტომი, როგორიც არის ადგილობრივი ტკივილი, რიგიდულობა, სიმხურვალე, სიწითლე ან შეშუპება. აღნიშნული მეორეული გამოვლინებები შეიძლება შემსუბუქდეს სახსარზე ყინულის დადებით. ეს ეფექტები, როგორც წესი, მსუბუქია და ქრება მოკლე დროში. თუ ეს სიმპტომები გაგრძელდა, მიმართეთ ექიმს. როგორც ნებისმიერი სახსარშიდა მკურნალობის შემთხვევაში, იშვიათად შეიძლება განვითარდეს სეპტიკური ართრიტი, როდესაც ინექციის დროს ზოგადი სიფრთხილის ზომები არ არის დაცული ან ინექციის ადგილი არ არის ასეპტიკური. 

შენახვის პირობები და ვადა

ბენჰილი უნო უნდა ინახებოდეს თავისივე შეფუთვაში 0-25°C ტემპერატურაზე, მზის პირდაპირი სხივებისა და ყინვისგან დაცულ ადგილას. ვარგისიანობის ვადა მითითებულია შეფუთვაზე.

სახსარშიდა ინექცია უნდა ჩატარდეს მხოლოდ კვალიფიციური ექიმის მიერ ან ადგილობრივი კანონმდებლობის შესაბამისად.