ბენჰილი

ბენჰილი ხსნარი საინექციო 2% 2მლ მზა შპრიცი

შემადგენლობა:

​ძირითადი ინგრედიენტი: ჰიალურონის მჟავის ნატრიუმის მარილი 2%.

სხვა ინგრედიენტები: ნატრიუმის ქლორიდი, ნატრიუმის ფოსფატი და წყალი საინექციო პრეპარატებისთვის (მოცულობის მიხედვით).

ჩვენება:

​ბენჰილი წარმოადგენს სინოვიალური სითხის შემცვლელს დეგენერაციული ან მექანიკური ართროპათიის მქონე პაციენტებისთვის, რაც იწვევს ტკივილს ან მოძრაობის შეზღუდვას.

გამოყენების წესი:

ბენჰილის ინექციამდე მოაშორეთ სახსრიდან გამონაჟონი, ასეთის არსებობისას, გამოიყენეთ ერთი და იგივე ნემსი როგორც ამოსაღებად, ასევე ინექციისთვის. მოხსენით დამცავი თავსახური შპრიცს, ფრთხილად იყავით, რომ არ შეეხოთ გახსნილ ადგილს. მჭიდროდ დაამაგრეთ 18-22 G დიამეტრის ნემსი ლუერ-ლოკის ყელზე, რათა უზრუნველყოთ ჰერმეტიზაცია. ინექციის შეყვანამდე, დაამუშავეთ კონკრეტული ადგილი შესაბამისი ანტისეპტიკური ხსნარით. შეიყვანეთ ბენჰილი ასეპტიკური ტექნიკის გამოყენებით. შეიყვანეთ მხოლოდ სახსრის ღრუში.

გამოყენების მეთოდი და დოზირება:

ბენჰილი უნდა გაკეთდეს კვირაში ერთხელ, 3 კვირის განმავლობაში, ან სხვა შემთხვევაში ექიმის დანიშნულების მიხედვით.

უკუჩვენებები:

ბენჰილი არ გამოიყენება:

• პაციენტებში, რომლებსაც აქვთ ჰიალურონის მჟავისა და მისი ნაერთების მიმართ დადგენილი მგრძნობელობა;
• თუ ინექციის ადგილას აღინიშნება ინფექციები ან კანის დაავადებები;
• თუ აღინიშნება სახსრის ინფიცირება ან ძლიერი ანთება.

​

გვერდითი მოვლენები:

ბენჰილის შეყვანის შემდეგ ინექციის ადგილას შეიძლება ეპიზოდურად განვითარდეს ზოგიერთი გარდამავალი სიმპტომი, როგორიც არის ადგილობრივი ტკივილი, რიგიდულობა, სიმხურვალე, სიწითლე ან შეშუპება. აღნიშნული მეორეული გამოვლინებები შეიძლება შემსუბუქდეს სახსარზე ყინულის დადებით. ეს ეფექტები, როგორც წესი, მსუბუქია და ქრება მოკლე დროში. თუ ეს სიმპტომები გაგრძელდა, მიმართეთ ექიმს. როგორც ნებისმიერი სახსარშიდა მკურნალობის შემთხვევაში, იშვიათად შეიძლება განვითარდეს სეპტიკური ართრიტი, როდესაც ინექციის დროს ზოგადი სიფრთხილის ზომები არ არის დაცული ან ინექციის ადგილი არ არის ასეპტიკური.

შენახვა:

ბენჰილი უნდა ინახებოდეს თავისივე შეფუთვაში 0-25°C ტემპერატურაზე, მზის პირდაპირი სხივებისა და ყინვისგან დაცულ ადგილას.


​