ბარაკონი, ალექსანდრეული, წითელი მშრალი ღვინო.

დახასიათება

ეს მშრალი ღვინო ტრადიციული რაჭული ბლენდია, ალექსანდროულისა და მუჯურეთულის. წითელი სამურაბე ვარდის ძალზე ეფექტური არომატი აქვს, მოგვიანებით კი სხვა ყვავილების სურნელსაც იგრძნობთ. შესანიშნავი გარეგნობისაა, ჟოლოსფერი, ცინცხალი, იისფერი რკალით. სასიამოვნო მჟავიანობა კიდევ უფრო ახალისებს სასმელს.

ბრენდის ისტორია

კომპანია "ბარაკონი" ამბროლაურის მუნიციპალიტეტის სოფელ ბოსტანაში მდებარეობს, ვენახი გაშენებული აქვს 3 ჰექტარ ფართობზე და ძირითადად მოჰყავს ალექსანდროულისა და მუჯურეთულის ჯიშის ყურძენი. კომპანია „ბარაკონის“ დირექტორის კახაბერ გორდეზიანის თქმით, მეღვინეობა აწარმოებს ღვინოებს „ხვანჭკარა“ “ალექსანდროული“, „წულიკიძის თეთრა“, „უსახელაური“ და „ტვიში“. მარანი ორიენტირებულია ღვინის ტურიზმზე, მათ პირველი სტუმრები 2019 წელს მიიღეს და შიდა ტურიზმის მიმართულებით მუშაობის გაძლიერებას გეგმავენ.