ბაღდათის მამულები, სეპაჟი, იმერული თეთრი, ჭურის მშრალი გაუფილტრავი ღვინო, 2021 წ.

დახასიათება

ჩვენი მამაპაპისეული ვენახი გაშენებულია ბაღდათის ერთ-ერთ საუკეთესო მიკროზონაში, ე.წ ჭალის ვენახების თავზე, ჩრდილო-აღმოსავლეთის ფერდობზე, მდინარე ხანისწყლის მარცხენა ნაპირზე. ბუნებრივი ღვინის დასაყენებლად შერჩეულია მხოლოდ საუკეთესო ხარისხის ყურძენი, როგორც ბაღდათის, ასევე ობჩის ვენახებიდან. წვენი მიღებულია თვითდინებით, შემდგომ ჭაჭის სუსტი დაწნეხვით. დადუღება და ხუთთვიანი დავარგება განხორციელდა წინაპრისეულ ასწლოვან ჭურებში იმერული მეთოდით. გამოყენებული ყურძნის ჯიშებია - ციცქა, ცოლიკოური და კრახუნა.

ბრენდის ისტორია

მარანი - ბაღდათის მამულები - დაარსდა 1923 წელს ბაბუის მიერ. ბრენდმა 2015 წლიდან დაიწყო ახალი ღვინის ფესტივალებში მონაწილეობის მიღება და ბუნებრივი ღვინის ასოციაციის წევრია უკვე 2017 წლიდან. ვენახს ბუნებრივი კრიტერიუმების დაცვით უვიან 2009 წლიდან. აყენებენ იმერულ თეთრ ღვინოს ჭურში, ასევე იმერულ ვარდისფერს და იმერულ წითელს. ღვინოში არ არის დამატებული გოგირდი, ღვინო არ იფილტრება. და გამოყენებულია იმერულ ყურძნის 5 ჯიში (ცოლიკოური, ციცქა, კრახუნა, ოცხანური საფერე, ძელშავი, მომავალში მგალობლიშვილიც). წელიწადში ყენდება 1500 ბოთლი. ვარდისფერი და წითელი ღვინოები ყენდება უჟანგავი ფოლადის რეზერვუარებში კლასიკური მეთოდით, თეთრი ღვინო კი ჭურში - იგივე ქვევრში - იმერული ტრადიციული მეთოდით.