Badagoni, წინანდალი, კუპაჟი, თეთრი მშრალი ღვინო.

დახასიათება

ღვინო მზადდება წინანდის მიკროზონაში მოყვანილი რქაწითელის (85%) და კახური მწვანის (15%) რჩეული ყურძნისგან. ღვინო პირველად ჩამოისხა 1833 წელს, თავად ალექსანდრე ჭავჭავაძის მამულში. ყურძნის მოკრეფა ხდება დილით ადრე. სიტკბოს დამუშავება ხდება ტექნოლოგიით, რომელიც უზრუნვლყოფს ჟანგბადისგან სრულ დაცვას. ტემპერატურის კონტროლი დუღილის პროცესში განაპირობებს ყურძნის არომატული ნივთიერებების შენარჩუნებას ღვინოში. ღვინო რეკომენდირებულია თევზეულთან, ფრინველის მოხარშულ ხორცთან. ხასიათდება ღია ჩალისფერი შეფერილობით, ხალისიანი ხილის არომატით.

ბრენდის ისტორია

ადგილი, სადაც ყურძენი ჩინებულ ღვინოდ გარდაიქმნება, განსაკუთრებული უნდა იყოს. სწორედ ეს იდეა იყო ქვაკუთხედი მათთვის, ვინც 2006 წელს დააარსა ღვინის ქარხანა „ბადაგონი“. ბადაგონი ფლობს ორ ღვინის ქარხანას კახეთის ნაყოფიერ მიწაზე - ერთი მდებარეობს ახმეტის რაიონში, სოფელ ზემო ხოდაშენში და მეორე საგარეჯოს რაიონში, სოფელ მანავში. ღვინის ქარხნის მშენებლობისას ბადაგონის მენეჯმენტი აქტიურად თანამშრომლობდა მსოფლიოში ცნობილ ექსპერტებთან. ღვინის ქარხნის შენობები, აღჭურვილობა და ლაბორატორია სრულად აკმაყოფილებს ISO სტანდარტებს. ახმეტაში მდებარე ბადაგონის ღვინის ქარხანა არის ყველაზე მოწინავე ტექნოლოგიებით აღჭურვილი არა მხოლოდ საქართველოში, არამედ მთელ აღმოსავლეთ ევროპაში. იგი აღჭურვილია უახლესი და უნიკალური მიკროფილტრაციისა და ჩამოსხმის სისტემებით, რომლებიც შექმნილი და დამონტაჟებულია წამყვანი იტალიური კომპანიების “Bertolaso”-სა და “Enotec”-ის მიერ, ექსკლუზიურად “ბადაგონის”-სთვის. ორივე უზრუნველყოფს სურსათის უვნებლობას, გამორიცხავს ჟანგბადის გაჟონვას და ხელს უშლის რკინასთან კონტაქტს, რაც სასიცოცხლოდ მნიშვნელოვანია ღვინოში ორგანოლეპტიკური მახასიათებლების გადაცემისთვის.