აზითროსენსი

შემადგენლობა: აქტიური ნივთიერება არის აზითრომიცინი. თითოეული აპკით შემოგარსული ტაბლეტი შეიცავს აზითრომიცინის დიჰიდრატს, რაც 500მგ აზითრომიცინის ექვივალენტურია. სხვა ინგრედიენტებია: მიკროკრისტალური ცელულოზა (101), მიკროკრისტალური ცელულოზა (102), პოვიდონი (90), ნატრიუმის კროსკარმელოზა, ნატრიუმის ლაურილსულფატი, უწყლო კოლოიდური სილიციუმი, მაგნიუმის სტეარატი. ტაბლეტის გარსი: ჰიპრომელოზა (E15), ჰიპრომელოზა (E5), ჰიდროქსიპროპილცელულოზა, მაკროგოლი (8000), ოპასპრეი K-1R-4210A, ინდიგო კარმინი.

ჩვენება: აზითროსენსი 500მგ აპკით შემოგარსული ტაბლეტები გამოიყენება აზითრომიცინის მიმართ მგრძნობიარე ბაქტერიებით გამოწვეული შემდეგი ინფექციების სამკურნალოდ. ზედა სასუნთქი გზების ინფექციები: ყელის ბაქტერიული ინფექცია, ნუშისებრი ჯირკვლების ინფექცია, სინუსების ინფექციები; შუა ყურის მწვავე ინფექცია; ქვედა სასუნთქი გზების ინფექციები: ბრონქების მწვავე ინფექცია (ბრონქიტი), ქრონიკული ბრონქიტის გაუარესება, მსუბუქი ან ზომიერი პნევმონია, მათ შორის ინტერსტიციალური პნევმონია. კანისა და რბილი ქსოვილების ინფექციები: კანის ინფექცია წითელი შეფერილობის შეშუპებით (ერიზიპელასი), იმპეტიგო და კანის მეორადი ჩირქოვანი ინფექცია (პიოდერმია); მიგრაციული ერითემა გამონაყარით-ლაიმის დაავადების პირველი სტადია, ზომიერი ჩვეულებრივი ფერიჭამიები (მხოლოდ მოზრდილებში). სქესობრივი გზით გადამდები დაავადებები: Chlamydia trachomatis-ით გამოწვეული გაურთულებელი ინფექციები.
უკუჩვენება: თუ პაციენტი არის ალერგიული აზითრომიცინის, სხვა მაკროლიდების, კეტოლიდური ანტიბიოტიკების ან ამ მედიკამენტის შემადგენლობაში შემავალი რომელიმე ინგრედიენტის მიმართ.ბავშვები და მოზარდები: აზითროსენსი 500მგ აპკით შემოგარსული ტაბლეტები გამოიყენება მინიმუმ 45კგ წონის ბავშვებში. სხეულის 45კგ-ზე ნაკლები წონის ბავშვებში და მოზარდებში გამოიყენება შიგნით მისაღები (პერორალური) სუსპენზიის სახით ან 125მგ აპკით შემოგარსული ტაბლეტები.აზითროსენსის მიღება საკვებთან და სასმელთან: აზითროსესნსი მიიღება შიგნით (პერორალურად) ჭამამდე 1 საათით ადრე ან ჭამიდან 2 საათის შემდეგ.
ფერტილობა, ორსულობა და ლაქტაცია: თუ პაციენტი არის ორსული ან ლაქტაციის პერიოდში, ფიქრობს რომ შესაძლოა იყოს ორსულად, ან თუ გეგმავს ორსულობას, პრეპარატის მიღებამდე კონსულტაციისთვის უნდა მიმართოს მკურნალ ექიმს ან ფარმაცევტს.
ორსულობა: ორსულობის პერიოდში აზითროსენსის გამოყენება შეიძლება მხოლოდ მაშინ თუ ექიმი გადაწყვეტს რომ სარგებელი აღემატება პოტენციურ რისკს.
ლაქტაცია: აზითრომიცინი გადადის დედის რძეში. ექიმის დანიშნულების გარეშე აზითრომიცინი არ მიიღება ლაქტაციის დროს.
ფერტილობა: ფერტილობაზე ჩატარებული კვლევებით, მღრღნელებში აზითრომიცინის მიღების შემდეგ გამოვლინდა ორსულობის შემცირება.მიღების წესი: აზითროსენსი 500მგ აპკით შემოგარსული ტაბლეტები მიიღება შიგნით (პერორალურად), დღეში ერთხელ, კვებამდე 1 საათით ადრე ან კვებიდან 2 საათის შემდეგ. ტაბლეტი უნდა გადაყლაპოს მთლიანად.ენახვის წესი: აზითროსენსი ინახება ბავშვებისთვის მიუწვდომელ ადგილას, ორიგინალ შეფუთვაში არაუმეტეს 25C ტემპერატურაზე. არ გამოიყენება აზითროსენსი ვარგისიანობის ვადის გასვლის შემდეგ, რომელიც მითითებულია შეფუთვაზე. ვადის ამოწურვა გულისხმობს თვის ბოლო დღეს. დაუშვებელია პრეპარატის გადაგდება საკანალიზაციო წყალში ან სახლის ნაგავში, ნებისმიერი გამოუყენებელი პრეპარატის განადგურების წესების შესახებ უნდა მიემართოს ფარმაცევტს. აღნიშნული ზომების გატარება საჭიროა გარემოს დასაცავად.

აზითროსენსის შეფუთვა და შეფუთვის შიგთავსი: მრგვალი, ორმხრივამოზნექილი, ლურჯი ფერის, აპკით შემოგარსული ტაბლეტები ერთგაროვანი ზედაპირით. ტაბლეტი გამოდის პვქ-ალუმინის ბლისტერზე მუყაოს კოლოფის შეფუთვაში გამოყენების ინსტრუქციასთან ერთად. თითოეულ შეფუთვაში არის 2, 3, 6 ან 12 აპკით შემოგარსული ტაბლეტი.

გაცემის წესი: ფარმაცევტული პროდუქტის ჯგუფი II, გაიცემა ფორმა N3 რეცეპტით.