ასკანელი, ხიხვი, თეთრი მშრალი ღვინო, 2020 წ.

დახასიათება

ასკანელის თეთრი მშრალი ღვინო ყურძენ ხიხვისგანაა დაყენებული. ხიხვი ნაზი ჯიშია და განსაკუთრებულ მოვლას მოითხოვს. ხიხვის ვენახებში კომპლექსური სამუშაობი ტარდება. ყურძნის მიღება სპეციალური ყუთებით ხდება. მთავარი მეღვინის ხელმძღვანელობით წარმართული სრული ტექნოლოგიური პროცესი უზრუნველყოფს ღვინოში არომატების ჰარმონიულ შერწყმასა და აკურატულ ბალანსს. ღია ჩალისფერი შეფერილობის ღვინოს ამშვენებს მწვანე მსხლის, კურკიანი თეთრი ხილისა და მინდვრის ყვავილების სურნელი და გემო, ჰაეროვანი სხეული, გამახალისებელი მჟავიანობა და სასიამოვნო, გახანგრძლივებული დაბოლოება.

ბრენდის ისტორია

ლეგენდის თანახმად, სოფელ ასკანაში დგას უძველესი ციხესიმაგრე, რომელსაც დიდი ასაკისა და გამორჩეული გამძლეობის გამო “ასკანიანი ციხე” ეწოდა. ასკანელის სახელის საფუძვლებიც ქართველის მებრძოლი ხასიათის მითოსსა და ისტორიაში მოიპოვება. ანთიმოზ ჩხაიძე ის ადამიანია, ვის სახელსაც ასკანელის მეღვინეობის ტრადიციისთვის საფუძვლის ჩაყრა უკავშირდება. მან ააგო მარანი მეცხრამეტე საუკუნის მიწურულს, სადაც ამზადებდა განსაკუთრებულად სუფთა და არომატულ ღვინოს სხვადასხვა ჯიშის ყურძნისგან. ერთ-ერთი ჯიში, რომელიც ჩხაიძეების გვარმა შემოინახა, სახელგანთქმული ჩხავერია. ამბობენ, ჩხაიძეების გვარიც ამ სახელიდან მოდისო. ბრენდის მიღმა არსებული ადამიანებისთვის, ეს გადმოცემები სიამაყისა და უდიდესი პასუხისმგებლობის საფუძველია. დღეს კომპანია 60 სახეობაზე მეტი დასახელების ღვინოს აწარმოებს, ასევე ასხამს ბრენდის, შუშხუნა ღვინოსა და ჭაჭას. აქვს ქარხნები სამ რეგიონში - კახეთში, გურიასა და თბილისში.