ასკანელი, ქინძმარაული, საფერავი, წითელი ნახევრადტკბილი ღვინო, 2021 წ.

დახასიათება

ასკანელის წითელი ნახევრადტკბილი ღვინო, ქინძმარაული, ყურძენ საფერავისგანაა დაყენებული. ღვინო დადგენილი წესების შესაბამისად ამ მიკროზონის საფერავის ვენახებიდან საგანგებო ტექნოლოგიით მიიღება. ადგილწარმოშობის დასახელების წესის შესაბამისად ღვინოში ბუნებრივი ზომიერი სიტკბოა შენარჩუნებული გაციების მეშვეობით ალკოჰოლური დუღილის შეწყვეტით. მუქ ლალისფერ ღვინოში კარგად გამოხატული შავი კენკრის, შავი პილპილისა და ტროპიკული ხილის ტონები ჰარმონიულად ერწყმის ზომიერ სიტკბოს, გამახალისებელ სიმჟავეს, ზომიერ ალკოჰოლს, რბილ ხავერდოვან ტანინებსა და სავსე სხეულს. დაგემოვნებისას სასმელს სასიამოვნოდ აგვირგვინებს გახანგრძლივებული დაბოლოება.

ბრენდის ისტორია

ლეგენდის თანახმად, სოფელ ასკანაში დგას უძველესი ციხესიმაგრე, რომელსაც დიდი ასაკისა და გამორჩეული გამძლეობის გამო “ასკანიანი ციხე” ეწოდა. ასკანელის სახელის საფუძვლებიც ქართველის მებრძოლი ხასიათის მითოსსა და ისტორიაში მოიპოვება. ანთიმოზ ჩხაიძე ის ადამიანია, ვის სახელსაც ასკანელის მეღვინეობის ტრადიციისთვის საფუძვლის ჩაყრა უკავშირდება. მან ააგო მარანი მეცხრამეტე საუკუნის მიწურულს, სადაც ამზადებდა განსაკუთრებულად სუფთა და არომატულ ღვინოს სხვადასხვა ჯიშის ყურძნისგან. ერთ-ერთი ჯიში, რომელიც ჩხაიძეების გვარმა შემოინახა, სახელგანთქმული ჩხავერია. ამბობენ, ჩხაიძეების გვარიც ამ სახელიდან მოდისო. ბრენდის მიღმა არსებული ადამიანებისთვის, ეს გადმოცემები სიამაყისა და უდიდესი პასუხისმგებლობის საფუძველია. დღეს კომპანია 60 სახეობაზე მეტი დასახელების ღვინოს აწარმოებს, ასევე ასხამს ბრენდის, შუშხუნა ღვინოსა და ჭაჭას. აქვს ქარხნები სამ რეგიონში - კახეთში, გურიასა და თბილისში.