ასკანელი, მუზა ქვევრი, სეპაჟი, თეთრი მშრალი ღვინო, 2019 წ.

დახასიათება

ასკანელის თეთრი მშრალი ღვინო, მუზა ქვევრი, 5 სახეობის ყურძნის ჯიშისგანაა დაყენებული, ესენია: კახური მცვივანი, კახური მწვანე, კრახუნა, რქაწითელი და ქისი. ღვინო ქართული ტრადიციული მეთოდით, ქვევრშია დამზადებული და დაძველებული. სასმელს ღია ოქროსფერი შეფერილობა და თეთრი ატმის, ხმელი სუნელების, ბლის მუხაბისა და ლეღვის ჩირის არომატები ამშვენებს. ღვინის გემო მწიფე ტანინებით, სავსე სხეულითა და ზომიერზე მაღალი მჟავიანობით ხასიათდება.

ბრენდის ისტორია

ლეგენდის თანახმად, სოფელ ასკანაში დგას უძველესი ციხესიმაგრე, რომელსაც დიდი ასაკისა და გამორჩეული გამძლეობის გამო “ასკანიანი ციხე” ეწოდა. ასკანელის სახელის საფუძვლებიც ქართველის მებრძოლი ხასიათის მითოსსა და ისტორიაში მოიპოვება. ანთიმოზ ჩხაიძე ის ადამიანია, ვის სახელსაც ასკანელის მეღვინეობის ტრადიციისთვის საფუძვლის ჩაყრა უკავშირდება. მან ააგო მარანი მეცხრამეტე საუკუნის მიწურულს, სადაც ამზადებდა განსაკუთრებულად სუფთა და არომატულ ღვინოს სხვადასხვა ჯიშის ყურძნისგან. ერთ-ერთი ჯიში, რომელიც ჩხაიძეების გვარმა შემოინახა, სახელგანთქმული ჩხავერია. ამბობენ, ჩხაიძეების გვარიც ამ სახელიდან მოდისო. ბრენდის მიღმა არსებული ადამიანებისთვის, ეს გადმოცემები სიამაყისა და უდიდესი პასუხისმგებლობის საფუძველია. დღეს კომპანია 60 სახეობაზე მეტი დასახელების ღვინოს აწარმოებს, ასევე ასხამს ბრენდის, შუშხუნა ღვინოსა და ჭაჭას. აქვს ქარხნები სამ რეგიონში - კახეთში, გურიასა და თბილისში.