ასკანელი, მუკუზანი, საფერავი, წითელი მშრალი ღვინო, 2019 წ.

დახასიათება

ასკანელის წითელი მშრალი ღვინო, მუკუზანი, საფერავისგანაა დაყენებული. ღვინის დაძველება მუხის კასრში ხდება მუკუზანის მიკროზონის კანონის შესაბამისად. მუქ ლალისფერ, სავსე სხეულიან ღვინოში კარგად გამოხატული ზომიერზე მაღალი, მრგვალი ტანინები ჰარმონიულად ერწყმის შავი ქლიავის, მაყვლის, შავი პილპილის არომატებსა და მუხის ნატიფ ტონებს. ღვინოს ამშვენებს გაწონასწორებული, ზომიერზე მაღალი მჟავიანობა და გახანგრძლივებული დასრულება.

ბრენდის ისტორია

ლეგენდის თანახმად, სოფელ ასკანაში დგას უძველესი ციხესიმაგრე, რომელსაც დიდი ასაკისა და გამორჩეული გამძლეობის გამო “ასკანიანი ციხე” ეწოდა. ასკანელის სახელის საფუძვლებიც ქართველის მებრძოლი ხასიათის მითოსსა და ისტორიაში მოიპოვება. ანთიმოზ ჩხაიძე ის ადამიანია, ვის სახელსაც ასკანელის მეღვინეობის ტრადიციისთვის საფუძვლის ჩაყრა უკავშირდება. მან ააგო მარანი მეცხრამეტე საუკუნის მიწურულს, სადაც ამზადებდა განსაკუთრებულად სუფთა და არომატულ ღვინოს სხვადასხვა ჯიშის ყურძნისგან. ერთ-ერთი ჯიში, რომელიც ჩხაიძეების გვარმა შემოინახა, სახელგანთქმული ჩხავერია. ამბობენ, ჩხაიძეების გვარიც ამ სახელიდან მოდისო. ბრენდის მიღმა არსებული ადამიანებისთვის, ეს გადმოცემები სიამაყისა და უდიდესი პასუხისმგებლობის საფუძველია. დღეს კომპანია 60 სახეობაზე მეტი დასახელების ღვინოს აწარმოებს, ასევე ასხამს ბრენდის, შუშხუნა ღვინოსა და ჭაჭას. აქვს ქარხნები სამ რეგიონში - კახეთში, გურიასა და თბილისში.