ასკანელი, მანავი, კუპაჟი, თეთრი მშრალი ღვინო, 2020 წ.

დახასიათება

ასკანელის თეთრი მშრალი ღვინო, მანავი, ყურძენ რქაწითელისა და კახური მწვანესგანაა დაყენებული. ღია ჩალისფერი, ჰაეროვანი, შედარებით მაღალმჟავიანი ღვინო დახუნძლულია ნუშის ყვავილების, მწვანე ვაშლის, თეთრი ბლის, პანტა მსხლისა და ლიმონის არომატებით. გამოირჩევა შესანიშნავი ბალანსით, ზომიერზე მაღალი მჟავიანობით, მსუბუქი სხეულითა და ზომიერი ხავერდოვანი გახანგრძლივებული დასრულებით.

ბრენდის ისტორია

ლეგენდის თანახმად, სოფელ ასკანაში დგას უძველესი ციხესიმაგრე, რომელსაც დიდი ასაკისა და გამორჩეული გამძლეობის გამო “ასკანიანი ციხე” ეწოდა. ასკანელის სახელის საფუძვლებიც ქართველის მებრძოლი ხასიათის მითოსსა და ისტორიაში მოიპოვება. ანთიმოზ ჩხაიძე ის ადამიანია, ვის სახელსაც ასკანელის მეღვინეობის ტრადიციისთვის საფუძვლის ჩაყრა უკავშირდება. მან ააგო მარანი მეცხრამეტე საუკუნის მიწურულს, სადაც ამზადებდა განსაკუთრებულად სუფთა და არომატულ ღვინოს სხვადასხვა ჯიშის ყურძნისგან. ერთ-ერთი ჯიში, რომელიც ჩხაიძეების გვარმა შემოინახა, სახელგანთქმული ჩხავერია. ამბობენ, ჩხაიძეების გვარიც ამ სახელიდან მოდისო. ბრენდის მიღმა არსებული ადამიანებისთვის, ეს გადმოცემები სიამაყისა და უდიდესი პასუხისმგებლობის საფუძველია. დღეს კომპანია 60 სახეობაზე მეტი დასახელების ღვინოს აწარმოებს, ასევე ასხამს ბრენდის, შუშხუნა ღვინოსა და ჭაჭას. აქვს ქარხნები სამ რეგიონში - კახეთში, გურიასა და თბილისში.