ასკანელი, ახაშენი, საფერავი, წითელი ნახევრადტკბილი ღვინო, 2021 წ.

დახასიათება

ასკანელის წითელი ნახევრადტკბილი ღვინო, ახაშენი, საგანგებო წესით დაკრეფილი საფერავისგანაა დამზადებული მკაცრად განსაღვრული პირობებისა და ტექნოლოგიების დაცვით. ზომიერი სიტკბოს შესანარჩუნებლად ღვინოში ალკოჰოლური დუღილის შეჩერება დაბალი ტემპერატურული რეჟიმის მეშვეობით ხდება. მუქი ლალისფერი შეფერილობის ღვინოში მჟავიანობისა და რბილი, ხავერდოვანი ტანინების ბრწყინვალე ბალანსი ჰარმონიულად ერწყმის შავი კენკრის, შავი პილპილის ტონებს. ღვინის საშუალო სხეული და ზომიერად შესამჩნევი სიტკბო ამძაფრებს მის გახანგრძლივებულ დასრულებას.

ბრენდის ისტორია

ლეგენდის თანახმად, სოფელ ასკანაში დგას უძველესი ციხესიმაგრე, რომელსაც დიდი ასაკისა და გამორჩეული გამძლეობის გამო “ასკანიანი ციხე” ეწოდა. ასკანელის სახელის საფუძვლებიც ქართველის მებრძოლი ხასიათის მითოსსა და ისტორიაში მოიპოვება. ანთიმოზ ჩხაიძე ის ადამიანია, ვის სახელსაც ასკანელის მეღვინეობის ტრადიციისთვის საფუძვლის ჩაყრა უკავშირდება. მან ააგო მარანი მეცხრამეტე საუკუნის მიწურულს, სადაც ამზადებდა განსაკუთრებულად სუფთა და არომატულ ღვინოს სხვადასხვა ჯიშის ყურძნისგან. ერთ-ერთი ჯიში, რომელიც ჩხაიძეების გვარმა შემოინახა, სახელგანთქმული ჩხავერია. ამბობენ, ჩხაიძეების გვარიც ამ სახელიდან მოდისო. ბრენდის მიღმა არსებული ადამიანებისთვის, ეს გადმოცემები სიამაყისა და უდიდესი პასუხისმგებლობის საფუძველია. დღეს კომპანია 60 სახეობაზე მეტი დასახელების ღვინოს აწარმოებს, ასევე ასხამს ბრენდის, შუშხუნა ღვინოსა და ჭაჭას. აქვს ქარხნები სამ რეგიონში - კახეთში, გურიასა და თბილისში.