ანტისპაზმინი - Antispasmin 40 მგ 20 ტაბლეტი

ანტისპაზმინი 40 მგ ტაბლეტები

დროტავერინ ჰიდროქლორიდი

ამ მედიკამენტის მიღებამდე ყურადღებით და ბოლომდე გაეცანით ამ ინსტრუქციას, ვინაიდან ის თქვენთვისე მნიშვნელოვან ინფორმაციას შეიცავს. 

ყოველთვის გამოიყენეთ ეს მედიკამენტი ისე, როგორც ეს მითითებულია ამ ინსტრუქციაში ან თქვენი ექიმის, ფარმაცევტის ან მედდის მითითებების შესაბამისად.

- შეინახეთ ეს ფურცელი. შეიძლება დაგჭირდეთ ხელახლა წაკითხვა.

- მიმართეთ თქვენს ფარმაცევტს, თუ გჭირდებათ დამატებითი ინფორმაცია ან რეკომენდაცია.

- ნებისმიერი გვერდითი მოვლენის განვითარების შემთხვევაში, მიმართეთ მკურნალ ექიმს, ფარმაცევტს ან მედდას. ეს მოიცავს ნებისმიერ შესაძლო გვერდით მოვლენას, რომელიც არ არის აღწერილი ამ ინსტრუქციაში. იხილეთ პუნქტი 4.

- თუ 3 დღის შემდეგ თავს უკეთ არ გრძნობთ ან მდგომარეობა გაუარესდა, უნდა მიმართოთ ექიმს.

შინაარსი

1.   რა არის ანტისპაზმინი და რისთვის გამოიყენება

2.   რა უნდა იცოდეთ ანტისპაზმინის მიღების დაწყებამდე

3.   ანტისპაზმინის მიღების წესი

4.   შესაძლო გვერდითი მოვლენები

5.   ანტისპაზმინის შენახვის პირობები

6.   შეფუთვა და დამატებითი ინფორმაცია

1. რა არის ანტისპაზმინი და რისთვის გამოიყენება

ანტისპაზმინი ნაჩვენებია მოზრდილებში, მოზარდებსა და 6 წელზე უფროსი ასაკის ბავშვებში გამოსაყენებლად.

ანტისპაზმინი არის ანტისპაზმური საშუალება.

ანტისპაზმინი გამოიყენება სხვადასხვა სპაზმით გამოწვეული ტკივილის შესამცირებლად (ნაღვლოვანი, თირკმლები, შარდის ბუშტი, მენსტრუალური ტკივილი, საშვილოსნოს სპაზმი), როგორც ანტისპაზმური საშუალება საჭმლის მონელების სხვადასხვა დარღვევის დროს (კუჭის წყლული, გასტრიტი, ენტერიტი, კარდიისა და პილორუსის სპაზმები, გაღიზიანებული ნაწლავის სინდრომი, სპასტიური კოლიტი, რომელსაც თან ახლავს ყაბზობა, შებერილობა), თავის ტკივილი ქალასშიდა დაძაბულობის შეგრძნებით.

სპაზმის მოსახსნელად ასევე, იხილეთ: >NOSPA - ნოშპა 40მგ 24 ტაბლეტი

2. რა უნდა იცოდეთ ანტისპაზმინის მიღებამდე

არ მიიღოთ ანტისპაზმინი: 

- თუ გაქვთ ალერგია (ჰიპერმგრძნობელობა) დოროტავერინ ჰიდროქლორიდის ან ანტისპაზმინის რომელიმე სხვა ინგრედიენტის მიმართ;

- თუ გაქვთ ღვიძლის, თირკმელების ან გულის მძიმე დაავადება.

გაფრთხილებები და სიფრთხილის ზომები

- თუ ექიმმა გითხრათ, რომ გაქვთ პორფირია;

- თუ გაქვთ დაბალი წნევა;

- თუ იყენებთ ანტისპაზმინს დიდი ხნის განმავლობაში (ექიმმა შეიძლება გირჩიოთ ღვიძლის ფუნქციის შეფასება).

ანტისპაზმინი არ არის რეკომენდებული 6 წლამდე ასაკის ბავშვებისთვის, რადგან ამ ასაკობრივ ჯგუფში უსაფრთხოებისა და ეფექტურობის მონაცემები არ არის ხელმისაწვდომი.

სხვა მედიკამენტები და ანტისპაზმინი

გთხოვთ, აცნობეთ თქვენს ექიმს ან ფარმაცევტს, თუ იღებთ ან ცოტა ხნის წინ იღებდით სხვა პრეპარატებს, მათ შორის ურეცეპტოდ გაცემულ მედიკამენტებს.

თუ თქვენ ანტისპაზმინს იღებთ სხვა პრეპარატებთან ერთად, მათ შეუძლიათ შეცვალონ ერთმანეთის მოქმედების რეჟიმი.

აცნობეთ ექიმს, თუ იღებთ ლევოდოპას ანტისპაზმინით მკურნალობის დაწყებამდე.

ორსულობა, ძუძუთი კვება და ფერტილობა

თუ ხართ ორსულად ან მეძუძური დედა, გაქვთ ეჭვი ორსულობაზე, ან გეგმავთ ორსულობას, ამ პრეპარატის მიღებამდე რჩევისთვის მიმართეთ ექიმს ან ფარმაცევტს.

ორსულობის დროს ანტისპაზმინის გამოყენება მოითხოვს სიფრთხილეს.

ანტისპაზმინი ძუძუთი კვების დროს რეკომენდებული არ არის.

ავტომობილის მართვა და მექანიზმებთან მუშაობა

თუ ანტისპაზმინით მკურნალობის დროს განიცდით სხეულის წონასწორობის დაკარგვას ან თქვენს გარშემო საგნების ტრიალს, აუცილებელია მოერიდოთ პოტენციურად სახიფათო აქტივობებს, ავტომობილის მართვას და მექანიზმებთან მუშაობას.

ანტისპაზმინი შეიცავს ლაქტოზას მონოჰიდრატს. თუ ექიმმა გითხრათ, რომ გაქვთ აუტანლობა ზოგიერთი შაქრის მიმართ, ამ სამკურნალო პროდუქტის მიღებამდე მიმართეთ ექიმს.

3. ანტისპაზმინის მიღების წესი

ეს მედიკამენტი ხელმისაწვდომია რეცეპტის გარეშე. თუ არ ხართ დარწმუნებული, უნდა მიმართოთ თქვენს ექიმს ან ფარმაცევტს.

მოზრდილები, მოზარდები

რეკომენდებული დოზა არის დოროტავერინის ჰიდროქლორიდის 120-240 მგ დღეში (3-6 ანტისპაზმინის ტაბლეტი დღეში), დაყოფილი 2-3 დოზად.

> 6 წლის ბავშვები

რეკომენდებული დოზა არის დოროტავერინის ჰიდროქლორიდის 80-200 მგ დღეში (ანტისპაზმინის 2-5 ტაბლეტი დღეში), დაყოფილი 2-5 დოზად.

უნდა მიმართოთ ექიმს, თუ მკურნალობის დაწყებიდან 3 დღის შემდეგ სიმპტომები არ გაუმჯობესდება.

6 წლამდე ასაკის ბავშვები

ვინაიდან უსაფრთხოებისა და ეფექტურობის მონაცემები არ არის ხელმისაწვდომი, ანტისპაზმინი არ არის ნაჩვენები ამ ასაკობრივ ჯგუფში.

თუ თქვენ იღებთ საჭიროზე მეტ ანტისპაზმინ

დაუყონებლივ მიმართეთ ექიმს ან მიმართეთ უახლოესი საავადმყოფოს გადაუდებელ განყოფილებას, თუ მიიღეთ საჭიროზე მეტი ანტისპაზმინის ტაბლეტები. 

თუ დაგავიწყდათ ანტისპაზმინის მიღება

თუ დაგავიწყდათ დოზის მიღება, მიიღეთ პრეპარატი როგორც კი გაგახსენდებათ. თუმცა, თუ თქვენი შემდეგი დოზის დროა, ჩვეულებრივ მიიღეთ ის. მნიშვნელოვანია არ მიიღოთ ორმაგი დოზა გამოტოვებული დოზის კომპენსაციის მიზნით. 

თუ თქვენ გაქვთ დამატებითი შეკითხვები ამ მედიკამენტის გამოყენებასთან დაკავშირებით, მიმართეთ თქვენს ექიმს, ფარმაცევტს ან მედდას.

4. შესაძლო გვერდითი მოვლენები

ყველა მედიკამენტის მსგავსად, ამ პრეპარატსაც შეუძლია გამოიწვიოს გვერდითი მოვლენები, თუმცა ისინი ყველას არ უვითარდება.

გვერდითი მოვლენები კლასიფიცირდება სიხშირის მიხედვით შემდეგნაირად: ძალიან ხშირი (ვლინდება 10-დან 1-ზე მეტ პაციენტში); ხშირი (ვლინდება 10-დან 1 პაციენტზე ნაკლებში); არახშირი (100-დან 1-ზე ნაკლებ პაციენტში); იშვიათი (ვლინდება 1000 პაციენტიდან 1-ზე ნაკლებში); ძალიან იშვიათი (ვლინდება 10000-დან 1-ზე ნაკლებ პაციენტში); უცნობი სიხშირე (არსებული მონაცემებით ვერ ფასდება).

იშვიათი: თავის ტკივილი, თავბრუსხვევა, უძილობა, გულის ფრიალი, დაბალი არტერიული წნევა, გულისრევა, ყაბზობა.

ანტისპაზმინი დაკავშირებულია მწვავე პორფირიასთან.

5. ანტისპაზმინის შენახვის პირობები 

მედიკამენტი შეინახეთ ბავშვებისთვის მიუწვდომელ ადგილას.

არ გამოიყენოთ ანტისპაზმინი ვარგისიანობის ვადის გასვლის შემდეგ, რომელიც მითითებულია შეფუთვაზე „ვადის გასვლის თარიღი“ შემდეგ. ვარგისიანობის ვადა აღნიშნავს ამ თვის ბოლო დღეს.

ინახება 25°C-ზე დაბალ ტემპერატურაზე, ორიგინალურ შეფუთვაში.

არ გადააგდოთ წამალი კანალიზაციაში ან საყოფაცხოვრებო ნაგავში. ჰკითხეთ თქვენს ფარმაცევტს, როგორ გადააგდოთ ის მედიკამენტები, რომლებიც აღარ არის საჭირო. ეს ზომები ხელს შეუწყობს გარემოს დაცვას.

6. შეფუთვა და სხვა ინფორმაცია

რას შეიცავს ანტისპაზმი

- აქტიური ნივთიერება არის დოროტავერინის ჰიდროქლორიდი. ერთი ტაბლეტი შეიცავს 40 მგ დოროტავერინის ჰიდროქლორიდს.

- სხვა ინგრედიენტებია: ლაქტოზას მონოჰიდრატი, სიმინდის სახამებელი, ნატრიუმის სახამებლის გლიკოლატი A ტიპის, პოვიდონი K 25, ტალკი, მაგნიუმის სტეარატი.

როგორ გამოიყურება ანტისპაზმინი და შეფუთვის შიგთავსი

ანტისპაზმინი გაყიდვაში ყვითელი, ორმხრივად ამოზნექილი ტაბლეტების სახით.

შეფუთვა

მუყაოს კოლოფში მოთავსებულია 1 პვქ/ალ ბლისტერი 20 ტაბლეტით

მუყაოს კოლოფში მოთავსებულია 2 პვქ/ალ ბლისტერი 15 ტაბლეტით თითოში.