ანტიგრიპინი - Antigrippine თაფლი და ლიმონი 10 პაკეტი

ანტიგრიპინი

Antigrippin

სავაჭრო დასახელება: ანტიგრიპინი

 საერთაშორისო არა-პატენტირებული დასახელება ან ჯგუფური სახელწოდება:  პარაცეტამოლი + ქლორფენამინი+ ასკორბინის მჟავა 

სამკურნალო ფორმა:  თაფლი-ლიმონის და გვირილას  პერორალურად მისაღები  ხსნარის მოსამზადებლად ფხვნილი.

ერთი პაკეტის შემადგენლობა: 

აქტიური ნივთიერებები: 

პარაცეტამოლი ..............................................500.00 მგ 

ქლორფენამინის მალეატი............................ 10.00 მგ

ასკორბინის მჟავა .........................................200.00 მგ 

ასევე, იხილეთ: >Coldrex hotrem - კოლდრექსი ჰოტრემი ლიმონით 10 პაკეტი

დამხმარე ნივთიერებები: 

თაფლი - ლიმონის: ნატრიუმის ჰიდროკარბონატი 644.00 მგ; ლიმონის მჟავა 1328.00 მგ; სორბიტოლი 317.00 მგ; პოვიდონი 16.00 მგ; საქაროზა 1793.00 მგ; ნატრიუმის ციკლამატი 42.00 მგ; ასპარტამი 20.00 მგ; აცესულფამის კალიუმი 15.00 მგ; ლიმონის არომატიზატორი 55,00 მგ; კარამელის საღებავი 15.00 მგ; თაფლის არომატიზატორი 45,00 მგ. 

გვირილის: 

ნატრიუმის ჰიდროკარბონატი 644.00 მგ; ლიმონის მჟავა 928.00 მგ, სორბიტოლი 317.00 მგ; პოვიდონი 16.00 მგ; საქაროზა 2058.00 მგ; ნატრიუმის ციკლამატი 42.00 მგ; ასპარტამი 20.00 მგ; აცესულფამის კალიუმი 15.00 მგ; გვირილის ექსტრაქტი 250.00 მგ. 

აღწერა: 

თაფლი-ლიმონის ფხვნილი: ფხვნილი სხვადასხვა ხარისხის გრანულაციით, შედგება თეთრიდან  მორუხო-ბეჟი ფერის ნაწილაკებისგან,  სპეციფიკური სუნით. დასაშვებია მუქი-მურა ფერის ჩანართების არსებობა. 

გვირილას ფხვნილი: ფხვნილი სხვადასხვა ხარისხის გრანულაციით, შედგება თეთრიდან ბეჟი და ღია ყავისფერი ნაწილაკებისგან,  სპეციფიკური სუნით. დასაშვებია მურა ფერის ჩანართების არსებობა. 

ფარმაკოთერაპიული ჯგუფი: საშუალება მწვავე რესპირატორული დაავადებისა და „გაციების“ სიმპტომების აღმოსაფხვრელად (არა-ნარკოტიკული ანალგეტიკური საშუალება + ვიტამინი +       H 1 ჰისტამინური რეცეპტორების ბლოკეატორი). 

ათქ კოდი [N02BE51] 

ფარმაკოლოგიური თვისებები:

 კომბინირებული პრეპარატი.

 პარაცეტამოლს  გააჩნია ანალგეზიური და სიცხის დამწევი მოქმედება; შველის თავის ტკივილს და სხვა სახის ტკივილს, აქვეითებს მაღალ ტემპერატურას. 

ასკორბინის მჟავა (ვიტამინი C) მონაწილეობს ჟანგვა-აღდგენითი პროცესების,  ნახშირწყლების ცვლის რეგულაციაში, ზრდის ორგანიზმის წინააღმდეგობის უნარს. 

ქლორფენამინი - H1 ჰისტამინური რეცეპტორების ბლოკერია, გააჩნია ანტიალერგიული მოქმედება, აადვილებს ცხვირით სუნთქვას, ამცირებს ცხვირის გაჭდვის  შეგრძნებას,  შველის ცემინებას, ცრემლდენას, თვალების სიწითლეს და ქავილს.

მიღების ჩვენებები: 

ინფექციურ-ანთებითი დაავადებები (მწვავე რესპირატორული დაავადება, გრიპი), რომელსაც თან ახლავს ცხელება, შემცივნება, თავის ტკივილი, სახსრების და კუნთების ტკივილი, ცხვირის გაჭედვა და ტკივილები ყელში და ცხვირის სინუსებში. 

უკუჩვენებები:

·       მომატებული მგრძნობელობა პარაცეტამოლის, ასკორბინის მჟავას, ქლორფენამინის ან პრეპარატის ნებისმიერი სხვა კომპონენტის მიმართ. 

·       კუჭ-ნაწლავის ტრაქტის ეროზიულ-წყლულოვანი დაზიანებები (გამწვავების ფაზაში).

·        გამოხატული თირკმლის  და/ან ღვიძლის უკმარისობა.  

·       ალკოჰოლიზმი. 

·       დახურულ-კუთხოვანი გლაუკომა. 

·       ფენილკეტონურია. 

·       პროსტატის ჰიპერპლაზია. 

·       ბავშვთა ასაკი (15 წლამდე). 

·       ორსულობის და ლაქტაციის პერიოდი. 

სიფრთხილით - თირკმლის და/ან ღვიძლის უკმარისობის, გლუკოზო-6-ფოსფატდეჰიდროგენაზას დეფიციტის, თანდაყოლილი ჰიპერბილირუბინემიის (ჟილბერის, დუბინ-ჯონსონის და როტორის სინდრომები), ვირუსული ჰეპატიტის, ალკოჰოლური ჰეპატიტის დროს, ხანდაზმულ ასაკში. 

დოზირება და მიღების წესი: 

პერორალური. მოზრდილებში და 15 წელზე უფროსი ასაკის  ბავშვებში 1 პაკეტი 2-3-ჯერ დღეში. პაკეტის შიგთავსი მთლიანად უნდა გაიხსნას ჭიქა (200 მლ) თბილ წყალში (50-60°C) და მიღებული ხსნარი დაილიოს. უმჯობესია, მიიღოთ პრეპარატი საკვების მიღებებს შორის. მაქსიმალური სადღეღამისო დოზა შეადგენს 3 პაკეტს. დოზებს შორის ინტერვალი უნდა იყოს არანაკლებ 4 საათი. 

ღვიძლის ან თირკმლის ფუნქციის დარღვევის მქონე ან ხანდაზმულ პაციენტებში პრეპარატის მიღებებს შორის ინტერვალი უნდა იყოს მინიმუმ 8 საათი. 

მიღების ხანგრძლივობა ექიმის კონსულტაციის გარეშე არაუმეტეს 5 დღის განმავლობაში ტკივილგამაყუჩებელის სახით, და 3 დღის განმავლობაში სიცხის დამწევის სახით.

გვერიდითი მოვლენები: 

პრეპარატი კარგად გადაიტანება რეკომენდებული დოზებით მიღებისას. ერთეულ შემთხვევებში შიძლება განვითარდეს: 

ცენტრალური ნერვული სისტემის მხრივ: თავის ტკივილი, დაღლის შეგრძნება; 

კუჭ-ნაწლავის ტრაქტის მხრივ: გულისრევა, ტკივილი ეპიგასტრიუმის მიდამოში; ენდოკრინული სისტემის მხრივ: ჰიპოგლიკემია (კომის განვითარებამდეც კი); 

სისხლმბადი სისტემის მხრივ: ანემია, ჰემოლიზური ანემია (განსაკუთრებით პაციენტებში გლუკოზო-6-ფოსფატდეჰიდროგენაზას დეფიციტით); უკიდურესად იშვიათად - თრომბოციტოპენია; ალერგიული რეაქციები: გამონაყარი კანზე, ქავილი, ჭინჭრის ციება, ქვინკეს შეშუპება, ანაფილაქტოიდური რეაქციები (ანაფილაქსიური შოკის ჩათვლით), მულტიფორმული ექსუდაციური ერითემა (მათ შორის სტივენს-ჯონსონის სინდრომი), ტოქსიკური ეპიდერმული ნეკროლიზი (ლაიელის სინდრომი); 

სხვა: C ჰიპერვიტამინოზი, ნივთიერებათა ცვლის დარღვევა, სიცხის შეგრძნება, პირის სიმშრალე, აკომოდაციის პარეზი, შარდის შეკავება, ძილიანობა. 

პრეპარატის ყველა გვერდითი მოვლენების შესახებ უნდა ეცნობოს ექიმს.

დოზის  გადაჭარბება: 

პრეპარატის დოზის გადაჭარბების სიმპტომები განპირობებულია მისი შემადგენელი ნივთიერებებით. პარაცეტამოლით მწვავე ინტოქსიკაციის კლინიკური სურათი ვითარდება მისი მიღებიდან 6-14 საათის ფარგლებში. ქრონიკული ინტოქსიკაციის სიმპტომები ჩნდება დოზის გადაჭარბებიდან 2-4 დღის შემდეგ. 

პარაცეტამოლით მწვავე ინტოქსიკაციის სიმპტომებია: დიარეა, მადის დაქვეითება, გულისრევა და ღებინება, მუცლის ღრუში დისკომფორტი და/ან მუცლის ტკივილი, მომატებული ოფლიანობა. 

ქლორფენამინით ინტოქსიკაციის სიმპტომებია: თავბრუსხვევა, აგზნება, ძილის დარღვევები, დეპრესია, კრუნჩხვები. 

მკურნალობა: სიმპტომური. 

ურთიერთქმედება სხვა სამკურნალო საშუალებებთან:

ასკორბინის მჟავა 

-        ზრდის ბენზილპენიცილინის და ტეტრაციკლინების კონცენტრაციას სისხლში; 

-        აუმჯობესებს ნაწლავებში რკინის შეწოვას (გადაყავს სამვალენტიანი  რკინა ორვალენტიანად); შეიძლება გაზარდოს რკინის გამოყოფა დეფეროქსამინთან ერთდროულად გამოყენებისას; 

-        ზრდის კრისტალურიის განვითარების რისკს  სალიცილატებით და ხანმოკლე მოქმედების სულფანილამიდებით მკურნალობისას, ანელებს თირკმელებით მჟავების გამოყოფას, ზრდის ორგანიზმიდან ტუტე რეაქციის  მქონე სამკურნალო პრეპარატების (მათ შორის, ალკალოიდების) გამოყოფას, ამცირებს სისხლში პერორალური კონტრაცეპტივების კონენტრაციას; 

-        ზრდის ეთანოლის საერთო კლირენსს; 

-        ერთდროულად გამოყენებისას ამცირებს იზოპრენალინის ქრონოტროპულ მოქმედებას.

შეუძლია როგორც გაზარდოს, ასევე შეამციროს ანტიკოაგულანტური პრეპარატების ეფექტი. ამცირებს ანტიფსიქოზური (ნეიროლეფსიური) პრეპარატების - ფენოთიაზინის წარმოებულების თერაპიულ მოქმედებას, ამფეტამინის და ტრიციკლური ანტიდეპრესანტების მილაკოვან რეაბსორბციას. 

ბარბიტურატებთან ერთდროულად მიღება ზრდის ასკორბინის მჟავას შარდით გამოყოფას.

ქლორფენამინის მალეატი:

 ქლორფენამინის მალეატი აძლიერებს საძილე პრეპარატების მოქმედებას. ანტიდეპრესანტები, ანტიპარკინსონული,  ანტიფსიქოზური (ფენოთიაზინის წარმოებულები) საშუალებები- ზრდიან გვერდითი მოვლენების (შარდის შეკავება, პირის სიმშრალე, ყაბზობა) რისკს. 

გლუკოკორტიკოსტეროიდები -ზრდიან გლაუკომის განვითარების  რისკს. 

ეთანოლი აძლიერებს ქლორფენამინის მალეატის სედაციურ ეფექტს. 

პარაცეტამოლი:

 პარაცეტამოლისა და ღვიძლში მიკროსომული ჟანგვის ინდუქტორების (ფენიტოინი, ეთანოლი, ბარბიტურატები, რიფამპიცინი, ფენილბუტაზონი, ტრიციკლური ანტიდეპრესანტები) ურთიერთქმედებისას იზრდება აქტიური ჰიდროქსილირებული მეტაბოლიტების წარმოქმნა, რაც განაპირობებს მძიმე ინტოქსიკაციების განვითარების შესაძლებლობას დოზის მცირე გადაჭარბებისას. 

პარაცეტამოლის მიღების ფონზე ეთანოლი ხელს უწყობს მწვავე პანკრეატიტის განვითარებას. მიკროსომული ჟანგვის ინჰიბიტორები (მათ შორის ციმეტიდინი) ამცირებენ ჰეპატოტოქსიკურობის რისკს. 

პარაცეტამოლისა და დიფლუნისალის ერთდროულად მიღება ზრდის ამ უკანასკნელის სისხლის პლაზმაში კონცენტრაციას 50%-ით, და ზრდის ჰეპატოტოქსიკურობას. ბარბიტურატებთან ერთდროული მიღება ამცირებს პარაცეტამოლის ეფექტურობას. პარაცეტამოლი ამცირებს  ურიკოზურიული პრეპარატების ეფექტურობას. 

სპეციალური მითითებები:

მეტოკლოპრამიდის, დომპერიდონის და ქოლესტირამინის  მიღებისას ასევე საჭიროა ექიმის კონსულტაცია. 

რეკომენდებულზე გაცილებით მაღალი დოზებით ხანგრძლივი გამოყენებისას იზრდება ღვიძლის და თირკმლის ფუნქციის დარღვევის ალბათობა, და საჭიროა პერიფერიული სისხლის სურათის კონტროლი. 

პარაცეტამოლის და ასკორბინის მჟავას მიღებისას შესაძლებელია მიღებული იქნას ლაბორატორიული გამოკვლევების მცდარი მაჩვენებლები (სისხლის პლაზმაში გლუკოზისა და შარდმჟავას რაოდენობრივი მაჩვენებლები, ბილირუბინი, ღვიძლის ტრანსამინაზების აქტივობა, ლაქტატდეჰიდროგენაზა). 

ღვიძლის ტოქსიკურობის  თავიდან აცილების მიზნით პარაცეტამოლი არ უნდა იქნას მიღებული ალკოჰოლური სასმელებთან ერთად, ასევე, არ უნდა მიიღონ ალკოჰოლის ქრონიკულად მოხმარებისკენ მიდრეკილების მქონე პირებმა. ღვიძლის დაზიანებების განვითარების რისკი იზრდება ალკოჰოლური ჰეპატოზის მქონე პაციენტებში. 

ასკორბინის მჟავას დანიშვნამ სწრაფად პროლიფერებადი და ინტენსიურად მეტასტაზირებადი სიმსივნეების მქონე  პაციენტებში შეიძლება გააღრმავოს პროცესი. ორგანიზმში რკინის მაღალი შემცველობის მქონე პაციენტებმა უნდა მიიღონ ასკორბინის მჟავა მინიმალური დოზით. 

თაფლი-ლიმონის ერთი პაკეტი შეიცავს 1,793 გ შაქარს, რაც შეესაბამება 0.15 XE-ს. 

გვირილას ერთი პაკეტი შეიცავს 2,058 გ შაქარს, რაც შეესაბამება 0.17 XE-ს. 

გამოშვების ფორმა: 

თაფლი-ლიმონის და გვირილას ფხვნილი პერორალურად მისაღები  ხსნარის მოსამზადებლად. 

5,0 გ ფხვნილი ყოველ  პეტ/ალუმინ/პე პაკეტში.   1, 2, 3, 4, 5, 6, 7, 8, 9, 10, 12, 15, 16, 20, 30 პაკეტები მუყაოს კოლოფში გამოყენების ინსტრუქციასთან ერთად. 

შენახვის პირობები: 

არაუმეტეს 25°C ტემპერატურაზე. 

შეინახეთ ბავშვებისთვის მიუწვდომელ ადგილას!

ვარგისობის ვადა: 

3 წელი. 

არ გამოიყენოთ ვარგისობის ვადის გასვლის შემდეგ. 

გაცემის რეჟიმი:

ფარმაცევტული პროდუქტის ჯგუფი - III, გაიცემა რეცეპტის გარეშე