ანესტოცილი

საერთაშორისო დასახელება - Oxybuprocaine
ფარმაკოლოგიური ჯგუფი: ადგილობრივი საანესთეზიო საშუალება

რა არის ანესტოცილი და რისთვის გამოყენება ის?
ანესტოცილის თვალის წვეთები, ხსნარი შეიცავს აქტიურ ნივთიერებას ოქსიბუპროკაინის ჰიდროლორიდი 4მგ/მლ, რასაც აქვს რქოვანას ზედაპირული საანესთეზიო მოქმედება. ანესტოცილი ინიშნება ზედაპირული ანესთეზიისთვის, აუცილებლობისას გარკვეული სამედიცინო ჩარევებში, როგორიცაა ტონომეტრია, კონტაქტური ლინზების შემოწმება და რქოვანადან და კონიუნქტივადან უცხო სხეულის ამოღება.

რა უნდა იცოდეთ ანესტოცილის გამოყენებამდე
არ გამოიყენოთ ანესტოცილი
- თუ ხართ ალერგიული (ჰიპერმგრძნობიარე) ოქსიბუპროკაინის ჰიდროქლორიდის ან პრეპარატის რომელიმე სხვა ნივთიერების მიმართ (ჩამოთვლილია ნაწილში 6).
- კონტაქტური ლინზების მიმართ ამტანობის გასაუმჯობესებლად
- მცირე ასაკის ბავშვებში სამედიცინო დანიშნულების გარეშე.

ანესტოცილის მიღების წესი
მოცემული პრეპარატი ყოველთვის გამოიყენეთ ექიმის დანიშნულების მიხედვით. შეამოწმეთ ექიმთან ან ფარმაცევტთან თუ არ ხართ დარწმუნებული.
დოზირება დგინდება სამედიცინო სპეციალისტის მიერ თითოეული შემთხვევის მიხედვით. რეკომენდებული დოზაა 1-2 წვეთი, სამედიცინო ჩრევამდე 2 წუთით ადრე.
თვალის წვეთები ჩაიწვეთეთ კონიუნქტივალურ ჩანთაში (ქვედა ქუთუთოს შიდა მხარეს).
პრეპარატის გამოყენების შესახებ კითხვების შემთხვევაში მიმართეთ ექიმს ან ფარმაცევტს.

შესაძლო გვერდითი ეფექტები
სხვა პრეპარატების მსგავსად, მოცემულ პრეპარატს შეუძლია გამოიწვიოს გვერდითი ეფექტები, თუმცა არა ყველა პაციენტში.
ჩაწვეთების მომენტისთვის შეიძლება განვითარდეს ჩხვლეტის და წვის შეგრძნება, მაგრამ ეს არ არის პრობლემა არამედ დროებითი დისკომფორტი.
თვალის დონეზე: კონიუნქტივიტი, რქოვანას ედემა, რქოვანას წყლული, რქოვანას შეხორცების შეყოვნება და პუნქტატური კერატიტი.

გვერდითი ეფექტების შეტყობინება
ნებისმიერი გვერდითი ეფექტის განვითარებისას, მიმართეთ ექიმს ან ფარმაცევტს.
ეს შესაძლოა იყოს ნებისმიერი გვერდითი ეფექტი, რომელიც არ არის ჩამოთვლილი მოცემულ ფურცელ-ჩანართში. გვერდითი ეეფქტების შეტყობინებით შეგიძლიათ დაეხმარეოთ მოცემული პრეპარატის უსაფრთხოების შესახებ მეტი ინფორმაციის მოპოვებას.

ანესტოცილის შენახვის პირობები
შეინახეთ ბავშვებისთვის მიუწვდომელ ადგილას. არ გამოიყენოთ პრეპარატი კოლოფზე EXP-სთან მითითებული ვარგისობის ვადის გასვლის შემდეგ. ვარგისობის ვადა ეხება თვის ბოლო რიცხვს.
შეინახეთ არაუმეტეს 25რC ტემპერატურაზე. შეინახეთ ორიგინალ შეფუთვაში, სანათლის და ნესტისგან დაცულ ადგილას.
სხვა თვალის წვეთების მსგავსად ანესტოცილის გამოიყენეთ ბოთლის პირველი გახსნის შემდეგ 28 დღის განმავლობაში.
არ გადააგდოთ პრეპარატები საყოფაცხოვრებო ნაგავში ან კანალიზაციაში. ჰკითხეთ ფარმაცევტს როგორ უნდა მოხდეს პრეპარატების გადაგდება. მსგავსი ზომებით ხელს შეუწყობთ გარემოს დაცვას.

შეფუთვის შემადგენლობა და დამატებითი ინფორმაცია
რას შეიცავს ანესტოცილი
აქტიური ნივთიერებაა ოქსიბუპროკაინის ჰიდროქლორიდი.
დამხმარე ნივთიერებებია: ნატრიუმის ქლორიდი, ფენილმერკურული ნიტრატი 0.02მგ/მლ კონსერვანტის სახით, მაღალგასუფთავებული წყალი და ჰიდროქლორის მჟავა ან ნატრიუმის ჰიდროქსიდი (pH კორექციისთვის).