ამბროქსოლი - Ambroxol 15მგ/2მლ 2მლ N15 ხსნარი

ამბროქსოლი ალდო-უნიონი 15 მგ/2 მლ პერორალური ხსნარი/კონცენტრატი ნებულაიზერის ხსნარისთვის

ამბროქსოლის ჰიდროქლორიდი

წაიკითხეთ მთლიანად ეს გამოყენების ინსტრუქცია ყურადღებით ამ პრეპარატის მიღების დაწყებამდე, რადგანაც ის შეიცავს თქვენთვის მნიშვნელოვან ინფორმაციას.

- შეინახეთ ეს გამოყენების ინსტრუქცია. შეიძლება დაგჭირდეთ მისი ხელახლა წაკითხვა.

-თუ თქვენ გაქვთ რაიმე დამატებითი შეკითხვები, მიმართეთ თქვენს ექიმს ან ფარმაცევტს

- ეს პრეპარატი დაგენიშნათ მხოლოდ თქვენ. არ გადასცეთ ის სხვებს, ამან შეიძლება ზიანი მიაყენოს მათ, მასინაც კი, როდესაც მათი ავადმყოფობის ნიშნები თქვენის ანალოგიურია.

-თუ თქვენ განგივითარდებათ რაიმე გვერდითი ეფექტები, მიმართეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტს, რომელიც არ არის ჩამოთვლილი ამ გამოყენების ინსტრუქციაში. იხილეთ პუნქტი 4.

რა არის მოცემული ამ გამოყენების ინსტრუქციაში

1. რა არის და რისთვის გამოიყენება ამბროქსოლი ალდო-უნიონი

2. რა უნდა იცოდეთ ამბროქსოლ ალდო-უნიონის მიღებამდე

3. როგორ მიიღება ამბროქსოლი ალდო-უნიონი

4. შესაძლო გვერდითი ეფექტები

5. როგორ ინახება ამბროქსოლი ალდო-უნიონი

6. შეფუთვის შემცველობა და სხვა ინფორმაცია

1. რა არის და რისთვის გამოიყენება ამბროქსოლი ალდო-უნიონი

ამბროქსოლი ალდო-უნიონი შეიცავს აქტიურ ნივთიერებას ამბროქსოლს, რომელიც განეკუთვნება მედიკამენტების ჯგუფს სახელწოდებით მუკოლიზური საშუალებები, რომლებიც გამოიყენება სასუნთქი გზებიდან ლორწოს გამოყოფის გასაადვილებლად.

ამბროქსოლი ალდო-უნიონი ნაჩვენებია მოზრდილებში და 2 წელზე უფროსი ასაკის ბავშვებში მწვავე და ქრონიკული ბრონქებისა და ფილტვების დაავადებების სიმპტომური მკურნალობისთვის, რომლებიც დაკავშირებულია ლორწოს ჭარბ წარმოქმნასთან და სიბლანტესთან.

2. რა უნდა იცოდეთ ამბროქსოლ ალდო-უნიონის მიღებამდე

არ მიიღოთ ამბროქსოლი ალდო-უნიონი:

• თუ გაქვთ ალერგია ამბროქსოლის ან ამ პრეპარატის რომელიმე სხვა ინგრედიენტის მიმართ (ჩამოთვლილია მე-6 პუნქტში).

• თუ გაქვთ ღვიძლის და/ან თირკმლების მძიმე დაავადება.

• 2 წლამდე ასაკის ბავშვებში.

• თუ ხართ ორსულობის პირველ ტრიმესტრში.

გაფრთხილებები და სიფრთხილის ზომები

ამბროქსოლი ალდო-უნიონის მიღებამდე გაესაუბრეთ თქვენს ექიმს ან ფარმაცევტს:

- თუ გაქვთ კუჭის დაზიანება (პეპტიკური წყლული).

- თუ გაქვთ თირკმლის ფუნქციის მსუბუქი ან ზომიერი დარღვევა.

- თუ გაქვთ ღვიძლის მძიმე პრობლემები.

- ორსულობის პირველი 3 თვის განმავლობაში ან თუ კვებავთ ძუძუთი.

დაფიქსირდა კანის მძიმე რეაქციები (სტივენს-ჯონსონის სინდრომი და ტოქსიკური ეპიდერმული ნეკროლიზი) ამბროქსოლის გამოყენებასთან დაკავშირებით. კონკრეტულად, ამ დაავადების საწყის ფაზას თან ახლავს გრიპის მსგავსი სიმპტომები, როგორიცაა ცხელება, ტკივილი, გაციება (რინიტი), ხველა და ყელის ტკივილი.

თუ გამოვლინდება კანზე გამონაყარი (პირის ღრუს ლორწოვანის, ყელის, ცხვირის, თვალის ან სასქესო ორგანოების დაზიანებების ჩათვლით), შეწყვიტეთ ამბროქსოლი ალდო-უნიონის მიღება და დაუყოვნებლივ მიმართეთ ექიმს.

თუ გაჩნდა გამაღიზიანებელი ხველა ნებულაიზირებული ხსნარის მიღებისას, შეეცადეთ ჩაისუნთქოთ და ამოისუნთქოთ ჩვეულებრივად ინჰალაციის დროს. თუ განსაკუთრებით მგრძნობიარე ხართ, შეგიძლიათ წინასწარ გაათბოთ შესასუნთქი ხსნარი სხეულის ტემპერატურამდე.

თუ გაქვთ ბრონქული ასთმა, მიზანშეწონილია პრეპარატის (ბრონქების სპაზმოლიზური) მიღება ინჰალაციის წინ.

ბავშვები

ამბროქსოლი ალდო-უნიონი არ უნდა დაინიშნოს 2 წლამდე ასაკის ბავშვებში, რადგანაც მუკოლიზურმა საშუალებებმა შეიძლება გამოიწვიოს სასუნთქი გზების (ბრონქების) ობსტრუქცია.

სხვა პრეპარატები და ამბროქსოლი ალდო-უნიონი

აცნობეთ თქვენს ექიმს ან ფარმაცევტს, თუ იღებთ, ბოლო დროს მიიღეთ ან შესაძლოა მიიღოთ სხვა პრეპარატები. ამბროქსოლი ალდო-უნიონის მიღებამდე აცნობეთ ექიმს, თუ იღებთ ისეთ პრეპარატებს, როგორიცაა ამოქსიცილინი, ცეფუროქსიმი ან ერითრომიცინი (ბაქტერიული ინფექციების სამკურნალოდ გამოყენებული ანტიბიოტიკები).

სხვა პრეპარატებთან ურთიერთქმედება არ დაფიქსირებულა.

ორსულობა და ძუძუთი კვება

თუ ხართ ორსულად ან კვებავთ ძუძუთი, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის მიღებამდე რჩევისთვის მიმართეთ თქვენს ექიმს ან ფარმაცევტს.

ორსულობა

ამბროქსოლი ალდო-უნიონის მიღება პირველ ტრიმესტრში რეკომენდებული არ არის. მეორე და მესამე ტრიმესტრის განმავლობაში ამბროქსოლი ალდო-უნიონი უნდა იქნას გამოყენებული მხოლოდ ექიმთან კონსულტაციის შემდეგ და თითოეული ინდივიდუალურ შემთხვევაში რისკისა და სარგებლის თანაფარდობის შეფასების შემდეგ.

ძუძუთი კვება

ამბროქსოლი ალდო-უნიონი გამოიყოფა დედის რძეში და ამიტომ ამ პრეპარატის გამოყენება ძუძუთი კვების დროს რეკომენდებული არ არის.

ავტომობილის მართვა და მექანიზმებთან მუშაობა

ამბროქსოლი ალდო-უნიონი არ ახდენს ზემოქმედებას ავტომობილის მართვისა და მექანიზმებთან მუშაობის უნარზე.

ამბროქსოლი ალდო-უნიონი შეიცავს ნატრიუმს

ეს სამკურნალო პროდუქტი შეიცავს 23 მგ-ზე ნაკლებ (1 მმოლ) ნატრიუმს თითო ამპულაში. აქედან გამომდინარე, ითვლება რომ ის არსებითად "ნატრიუმის გარეშეა".

3. როგორ მიიღება ამბროქსოლი ალდო-უნიონი

ყოველთვის მიიღეთ ეს პრეპარატი ზუსტად ისე, როგორც გითხრათ თქვენმა ექიმმა ან ფარმაცევტმა. თუ არა ხართ დარწმუნებული, გადაამოწმეთ თქვენს ექიმთან ან ფარმაცევტთან.

თითოეული ერთჯერად-დოზიანი ამპულა შეიცავს 2 მლ-ს და შეიცავს ნიშანს, რომელიც მიუთითებს მოცულობაზე 1 მლ (ნახევარი დოზა).

ნებულაიზერის ხსნარი:

მოზრდილები და 5 წელზე უფროსი ასაკის ბავშვები: 2 მლ (1 ამპულა) დღეში ორჯერ.

2-დან 5 წლამდე ასაკის ბავშვები: 1 მლ - 2 მლ (ნახევარი ამპულა - 1 ამპულა). 1-ჯერ ან 2-ჯერ დღეში.

ხსნარის გამოყენება შესაძლებელია ჩვეულებრივი აეროზოლური თერაპიის ხელსაწყოების საშუალებით. ის ასევე შეიძლება განზავდეს დისტილირებულ წყალში 1:1 თანაფარდობით. პერორალური ხსნარი:

მოზრდილები: 2 მლ - 4 მლ (1 - 2 ამპულა) 3-ჯერ დღეში.

5 წელზე უფროსი ასაკის ბავშვები: 1 - 2 მლ (ნახევარი ამპულა - 1 ამპულა) 2-დან 3-ჯერამდე დღეში.

2-დან 5 წლამდე ასაკის ბავშვები: 1 მლ (ნახევარი ამპულა) 2-დან 3 -ჯერამდე დღეში.

განაზავეთ ხსნარი მცირე რაოდენობით წყალში, ჩაიში, რძეში ან ხილის წვენში. სამკურნალო პროდუქტი უნდა იქნას მიღებული საკვებთან ერთად.

თუ მიიღეთ ნახევარი დოზა, კვლავ დახურეთ ერთჯერად-დოზიანი ამპულა თავსახურის დაჭერით და შეინახეთ მაცივარში (2°C-8°C) მაქსიმუმ 12 საათის განმავლობაში.

თუ თქვენ მიიღეთ საჭიროზე მეტი ამბროქსოლი ალდო-უნიონი

გვერდითი რეაქციების რისკი იზრდება. ამბროქსოლი ალდო-უნიონის გადაჭარბებული დოზის შემთხვევით გადაყლაპვის/მიღების შემთხვევაში დაუყოვნებლივ აცნობეთ ექიმს ან წადით უახლოეს საავადმყოფოში.

თუ დაგავიწყდათ ამბროქსოლი ალდო-უნიონის მიღება

ნუ მიიღებთ ორმაგ დოზას გამოტოვებული დოზის შესავსებად.

თუ შეწყვეტთ ამბროქსოლი ალდო-უნიონის მიღებას

თუ თქვენ გაქვთ რაიმე დამატებითი შეკითხვები ამ პრეპარატის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. შესაძლო გვერდითი ეფექტები

ყველა პრეპარატის მსგავსად, ამ პრეპარატმაც შეიძლება გამოიწვიოს გვერდითი ეფექტები, თუმცა ყველას არ განუვითარდება ისინი.

დაუყოვნებლივ შეწყვიტეთ ამბროქსოლი ალდო-უნიონის მიღება და მიმართეთ ექიმს, თუ განვითარდება რომელიმე შემდეგი დარღვევა: ქავილი, კანზე ლაქები (ჭინჭრის ციება, გამონაყარი), სახის, თვალების, ტუჩების და/ან ყელის შეშუპება (ანგიოედემა) სუნთქვის გაძნელებით ალერგიის (ჰიპერმგრძნობელობის) გამო.

სხვა გვერდითი ეფექტები:

ხშირი (შეიძლება აღენიშნებოდეს 10-დან 1-მდე ადამიანს):

• შეცვლილი ან დაქვეითებული გემოვნების შეგრძნება (დისგევზია).

• დაქვეითებული მგრძნობელობა (ჰიპოესთეზია) პირში ან ხახაში (პირის ღრუში).

• გულისრევა.

არახშირი (შეიძლება აღენიშნებოდეს 100-დან 1-მდე ადამიანს):

• ღებინება.

• დიარეა.

• საჭმლის მონელების გაძნელება (დისპეფსია).

• მუცლის ტკივილი.

• პირის სიმშრალე

იშვიათი (შეიძლება აღენიშნებოდეს 1000-დან 1-მდე ადამიანს):

• თავის ტკივილი;

• ჰიპერმგრძნობელობის რეაქციები;

• გამონაყარი. ჭინჭრის ციება.

უცნობია: (სიხშირე არ შეიძლება შეფასდეს არსებული მონაცემების საფუძველზე):

• ანაფილაქტოიდური რეაქციები, როგორიცაა ანაფილაქსიური შოკი, ანგიონევროზული შეშუპება (კანის, კანქვეშა ქსოვილის, ლორწოვანი გარსების ან ლორწოვანქვეშა ქსოვილის სწრაფად პროგრესირებადი შეშუპება) და ქავილი.

• კანის მძიმე არასასურველი რეაქციები (როგორიცაა მულტიფორმული ერითემა, სტივენს-ჯონსონის სინდრომი, ტოქსიუკური ეპიდერმული ნეკროლიზი და მწვავე გენერალიზებული ეგზანთემატოზური პუსტოლუზი).

• სასუნთქი გზების (ბრონქების) ობსტრუქცია.

• ყელის სიმშრალე.

გვერდითი ეფექტების ანგარიშგება

თუ თქვენ განგივითარდებათ რაიმე გვერდითი ეფექტები, გაესაუბრეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტს, რომელიც არ არის ჩამოთვლილი ამ გამოყენების ინსტრუქციაში. გვერდითი მოვლენების შესახებ შეტყობინების საშუაოლებით თქვენ შეგიძლიათ დაეხმაროთ დამატებითი ინფორმაციის მოწოდებაში ამ პრეპარეატის უსაფრთხოების შესახებ.

5. როგორ ინახება ამბროქსოლი ალდო-უნიონი

შეინახეთ ეს პრეპარატი ბავშვებისთვის მიუწვდომელ და ფარულ ადგილზე.

არ გამოიყენოთ ეს პრეპარატი ვარგისიანობის ვადის გასვლის შემდეგ, რომელიც მითითებულია კოლოფზე, ალუმინის საშეტზე ან ამპულაზე, წარწერა "EXP"-ის შემდეგ. ვარგისიანობის ვადის გასვლის თარიღია მითითებული თვის ბოლო დღე.

ალუმინის საშეტის გახსნის შემდეგ, ერთჯერადი-დოზიანი დოზა ამპულები უნდა ინახებოდეს საშეტის შიგნით, და მისი გამოყენება შეიძლება სამი თვის განმავლობაში.

ნახევარი დოზის გამოყენებისას, ამპულა უნდა ინახებოდეს 2⁰C- 8⁰C ტემპერატურაზე (მაცივარში) და გამოყენებული იქნას 12 საათის განმავლობაში.

არ გადააგდოთ მედიკამენტები კანალიზაციაში ან საყოფაცხოვრებო ნაგავში. განკარგეთ კონტეინერები და მედიკამენტები, რომლებიც აღარ გჭირდებათ SIGRE პუნქტში (SIGRE პუნქტის სიმბოლო] თქვენს აფთიაქში. ჰკითხეთ თქვენს ფარმაცევტს, თუ როგორ უნდა გადააგდოთ პაკეტები და მედიკამენტები, რომლებსაც აღარ იყენებთ. ეს ზომები ხელს შეუწყობს გარემოს დაცვას.

6. შეფუთვის შემცველობა და სხვა ინფორმაცია

რას შეიცავს ამბროქსოლი ალდო-უნიონი

- აქტიური ნივთიერებაა ამბროქსოლი

• სხვა ინგრედიენტებია ნატრიუმის ქლორიდი საინექციო წყალი.

როგორ გამოიყურება ამბროქსოლი ალდო-უნიონი და შეფუთვის შემცველობა

ამბროქსოლი ალდო-უნიონი წარმოდგენილია დაბალ- სიმკვრივიანი პოლიეთილენის 2 მლ-იან ერთჯერად-დოზიან ამპულებში. 5 ამპულის შემცველ ზოლებში, შეფუთულია ალუმინის საშეტში.

ის წარმოდგენილია 2 მლ-იანი 15 ან 30 ამპულის შემცველი პაკეტების სახით.

ყველა ზომის პაკეტი შეიძლება არ იყოს გაყიდვაში.

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.