Alcetin - ალცეტინი 5მგ 20 ტაბლეტი

ფურცელი-ჩანართი

ალცეტინი 5მგ აპკით დაფარული ტაბლეტი

ALCETIN

პერორალური გამოყენებისათვის

• აქტიური ნივთიერება: თითო ტაბლეტი შეიცავს ს5მგ დესლორატადინს

• შემავსებლები: ორჩანაცვლებული კალციუმის ფოსფატის დიჰიდრატი, ლაქტოზას მონოჰიდრატი, ჰიპერმელოზა, მიკროკრისტალური ცელულოზა, სიმინდის

სახამებელი, ტალკი, ტიტანის დიოქსიდი, პოლიეთილენ გლიკოლი, FD&C ლურჯი #2

პრეპარატის გამოყენებამდე ყურადღებით გაეცანით წინამდებარე ფურცელ-ჩანართს, რადგან მასში მოცემულია თქვენთვის მნიშვნელოვანი ინფორმაცია.

• შეინახეთ ფურცელი-ჩანართი. შესაძლოა კვლავ დაგჭირდეთ.

• დამატებითი შეკითხვების შემთხვევაში მიმართეთ ექიმს ან ფარმაცევტს.

• პრეპარატი ინიშნება ინდივიდუალურად; არ გადასცეთ სხვებს.

• მკურნალობის პერიოდში ექიმთან ან საავადმყოფოში ვიზიტის დროს აცნობეთ ექიმს, რომ ღებულობთ აღნიშნულ პრეპარატს.

• ზუსტად დაიცავით ფურცელ-ჩანართში მოცემული მითითებები. არ მიიღოთ რეკომენდირებულზე მაღალი ან დაბალი დოზა.

 

ფურცელ-ჩანართში იხილავთ:

1. რა არის ალცეტინი და რისთვის გამოიყენება

2. ალცეტინის მიღებამდე

3. ალცეტინის მიღების წესი

4. მოსალოდნელი გვერდითი ეფექტები

5. ალცეტინის შენახვის პირობები

1. რა არის ალცეტინი და რისთვის გამოიყენება

ალცეტინი 5მგ აპკით დაფარული, ღია ლურჯი, მრგვალი ტაბლეტები ხელმისაწვდომია ბლისტერულ შეფუთვაში 20 ცალის ოდენობით.

ალცეტინი წარმოადგენს ალერგიის საწინააღმდეგო საშუალებას, რომელიც არ იწვევს ძილიანობას. პრეპარატი ხელს უწყობს ალერგიული რეაქციების და ალერგიის სიმპტომების გაკონტროლებას.

ალცეტინი ხსნის ალერგიული რინიტით გამოწვეულ სიმპტომებს, როგორიც არის ცემინება, ცხვირიდან გამონადენი ან ქავილი, სასის ქავლი, თვალების ქავილი, სიწითლე და ცრემლდენა (მაგ: თივის ცხელება ან ალერგია ოთახის მტვრის ტკიპაზე). ალცეტინი ასევე გამოიყენება ისეთი სიმპტომების მოსახსნელად, როგორიც არის ქავილის ჭინჭრის ციების თანხლებით, კანის შეშუპება და სიწითლე.

პრეპარატი ხნის სიმპტომებს მთელი დღე და არ აფერხებს ყოველდღიურ საქმიანობას და ძილს.

2. ალცეტინის მიღებამდე არ მიიღოთ ალცეტინი თუ

- თუ გაქვთ ჰიპერმგრძნობელობა (ალერგია) დესლორატადინის, ლორატადინის ან ალცეტინის რომელიმე სხვა ინგრედიენტის მიმართ.

განსაკუთრებული სიფრთხილით მიიღეთ ალცეტინი თუ - დაქვეითებულია თირკმლის ფუნქცია.
კონსულტაციისათვის მიმართეთ ექიმს თუ რომელიმე გაფრთხილება ოდესმე გეხებოდათ თქვენ.

ალცეტინის მიღება საკვებთან და სასმელთან

ალცეტინის მიღება შესაძლებელია კვებისგან დამოუკიდებლად.

ორსულობა

პრეპარატის მიღებამდე კონსულტაციისათვის მიმართეთ ექიმს ან ფარმაცევტს.

თუ ორსულად ხართ არ მიიღოთ ალცეტინი.

თუ მკურნალობის პერიოდში აღმოაჩენთ, რომ ორსულად ხართ დაუყოვნებლივ მიმართეთ ექიმს ან ფარმაცევტს.

ლაქტაცია

პრეპარატის მიღებამდე კონსულტაციისათვის მიმართეთ ექიმს ან ფარმაცევტს.

ძუძუთი კვების პერიოდში არ მიიღოთ ალცეტინი.

ტრანსპორტის მართვა და მექანიზმების გამოყენება

რეკომენდირებული დოზების მიღებისას ალცეტინი არ იწვევს ძილიანობას ან სიფხიზლის დაქვეითებას. თუმცა ძალიან იშვიათად აღინიშნება ძილიანობა, რამაც შესაძლოა იმოქმედოს ტრანსპორტის მართვის ან მექანიზმების გამოყენების უნარზე. მნიშვნელოვანი ინფორმაცია ალცეტინის ზოგიერთი ინგრედიენტის შესახებ

ეს პრეპარატი შეიცავს ლაქტოზას (რძის შაქარი). თუ ექიმისაგან ინფორმირებული ხართ, რომ ვერ იტანთ შაქრის გარკვეულ ტიპებს პრეპარატის მიღებამდე მიმართეთ ექიმს.

სხვა პრეპარატების მიღება

ალცეტინის ურთიერთქმედება სხვა პრეპარატებთან არ არის ცნობილი.

აცნობეთ ექიმს ან ფარმაცევტს თუ ამჟამად ღებულობთ ან ბოლო პერიოდში ღებულობდით ნებისმიერი სხვა, რეცეპტით ან ურეცეპტოდ შეძენილ პრეპარატს.

3. ალცეტინის მიღების წესი

პრეპარატის სათანადოდ გამოყენებასთან და დოზებთან/მიღების სიხშირესთან დაკავშირებული მითითებები:

მოზრდილები და ≥12 წლის მოზარდები: ერთი ტაბლეტი დღეში ერთჯერ. ტაბლეტი მიიღება წყალთან ერთად, კვებისგან დამოუკიდებლად.

ექიმი განსაზღვრავს ალერგიული რინიტის ტიპს და გადაწყვეტს მკურნალობის ხანგრძლივობას.

თუ გაქვთ პერიოდული ალერგიული რინიტი (სიმპტომები გრძელდება კვირაში <4 დღე ან <4 კვირა) ექიმი შეისწავლის დაავადების ანამნეზს და გირჩევთ მკურნალობის შესაბამის რეჟიმს.

თუ გაქვთ ქრონიკული ალერგიული რინიტი (სიმპტომები ნარჩუნდება ≥4 დღე კვირაში ან >4 კვირა) ექიმმა შესაძლოა დანიშნოს უფრო ხანგრძლივი მკურნალობა.

ჭინჭრის ციების შემთხვევაში მკურნალობა შეიძლება განსხვავდებოდეს სხვადასხვა პაციენტებში და შესაბამისად დაიცავით ექიმის მითითებები.

მიღების გზა და მეთოდი:

გადაყლაპეთ ტაბლეტი მთლინად საკვებთან ერთად ან საკვების გარეშე, მიაყოლეთ

წყალი. მკურნალობა უნდა განაგრძოთ ექიმის მიერ რეკომენდირებული პერიოდით.

სხვადასხვა ასაკობრივი ჯგუფები:
ბავშვები:

ალცეტინი გამოიყენება მხოლოდ მოზრდილებში და ≥12 წლის მოზარდებში.

ხანდაზმულები:

ალცეტინის ეფექტურობა და უსაფრთხოება ხანდაზმულებში არ არის დადგენილი.

განსაკუთრებული შემთხვევები:
პრეპარატის გამოყენება ღვიძლის უკმარისობის დროს:

მონაცემები არ მოიპოვება ღვიძლის უკმარისობის დროს პრეპარატის გამოყენების შესახებ.

პრეპარატის გამოყენება თირკმლის უკმარისობის დროს:

ალცეტინი სიფრთხილით მიიღება თირკმლის მწვავე უკმარისობის დროს.

თუ ფიქრობთ, რომ ალცეტინის ეფექტი ზედმეტად ძლიერი ან სუსტია კონსულტაციისათვის მიმართეთ ექიმს ან ფარმაცევტს.

თუ მიიღეთ ალცეტინის ჭარბი დოზა

ალცეტინი მიიღეთ დანიშნულების მიხედვით. დოზის გადაჭარბების შემთხვევაში სერიოზული პრობლემები არ არის მოსალოდნელი.

თუ მიიღეთ ალცეტინის ჭარბი დოზა მიმართეთ ექიმს ან ფარმაცევტს. თუ დაგავიწყდათ ალცეტინის მიღება

თუ გამოგრჩათ დოზა მიიღეთ იგი გახსენებისთანავე, შემდეგ განაგრძეთ მკურნალობის სტანდარტული რეჟიმი.

დაუშვებელია დოზის გამორმაგება გამოტოვებული დოზის ანაზღაურების მიზნით. ალცეტინის შეწყვეტასთან დაკავშირებული მოსალოდენლი ეფექტები

არ დაფიქსირებულა.

4. მოსალოდნელი გვერდითი ეფექტები

სხვა პრეპარატების მსგავსად ალცეტინმაც შესაძლოა გამოიწვიოს გვერდითი ეფექტები ისეთ პაციენტებში, რომელთაც აღენიშნებათ პრეპრატის ინგრედიენტების მიმართ მგრძნობელობა. მოზრდილებში გვერდითი ეფექტები ისეთივეა, როგორც პლაცებოს (არასამკურნალო პრეპარატი) შემთხვევაში. თუმცა პლაცებოსთან შედარებით უფრო ხშირად აღინიშნა დაღლილობა, პირის სიმშრალე და თავის ტკივილი. მოზარდებში თავის ტკივილი ყველაზე მეტად გავრცელებული გვერდითი ეფექტია.

გავრცელებული: დაღლილობა

ნაკლებად გავრცელებული: პირის სიმშრალე, თავის ტკივილი.

ეს ეფექტები მსუბუქი ხასიათისაა.

ძალიან იშვიათი: ალერგიული რეაქციები (სუნთქვის გართულება, ხიხინი, ქავილი, ჭინჭრის ციება, გამონაყარი), ბოდვა, დამბლა, მოუსვენრობა მოძრაობის გაძლიერებით, გულის ფრიალი, გულისცემის აჩქარება, ღვიძლის ფუნქციური ტესტების მაჩვენებლების გადახრები, ღვიძლის ანთება, თავბრუსხვევა, ფიზიკური და გონებრივი ჰიპერაქტიურობა, მუცლის ტკივილი, გულისრევა, ღებინება, დიარეა, უძილობა, ძილიანობა, კუნთების ტკივილი, შეშუპება.

აცნობეთ ექიმს ან ფარმაცევტს თუ შენიშნავთ ისეთ გვერდით ეფექტს, რომელიც არ არის მოცემული აღნიშნულ ფურცელ-ჩანართში.

5. ალცეტინის შენახვის პირობები
შეინახეთ ოთახის ტემპერატურაზე 25 C, მოარიდეთ ნესტს.
შეინახეთ შეფუთვაში და მოარიდეთ ბავშვებს.

გამოიყენეთ ვარგისიანობის ვადის შესაბამისად.

ალცეტინი არ გამოიყენება შეფუთვაზე მითითებული ვარგისიანობის ვადის გასვლის შემდეგ.

არ მიიღოთ ალცეტინი თუ შენიშნავთ ტაბლეტის ვიზუალურ ცვლილებას, მიმართეთ ფარმაცევტს.

გაცემის წესი:ფარმაცევტული პროდუქტის ჯგუფი III, გაიცემა რეცეპტის გარეშე.

სარეგისტრაციო მოწმობის მფლობელი:
ilko ilaC san. ve tik a.S. (İlaç San. ve Tic. A.Ş.)

ვეისელ კარანი მაჰ. ჩოლაკოღლუს ქ.10, 34885, სანკაკტეპე, სტამბული- თურქეთი

მწარმოებელი:
ilko ilaC san. ve tik a.S. (İlaç San. ve Tic. A.Ş.)

3. ორგანაიზ სანაი ბოლგესი კუდუსი კად.23 ქ.#1 სელჩუკლუ/კონია-თურქეთი.